名代宇奈備長炭燒鰻魚飯專門店 (iSQUARE國際廣場) (已結業)

昨日路徑尖沙咀，忽然想起附近有間「日本鰻魚專門店」，原來此店位於國際廣場樓上。經過幾折電梯終於到達，此時大約12:30左右，店內約有四分一顧客，心想今天一定能享受到極佳的美食。于是點了一個雙重鰻魚飯和重鰻魚飯，不久雙重鰻魚飯來了，我心急馬上享用，可是魚和飯在嘴裡的感覺是溫的（大約只有40度熱量），當時心想再也不會來了。但當另一重鰻魚飯的到來，却是一碗該有的熱度和一絲魚皮的脆度，此時馬上聯絡店主管，回覆是可能放久了！但主管的態度很好，并說：可以再做一份；我拒絕了。這樣的品質，與服務人員無關，是此店最關鍵的廚房之過，這完全對不起食物，對不起自己的職業，更對不起顧客。希望貴店有幸看到此評，深思一下吧！

香港開左甘耐都冇試過，今天放工黎食lunch, 吾洗排隊！ 一個叫鰻魚丼，一個叫雙層鰻魚丼！落左單，好快就黎。鰻魚肥美，我覺得吾夠脆，我鐘意燒燶D，不過都好好食，尼個價錢不貴，又響iSquare. 算好好。不過飯吾夠黏，冇珍珠米既感覺，汁覺得少左D，吾夠佐飯，不過好味吾鹹。

期待已久！終於食到呢個日本過江嘅炭燒鰻魚專門店，而且仲係首間海外分店，好興奮呀，今次真係比埋條命佢去食 😍 一行埋門面就透過透明玻璃見到佢用備長炭去燒鰻魚，即叫即燒，所以入到去等左半個鐘先有得食，我就叫左最平嘅 #鰻魚丼 $68，得 4 分之 1 尾嘅鰻魚，抵唔抵食就見仁見智，我就覺得免費都唔抵啦，首先呢，就唔知係咪唔識燒，就燒得燶左啲，其二，唔知係咪燒得耐得制，夾兩夾就散哂，食落口感又散又燶味濃，最重要嘅一點真係得呢到先有，我未食過咁乸多骨嘅鰻魚，啲骨仲要係咬唔碎好大條吞唔到落口，食食下條喉嚨差啲猝死，貼錢買難受，豬 💕❤️-名代宇奈備長炭燒鰻魚飯專門店尖沙咀 iSQUARE 國際廣場樓 304 號舖銅鑼灣希慎廣場 12 樓 1202 號舖

同朋友去食尼間饅魚飯，有不愉快經歷！首先等位等左 10 分鐘，冇職員叫你入去坐，重點係間野冇咩人都幾空！d 員工笑容都冇，個個都黑口黑面！個感覺完全超級差到上餐個時，原本叫 $68 個飯，點知來左個 $158！重點我地差唔多食完先來講，仲要係個經理話收返我貴個價錢勁 cheap 囉！明明係你地出錯之後推返比 d 客！以後唔會再去尼間食！

名代宇奈呢間過江龍鰻魚飯，喺日本已經出名抵食。香港之前都要排長龍，今次又等得唔耐，大概10mins，排隊時已經見到師傅喺到炭烤鰻魚。鰻魚燒玉子 $68 燒玉子係我嘅至愛，見到數量限定緊係試下啦。燒玉子熱辣辣，蛋味蓋過鰻魚味，下次試下鰻魚冷豆腐先。鰻魚重 特上$158 唔需要叫特大，特上嘅鰻魚都幾大份。唔太食得出炭烤味，鰻魚烤得香口會更佳，以及醬汁唔多夠。鰻魚飯 三食$88 之前都喺名古屋食過鰻魚三食，呢個當然唔可以同日本比較啦，但就勝在抵食。侍應會教你分4份食，第一份係食原味，第二份配上茶湯，變成茶漬飯，第三份係配上wasabi，最後一份係揀選你最喜愛嘅。我就喜歡茶漬飯，冇咁油膩。整體上一般，但以日本鰻魚飯就抵食。

日本好多鰻魚飯專門店，佢地可以好專注，獨沽一味賣一樣食物，一做就做幾十年甚至過百年，呢間商場入面既餐廳又夠膽話自己係鰻魚飯專門店，就去試下你咩料鰻魚飯三食：跟日本啲三食飯，4份1就咁食；4份一撈wasabi食；4份1加茶當茶漬飯食；最後4份1任君自由發揮可惜呀～ 個飯好玩得黎個味道都唔差，但啲鰻魚切到碎濕濕，食落口感同味道都似穴子，連顏色都似穴子。。。穴子平過鰻魚好多呀。。。我唔係專家，唔夠膽話啲魚一定係穴子，只係我食落口覺得佢似穴子多過鰻魚囉。。。鰻魚肝湯：跟餐加咗個鰻魚肝湯，我完全揾唔到有魚肝。。。魚腸就好似有條個湯仲清過啲麵豉湯，真係唔知自己飲緊咩。。。總結：好麻麻，同日本既鰻魚飯無得揮之餘，仲唔知自己食緊既係咩。。。

時間充裕的星期天，應該係放鬆心情休息一下啊☀️上午響尖沙嘴扮完令令之後，就去左我一直想食嘅鰻魚重(即係鰻魚飯嘅意思)去到嘅時候，係正午十二時多，餐廳𥚃面已經有幾枱客人，好彩不用排隊🤓係咪買鰻魚嘅地方色系都係較為沉色呢⋯⋯日本🇯🇵都好似咁𠺢🤔1.鰻魚重 特上 $158等待⌛️了大概十分鐘，就有得食喇，鰻魚表面燒至脆香，肉質豐厚，滲出油香2.赤味噌湯 $15當然要配上味噌汁啦，不過下次應該遲少少才點湯，只因一上菜便是湯了，等到飯到湯都已經放涼了😔（星期一至五，配餐+10味噌汁和漬物）

去Isquare 睇完戲，咁岩見到呢間鰻魚飯店，睇落好似好吸引，仲要係備長炭燒，係日本食過備長炭燒鰻魚好正，上網search下先發現呢間店係日本都好有名氣，擇日不如撞日就食啦！先order一個雙層鰻魚丼，炭燒鰻魚燒得好焦香，配上濃濃又香甜既鰻魚汁，一流！好滋味，食多幾口白飯都得！呢度白飯仲可以免費加大，讚！再黎一個鰻魚飯三食，分別係原味、茶漬同埋撈wasabi食～一粒粒既鰻魚都好夠入味，然後加左茶黎食泡飯都唔錯，茶湯好清甜～對我黎講，加wasabi食都幾特別，幾新鮮既嘗試另外，小食鰻平燒都好正，估唔到呢個鰻魚奄烈有咁多芽菜，幾清新爽口既配搭，醬汁同沙律汁配埋滑溜既蛋好夾好yummy!

今天和老公逛街逛到iSquare，上到3樓見到有一間鰻魚專門店，見到餐廳門口有個職員哥哥在新鮮即燒，再望一望個餐牌好像好吸引，於是就決定進去試一下。我點了一個溫泉鰻魚丼，因為那個溫泉蛋實在太吸引我了，而且飯面鋪了好多好多葱，賣相有點像我在東京試過的一間燒鰻魚店。我老公點了一個HKD68的鰻魚丼，加飯底，而餐廳加飯底是免費的。另外點了一個秋葵鰻魚冷豆腐小食和鰻魚肝湯。等了10分鐘左右，我的溫泉蛋鰻魚丼先上枱，先試一下鰻魚，有點失望。可能因為個賣相令我期望太高，而失準的是鰻魚有點魚腥味，而且口感好淋，咬下去有D霉的感覺，沒有了鰻魚肉的質感。至於白飯底普普通通，沒有日本飯的黏性。而老公的普通鰻魚丼就不過不失，但是鰻魚偏薄，比較瘦。鰻魚汁味道剛剛好，還可以。反而我覺得鰻魚干湯味道不錯！這家店主打鰻魚，但是我覺得主角還是普普通通，不過不失，沒什麼驚喜。可能之前在日本吃得太多新鮮地道鰻魚，所以要求比較高。只要不要用期望太高的心態就可以。

各大社交平台媒體報左好多呢間鰻魚飯，今次行經尖沙咀一於去試試。本身都有少少期待，但係事實又再一次證明呢d煲得好勁既餐廳只會令人失望。 條鰻魚多骨已經扣晒分，肉質仲要好軟林林 唔只鰻魚肉，就連d飯都好好好林… 至於鰻魚飯好重要個醤又太甜… 唉 我真係唔知係我要求高定佢呢個味唔合我口味。但我真係無下次喇。

其實早早就聽聞過日本有間人氣爆燈既鰻魚飯專門店 期待已久原來12月係香港開設首間海外店 愛吃既n_cc又點會錯過  一於拉埋愛吃既親朋一齊去試試名代宇奈是日本人氣鰻魚飯專門店 以高級備長炭將鰻魚現烤 令鰻魚油香散發得淋漓盡致 更特別選用日本進口既香米及醬油讓平民也可隨時以合理價錢享用美味鰻魚飯  品嚐到正宗的日本味道 翻開餐牌 菜單款式種類雖然不算多 不過勝在每款均別具特色鰻魚丼 實在是必食推介 鰻魚肉肉質細嫩 油脂豐富 鰻魚醬汁分佈平均 加上肉身一定厚度 充滿著滿滿油香 吃著不油膩熱愛鰻魚愛好者必定喜愛 鰻魚飯 三食精緻而且豐富既賣相伴以三種食法 – 原味、配料及茶漬 以多重感觀可以細味鰻魚的美味 鰻魚口感層次豐富 最欣賞是用上wasabi後唔會因為wasabi既嗆鼻而令鰻魚味減弱 反而味覺更為提昇 味道鮮甜 甚為驚艷鰻魚燒玉子 鰻魚配上雞蛋 每一口都充滿鰻魚及雞蛋香氣 香軟柔滑可口 一口一滿足 不過略嫌鰻魚肉較少 不能兩者平衡鰻魚天婦羅 用上鰻魚肉新鮮即炸 香口鬆脆而不油膩 性價比高 實在值得一試 總說是沒有令人失望 不過亦沒有太大驚喜 期望

2019年4月19日 (星期五) 6:00pm 24°C 餐廳設計以黑色為主，配合深咖啡色木餐桌、黑色鐵椅子和紅色梳化，符合日本備長炭的獨特形象。 環境光亮整潔，餐具乾淨。 人數：2 人 HK$274 不用等位 雙層鰻魚丼 - 熱騰騰，香噴噴，魚肉滑溜不腥臊，帶有煙燻氣味，但有不少魚骨，要略加注意，故未能好好盡情地吃。由於白飯免費加大了份量，使醬汁明顯不足夠，令味道偏淡，可惜啊！同時，對於男生來說，如果不加大飯量的話，應該一定不飽肚呢 ~  鰻魚天婦羅 - 炸得相當脆口，每啖咬下均發出卜卜聲，而內裏魚質軟綿，感覺非常佳。【推介之選】❤❤❤ 《 餐 牌 》：''【 溫 馨 提 示】：❶ 免費加大飯量❷ 另收加一服務費

今次是第2次來食，雖然第1次是剛開業期間，排隊都差不多要一個鐘，但由於cp值高，實在令人回味。適逢今日lunch time經過，發現竟然不用排隊！哈哈 天助我也😆落單後不用等太耐，一個鰻魚重就熱辣辣地奉上。鰻魚一如既往地充滿炭燒香味，而且肉質肥美👍🏻但近尾位食到有不少魚骨，對於一個怕魚骨的我來說，不能夠大啖大啖地享受，感覺上差左一點。😓但最令我失望的竟然是飯太硬？！這是一個不應該存在的過錯呀！加上汁太多，over左，令整個飯味道都略鹹。☹️真的意想不到第1次和第2次食的落差這麼大🤷🏻‍♀️究竟是我不好彩，還是餐廳的水準飄忽不定呢？

今晚去咗iSquare呢間專食炭燒鰻魚嘅餐廳。星期二晚上呢度嘅人流唔多，唔需要排隊就直接可以入內。喺門口嘅位置係透明玻璃可以望到廚房裏邊嘅員工好努力咁樣燒緊鰻魚，見到咁多鰻魚真係非常之吸引。裏面都仲有好多空位。餐牌上面全部食物都有鰻魚，非常適合鰻魚控。點左一個鰻魚重特上飯，有半條嘅鰻魚，份量同價錢都合理。條鰻魚真係燒得好靚。咬落去又真係啖啖肉，不過就有啲失望，因為鰻魚嘅肉質唔夠肥美，唔知係條魚唔夠油脂抑或系可能燒得有啲過火，肉質有點嚡口。另外鰻魚汁味道適中，唔會太甜， 混埋飯一齊食好好味。

我係一個鰻魚控，但係我老婆麻麻，所以我多數lunch Time自己去食。呢間日本過江龍一開，排隊排到好誇張，所以我都係近排先黎試。呢度嘅鰻魚飯有好多種，主要係分部位同埋重量。我今次叫嘅係鰻魚重($98)，佢係屬於魚尾嘅部份，冇咁肥。鰻魚燒得好香，鰻魚汁亦都好濃，但係又未至於10分出色，總係有啲唔係太滿足。我上次食嘅雙層鰻魚丼，條鰻魚係屬於中間嘅部位，肥美好多，好食好多，亦只不過係多$10，所以我會建議大家食呢個。😊仲有，茄飯係免費的，最適合我呢啲鍾意食飯嘅人。