和牛燒肉‧純 (已搬遷) 新店位置

I was planning to have grill beef with my wife today as one of my friends recommended a popular Japanese restaurant to me. Japanese Wagyu Yakiniku Pure was located at Henry House, just 1 minute walk from Causeway Bay MTR. One thing good about this restaurant is that all beef was directly imported from Japan. We go for their pure deluxe yakiniku lunch set, which was for 2 person. It came with Japan wagyu beef, chicken thigh, prawn, squid, scallop, salad, appetizer, rice and soup. Dassai 50 Junmai

日本和牛質感獨特，尤其原味燒烤的，一吃便知龍與鳳，實在難以假扮，但如果要百分百保證，最佳方法，就是到有證書展示的餐廳享用，今晚同媽咪來這家和牛燒肉純，是日本 JA 旗餐廳，供應的絕對是100% 純正日本和牛。銅鑼灣的店比較尖沙咀的細小，我們沒有預先訂位只好坐在吧位，對媽咪來講有少少不寛敞，但又別有風味，她並沒有投訴。簡簡單單點了四款和牛肉拼盤，看樣分辨得到大大片的上肩眼位最肥美，切得薄薄的，烤一烤即可吃，入口即化，脂香澎湃的滿足感；牛小排富點嚼勁實屬不同享受，牛舌同樣是薄切，非常香嫩。香辣牛腩烏冬，牛腩腍嫩，完全冇筋，我覺得有少少辣更滋美。獺祭 50，兩個人更分享了一支清酒，簡單美味的一晚。

新年過後又岩岩出左糧，小編呢日lunch就決定食豪啲，約埋朋友去食和牛呢度午市定食既選擇都幾多，除左有唔同既燒肉定食之外，都仲有石鍋飯/刷刷鍋可以簡當日我就要左個中位價既三色和牛定食（$250），而朋友就反而想試下佢地既刷刷鍋，所以就要左份和牛刷刷鍋定食（$200）醬汁、沙律同前菜都好快送黎！沙律清爽開胃！前菜係牛舌絲同青瓜絲拌胡麻醬，味道都唔錯呢份就係我既三色和牛定食啦，會配埋味噌湯同白飯三款牛既雪花佈部都好平均，色澤粉嫩經過燒製後，食落嫩腍而牛脂芳香，配埋白飯食就更『和』味係旁邊既南瓜都可以燒埋黎食添啵！！啲南瓜都好香甜而朋友既牛刷刷鍋望落都好唔錯朋友俾左兩塊我試，和牛都同樣牛脂十足，唔洗點咬已經溶係口入面啦食完飲埋杯果味梳打gur返下既感受真係好爽

講到日本燒肉，不得不提和牛燒肉純，有無數個朋友同我講過正正，今日終於有機會一試。選擇平日午市光顧，餐廳位於亨利大廈，唔係朋友帶住我，我真係唔識路。估唔到平日午市客人都咁多，最好都係預約最穩陣。呢度有大枱，卡座，亦有吧枱。我地兩個坐梳化位，比較舒適。店員服務殷勤，好快遞上熱茶、餐牌。仲有佢好貼心，見我拎個藥盒出黎，馬上問我需唔需要開水午市供應套餐，有燒肉有定食，定價$98-380，跟咖啡或紅茶，可加錢升級其他飲品。我地兩個人都鐘意食牛、海鮮，揀左呢個2人餐，性價比高！如果兩人來，又想咩都食到啲，不妨點呢個餐。豪華燒肉二人餐 420前菜、沙律包括有特選和牛牛排肉、和牛上牛排肉、和牛壺漬牛排、日本產雞腿肉、大蝦、魷魚、帶子，非常豐富。和牛牛肉厚切小片，已經調味，輕輕燒好兩邊食得，入口嫩到不得了，冇牙都會溶化咁濟。上牛排肉脂肪均勻，肉汁豐富，油香十足；特選嘅更多脂肪壹漬牛排有三大片，牛味香濃，較為瘦身，同牛排肉當然冇得比。大蝦已經開邊，蝦殼薄身，好快熟透，食落又香又脆。魷魚同帶子、雞腿肉都係正常水準，送飯一流定食仲有味噌湯、日本米白飯，飯粒分明，配牛肉一流，呢餐真係大滿足

今日放工去了一間和牛燒肉店，之前同事介紹過話好好味既燒肉店，難得有時間所以就book左位去食一出lift,門口已充滿著日本風格🇯🇵入到去很有居酒屋的feel,坐得都幾舒適就咁睇餐牌都好吸引我們就點左幾款黎食點了4樣肉，我地由都會開始食左牛舌先味道不錯，牛舌都很細膩日本產和牛上牛排肉肉質很鮮嫩，味道很鮮甜美味，好有牛味很不錯呢特上日本產和牛肉眼肉眼油花好靚，好吸引入口即溶而且很有味道日本產豚腩肉豬腩肉切得好薄片，燒完味道好嫩滑點了燒酌加左水味道唔錯，味道唔會好濃郁；桃味特飲清清地的味道，好清新！有廚師推介～講解不同的部位仲有介紹和牛分唔同的等級，十分專業！

午後途經銅鑼灣在利園附近看到和牛燒肉純、便跟朋友上去一試。日式的裝潢、有不少靠窗的梳化卡座、幾舒服。沙律菜好新鮮、洋蔥和紫洋蔥絲好爽、配沙律醋酸香醒胃。三色和牛定食$250 分別有上牛排肉 肩眼肉和牛排肉。牛排肉牛味重、肉質軟嫩而香。肩眼肉油脂較多、油香豐腴、配熱騰騰的白飯一流。上牛排肉肉質結實、但肉質依舊嫩滑、而且和牛的肉香味真的與眾不同另外點了個和牛涮涮鍋定食$200，有不少和牛片、娃娃菜、菇、粉絲。和牛片剛熟、沾上混入蘿蔔蓉和酸汁、入口細嫩。雖然牛肉份量起來不算多、但其實吃罷整個定食其實都好足夠、飽肚。

好久沒有吃日式燒肉了，想起了銅鑼灣的純，主打和牛，高質美味，便再次起行。Lunch吃燒肉比晚上吃罪惡感比較小，馬上決定要個豪華燒肉2人餐，不用多加考慮。首先有沙律和前菜，前菜是牛舌，冷製的，味道比較淡，沙律反而更清爽開胃。2人餐的燒肉拼盤有特選和牛牛排肉，上牛排肉，壺漬牛排，雞腿肉，大蝦，帶子和魷魚，非常豐富。先說上牛排肉和特選牛排肉，真正滿口牛脂，入口即溶，柔軟而香味無窮。雞肉已加調味料，味道不錯，而且不乾不韌大蝦大大隻，啖啖肉，要兩口才吃完，蝦頭有蝦膏。帶子連殼燒，保留了汁，燒過後也保持鮮味和嫩滑。壺漬牛排，打開壺還有洋蔥南瓜等，牛已醃製入味，大大塊共有兩塊相對特選的牛排，是比較有肉味，也比較硬，不過醃料是相當美味下飯。套餐還有飯和味噌湯，一定會吃得飽。這套餐的好處是，擔心吃太多肉會膩的話還有海鮮，而且款式多，也有少許蔬菜，如果想甚麼都試試的話是個好選擇。

燒肉嚟講, 我個人幾推介純. 和牛質素基本上好平均. 每次嚟食都唔會話走. 而且價錢亦相當合理. 唔食和牛有啲走寶, 不過其他肉佢都其實同樣出色, 一試亦無防.始終啖啖和牛會好滯. 比大家參考一下圖片先, 另外仲點左個薄燒牛舌, 不過餐牌無影圖實物圖相當對版, 有食過日式燒肉都知其實好多時都會實物同餐牌有好大落差有啲甚至淋啲汁上去遮醜但呢度絕對無呢個問題講返食物先牛舌薄燒, 薄燒始終好難件件舌芯唔係芯果啲會有少少韌, 但可接受108蚊亦好難要求全舌芯日本產豚腩肉有少量醬汁喺上面, 燒既時候會易燶啲加埋腩肉油脂重, 建議唔好喺爐中心燒怕油脂太重可以慢慢燒耐啲, 就香脆如果唔怕既, 燒到啱啱熟, 就香滑啲各有各好食和牛上牛排肉肉味比較輕, 油脂重入口化油既感覺, 又未去到溶喺口建議搵啲瘦少少既肉例如牛舌咁, 間住食啖啖食呢個都幾滯最後和牛上肉眼燒肉, 必叫既一係牛小排/牛肋肉 (カルビ) 即係上面果個上牛排肉另一類係扒, 即係肉眼（ロース）, 西冷咁（サーロイン） 今次呢個係肉眼, 焾啲, 油脂重啲肥位當然油脂重, 瘦位肉味濃, 平衡感好個人最鍾意

自發現呢間和牛純之後，我再沒有懷念出走日本時吃過的和牛餐，因為在香港終於都比我遇上了來自九州大分縣出產的和牛，坦白講，向日本食和牛價錢都不算平宜，而這間店的價錢我又覺得可以接受，當你一嘗以後，冇可能再返轉頭呀! XD 其實食和牛的要訣是不能大啖大啖的吃，謹記一定要細味，慢慢細嚼肉質的嫩滑，D 油脂滲出和牛的純樸口感，所以我們二人只是點了四款肉, 其中3款是和牛, 一款豚肉已經很足夠了。 這次來到和牛‧純的銅鑼灣分店，傍晚6時多，人不多，驟覺銅鑼灣店比尖沙咀總店小，但環境尚算乾淨寬敞。 有酒精及非酒精飲品供應。 吃燒肉擔心燥熱，點了熱柑桔蜜，老公點了啤酒，其實喝啤酒配燒肉才是皇道。 四款肉來了，單看顏色的賣相已經很興奮及期待，一看便知上等貨了，擺設並不馬虎喔! 日本和牛牛排肉，嫩紅的色澤很吸引，肉質新鮮，充滿和牛的肉味濃郁。 日本產豚腩肉，因為油份脂肪多，最好獨立放在爐上燒，以免搶火。每件片厚薄均一，起初還擔心豚肉的味道，吃後覺得除了和牛外，點個豚肉亦是不錯的選擇，可配餐廳早以為我預備好的醬汁，或隨自己喜好灑上海鹽、楜椒作調味。 特選日本產和牛肉眼，這個真是無

休假一天，特意預訂了窗邊卡位與朋友見面。卡位很寬敞，可看到利園街景同少少山景。我們點的兩份套餐各有沙律和小鉢。小鉢精緻小巧，薄切牛舌稔，而醬汁亦很輕身，欣賞廚師連前菜也製作的如此美味。和牛涮涮鍋定食原本是自己動手煮牛肉，但好像因此爐具問題，上枱時的牛肉鍋已是烹調好的。把紅蘿蔔蓉和蔥花加入燒汁，可用來蘸牛肉；餐廳亦另附有麻醬。牛肉肥瘦適中，肉質軟身，個人認為燒汁與牛肉鍋比較配搭。夾走牛肉後，還有一大鍋菜蔬，食材夠健康。三色和牛定食以右邊的牛排肉最重牛味，比較有嚼勁。三款肉中最愛肪肪比例最高的上牛排肉，由於油份多，燒時要密切注意適時翻轉牛肉。入口就是油香滿溢，跟餐白飯立時派上用場。

對牛精而言，冇野好得過去食日式燒牛肉。鋪頭算細，得幾張枱，不過張枱好大，一啲都唔會覺得逼。第一次黎就試下呢個三色和牛定食，一次過試到三個部位的和牛。前菜:沙律，薄切牛舌特上牛排肉(左）；肩眼肉(中); 牛排肉(右)特上牛排肉 : 非常juicy ，非常嫩，入口即溶。但牛味較淡。肩眼肉 : 略略沒特上牛排肉juicy ，不過也很juicy ，而且牛味濃。我和朋友最喜歡這個，非常好味牛排肉(右) : 伴有醬汁。對這個沒什麼特感覺，肉質較前兩個遜色。Juicy : 特上牛排肉>肩眼肉＞牛排肉牛味: 肩眼肉 >特上牛排肉>牛排肉服務員建議我們沾燒汁，不過個人認為燒汁不好味，像以前中學學校頹飯盒的燒汁味，沾了就浪費了這片和牛。沾鹽和胡椒粉最好味，最能夠帶出牛肉的美味。和牛配軟綿綿嘅日本米白飯，朋友個份，切得靚過我個份好多😅

之前食過尖沙咀分店，突然想食和牛嘅時候剛好喺銅鑼灣，又發現和牛燒肉純有銅鑼灣分店，咁我又有一個好好嘅藉口黎食，比較下兩間有咩唔同：）《佐賀 三筋牛排肉 $420》三筋係牛既稀有部位，所以對佢份外期待！果然同其他部位比較時，三筋肉既雪花分佈更平均，紅白色澤分明。輕輕燒過兩面數秒後，肉質爽口又多汁，係令人難忘的味道。《上後腰肉 $300》相比起三筋牛排肉，上後腰肉都已經好唔錯，只係無三筋咁juicy,但價錢平左啲，都食得過！《紅肉 $120》為左比較一下最平既肉同靚肉既分別，我地點左呢碟紅肉試下，果然係有所不同！紅肉肉質較實在，少左油香，畢竟價錢上同以上兩款確實有一段距離。《豬腩肉 $98》來自鹿兒島既豚肉燒過之後肉質好有口感，豚肉味道香濃，絕對唔會比紅肉遜色。之前去過尖沙咀店，感覺尖沙咀既店員服務更好，更親切殷勤，但肉類醃漬味道來說，銅鑼灣店略勝一籌。

黎到銅鑼灣, 係lunch呢個時間少有地食燒肉上到黎估唔到lunch時間都幾多人黎食嫁播! 等左大概10分鐘到就有位了銅鑼灣店比尖東分店細一半有多, 不過風味依然兩家都係用上日本直送既和牛, 質素當然有保證!同男朋友2人點左一個豪華燒肉2人餐 $420除左有和牛, 壺漬和牛肉排之外仲有海鮮&雞肉, 份量對於下午黎講都好足夠!先送上一個沙律 & 前菜沙律新鮮爽口, 加上既係醋, 入口帶點微酸, 食完令人有d開胃既衝動~特選和牛牛排肉 & 和牛上牛排肉呢2款既和牛脂肪比例都好平衡, 而且唔使燒太熟就可以食入口濃濃牛脂香味傳入口腔, 口感相當juicy因為燒得岩岩好, 所以肉質真係好細嫩日本和牛既牛脂香味真係比香港本地牛既香味好食太多了!牛味極濃, 男朋友都不禁豎起手指 壺漬和牛肉排, 係壺入面放左2大塊大過我塊面既牛肉排同大量洋蔥, 因為有醬汁浸泡著所以味道相對地比特選和牛牛排肉 & 和牛上牛排肉濃郁, 用黎送飯最好不過! 當中既洋蔥燒完都有醬汁香, yummy! 雞肉同牛都係肉類, 不過大家既口感就完全唔同!雞肉燒香左味道都唔錯, 不過個人覺得份量就有點少, 如果可以多返d就更好了~~~

上次帶爸爸到尖沙咀和牛燒肉純食過後一直念念不忘，得悉銅鑼灣都有分店，同朋友行街後帶佢上黎品嚐。店鋪裝潢以木系做主調 ，帶高級和風餐廳感覺，除左有吧台位，都有私隱度既卡位，今次就同朋友選擇Bar台就坐。呢度既牛係由日本空運直送，一切以優質行先。同朋友點左3款牛同1款豚肉，包括特選日本產和牛西冷， 日本產特選牛排肉 ，特選和牛紅肉， 熊本豚肉。熊本豚肉簿切豚肉，口感十分嫩滑，燒完香氣十足。外邊燒至焦香，非常惹味。特選日本產和牛西冷油脂分佈非常靚，肉質厚，但輕輕一燒就做到入口即溶果，滿口都是甘香既滋味。日本產特選牛排肉 牛排肉燒的時候格外香逸，色澤鮮明，脂肪分布平均，油膩感較西冷低，燒後加小許鹽調味，肉質嫩腍，非常juicy好吃。日本和牛紅肉紅肉價錢最平，油脂分佈無先前幾款禁吸引，但勝在夠薄身，輕輕一燒，咬落帶點彈口，一啲都唔韌，牛味最為濃郁。

去完日本回來一直好掛住當地和牛，香港乜都有得食，突然想食和牛，朋友介紹左呢間，地點就腳，餐廳環境亦見高雅。見到餐牌有好多款和牛部份，價錢當然比日本貴啦，但香港想食靚和牛，係差不多呢個價錢呢。食和牛燒，話曬食燒物都有少少熱氣，飲返2杯點少得，點返杯啤酒嘆下先^^我地今晚食豪d，點左3款和牛同一款豚肉開動啦，未熟已經流口水中上牛排肉咬落較有口感，牛味濃和牛肉眼入口即溶，將整塊薄薄一片放入口，幸福感滿分全部和牛同我係日本食真係差不多，有牛味之餘，肉質口感都好好配埋珍珠米白飯一齊食，夠曬飽肚。再飲埋超冰凍啤酒，非常滿足的一餐。