基地叁 (已結業)

📍基地叁 (旺角)呢間係尖沙咀Base Bar & Restaurant嘅分店。全店都係紫色調，好啱女士打卡。食物價錢唔算貴，質素亦都有啲驚喜。💕自家製凱撒沙律配風乾火腿 $88羅馬生菜新鮮翠綠。凱撒汁嘅比例遮到草青味，又唔會太肥膩。💕脆炸魷魚圈 $88魷魚幾彈牙，只係炸漿比較易散。不過過下口癮都唔錯。💕意大利紅蝦薄切 $168紅蝦鮮甜又有少少糯口。望落好多醬好濃味，但食落又唔覺醬汁嘅味道好霸道。💕香煎紐西蘭羊T骨 $248T骨兩邊分別係羊柳同羊西冷 。羊柳當然瘦少少，另一邊嘅西冷肉質嫩滑啲，但羶味都幾重。雖然調味好足夠，不過佢哋調嘅肉汁又濃又鮮，都好值得一試。💕龍蝦牛角包 $148牛角包口感酥脆，放多陣口感都冇咩變。龍蝦沙律好重日式沙律醬嘅酸甜口味，夾雜生菜、薯仔、蟹子，味道幾清新。💕草莓洛神花沙冰 $68 (HH)味道好清甜，完全冇糖漿味。沙冰打得夠幼滑。💕Earl Grey Tea $58📍基地叁 (旺角)旺角彌敦道558-560號譽發廣場1樓

基地叁 (旺角).非常正嘅一間西餐，環境舒服，服務好之餘仲要食物賣相靚又好食😋.▪️自家制凱撒沙律配風乾火腿 ▪️.前菜叫個沙律，火腿配埋沙律菜，夠清新.▪️玻璃紙焗比目魚▪️.好特別嘅菜式，比目魚用玻璃紙包住，再自己解開。比目魚下面有薯仔做底，比目魚魚質本來就比較滑，仲有魚油香.▪️龍蝦牛角包🥐🦞▪️.龍蝦肉係碎上撈埋沙律巨包係牛角包入面，但不得不讚牛角包本身都好酥香.▪️海鮮西班牙飯▪️.飯粒粒分明又乾身，海鮮有大量嘅蜆仔，仲有半大隻有膏龍蝦🦞 飯粒充滿膏香.▪️Mango Apple Green tea smoothie▪️.全部都係好清新嘅配搭，水果再配上清嘅綠茶！.📌 基地叁 (旺角)旺角彌敦道558-560號譽發廣場1樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

一入到呢間酒吧餐廳就好有型格既感覺🎨紫色既燈光為主調仲可以望到旺角嘅街景🏙️ 帶點迷幻嘅夜景感覺好Chill🔮 食物同樣有質素有誠意 係約會不錯既選擇😚⭐️ 意大利紅蝦薄切 🦐估唔到食到平時意大利Fine Dining 常見既紅蝦😍肉質好鮮嫩 簡單用魚子點綴同調味唔會搶過紅蝦既鮮甜🐟⭐️ 基地叁重奏 🎻柚子漬海鮮同埋法式田螺🍊都將海鮮嘅鮮甜度發揮到好處😚火腿配上蜜瓜簡單卻新鮮🍈 份量作為開胃菜啱啱好⭐️ 法式農場雞飯配鵝肝 🍗雞肉肉味香肉質嫩滑🐔 飯粒滲入晒雞肉嘅精華配上鵝肝啖啖油香🔥 真係好邪惡 配上野菇既點綴好有法式田園Rustic既感覺🇫🇷⭐️ 玻璃紙焗比目魚 🐠又係一道好考技術既菜色😜蕃茄湯香草同埋檸檬調味既魚肉感覺好Fresh🍅 最特別係玻璃紙焗既煮法可以保留魚肉既嫩滑非常驚喜💕⭐️ 黑松露椰菜暖沙律 🥗有啲似聖誕大餐會食到嘅菜式🎄松露既香提升了沙律唔會淨係得菜味 🤣⭐️ 偽 氣酒 🥂⭐️ 香蕉朱古力咖啡 ☕️第一杯Mocktail以紅茶做Base加上熱情果🧉 無酒精但帶點氣泡好易入口🫧 香蕉Mocha 唔會太甜🍌 特別得黎喜歡咖啡味濃都適合⭐️ 北海道千層蛋糕配馬卡龍 🍰千層蛋糕忌廉香濃而且好

今日嚟旺角呢間樓上酒吧食dinner, 一入嚟就望到成間餐廳都係好搶眼嘅紫色裝修，型得來又好打卡～ 呢度嘅餐牌有好多特色嘅菜式同飲品，適合三五知己放工飲酒聚一聚～脆炸魷魚圈 $88- 魷魚圈炸得好酥脆，魷魚爽口彈牙- 火候啱啱好，唔會炸得太乾太油- 配上特製沙律醬好開胃風乾火腿薯仔忌廉湯 $78- 上碟熱辣辣，濃稠度適中- 飲落會食到風乾火腿嘅香味同薯仔蓉嘅質感- 薯仔同忌廉嘅平衡唔錯，整體唔會太膩太鹹基地海鮮湯 $98- 海鮮配料非常豐富，包括魷魚，鮮蝦，帶子，蜆肉- 湯底係濃郁嘅蕃茄忌廉湯，充滿海鮮鮮味玻璃紙焗比目魚 $228- 用玻璃紙焗嘅比目魚可鎖住魚肉嘅鮮味同肉汁- 魚肉鮮味，肉質細嫩無骨，完全唔會有腥味- 配上檸檬，蕃茄，牛油汁能為魚肉提鮮龍蝦西班牙海鮮飯 $238- 賣相好吸引，新鮮開邊龍蝦配大量蜆肉- 龍蝦啖啖肉又鮮味，肉質爽口彈牙- 海鮮飯焗得好香，有少少飯焦，意大利飯粒粒分明布蕾奶蓋榛子咖啡沙冰 $68- 賣相層次都好吸引，最上面係焦糖布蕾奶蓋，中間係梅花間竹嘅榛子醬同咖啡沙冰- 焦糖布蕾奶蓋焦糖味香濃，奶蓋Creamy香滑- 配合榛子同咖啡沙冰好夾，中間有淡淡的榛

夜晚喺旺角想搵個地方食飯飲嘢又有個好選擇，今晚我就去咗【Base3】，一直以嚟對酒吧餐廳嘅食物水準無乜大期望，但今晚就有驚喜。 餐廳以紫藍色為主調裝潢，有少少夢幻感覺，座位舒適，音樂聲量適中，飲飲食食傾吓計就啱晒。【白雪公主】用蘋果、玉桂同Tonic調製嘅Mocktail，上面一卷燒過嘅玉桂，顏色啡啡黑黑應該係想表達「有毒」嘅蘋果，切合返「白雪公主」故事。蘋果同玉桂嘅組合真係未試過，飲落又幾夾。【BANANA MOCHA】好靚嘅飛馬拉花圖案，好有心思。咖啡但係淡淡香蕉嘅果香，味道又幾夾。【Gillardeau no.2生蠔】四隻蠔都好大隻，色澤水潤，口感爽滑。蠔肉鮮甜無比，少少海水咸香後面仲帶回甘，幾高質。【BASE 3 TRIO 基地叁～重奏】一客有三種頭盤。【風乾火腿配蜜瓜】爽甜多汁嘅蜜瓜配幼嫩火腿，鹹甜交集。【柚子漬海鮮】有帶子、蝦、北寄貝、八爪魚等多種海鮮，用柚子汁酸甜清新。【法式田螺】田螺彈牙，薯蓉幼滑。【基地海鮮湯】都幾足料，有帶子、蜆、八爪魚、蝦。湯味道酸甜鮮美開胃，跟湯仲有蟹籽忌廉多士，蘸湯食更加好味～【黑松露野菜暖沙律】好大碟沙律，有煙燻豬面肉、青豆、珍珠小洋蔥、櫻桃

基地叁係油麻地嘅一間樓上酒吧餐廳，以紫色配銀色為主題，有點Cyber嘅感覺，相當型格！基地叁~重奏 $138蜜瓜勁甜勁多汁！田螺軟嫩美味！柚子漬海鮮包括帶子、大蝦、北寄貝、蜆、八爪魚等，鮮味十足！黑魚籽醬三文魚他他 $138以海螺為器皿，賣相頗具心思！Cracker夠脆身，三文魚他他都幾開胃，黑魚籽醬同埋三文魚籽大幅提升鮮味！黑松露野菜暖沙律 $98溫和嘅黑松露味，配搭以青豆為主嘅熟蔬菜，翠綠又夠健康！炭烤安格斯肉眼 $268烤至近乎完美嘅肉眼扒，五成熟嘅牛扒口感極軟嫩，帶一點點嘅炭燒焦香，真係好正！伴碟嘅薯蓉同埋沙律均高質，值得推介！基地Pizza $158自選餡料嘅Pizza，批底帶一點點嘅厚度，口感香脆，茄汁底配煙三文魚、辣肉腸、車厘茄，的確唔錯！香蕉朱古力咖啡 $68同時嚐到香蕉、朱古力、同埋咖啡味，balance得好好，三者唔會搶去對方嘅味，仲有少少焦糖嘅香，nice！香水有毒 $128以香水為主題嘅cocktail，店員噴上玫瑰味嘅「香水」，cocktail帶玫瑰香，酒味溫和而優雅！

openrice 訂座有88折幾抵而且裝修唔錯就決定和朋友嚟試吓基地三重奏 巴拿馬火腿配蜜瓜，柚子漬海鮮，田螺海鮮湯🍤勁多料幾爽口，蕃茄味幾香仲有片多士幾脆龍蝦，西班牙海鮮飯🥘龍蝦大隻都爽口，飯好入味，幾惹味新鮮夠熱安格斯肉眼扒，7成剛好，軟熟牛味都濃，薯蓉幾滑水牛芝士波蕃茄沙律🥗份量不少又新鮮，幾開胃千層蛋糕配馬卡龍，蛋糕奶味幾香，馬卡龍朱古力味濃香蕉朱古力咖啡拉花幾特別，甜度可以香蕉味幾濃如果咖啡味再重仲好味。朋友就叫咗杯偽氣酒，茶味幾香濃有生果味幾清新

新開幕不久已訂位啊！在這個紫色世界裏感受到不一樣嘅溫暖有一定程度要求嘅浪漫就是您令我深沉於腦海啲醉係陶醉於紫餐廳內的食品氣氛及服務哥哥出色嘅餐桌演繹放在枱上溶化正氧氣治療每一度精美菜式都是🈶️心思嘅慢活的😊😊😊恰到好處！我最喜愛更是冇點菜色啲得意😎但很有趣的口感☺️及羊T骨～香味口感充滿田園交替的草地上玩耍😊以及最後叫啲甜品法器，好有氣氛呀！再次也是要去「食檸檬🍋」當您叫一杯食🍋就會🈶️種再次食檸檬嘅趣事😅😅😅不過真係要玩🉐️耐🉐️住驚喜嘅人才有這種期待嘅感覺😁😁😁

肥雞一入到去，即刻見到好多網紅喺度不斷打卡，成間餐廳嘅燈光都呈紫色，一片星海，真係好靚。熄咗個香葉辣炒豬肉包生菜，香香辣辣非常之野味。再加上山菜新鮮嘅口感，俾人嘅感覺非常之清爽。佢嘅忌廉蘑菇湯係用真蘑菇打成而唔係用罐頭，濃烈嘅黑松露醬，給予人一種高貴嘅感覺。黑松露薯條就係同行友人最愛嘅一個餸，熱辣辣嘅薯條配埋濃鄉黑松露沙律醬，又係啲非常香口嘅食物。再整多個海膽忌廉意粉，佢嘅海膽俾得一啲都唔吝嗇，忌廉醬配埋鹹香鮮甜嘅海膽，再配上西班牙扁意粉，真係兩三啖就扒晒。

旺角鬧市中嘅秘密基地✨環境舒適，裝修雅致，紫色為主題充滿神秘感🌟基地海鮮湯好足料‼️入面有大蝦、墨魚、珍珠帶子、蜆湯鮮甜，仲配上一片簿脆多士～可以點湯食🥰自家制凱撒沙律配風乾火腿糖心蛋好正🥰沙律菜好新鮮爽脆～黑松露薯條份量好多，薯條炸得好脆，表面灑上超多黑松露醬，味道濃郁😍法式雞鵝肝菌飯呢度有成半隻雞，表面煎得好香，雞皮焦脆餐廳一啲都唔吝嗇，俾咗好多羊肚菌，羊肚菌係好有益嘅食材👍🏻喺雞同飯之間仲放咗鵝肝，飯吸滿精華，鮮味十足👍🏻卡邦利薯仔面團薯仔麵團口感煙韌軟糯，放咗大量煙肉同洋蔥，卡邦尼醬汁濃郁creamy 👍🏻基地Pizza自選三種食材：辣肉腸/墨西哥辣椒/雞肉墨西哥辣椒好友驚喜，加落Pizza好夾，令到整個味道提升😋Mango Apple Green Tea Smoothie真正芒果肉打成，好甜💕配上綠茶底整體感覺更加清爽Banana Mocha拉花好有心思好靚🌟香蕉味好突出‼️同朱古力味道好夾✨基地叁 (旺角)旺角彌敦道558-560號譽發廣場1樓

今日去旺角油麻地食新潮酒吧餐廳，基地叁，餐廳位於旺角油麻地地鐵站附近，交通非常便利。餐廳裝修新潮，整潔。食物種類選擇多，有小食沙律，pizza，主菜，同埋好多主打嘅酒類飲品。-龍蝦牛角包牛角包非常鬆脆，牛油味重，龍蝦沙律份量非常多，一切開牛角包，七成以上都係龍蝦沙律，非常豐富，另外配上沙律及蛋黃醬，味道更加大大提升。-墨魚沙律墨魚份量都算多，非常新鮮，口感爽彈，蔬菜亦都鮮甜，整個沙律配上黑醋汁，開胃非常。-煙三文魚野菌辣肉腸pizzaPizza可以自選三款配料，配搭非常新穎，選擇亦夠多，配上辣肉腸和煙三文魚，味道夠濃郁，野菌亦帶出田園香味。-法式紙包焗比目魚比目魚肉質嫩滑無比，大量新鮮配料一齊去焗，例如有薯仔，蕃茄，檸檬，大量香料，湯底非常鮮甜新鮮，比目魚嘅鮮甜同湯底完美地融合一齊，非常出色。-評分 : 6.5/10

朋友知道我鍾意周圍去d 特色餐廳，前排就帶我去呢間紫色格調餐廳食飯，估唔到樣樣都好高質💟💟仲有好多好特別嘅cocktail，可以邊食邊飲🥂【💜香水有毒】🍸香水有毒$128- 係玫瑰浸上vodka，飲落去真係好似香水咁香，配上西柚香，再滲出vodka，清新中帶烈酒，好特別。🍸焦焦捲餅$98- 好似食緊餅一樣creamy 中帶香蕉味，有如甜品嘅飲品！【💜大大隻龍蝦意粉】主食同樣用心兼有驚喜地高質、高cp！🦞龍蝦黃金意大利粉$208- pasta掛滿蛋黃香，texture幾好。龍蝦大大隻，外層炸到好香脆，更灑滿面係蛋黃香。龍蝦肉汁新鮮好彈口，仲幾鮮甜😋每一啖都好滋味🐷 慢煮西班牙豬肩$228- 豬肩厚切，入面肉質超軟嫩，食落去完全係慢煮水準，慢慢散出滿滿豬肉香加上油脂香，正！- side dish都好用心，薯蓉磨得香滑，加忌廉好creamy。另外沙律菜夠爽口💜 基地叁~重奏$138- 擺碟好特別，係有三款酥盒-紅衣海鮮酥盒、黑松露野菌酥盒、法式田螺，每款酥盒都脆脆餅底，即使影相後擺多陣都係熱熱的👍🏼真係無expect過餐廳咁別緻，有機會同朋友來！

旺角有好多餐廳食肆要搵到一間又可打卡,食物質素又好嘅選擇唔算好多.復活節假期試咗好多間餐廳,今次喺旺角試咗依間食物樣子精緻,擺設有心思而且食物質素唔錯,酒水選擇多🍹播住台灣抒情歌曲非常適合餐廳紫藍色佈置及Cyber感覺,氣氛既輕鬆亦唔會太拘謹.枱與枱之間有一定距離,私隱度高而且唔嘈雜.非常適合情侶拍拖,閨蜜打卡,朋友聚會～三文魚他他($138)賣相精美,乾冰霧氣洶湧散發～閨蜜們一聚嘩然,打卡一流!雪白螺殼🐚內裏釀滿三文魚他他而上面更放上魚子醬及魚子,加上脆口薄多士, 味道清新開胃~基地叄重奏($138)三重奏包括三種不同種類佐酒食物.包括香甜哈密瓜火腿,清新柚子汁醃海鮮及濃郁法色田螺伴煙肉幼滑薯蓉.三種各有不同口感及濃度,建議由高食到低～個人特別喜愛田螺🐚荔枝木煙燻M8和牛腹肉($328)以長木盒盛載打開木盒煙霧滲出,隨後聞到香濃煙燻荔枝木炭味. M8和牛外皮微微經灸燒, 肉質軟稔充滿煙熏味香味龍蝦牛角包($148)牛角包外脆內軟充滿牛油香味,餡料非常多.除咗龍蝦肉外仲有大量青瓜,洋蔥🧅沙律醬及薯仔蓉,非常有飽足感Sparking Tea($98)帶有氣嘅果茶,感覺有少許似香檳,並無酒

餐廳佈置別有風格，近窗街境可近距離感受彌敦道嘅熱鬧，職員待客有禮親切，食物也有特式，首次跟先生來慶祝生日，他也有驚喜。整體性價比高。非常適合慶生或晚餐，有機會再訪。

呢晚同老公來到油麻地新開業的base，已經第三間分店相信一定唔差，喜歡紫色型格風，仲播住disco音樂，好有feel真係忍唔住要點杯cocktail🍸.基地叁 重奏 $128基地海鮮湯 $88黑松露寳雲酥羊架 $248龍蝦黃金意大利粉 $188脆炸魷魚圈 $88BANANA MOCHA $58CRÈME BRÛLÉE HAZELNUT FRAPPÉ $68Cocktail.呢個環境太有feel，忍唔住點左好多🤣打卡必點基地叁 重奏，三層架上相機食先！法式田螺彈牙有咬口，薯蓉綿滑，仲有少少煙肉，好高質！PARMA HAM配蜜瓜perfect match，柚子漬海鮮好多刺身相當豐富，有帶子、蝦、象拔蚌、赤貝，魷魚，全部新鮮肥美，加上醋醬汁酸酸甜甜好好食😋.海鮮湯又一驚喜，滿滿帶子、蜆、魷魚、大蝦，相當鮮味，餐包香脆滿滿蟹子勁夾！魷魚圈一樣出色炸得好，金黃色脆卜卜粉又夠薄，大大件點千島醬正👍🏻.兩碟主食羊架厚身酥味十足😋 意粉鹹蛋黃味出意粉彈牙，龍蝦大大隻炸過滿香口又唔鞋身👍🏻.餐廳幫我調配左杯cocktail叫lucky pie， 清甜帶點肉桂香，用上whisky base加tonic w