味仟食店

營業中

休息中

天氣涼涼地點少得煲仔飯🤤又是吃煲仔飯的旺季，飯焦好想食煲仔飯看似易煮，但要做到香噴噴、有飯焦而又唔燶，其實很考功夫元朗都有好食嘅煲仔飯，仲要有飯焦🤤吃煲仔飯最喜歡的是那層脆卜卜的飯焦，煲仔飯飯焦夠多 👍👍👍今晚要食飯焦，三個字形容:平靚正50蚊個煲仔飯真心底食，仲要好味， 有飯焦。即叫即煲要等10分鐘今晚試左:臘味煲仔飯/ 冬菇滑雞煲仔飯野飲加$5蚊如果鍾意多餸加錢6蚊可以多一個餸餐牌上款式都多冬菇滑雞煲仔飯北菇很厚肉，跟鮮雞味很夾，兩者肉汁滲到飯中，調味、火候控制超高水準！水份控制得好，夠乾身，飯吸收了臘味油香、雞汁及冬菇的香味。臘味煲仔飯臘腸、膶腸的味道、質感好好。雖然所有臘味都是蒸好再連汁放回煲仔飯上，但米飯保持鬆軟，撈埋臘味汁，效果又幾好。

午餐過後，繼續在元朗辦事，友人專程到來一起共晉晚餐。在寒凍的天氣下，吃煲仔飯自是不二之選。臘味煲仔飯實乃煲仔飯中的經典，追求的自然是那臘腸臘肉滲入飯裡的油香，一掀起煲蓋，那股香氣直撲而上，未吃已令人垂涎。不過臘味的份量偏少，即使有飯焦，食味還算不差，仍然好像一直吃著美味的豉油撈飯。另一煲是黃鱔煲仔飯，油份不多，算是一煲很清的煲仔飯。黃鱔肉未為十分肥美，有些薑絲和蔥絲去除腥味，仍可接受。煲仔飯之外還要了一客魚香茄子煲，油水太多，沒多少魚香，幸茄子仍有一梳梳茄肉，索了汁佐飯不錯。未到滿分，幸未頹爆。

星期又轉冷這天氣又怎能少了煲仔飯呢一提到煲仔飯 通常第一時間就會想到廟街可是人總有墮性 既然元朗有評價好的煲仔飯幹嘛還要出去呀🤷🏼‍♀️.大約6:30來到 已經看到人潮小店看上去簡陋 沒有什麼裝潢可言加起來大約11個位置左右如果第一次約會 還是不要帶女朋友來除非你想成為煲仔飯上其中一款配料.大約等了一個小時終於可以入座入座前店家會先讓顧客點餐因為這家煲仔飯標榜是炭火燒的大約半小時才能完成一鍋煲仔飯.一上桌就傳來陣陣香味瓦煲下有一塊厚木板墊著可以想像到 到底這鍋煲仔飯有多燙附著煲仔飯的是一瓶醬油可以自行決定咸度.鮮雞臘腸煲仔飯 $54鮮雞的肉很滑嫩 可能用的是冰鮮雞缺乏雞味 沒辦法 都是通病臘腸很好吃 咬下口是脆的 而且甜味會慢慢散出來飯也吸收了臘腸的香味令人吃完一口接一口.魚腩潤腸煲仔飯 $54魚腩份量也適中魚肉嫩滑 骨頭都是大根大根不會吐魚骨頭的人 也能應付而且上面放了薑絲 減少腥味可是潤腸卻一般外皮有點咬不斷 裡面的肉一咬就散開.吃煲仔飯最重要的是飯焦這家做得很出色飯不會太硬 濕潤飽滿 但不會軟綿綿飯焦不止是一兩粒飯上 到最後真的是可以整塊起出來的吃完就想帶我媽來 她是飯焦的粉絲🙄

甚少在元朗搵食我一直沒甚機會嘗到元朗區內的美食，這一晚剛好在元朗，又剛好想食煲仔飯，在網上找到這間好評不少，所以直衝過去到埗後先見到幾多個人坐在門口，便知道是等位中，再看一看店裏小小的擠了10幾個人，再看看餐牌50幾蚊個煲仔飯你想點？條龍不算長，店員都有禮地叫我地跟隊，諗定食咩落定order,我決定要鮮雞拼潤腸飯！等了一會入坐，再等了一會煲仔飯到了！由於是星期六晚所以不想計等左幾耐，反正是可以接受的時間。自由淋上豉油，即聽到煲底的滋滋聲，非常熱！飯粒偏碎，軟硬乾濕適中，雞件老實講得一兩件有肉食，50幾蚊個飯你想點？成雞梗係有不同部位，所以無所謂，肉很軟，潤腸很濃味帶點酒香，早知加多條腸就有孖腸，雙拼唔揚聲就只有一條，並不夠喉！此價錢此質素，一人一煲飯加個菜飲埋野都係8-90蚊，一樂也我不是嗜飯焦的人，所以冇要求，但見人哋食係有嘅總括來說，店子簡陋，服務出乎意料的好，沒有燥底或黑面的人，食物性價比高，沒有不試的道理

是咁的，有日經過呢間小店坐滿又香噴噴，就隨便叫左個煲仔飯同炒菜翻屋企食下，都唔差可以再食既之但係又有日去買外賣，叫左個毛家黃鱔煲仔飯＆滋味毛家辣魚腩煲，有Ｄ失望呢黃鱔煲仔飯本應係叫左毛家黃鱔煲仔飯，毛家唔知偷走左去邊，得翻黃鱔煲仔飯（毛家要加多２蚊）味道正常，黃鱔唔腥亦冇魚味。小店抵讚會刮埋飯焦俾你喔～滋味毛家辣魚腩煲想像唔到堂食的話見到個煲得3舊魚腩係咩感受，而外賣就是咁的。魚腩有點腥，醬汁唔入味，唔太OKAY毛家又走左佬，魚腩又走埋，人又唔飽，２蚊又冇埋。不過～其實店家都幾努力，見佢開店都早開晚收而且第一次食既外賣係正常既。希望店家多留意食物質素，唔好白費努力

外貌不起眼的味仟店, 是一眾元朗人的隱藏版美食。雖然夏天來寫煲仔飯, 看著也有一點熱, 但這個熱騰騰的炭爐煲仔飯, 真的是吸引到我味蕾, 無論冬夏, 也會偶爾到訪。最愛吃的, 一直都是他們家的「毛家雞」煲仔飯。這個年頭, 真正的炭火煲仔飯不多, 經過炭火的洗飯, 白米飯粒粒分明, 配上香辣又嫩滑毛家雞件, 再加隻咸蛋, 淋上豉油, 惹味好食！一煲美味煲仔飯的構成, 除了餸料和飯粒, 最重要的就是煲底那堆焦香滿滿的邪惡飯焦, 三個原素, 相輔相成, 而今天的這煲煲仔飯,  飯焦不會過於燶焦而且可整塊刮起, perfect池。

這裡的煲仔飯沒有靈魂啊.....食物食而無味，完全沒有食材應有的鮮甜原味，這是麼回事啊？我想說既然都還願意使用很花時間的碳爐來煲飯了，那為何不採用新鮮的食材呢？－－－－－－以上是結論－－－－－－－曾經經過這間小店面2-3次，店面其貌不揚舊舊的座位很少，但每每經過都有不少人排隊等候用餐，才發現原來它的煲仔飯是用炭爐燒的，好懷念啊～昨晚特地早點到，不想排隊，跟先生點了兩個煲仔飯，如下：臘腸\肉餅雙拼煲仔飯HK$54一上桌掀蓋馬上聞到微微的酸味，再湊近一點聞完全聞不到肉餅的肉香味？心裡頭突然覺得一陣不妙...夾一口肉餅吃進嘴裡別說沒有肉香了，連肉餅本身的豬肉彈性都沒有（一撇嘢），很顯然食材根本不新鮮而且應該已經冷凍太久了。接下來咬一口臘腸，腸衣咬不斷但蠟腸肉進到嘴裡還沒咀嚼就完全散開來，一樣是令人感到一陣疑惑，我吃在吃臘腸嗎？黃鱔\田雞雙拼煲仔飯 HK$66接著我心急地吃一口先生點黃鱔......雖說食材煮熟再吃比較安全，但是如果煮到食物一整個乾蒸蒸好柴（好鞋啊），那不就浪費了食材？唉，也是沒有黃鱔的味道！田雞呢？會不會好一點......田雞肉應該蠻鮮甜的，但是，我。錯。了。田雞本人也是一整

一個好的煲仔飯最重要係飯焦，味仟做到！雖然等左差唔多四十五分鐘不過毛家雞無令我失望，味道偏辣，十分開胃，食唔到好辣可以叫靚女少D辣，肉餅肉質鮮嫩，好入味。不過飲料比較貴（$12）

高溫之下，選擇左食熱辣辣既煲仔飯。雖然沿途都有好多野食，但我都堅持食呢間隱世元朗煲仔飯店味仟店。呢度平時真係唔會點行開對於我黎講，因為周圍都係車行，除非街坊或熟呢度先會行。煲仔飯點可以唔食雞同肉餅? 我就叫左毛家雞拼肉餅。由於碳爐燒關係，所以要等下😊打開蓋超香蒜頭，辣椒，蔥味😆其實飯唔使落太多豉油已經好夠味，因為啲調味料非常惹味，撈勻食好正。雞用左大量米酒醃，煲仔煲出酒雞肉鮮甜嫩滑，咁先係真正煲仔飯。

工作中超趕食飯，去到邊食到邊！今日去到元朗！幾個人去到呢間，門面勁殘舊！店內好細！只有2張枱，入內灰灰黑黑！冷氣都唔覺得有！近門口麵檔（真心唔會入呢種店）食物以粉面為主！午間時間咁光猛，麵檔內都黑媽媽！只有一個婆婆一腳踢！叫了食品婆婆在麵檔努力！想快結果慢！牛腩麵（$28）婆婆出來通知，麵只有油麵及粗麵一個，話啲麵未返，結果我同事食粗麵，我食油麵！粉麵份量唔大！油麵粗身彈牙！但湯底無味！油麵入唔到味道，好少見粉麵用粗通菜，今日比較嚡，所以最後只食咗啲葉！連衣牛腩炆得淋但太鹹！最後我只食咗一半就放棄！婆婆態度正常！食物其實佢已經盡力整！不過環境唔好！連廁所都係維修無得用！真心唔會再來

將元朗說是美食之區真的擔當得起! 貴至過千元的日本料理, 平至十元八塊的豆腐花, 串燒。區內形形色色的食肆什麼都有, 就連僅存的炭火煲仔飯都有!未食五月糭, 寒衣勿入籠。 3月上旬寒流再侵港, 自然想起熱辣辣的煲仔飯。位於元朗安興街外貌不起眼的味仟店, 平時經過光看門面都不知道原來煲仔飯了得!食店小小, 座位得11個, 裝潢是欠奉, 女生可能會覺得有點髒, 這地茂風味正正是吃好東西的地方。全店只由一位婆婆和一位姐姐經營, 晚飯時間, 人多時候, 真的忙到不可交開。 店主屈於小小廚房, 獨鬥十幾個煲仔飯, 調理全店食客的煲仔飯。煮煲仔飯, 落米加水, 控制火喉, 煮料調味, 一煲差不多要半個鐘, 由頭到尾, 一手一腳, 弄得不足三百呎的鋪仔外, 總有人排排坐, 求煲熱辣辣靚飯, 不惜一等再等。全店都彌漫香噴噴的炭火煲仔味, 每當遞上剛燒好吱吱聲響的煲仔, 打開瓦煲蓋, 香氣立即湧出, 大家都不禁說聲:好香啊! 縱然臘味跟煲仔飯是匹配, 但臘味不是我們心頭好, 所以專注肉餅上。梅菜肉餅$52迅速加些豉油, 與飯再同焗, 生熟剛好。 用炭火燒但火喉控制得很好, 小店用上不太索水的泰國米, 飯

間鋪好偏僻，要行過好多巷仔先行到去一去到嚇左我一驚鋪頭入面好細，我唔知平時係唔係都唔開出邊，但今日年廿九淨係開入邊得嗰3張枱仔其實容納唔到好多人我叫左個雙雞煲仔飯（田雞拼雞肉），一上煲就問洗唔洗開蓋，心急嘅我當然係即刻開啦，開左之後加左d豉油就係咁撈飯硬硬地，有飯焦，但對我黎講有d偏燶，搞到d飯好大浸燶味，但不得不說d田雞同雞肉幾鮮，肉嫩鮮甜，叫左杯華田飲不過好淡至於老闆娘好nice，好好招呼客人，叫我地耐心等位，入到去又擔櫈比我地擺野鋪頭雖然細但overall我覺得不錯的

炭火煲仔飯今日慕名而來的後巷煲仔飯十幾年在元朗的老店，店內好似一個十幾年都沒有裝修過的地方，對環境有要求的來之前要有心理準備食辣既就一定要點呢度既毛家秘製醬汁我地點左個有辣既黃鱔煲仔飯同臘味排骨飯煲仔飯用炭爐燒，所以都要等十幾二十分鐘上枱後後老闆娘會問你要唔要揭蓋我仲以為要蓋住焗耐d先有飯焦 老闆娘糾正話原來其實即刻打開就得因為用左炭爐焗過煲仔飯上到嚟好香，飯粒分明飯粒屬於細長形其實唔駛再落豉油都好夠味尤其是毛家辣醬，成煲飯都有味，亦唔算好辣反而黃鱔我覺得比較少臘味會有臘腸，膶腸同臘肉可能俾毛家辣醬搶左d味後，臘味排骨飯就顯得比較清淡如果大家真係唔介意環境，呢度好值得一試！

平時經過都會聞到好香煲仔飯味，而且仲會有好多人係門口排隊，今日特登早啲食晚飯想去試一試。 未夠七點鐘去到，其實都已經座滿人（成間舖應該得12個位），不過就未開始排隊所以等左一陣有人走就有位啦叫咗一個梅菜排骨煲仔飯，另外一個臘味飯。每個飯加兩蚊就可以加一碟油菜，所以我哋就加一碟菜心一碟通菜，另外再加一個豉汁鯇魚。兩個人食，非常豐富。 臘味煲仔飯所有臘味都有，臘腸潤腸臘鴨臘肉，滿足心多嘅你！個凡係一粒粒好乾爽，不過應該係未夠時間，嗰種應該係生米嘅硬，直頭咬都唔入去咁。 排骨嗰個就比較正常，就係好大陣焦味，因為我本身唔鍾意食飯焦嘅，所以我就感覺麻麻，但我男友就比較鍾意，佢就話好香好正 個魚係令我驚喜嘅！，來到仲係熱辣辣滾緊呢！食落去好香，一啲都唔腥！ 整體來講佢所有味道都好有家的感覺，就好似婆婆或者媽咪煮嘅飯咁樣。舖仔細細，什有風味。不過我望入廚房發現左，佢唔係所有都用炭爐煲嘅，我估佢係先用火水爐/煤氣爐煲一半，再放過炭爐煲

喺網上看到好多人讚呢間嘅 。今晚就去試試，6點幾去到，只有一個男人食緊。我地兩個人叫咗毛家雞同毛家排骨煲仔飯，加$2有菜或飲品，好抵食。即叫即整，要等大約十分鐘。一打開蓋，熱辣辣，飯粒分明，一粒粒的，而且飯很有米香。毛家係指秘製醬汁，辣辣地，可揀大中小辣，好惹味。排骨啖啖肉，亦預先醃過，所以好入味。雞好嫩滑，又唔會乾。食煲仔飯當然重點係飯焦…用炭火燒的確唔同啲，好香脆！正！正宗隠世小店，會再來！