圓老爺雞煲小廚 (已結業)

元朗圓老爺之點止雞煲咁簡單✨ 呢度個雞煲走煮家菜風，唔算話超重口味但都幾香，勝在食完唔會話好頸渴咁，雞肉都好嫩滑有雞味冇雪味，不過可以再入味啲😛當然見到標題已經知重點唔會響哂個雞煲度啦😏 除咗雞煲仲叫咗三樣嘢，每樣都非常出色，前菜小食皮蛋豆腐香滑味濃富麻油香，皮蛋香軟唔會實的的，豆腐預先幫你切成一粒粒骰仔大細方便索汁，唔介意外觀嘅當然將成個豆腐攪爛撈勻最好食✨得獎金湯海皇南瓜盅雖然唔知得咗咩獎，但成個南瓜咁上確係幾IGable，將南瓜起肉，再煮海鮮同南瓜金湯塞入南瓜盅，海鮮有魚有蝦有帶子，都幾重料，而個南瓜金湯好香南瓜味之餘同時又有陣海鮮味，再拉埋芝就真係色香味俱全😗最後金檬孜然豬寸骨可以話係無敵必點系列，有啲似避風塘嘅做法黏住啲炸蒜勁香脆，然後食落孜然味同埋豬肉香兩者同時湧出嚟，而且唔會睇佢樣好似好乾身咁，咬落其實非常juicy爆汁咁滯，好食到直情想encore嗌多碟，大推呢個😍

今日突然好想食雞煲，係元朗行行下見到呢間圓老爺雞煲小廚，即刻衝入去食，坐底就見到的好中國風既碗筷，侍應會即刻比的熱茶黎洗碗筷，好似酒樓既感覺。一黎就即刻叫左個麻辣重慶雞煲$122用個爐煲下煲下，雞煲的汁就愈煲愈濃郁，好鬼正勁惹味，雞既肉仲係好嫩滑，分量仲唔少，配菜有好多八角、蔥、香菜、蒜粒，同埋最入味既洋蔥啊！洋蔥吸曬的雞汁，淋曬既時候食就最岩，簡直係成個雞煲精華既所在！小食涼菜：手拍青瓜 $48手拍青瓜既重點係佢個醬汁，醬汁做得好，就能夠帶出青瓜嘅特色，青瓜最容易吸味，今次個醬汁做得勁好，夠惹味，唔會太辣或者太鹹，配埋青瓜嘅清爽口感，非常出色。一路食雞煲一路飲住天地1號，天地1號蘋果醋係我嘅至愛，唔會太酸又開胃解渴。最後仲叫咗個水煮烤魚 $118呢個水煮烤魚都頗大條，條魚本身已經用調味醃好左，然後將條魚嘅表面烤得脆一脆，再放上好多嘅花椒粒、辣椒🌶️、芫荽、香菜、雲耳等配料係條魚上面，而魚嘅旁邊仲放左芽菜同埋薯粉，一齊放喺啲湯入邊，一路滾一路食，等的烤魚同薯粉都吸晒啲湯汁，不錯👍🏻其實我都係第一次一邊食雞煲一邊食水煮魚😂最後捧住個肚咁樣走，真係食得好過癮既一餐，一人一個爐係面前，滾下滾下

今日同老媽子去平時食開嘅小店食飯，點知原來逢星期一都會休息！咁行去搵另一間，沿住教育路行，兜下兜下入左內街，見門口有三個大牌，有多不勝數嘅小菜名，就入左去！醬皇鮮味蝦蟹雞煲 ($178)店員教煲熟之後，撈一撈焗三分鐘。。。食好嘢真係要時間！睇落都幾豐富，有好多隻蝦同一隻蟹嘅雞煲，用左好多香料，芫茜、蒜頭、薑、洋蔥、八角等等一齊煮，唔怪得咁濃味！媽媽覺得咸左少少，但呢個先係雞煲嘅味！香茅蒜香皇子鴿 ($58)擺到比翼雙飛咁，個圖畫都幾靚！隻鴿都幾肥美，滿滿肉汁，味道唔錯！金瑤扒時蔬 ($68)食菜絕對可以中和味蕾，食完菜再食其他嘢，味覺清新返，試到真味！打邊爐或者雞煲都必定配汽水，有Zero可樂就飲Zero，感覺無咁肥！媽媽話呢啲係自欺欺人！

今日happy Friday同女朋友另外兩位老友開心相聚，當然要搵個好地方食嘢啦上次同女朋友試過呢間雞煲覺得好唔錯當時見好多食客都點小菜，今次一於試埋小菜嚟得食主角當然係雞煲啦呢個叫咗微辣，但係越食越辣，越食越想食雞夠嫩，醬汁彷佛有種魔力吸引，一啖接一啖停唔到口另外又叫咗幾款小菜芝士海皇南瓜🎃盅，係店長推介，食落果然有驚喜，芝士配南瓜原來都幾夾芝士嘅濃味同南瓜🎃淡香互補不足，海鮮材料豐富，非常推介皮蛋豆腐個醬汁好好味，皮蛋同豆腐切成粒粒加上肉鬆口感豐富小炒皇曾經聽某食家講過要想知一間小菜館師父到唔到家一定要試下小炒皇我唔係食家但呢個小炒皇真係唔錯，蝦乾魚仔乾都係靚貨，炒得夠乾身配啤酒一流啫啫排骨煲排骨食得出係新鮮貨，加上豬潤好有咬口，幾片冬菇索咗啲汁都好好味呢度鋪而不大但仲有樓上雅座，店員親切兼主動幫忙，小店就是人情味濃

第一次認識雞煲係朋友帶上深圳，一試難忘，嗰種秘制醬汁到現在都回味緊，元朗食到雞煲嘅地方唔少，但想搵返嗰種回味好難呢間圓老爺前身都係食雞煲，但衛生環境麻麻，直到呢間開咗地方企理乾淨食得比較放心呢度除咗雞煲仲有多款小菜，今次先嚟試雞煲，下次再試小菜先嚟個雞煲BB辣店長細心提點滾咗要焗多3分鐘剛好一開煲蓋香味四溢，雞固然夠嫩滑，醬汁越食越有味，朋友仲叫咗白飯撈汁唔食飯嘅就叫咗粉絲同薯粉，兩樣東西索哂啲汁超爽墨魚滑好彈牙，仲食到粒粒墨魚肉超推介必食枝竹都係索汁最好選擇配料雖然火鍋配料唔係好多選擇，但選料上盛同埋呢度環境都坐得幾舒服，而且仲有樓上座位，店員親切最重要係好扺食，埋單4個人都係400多支持小店

豉椒炒聖子餐牌上沒有的時令菜式，只在門外的黑板中顯示，既然時令當然要試下啦，機會唔係時時有架嘛先講價錢，以$78元食到聖子的確有啲又驚又喜，驚係指新鮮問題，喜土當然係價格十分之吸引啦，圖片中顯示只有兩隻聖子殼，得兩隻？非也...其實聖子肉係非常之多，而味道方面亦都係一貫作風—好好味！聖子新鮮不在話下，肉質爽脆而沒有半點砂石，配菜豐富兼香味濃郁，最重要係無漿糊般既豆豉芡，又有可做到有豉汁既精髓！咁既價錢食到如此質素，真希望下次去食既時候仲可以食到啦~金磗百味豆腐越係平凡既食材，要煮得好食就越考功夫，而豆腐保存得是否妥當亦都係重要既一環，春夏回暖，細菌大量地滋生會使豆腐容易變壞，而此豆腐絕對新鮮，核心十分嫩滑，表面金黃鬆脆兼備椒鹽既鹹香，再略帶著微微既五香之味，咬開後筷子稍微用力都足以令豆腐粉身碎骨，要小心地吃喔大漠孜然豬串骨孜然既味道，除左小妹到神州食羊肉或串燒之外，響本地食過既真係寥寥可數，所以一定要把握機會試下，嘻嘻！避風塘式既煮法，微微既香辣配上孜然獨特既氣味，就咁聞下陣味都已經垂涏三尺，一手拎起佢既骨柄就一口砌落去(失禮哂)，豬肉既香味真係其它肉類無法媲美，肉質鮮嫩，肥瘦適中，越

今日男朋友話有人介紹佢食一間好好味既餐廳，起初我都半信半疑，事關"別人推介"既好多都中伏，但今日我試呢間「圓老爺」確確實實地響我心目中奠定何謂真正既小炒，相比起好多廣為人知既大排檔、小菜館以及什麼小炒小菜王，「圓老爺」做既每一道菜與其它相比絕對係有過之而無不及。鑊氣夠、味道好、賣相靚仔，廚師有功架為首要條件，門面做到幾咁冠冕堂皇，味道失色亦無補於事，實實在在咁用心去煮好每一個餸菜，加上服務態度良好，唔怕會無回頭客，我亦將會係回頭既其中一位。酸菜煮新鮮龍躉班球酸菜魚大多數餐廳會使用淡水魚種，好啲既會用到桂花魚，差小小既會用鯰魚、生魚甚至草魚等，偏偏小妹對淡水魚既泥氣味比較抗拒，但又好鐘意酸菜魚既味道，所以好多時都會退求其次地選擇，而今次係我首次食到以海魚去製作既酸菜魚，仲要係龍躉，點菜既時候已經感到萬分驚訝，龍躉的而且確係龍躉，無花無假，分量仲好充足，又膠又厚既魚皮連住嫩滑既魚肉，酸度適中而又鮮甜既湯汁，正宗既味道搭上海魚，我個人心中已經講過無數句好味，下次再想食酸菜魚唔返黎食都唔知可以去邊食！陳醋咕嚕肉咕嚕肉基於會使用肥肉去做，加上經過油炸既關系，普遍食三四件小妹已經會有種又膩又滯既感

今日同男朋友兩個人食飯揀咗間新開嘅中菜去食 叫做圓老爺 入到去侍應都係上咗年紀嘅叔叔 非常細心 即刻送上熱茶 好感度加分枱櫈闊落得離有私隱度 坐得夠曬舒服 感覺衛生 椒鹽九肚魚 有好多炸蒜粒喺上面 好有避風塘嘅感覺 上面有辣椒絲 色彩勁靚 粉漿調教得好好 形成外脆內軟 魚肉非常新鮮 好好食黃金蝦球 價錢有少少貴 但蝦球非常巨型 而且包上滿滿嘅鹹蛋黃 完全唔吝惜 食落鮮味鹹香 好惹味味菜炒肥腸 肥腸其實係豬大腸 食落唔油膩 而且酸酸甜甜幾特別 用嚟送飯唔錯

個人喜好，食中式小菜比較開胃食得多d, 今晚夜收工，超肚餓，在元朗大坡頭徑呢度見到招牌光亮的圓老爺，很多一家大細在吃，應該不錯。進店的確很光猛，環境乾淨。不用等位，原來還有上層，坐位算多呢！坐下先給你茶水和餐牌，又有點酒樓感覺。坐位挺舒服的，夠闊。餐牌有小菜、雞煲類。還有炒粉麵、煲仔菜、海鮮類等，都是茶餐廳該有的都有。但價錢算便宜的，所以很多家庭客光顧。這裏的招牌菜，醬皇鮮味雞煲$122 有半隻，幾抵食，一大煲雞，配料超多，乾蔥、蒜頭，洋蔥、薑，還有超香濃的醬汁，一打開煲蓋，香味撲鼻。雞肉要煮滾後焗三分鐘才吃，熟度剛好，就算是雞胸肉，肉汁仍然保留，雞肉鮮嫩，真的非常香，醬汁很惹味呢！椒鹽魷魚$78，喜歡吃香口食物，這道菜挺開胃的，不會太辣，但椒鹽夠香夠惹味，餸啤酒一流。魷魚粉漿夠薄，炸起來超脆。裏面的魷魚水分足夠，煙韌的口感，外面脆卜卜，味道不錯。銀芽肉絲炒麵$58,份量頗多。銀芽和肉絲的比例也算多，鋪滿炒麵，賣相靚。炒麵非常乾身，淋上銀芽和肉絲的醬汁後 ,炒麵變淋了，這樣的麵質軟硬度剛好。 吃著口感脆卜卜的，銀芽的爽口，肉絲的軟滑，喜歡這個炒麵的原因，就是多重口感，而且夠鑊氣，味道又

香港飲食最具特色一定係大排檔，可以不顧儀態粗聲粗氣大吃大喝，份量大而價錢平。但隨著時代變遷大排檔已經愈來愈少，幸好元朗還有不少特色大排檔，將大排檔式食肆搬上樓，延續地道風味，今晚就黎幫襯圓老爺今晚一班酒鬼朋友聚會，雖然啤酒才是重點，但不竟是一餐晚飯，所以都必須嗌些香口佐酒小吃。每人一款，結果好驚訝！一枱都是炸野，炸野同埋炸野。牛腩炸完一d都唔乾，食落又唔會痴牙原來小唐菜係加埋蝦膠一齊去炸魷魚分量足夠又唔厚粉，而且無炸過龍，仍然保持到外層少少脆粉漿同內裡彈牙魷魚，魷魚且夠哂辣味蝦肉又大又爽，食落有少少芥末味湯底夠哂鮮味清甜炒麵一d都唔油，又夠乾身不過，以呢個價錢食到呢個小菜已經算抵!! 出面咁上下質素都要六七十啦

樓上鋪嘅大排檔，環境乾淨企理，完全唔似街邊果D大排檔，由於我地坐低嘅時候同時間有幾枱人入座，所以都等左大約半個鐘先有野食，咁都證明呢度D野食係即叫即整，質素有保證。食物選擇好多推介菜式，都係大排檔價錢。本身唔知係咩黎，原來係蝦膠夾小棠菜，蝦肉幾有彈性同咬口，配上酸甜汁，幾正。椒鹽鮮魷脆卜卜仲有好多炸蒜係面，點埋喼汁中和返D油膩感炸墨魚餅，非常香脆，炸皮唔厚，墨魚肉都好彈牙，好味～頭抽銀芽炒面炒得夠乾身，比唔少大排檔炒得仲要好食食小菜又點少得雜菜煲呢

一行四人到元朗食雞煲其實元朗真係好多雞煲店多到可能食一個月都未食完好多間都去過各有特式今次去圓老爺睇落似茶餐廳但坐落都舒服話晒打個邊爐吹下水隨時幾小時真心要坐得舒服而店員勁有笑容及好有禮貌令人食慾大增💕💕💕💕💕當然第一時間點雞煲啦我成日覺得雞煲入面有好多材料有些好多奇怪藥材但呢個雞煲好正常勁豐富多雞個汁唔會杰到溶岩咁又多洋蔥食入口好夠味唔係得塊皮有味⭐️⭐️⭐️⭐️⭐️再點了一客肥牛睇個陣勢都知好味D花紋靚到呢入口即溶⭐️⭐️⭐️⭐️⭐️聖子加入雞煲食真係好似炒聖子咁入味本人第一次食雞煲加聖子原來係咁好味⭐️⭐️⭐️⭐️⭐️再點粉絲又唔算好驚喜因為我食得多會胃痛但我妹食左大半碟😂😂😂😂⭐️⭐️⭐️⭐️墨魚滑好滑及彈牙看似份量好少其實好鬼多差d食唔晒⭐️⭐️⭐️⭐️生菜打邊爐好難唔食菜菜新鮮洗得好乾淨咁我就滿意要求好低咋⭐️⭐️⭐️⭐️竟然仲有乳鴿食呀我由細到大都鐘意食乳鴿好香口、塊皮脆卜卜⭐️⭐️⭐️⭐️加埋飲左幾反啤酒埋單$900左右好ok最開心係今日滿坐但人人都係小聲聊天食得好舒服多謝店員不停的服務下次見下次想食小菜因為見到其他客人食小菜賣相好吸引💕💕💕💕

朋友約食飯, 話好耐無食雞煲, 記得近排有朋友試過"圓老爺"覺得唔錯, 就黎咗元朗食雞煲喇。🔸雞煲 (一隻)🔸 ⭐⭐⭐⭐⭐我地四個人叫一隻, 份量都唔少, 一上枱已經聞到勁香噴噴, 雞肉肉質好嫩滑, 唔會硬柴柴。 食雞煲其中一樣好鍾意食既係洋蔥同蒜子, 吸哂汁勁好味。🔸手切牛🔸 ⭐⭐⭐⭐切得厚薄適中, 脂肪分佈都好平均, 肉味濃, 而且手切手價錢黎講算抵食👍🔸BB乳鴿🔸 ⭐⭐⭐⭐肉質嫩滑, 燒得剛好帶少少焦香味。🔸墨魚滑🔸 ⭐⭐⭐⭐朋友好鍾意食, 裡面有好多墨魚肉, 好彈牙。🔸蟶子🔸 ⭐⭐⭐⭐$78一碟真係幾抵食, 仲幾大碟同新鮮, 蟶子底會有類似薯粉可以淥埋黎食。另外仲叫埋粉絲同生菜都ok。基本上食物質素都好好, 而且價錢都抵食, 朋友都話可以下次黎食。

最近天氣反复，突然之間又涼左，涼左既時候就會心思思想食雞煲架啦，咁啱見到呢間新開既圓老爺環境幾舒適，重點係價錢超值，就一於試下啦。望完餐牌先發現，原來呢間同普通雞煲唔同，食完雞煲係唔會有後續打邊爐的，反而有好多小菜選擇，價錢同大排檔差不多，好抵啊！飄香醬海皇雞煲$108雖然分量只有半隻，但係都非常大煲。食雞煲一定要叫辣，如果吾係真係好冇feel嫁！我地叫左中辣都幾刺激，非常夠味啊！雞煲既雞件都幾多！ 醬汁亦都夠濃厚，但成個雞煲美中不足既係雞肉可以更入味。三弄脆皮牛坑腩$88牛腩都分好多種，其中牛坑腩牛味最濃，沾上脆漿炸至金黃色，外層脆皮鬆化，一點也不油膩，因為牛坑腩脂肪量較多，因此咬下去非常軟淋，牛味濃郁，好味道！豉椒炒聖子$78本身見到價錢咁平都不大期望，點知呢個真係今日既驚喜！全部聖子已去殼，上台的啖啖肉。每個聖子都好肥好大好鮮甜，配上豉椒送飯真係一流！金銀蛋莧菜$68食咁多肉都要叫個菜既，呢個菜既湯都好好飲，係唔錯既煮法食完咁多野覺得呢度既小菜真係好出色好抵食，下次會再黎！

身為雞煲愛好者嘅我最高峰嘅時候試過一星期食三次，一個月食十次！元朗都出名多雞煲，今日嚟到呢間上年先新開張嘅<<圓老爺雞煲小廚>>！一行入去，發覺呢到都幾細，只係放到6張中枱，1張大枱，原來內有乾坤，仲有二樓嘅，不過佢哋安排咗我坐地下，我就冇行上去睇了~首先叫咗個呢到嘅皇牌雞煲！兩個人食半隻雞就夠，我同朋友都好鐘意酸菜魚，所以都Order埋酸菜煮龍躉斑球，小食就叫咗一份蜆芥鯪魚球，食咁多肉都要叫返啲蔬菜解解油膩！呢到嘅員工教我哋雞煲用大火煮滾咗之後再焗三分鐘就食得！雞煲一定食有少少辣先好食，雖然我地食唔到太辣，但平時都會叫小辣，呢到啲雞大細適中，都夠晒入味，嫩滑就講唔上不過就好惹味！蜆芥鯪魚球一碟有八粒，炸到啱啱好，蜆芥醬係用蜆肉、薑末、陳皮絲，再加啲白酒整成嘅，聞落係特殊的「香」味，其實有啲似海鮮嘅腥味，如果單獨咁食，會好鹹，可能仲會覺得有啲臭，但配埋鯪魚球就真係好夾好夾！如果受唔到蜆芥嘅味，都可以淨係食鯪魚球，佢本身都有啲調味，外脆內軟，好正！其實我細個係唔食鯪魚嘅，唔知點解大個咗之後又變咗鐘意食！呢個海味雜菜煲有大約四至五款蔬菜，會用當日時令嘅菜，我