和宴

營業中

休息中

今日老師提早放學，就打算同朋友去尖沙咀行街，順便去搵午餐。行下行下發現咗呢間有日式燒肉、日本菜同海鮮嘅，感覺佢哋嘅午餐套餐唔錯，就決定去試下。入到去就卑呢副畫吸引，好好睇！我哋兩個人點咗唔同嘅套餐，兩種唔同味道嘅套餐都好啱我哋！和牛溫泉蛋丼套餐：呢碗飯睇落好有食慾，擺盤精緻，肥美嘅牛肉覆蓋喺飯上面，配埋我最鍾意嘅溫泉蛋，再用筷子戳破蛋黃，配埋牛肉片一齊食，牛肉更加香滑，真係太正啦！而且呢度嘅牛肉非常鮮嫩，每一口都可以品嚐到濃郁嘅牛肉香氣，真係太幸福啦！和牛鐵板燒套餐：好大一碟啊！滿滿嘅和牛，肉質滑嫩，仲非常新鮮，配埋洋蔥一齊食，非常香甜，仲帶有濃郁嘅牛肉味，非常下飯！而且牛肉嘅脂肪分布均勻，食起嚟更加甜美！我同朋友都非常鍾意呢度嘅套餐，下次仲可以再嚟發掘更多美食！

難得今日同事有空同我一齊去食午餐，就決定去之前一直都想去嘅食日本菜放鬆一下。呢度嘅環境非常舒服，座位寬敞，仲放咗黃色嘅燈光，特別有氣氛。我哋兩個都點咗呢度嘅午餐套餐試吓，味道非常唔錯！我點嘅和牛牛柳套餐俾咗非常大件嘅牛柳，而且肉質厚實，非常鮮美，咬起嚟好有嚼勁，喺口中仲能散發住牛肉嘅香味，真係太正啦！而且呢度嘅和牛係嚟自出名嘅宮崎，味道比其他餐廳嚟得更加好味！仲有同事點嘅醬汁走地雞，切得啱啱好，配埋特別嘅醬汁一齊食，濃郁香甜，而且肉質非常滑嫩，特別下飯！而且份量好足，食到非常飽！仲有套餐包括咗幾道配料，每樣都非常新鮮，我最中意嘅就係沙律，食起嚟非常清新爽口，非常解膩！我哋兩個都食得好滿足，非常爽！下次仲要再嚟！

上個星期，同以前嘅同學一齊出嚟聚餐。其中一位同學啱啱介紹咗呢間日本餐廳，感覺好唔錯，我哋就一齊嚟呢度食晚餐。入到店就可以見到好靚嘅日本風佈置，同埋啲精美嘅裝飾。我哋睇咗菜單之後打算叫單點嘅嚟分一齊食。首先，先上牛肉拼盤嚟烤。點呢個拼盤好就係可以一次過品嚐到5種唔同部位嘅和牛滋味。佢哋嘅肉味濃郁，肉汁豐富，真係越食越上癮。我哋仲叫咗一盤生菜拼盤。入面都有幾種蔬菜，啱啱好可以滿足大家。我尤其鍾意生菜，包住烤好嘅牛肉一齊食，嗰酥脆感加埋肉味，超好食。呢度嘅清酒燒真蠔大大粒，而且好新鮮。食落去，鮮美多汁，好清爽。我哋仲點咗一道大家都冇食過嘅壽司，就係和牛配上海膽。大大片嘅和牛鋪喺壽司飯上，再配上海膽，真係好特別，幾好食嘅。後尾，有啲仲未食夠，我哋仲點咗和牛溫泉蛋嚟共享。上面嘅溫泉蛋，軟軟嘅，熟度被佢哋掌握得啱啱好。我哋攪埋一齊食，牛肉同各種料混埋溫泉蛋一齊食，豐富嘅味道同口感，超好食！飯後，大家嘅評價都好唔錯，食物真係非常好食。

最近發現咗一間非常好食嘅午餐套餐，我幾乎每日午休時間都去食，因為份量好足，非常抵食! 今日仲帶埋同事一齊去食，佢都非常鍾意!我哋各自點咗同嘅套餐，不止可以燒肉，仲有海帶湯、沙律、一啲漬物同咖 啡或者茶或者雪糕。和宴燒肉有三種唔同嘅肉類，有醬汁和牛橫隔膜、五花肉同埋鹽汁走地雞。和牛非常鮮嫩，加埋 特別嘅醬汁，味道非常香濃!五花肉燒得特別香，非常有嚼勁，食起嚟甜甜地，非常開胃!仲有 帶有鹽汁嘅走地雞肉非常軟，食起嚟唔會柴，鹹鹹地非常下飯!同事點嘅和牛牛柳有住非常大塊嘅牛肉，脂肪分布均勻，燒得非常脆，喺口中仲散發住濃郁嘅牛肉香氣，咬起嚟特別軟嫩，沾上醬汁，味道更佳!

嗰日去尖沙咀食晏 發現咗呢間日式燒肉店佢哋嘅 Lunch Set 好吸引我哋就同老公決定喺度食晏餐廳裝潢好優雅 環境舒適服務態度親切食物選擇種類繁多好多好味嘅燒肉套餐最後決定食宮崎和牛定食佢哋嘅 lunch set 包括海帶湯、迷你沙律、日本漬物同埋一杯綠茶。󰵗宮崎和牛上牛排肉󰵗每一片和牛都切得好精緻啲油花分布得好平均燒熟咗之後充滿咗牛肉嘅香味睇見都流晒口水每一啖都感受到好嫩滑嘅肉質口感軟腍多汁食到津津有味󰵗A5宮崎和牛牛柳󰵗牛柳係和牛最鮮美嘅部位之一肉質好有彈性鮮嫩多汁咬落去口感好有嚼勁每一啖都有濃郁嘅牛肉香味係好好味嘅頂級和牛肉呢度嘅燒肉 Lunch Set 真係好值得大家嚟試吓

今日份嘅滿足係日式定食畀嘅‼️呢間嘅午餐定食真係好唔錯，我同同事都一致認為呢間有最抵食嘅套餐，餐牌有好多選擇，睇到我哋眼花撩亂😍和牛溫泉蛋丼定食我揀嘅係有和牛橫膈膜、海膽、三文魚籽嘅定食，端上枱就覺得好吸引～套餐入面葷素都有，非常營養均衡👍🏼 仲有海帶湯同小菜，仲可以揀要咖啡或者茶，好抵食！和牛橫膈膜滿滿咁鋪喺飯上面，粉紅色澤嘅肉質睇住就好高質！肥瘦相間食落去好嫩，完全唔使點醬料已經好好味🤤 海膽同三文魚籽都好新鮮，新鮮嘅海膽食落有住雪糕嘅口感，加上會喺口入面爆發嘅三文魚籽，鮮甜美味！🤤溫泉蛋嘅加入更令呢碗丼飯昇華，全部撈勻再食口感更加滑溜！韓式石鍋拌飯定食同事叫嘅係韓式嘅石鍋拌飯，滿滿一大碗超足料！牛肉借住石鍋嘅溫度，攪拌後基本上已經係五成熟，加上溫泉蛋同多種蔬菜一齊攪拌均勻，呢個就係韓國嘅味道！🤩 每啖飯都食到牛肉，牛肉嘅鮮香同拌飯嘅豐富口感完美結合，仲有飯粒粒分明仲帶住熱氣，食到我哋停唔到口！😭

最近有唔少餐廳嘅裝修都好有特色😎早兩日去左呢間位於尖沙咀嘅和宴～空間感十足之餘仲好有儀式感💛🔸宮崎和牛上牛排肉定食🍱上牛排肉對我嚟講係最合我胃嘅部位～ 輕燒起來味道香濃～肉質呈粉嫩顏色～肉汁juicy～ 每啖都有濃厚嘅肉味！！餐枱上提供三款唔同嘅小菜～可迎合客人唔同嘅口味🤗🤗🔸和宴燒肉定食🍱厚薄適中嘅澳洲和牛醬汁橫膈膜、鹿兒島豚五花肉、鹿兒島走地雞鹽汁雞腿肉😍😍一次把三種牛豬雞都食曬！！特別讚一下佢個和牛醬汁橫膈膜雪花紋路分布平均～好重牛味🐂肉質結實配埋燒肉汁一齊食真係絕配！🐽五花肉嘅邪惡香濃肉味！我仲刻意把五花肉燒到脆口😍五花肉系薄切咬落去淡淡都係肉～食到好滿足！用慢火30秒燒至金黃色～鹽汁雞腿肉🍗放入烤爐燒一陣～估唔到咁好食香口惹味！！整體感覺良好😘環境佈置有心思～而且店員服務態度十分友善～上菜時會提示燒肉所需時間～好貼心留意需唔需要換碟👏🏻👏🏻

呢間餐廳人唔算太多，但裝修得好靚，環境靜靜地，感覺特別舒服。呢日我哋中午來食個set lunch。和牛溫泉蛋丼定食第一啖和牛溫泉蛋丼入口，牛肉好滑，幾乎係入口即溶化😍 配埋粒粒分明嘅白飯，好滿足！A5宮崎和牛牛柳定食呢個A5宮崎和牛牛柳有驚喜🤩 睇相都覺吸引了吧！牛柳嫩滑又有肉味，仲有啲小菜配搭得啱啱好，令到口腔唔會太膩，味道唔會太重，但又能夠突出牛肉嘅質感。價錢唔算貴，性價比好高。最緊要係餐廳環境寧靜，可以離開公司來輕鬆一個中午😌 Set lunch又高質，會再來👍🏻

燒肉控朋友Book咗呢間「和宴」同我食飯～佢一坐底就即嗌「宮崎和牛海鮮十三品盛宴」～ 話明係十三品，超多料，所以我哋最後食到好飽。前菜有特製宮崎和牛他他配法包同埋韓式煎餅，和牛他他醃製到非常好味，好滑嫩。韓式煎餅味道唔錯，一定要乘熱食同埋沾佢哋嘅醬食。除咗呢啲仲有海鮮燒物海老同原隻帆立貝，佢哋海鮮好新鮮而且好大隻，尤其個帆立貝，啲肉質好飽滿，食落口好Juicy。最後一定要食佢哋嘅黑糖珍珠雪糕，好好食啊！珍珠QQ好彈牙，雪糕本身唔會甜但好滑，淋咗少少黑糖增加甜味，整個搭配好正！飲品就飲咗波子汽水同埋原味乳酸梳打。仲有好多選擇但呢兩個啱我哋飲含 呢餐晚餐食都好滿足，好抵食，我同老婆一定會再食嘅！

最近非常掛住燒肉嘅味道，就約咗幾個朋友一齊去最近人潮滿滿嘅食日式燒肉！服務員非常熱情，介紹咗[$498 Tasting menu]俾我哋，我哋睇完都覺得唔錯，就點咗呢份套餐。和牛他他配法包嘅肉質非常鮮甜，加上面包嘅外皮酥脆，口感非常豐富。仲有海鮮煎餅有住濃郁嘅海鮮味，脆卜卜嘅，非常爽口！沙律就比較清新，唔會好似前面兩道前菜咁重口味，非常解膩！薄切牛板腱配蛋係以壽喜燒嘅方式享用嘅。牛肉配上蛋之後更加香濃滑嫩，非常好食！仲有牛舌芯亦都係薄切嘅，係朋友最愛食嘅，因為係最甜最滑最有嚼勁嘅部分！上牛排肉同牛肩肉眼嘅花紋非常靚仲唔規則，牛排肉嘅口感比較柔韌，唔需要燒太耐，而牛肩肉眼咬落去軟嫩，口感有啲唔同，但係每一口都特別鮮嫩多汁！仲有不可缺少嘅五花肉完全冇腥味，咬落去非常香甜，同和牛一齊食真係絕配！仲有海鮮海老同帆立貝非常大粒肥美，口感彈牙，甜甜地，好美味！甜品係女人必食嘅。黑糖珍珠雪糕嘅珍珠非常Q彈，食落去唔會膩，仲凍凍地，非常清涼！仲有柑姜味汽水嘅味道非常刺激味蕾，有啲辣辣地，帶嚟咗唔同嘅普通汽水體驗，而柚子蜜梳打飲落去好清爽，唔會太甜，仲帶有柚子嘅香氣，好飲！我同朋友都食到好爽，燒肉嘅味道

和宴肉質素幾高 有多款和牛食 擺盤又打卡 服務仲吾錯👏🏼先嚟賣相精緻嘅刺身拼盤，有我最愛嘅和牛，估唔到好出色，非常甘甜！之後上嚟嘅水果蕃茄配土佐酢啫喱，蕃茄好冰凍，都新鮮，冇草青味！蕃茄亦有土佐酢啫喱，唔會太濃烈，易入口！涼拌雜菜併盤自家親手涼拌，非常有誠意～宮崎和牛肩肉眼定食花相當均勻，有啲蒜蓉調下味，燒完好香 一大片，幾juicy，肉味濃👍🏻宮崎和牛雪花牛排肉，厚度岩岩好 輕輕一燒就食得彈牙又爽口。呢個澳洲和牛醬汁橫隔膜牛味香濃，肉質亦都好淋，燒完嘅油香都好突出🤤 加少少岩鹽調味已經好好食！而且牛肉切得好好，燒一陣已經可以食👍🏻將牛舌棒加埋紫蔥一齊燒，會燒得好香蔥味！牛舌切得薄身，但肉質夠實，食落有口感😋宮崎和牛薄切牛排肉肉質夠嫩，好味道份量又多，抵食。燒洋蔥吸咗啲汁都好好味。生菜拼盤有各種唔同嘅生菜，放埋一齊燒肉一齊食，幾正😊豬肉方面係五花肉，帶有好多白紋。豬肉就燒耐少少，一嚟穩陣啲，二嚟做到少少焦香效果，咬落口感爽爽地，入口唔肥；此外，亦有加生菜同味噌醬一齊食，即時增加咗啲清爽感。鹿兒島麵豉雞腿肉亦都估唔到燒雞肉可以咁嫩滑辣牛肋肉湯飯係超大碗🥹～牛肋骨好多肉塊最少10塊，煮得軟

曾獲兩屆米芝蓮推介的高級日式燒肉店和宴最近推出「宮崎和牛海鮮十三品盛宴」，主打不同珍稀部位的「日本一」宮崎和牛，有薄切牛板腱、特上肩肉眼及上牛排肉，和牛肉味濃郁、味道香甜，非常高質🥩✨ 除了和牛，燒肉部分亦包括薄切牛舌芯、鹿兒島豚五花肉、海老及原隻帆立貝，新鮮的海鮮亦令人眼前一亮！套餐亦包括前菜、野菜、麵類和甜品，前菜特製宮崎和牛他他及海鮮煎餅滿滿韓式風味🇰🇷 主食推介迷你盛岡冷麵，吃完燒肉吃碗冷麵有種解膩的感覺呢😆 最後以黑糖珍珠雪糕作結，非常滿足的一餐！

午餐時間同同事兩個人嚟到尖沙咀食日本餐，一入到餐廳入面就聞到香噴噴嘅燒肉香味，好香。我哋叫咗韓式石鍋拌飯定食同宮崎和牛特上雪花牛扒肉及澳洲和牛橫膈膜定食。迷你沙律好新鮮，好啱做開胃菜又可以解膩。海帶湯好香濃好飲，綠茶好清涼爽口，日本漬物都好食。韓式石鍋拌飯賣相好精緻，泡菜嘅口感好細嫩，有鹹、酸、辣、甜嘅味道，食落好有層次感，配埋飯食真係好開胃。白飯口感香脆可口，仲散發住淡淡嘅焦香味，同辣醬撈埋一齊之後好入味，好食！宮崎和牛特上雪花牛扒色澤好靚，放入口中肉會喺嘴入面溶化，釋放出豐富嘅肉汁同濃郁嘅牛肉味，好味。澳洲和牛橫膈膜口感軟嫩有咬口，肉質鮮美嫩滑，有濃郁嘅牛肉味，食落有獨特嘅口感，正！

Weekend尼到”和宴”食佢哋既Tasting menu宮崎和牛海鮮十三品盛宴，呢間餐廳主打宮崎和牛，所以嗌呢個套餐就啱晒前菜有特製宮崎和牛他他配法包，韓式煎餅同迷你沙律 香濃和牛配搭酥脆法包，口感一流，和牛他他完全唔會有騷味，仲好香芝麻味。韓式煎餅就海鮮味十足，仲好脆卜卜，非常可口！迷你沙律作為前菜就最適合，新鮮嘅沙律菜非常清甜爽口，醬汁亦都好好味好開胃💙宮崎和牛薄切牛板腱師傅刀工好好，牛板腱切得一啲都唔厚，口感一流，跟埋蛋汁，食落口感加順滑💙薄切牛舌芯D肉食落好爽彈，充滿着美味嘅鹹香味💙宮崎和牛上牛排肉肉質細嫩，均勻嘅油花咬落去鮮嫩多汁 💙澳洲和牛特上牛肩肉眼肉質非常嫩滑，帶有濃郁嘅牛肉味 💙鹿兒島豚五花肉獨特嘅香氣加油花超豐富，入口即化！💙海老與原隻帆立貝海老每一啖都有甘甜味，口感Q彈，而帆立貝就好香鮮味，口感滑嫩💙黑糖珍珠雪糕奶香同黑糖互相融合，珍珠嘅口感Q嫩彈牙💙沖繩四季柑薑味汽水非常甘甜，清涼解渴 💙熱生薑柚子茶薑味醇厚，柚子味甜美清爽，清香可口

前日同朋友一齊去咗尖沙咀嘅日式餐廳食燒肉。我哋覺得 Tasting menu唔錯，就點嚟試吓。光係前菜就有三款，每一樣都非常開胃，食得非常爽！和牛他他配法國包非常好食，和牛好鮮甜，食落去好滑嫩，配埋法國面包一齊食，真係絕配！仲有非常正宗嘅韓國煎餅。煎餅外皮酥脆，內餡鮮甜，有住非常豐富嘅味道！仲有爽口嘅沙律，非常新鮮，清甜嘅味道喺口中散開，真係太爽啦！燒肉都有好多，兩款嘅薄切和牛，壽喜燒嘅牛板腱油脂分佈均勻，滑滑香香嘅，配埋蛋更加滑順，真係好好味啊！仲有放咗鹽蔥汁嘅牛舌芯有住獨特嘅風味，咸香咸香嘅，令人食到停唔落嚟！仲有上牛排肉嘅牛肉香氣非常濃郁，甜甜地，非常深得我心！仲有五花肉，肥瘦適中，非常肥美，仲好鮮甜，令人流口水！同時仲有海鮮，海老同帆立貝，非常鮮美多汁，仲好彈牙，一個字，絕！甜品係黑糖珍珠雪糕，唔會太甜，食住非常解膩，仲有Q彈嘅珍珠作為搭配，整體嘅口感非常多層次！我哋仲揀咗盛岡冷麵，整碗面晶瑩剔透，湯頭非常爽口，加埋其他嘅配料，味道更加濃郁好味！仲有酒－天，好清香好飲，唔黏膩，同燒肉一齊享用，簡直係人間美味！我同朋友對今次嘅燒肉體驗非常滿意，下次仲要再嚟！