影片
港鐵銅鑼灣站 D2 出口
繼續閱讀
電話號碼
28318989
62802027
開飯介紹
和三昧位於東角中心22樓，佔地逾14,000呎，以時尚簡潔為設計概念，並分作4大主題食區，
包括：鐵板燒、日式火鍋、壽司吧及消閒區，顧客可以在用膳的同時，飽覽維港的迷人景色。
繼續閱讀
特色
同客食飯
附加資料
無肉餐單詳情: 每天供應少量素食菜式
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*最後落單時間: 14:30/22:30
以上資料只供參考, 請與餐廳確認詳情
相關文章
Lunch set 鵝肝油脂豐富😋 外脆內軟 法包哂收埋佢啲鵝肝油, 雖然好邪惡，但好香🫣鮑魚， 蝦生熟程度啱啱好，所以鮑魚口感好好加上鮑魚同蝦都好新鮮，所以都好重味…雖然佢放咗啲調味料喺度，但係我覺得就咁食已經好好味😋點左三成熟， 哩個生熟程度…..肉質、油分， 肉汁都剛好😁炒飯 每粒飯都好分明，質感都感受到佢嘅準備功夫…..略嫌油多左少少， 食到哩道已經有點膩…..加個炒菜清一清，菜嘅分量偏少加埋甜品：雪糕 就完尾了😋
繼續閱讀
生日去和三昧食鐵板燒，以前爸爸最鍾意嚟呢度食鐵板燒，爸爸已經不在了，和三昧仍然屹立不倒，我對佢亦有一定的情意結。我哋三個人，叫咗一個二人龍蝦套餐（$2160），一個一人南非鮑魚餐（$700）師傅起咗啲肉，龍蝦殼攞去煮湯。龍蝦肉超彈牙新鮮，一隻龍蝦每人都可以分到2-3舊。銀鱈魚煎得好香口，鮑魚唔使講，超級新鮮，煮嗰陣隻鮑魚仲喺度郁吓郁吓。清酒煮蜆好香酒味，廚師喺你面前點火，熱辣辣好好食。牛肉薄燒比厚燒好味。之後啲炒飯炒雜菜普普通通，其實已經好飽都唔係好食得落。食完之後佢會帶你去另一個area 食甜品同飲嘢，好舒服。雖然買單三千幾蚊，我覺得好值，因為好好味，service好好
繼續閱讀
公司食飯，老闆指明要食呢間鐵板燒，果真不錯 👍呢間餐廳有份和食和鐵板燒兩個區域，今次我們主打是鐵板燒我們選了澳洲鮑魚套餐，有鮑魚，大蝦，蟹棒，清酒煮蜆，佐賀和牛/澳洲和牛，炒雜菜，炒飯，甜品，餐飲，非常豐富鮑魚超大隻，非常生猛，其他海鮮都非常新鮮。清酒煮蜆，非常清甜😋燒牛之前，師傅將生的蒜片慢慢炒，炒至金黃色，非常有耐性和心機👍澳洲和牛，牛味濃，而佐賀和牛，油香重，入口即化，兩款都令人回味師傅知道我鐘意食砂糖多士，額外整多兩份送給我們👍整體而言，服務不錯，愉快地度過一個晚上🥰
繼續閱讀
和三昧一直係我心餐廳名單中屈居頭幾名既日本餐廳，價錢環境得宜，請人食飯又或者慶祝大時大節都唔會失禮，荷包唔會大出血，又賺到面子，又唔太難訂位🤭今日臨時興起想食日本菜，即刻打電話去和三昧，午市有套餐，性價比高，食完仲有好好味既芝麻雪糕🍧可以享受！🍲美國牛肉鍋定食牛肉火鍋一改傳統做法，牛肉🐄分開上檯，俾客人自行淥熟。咁樣可以避免煮過龍，出現太韌太嚡口既問題，值得一讚🥰火鍋放左巨量蔬菜同十分索味既葛粉，菜肉均衡，營養豐富！用黎點牛肉既雞蛋🥚亦一啲都唔馬虎，用上夢王蛋，蛋香味濃，蛋液包住牛肉一齊擺入口，十級滿足😛🍣特上手握壽司壽司件件都係水準之上，廚師行實而不華路線，簡簡單單既刀功更突顯師傅既功力🔪，無任何花巧之處。魚生食得出其鮮味，亦無過多既調味。淡麗優雅既口感就好似店家俾人既感覺，難怪係銅鑼灣可以屹立多年，仍然有一大班擁躉！除左壽司之外，套餐仲包括埋烏冬或者蕎麥面，一定夠飽！📍和三昧銅鑼灣軒尼詩道555號東角中心22樓
繼續閱讀
一行6人都叫咗南非鮑魚套餐，澳洲和牛薄燒同厚燒，揀咗鵝肝、大蝦、日本蠔！前菜係日本山藥沙律👍🏻南非鮑魚超大隻，而且好好味，全程我哋都冇乜點沾醬汁已經好夠味！鵝肝嘅有分好多，一咬仲有啲油份標出來～呢隻日本蠔令我驚艷！因為本身我唔鍾意食號，但係廚師慢慢煎出蠔汁，賣相好吸引所以試試佢！好食！到而家都有啲念念不忘🤭牛肉要求五成熟，呢個薄切牛卷亦非常好食！入邊包住香蔥、洋蔥、蒜片👍🏻另外厚切牛肉都燒得剛剛好，兩邊煎得香脆，裏面仍保留肉汁！本身睇落平平無奇豆腐竟然有啲驚喜，但食落幾特別，上面放咗麵豉醬，原來呢個配搭幾好食！最後係朋友最期待亦係佢最愛嘅炒飯！味道剛剛好，粒粒分明，每一啖都平均分布飯同埋配料😎最後係炒雜菜，呢個冇乜特別～買麵包可以選擇食或者唔食，佢嘅功用係索油分同肉汁，而我都好聽師傅話最後先食麵包，因為個包好實淨會好飽肚😂喺鐵板燒位置用完正餐之後，就會被帶到另一個篇室偏享用甜品同飲品～性價比方面偏貴，但整個用餐享受係幾開心，首先食材好新鮮，每一樣食物可以新鮮熱辣地享用，師傅亦好細心每一個多叮囑：小心熱、呢個可以點咩醬汁、邊啲唔使點醬汁，同埋都會同我地閑聊一下～侍應嘅服務亦好周全！個人覺得呢度好適合慶祝生日、週年等等🍾️⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 9/10環境： 8/10打卡： 7/10CP值： 6/10推介值：7/10
繼續閱讀