壹壹漁一 (已結業)

廚師發辦不用想太多 ，最適合有選擇困難症的我。來到這一間日式fusion餐廳，很期待廚師會煮出甚麼菜式出來。冰菜沙律口感爽脆，面頭灑上原粒芝麻&芝麻醬，很開胃。藥膳糟鹵冰鎮鮑魚鮑魚很入味，食落有陣陣藥材味，好特別!!鮑魚口感亦夠彈牙。冬陰公大根煮輪到泰日fusion，冬陰公湯香辣惹味，跟大根這種會吸收湯汁的食材十分配合，大根本身鮮甜加上冬陰公的辣效果不錯，上面舖上櫻花虾乾增加了口感。清酒煮鮮貝店員在面前即場烹調，爆香蒜蓉&蔥後再落鮮貝炒，最後加上清酒後點火，清酒香味隨住火焰噴出，記得準備定相機。鮮貝肉質彈牙有鮮味，清酒香味亦夠濃郁。清蒸喜之次喜之次通常都是鹽燒，估不到這裡用上清蒸，令人十分驚喜。清蒸反而更加食到喜之次鮮味，魚肉質感更加嫩滑，不錯柚子蕨餅食落柚子味很清新，配上熱茶消滯一流。

今次omakase晚餐真係超級抵色 ，兩個人只係食咗七百幾蚊 ，已經有好多時令嘅菜式 ，番茄非常鮮甜，酸酸地幾好味。 我哋食咗個鮑魚， 有少少香料喺度， 加埋底下嘅海苔真係好特別嘅食法，鮑魚整得好彈牙爽口，好有口感 。我哋第一次試呢個鴨血湯， 一啲腥味都冇， 而且鹹味啱啱好，咸度又唔算太濃，清清地幾開胃。 鴨血食落去仲好有口感添。條魚真係好大條， 佢同平時嘅中式蒸魚一啲都唔同，佢嘅肉質好嫩滑， 底下嘅醬汁有少少鹹味，同個魚嘅鮮味相當之配合。 呢個湯飯真係要畀一個大讚，係全晚嘅精華， 首先加少少飯落個碗度 ，然後再加 啲好濃嘅蝦湯，再加啲脆蝦米水上去，而且蝦嘅肉質非常彈牙，仲好大隻，份量好多添。 呢個係咖哩豬手， 佢家呢隻香料味道唔算太重，但係有好香濃嘅咖哩味，配埋豬手又係第一次嘅食法，估唔到會咁好味。

平日經常經過帝盛酒店，早在2011年已久仰大名，是日和妹妹預祝生日，她說想來吃這間也是有許久了，二人滿心也抱有期待。地方樓底高，裝修有格調，亦挺寬敞呀！看了好幾次餐牌，我們才決定好要吃什麼，幸好兩姐弟心有靈犀，大家的意見一致。清酒藥膳糟滷冰鎮醉蝦蝦肉很爽口，質感脆脆的，吃得出的新鮮，再沾上帶些許酒味的藥膳汁，更是畫龍點睛，是份醒胃前菜。鹽燒壹蠔和牛樣子美麗，唔~燒蠔的蠔味很很很濃呀，加上燒得生熟得當的靚和牛，三文魚籽則令賣相更佳，也更有咸香，很滋味。川芎白芷天麻魚頭湯最合少湯水又常常喊頭痛的我呢！魚頭一大個，雖然煲過，但魚還很入味，不會煮完沒有了魚味，肉煮得淋亦吸滿湯味。湯夠四人飲用，很大的一窩，真材實料，很重藥材杞子當歸紅棗黨參天麻黑胡椒味，不會很油，個人超喜歡。燒北海道四元豚肉賣相超好看，令人垂涎欲滴。炭燒厚切，外脆內軟，肉質鬆化，雖是半肥瘦，吃上來一點都不漏，帶有甜甜蜜香👄食後感：這邊的廚師發辦特別精緻味美，地點超就腳，很近妹妹家，雖然不大，但十分開揚。

家務繁重，實在遠的地方經已唔想去，於是在家附近，選取酒店食夜晚飯，間唔中chill一chill，都係必須既。於雅緻既酒店環境食，衛生似更有一份信心保証。第一次幫趁壹壹漁一，出奇優惠既價錢，食到上品既quality同享受，酒店果然就係寧舍不同。中日泰的fusion omakase廚師👨‍🍳選了新鮮的蕃茄，做羽衣甘藍豆腐沙律🥗，脫皮的蕃茄汁多肉甜，拌上黑白芝麻和泰式元素，洋蔥青木瓜青蔥芹菜青瓜絲檸汁等，加上有營養的羽衣甘藍so fresh👅豆腐又重豆味，全部撈起吃到我大開胃。上菜有次序，完全不是催趕客人用餐的那些餐廳，食得無壓力，吹水都開懷D👀冬陰公大根有櫻花蝦點綴下的白蘿蔔，索了少少辣的冬陰湯，帶酸辣清爽，加上香茅，食慾大大上升。

日式Omasake聽得多，中mix日都係第一次見，見價錢比起日式平好多，決定同男友黎試試前菜是冰菜沙律及冰鎮鮑魚冰菜非常爽脆，伴以日式芝麻醬感覺清新鮑魚以藥膳鹵水煮過，燴得非常入味，不用沾醬已夠味，入口爽滑彈牙忽然來到泰式冬陰公湯底酸度十足，不過對於嗜辣的我來說略嫌辣味不足，還好湯底加入大量蝦乾及芝麻提升香味；白蘿蔔吸收了湯底精華，與自身的甜非常配清酒煮蜆職員會在你面前烹調這道菜式， 先在鍋內爆香蔥蒜，加入蜆及倒進半支清酒，用火槍點火後即時看到火焰舞動，畫面震撼之餘香氣十足；蜆肉飽滿份量亦多，完全是色香味俱全清蒸喜之次第一次遇到汁燒以外的煮法，令喜之次的鮮甜及魚肉的口感得以完整地呈現牛腩煲沒想到Omasake的最後一道菜竟然是牛腩煲！本以7成飽的我被香濃的鹵水味吸引着，忍不住把炆得腍滑的牛腩全部清掉…

平時食開omakase嘅人都知道係食日本料理，原來仲好多食法比較特別D有中日合拼，我估大家比較少食到，而且食落味道確實有驚喜，今次就去左呢度品嚐一餐中日美食料理當然會用當日時令食材制作每道菜式，先來有鮑魚肝蟹籽沙律，平時食開都係菜為主，今次就用左青瓜絲配上蟹籽嘅鮮甜同鮑魚肝，入口食到鮑魚肝嗰陣鮮香味再來有藥膳糟鹵冰鎮鮑魚，鮑魚肉質食落夠軟綿之餘，仲食到藥膳嗰陣香味係鮑魚肉度口感十足輪到另一款係清酒火焰煮鮮貝，先落蒜蓉同蔥粒爆香再落鮮貝炒一炒，先至倒入整枝日本清酒煮鮮貝，等鮮貝吸收左酒嘅香味食會更加鮮味唔覺唔覺又食左幾款美，之後有花膠椰子燉竹絲雞鍋，趁熱先飲番啖湯夠香甜，再食件香滑花膠夠滋潤再來有清蒸喜之次，平時食開都係刺身食法，今次就食下清蒸唔知味道如何，最緊要時間控制準確咁，食到啖啖嫩滑魚肉，魚味濃厚滋味十足輪到有黑船湯鴨血，入口有小小香辣味道鴨血又夠爽滑，最後食埋精美甜品柚子蕨餅，又品嚐完一餐美味料理。

平時食omakase都可能會去啲日式料理先有得食，而價錢亦會相對高，而今晚朋友帶我到這裡品嘗到另一款嘅omakase選擇，朋友之前訂了當然如果沒有訂就只有點餐牌上嘅食物，最先是鮑魚肝蟹籽沙律，味道鮮甜之外，入口重夠晒味道，配埋爽口嘅青瓜絲，夠晒清新！接住就係個藥膳糟鹵冰鎮鮑魚，未入口已經嗅到個陣藥材味道，師傅已將鮑魚切片，入口時有香滑嘅藥膳味同埋肉質亦十分爽口彈牙，如果唔夠味道還可以再浸在跟上嘅藥膳醬汁內，而我就連個醬汁都唔好浪費！再來就係花膠椰子燉竹絲雞鍋，香噴噴嘅椰子香味一滾就滾出來，湯底香滑清甜，加埋啲軟熟香滑嘅花膠，絕對係一個唔錯嘅配搭，竹絲雞肉都十分嫩滑，加少少辣椒豉油入口，味道更佳！黑船湯鴨血，味道帶點辣，鴨血夠晒煙韌彈牙！最估唔到係呢個清蒸喜之次，外面點條魚都要最少都要百幾二百元，這裡係原條蒸，大大條，唔係燒係蒸，保留到魚肉嘅鮮味，加埋啲香蔥豉油入口，絕對係一個驚喜！而最搶鏡清酒火焰煮鮮貝絕對就係拍照打卡好選擇！店員會在你面前煮，成枝清酒入進鍋內同鮮貝一齊煮，差不多滾時就點火，啲火焰直衝出來，夠晒動感！當然啲肉質亦十分爽口彈牙，夠晒鮮味！最後甜品柚子蕨餅，咬開有香濃嘅柚子

母親節一年一次的盛事，又是我們向母親表達感謝的大好機會。早一個月前已經馬不停蹄上網搜尋資料，為媽媽準備豐富的晚餐。今次選了在酒店的中菜廳享用中式 omakase， 最緊還是裝潢簡約而舒適，枱與枱之間空間感大有私隱度，店家服務細心有笑容。提早幾天慶祝不用人山人海，而且價錢親民，$328+10％ 一位，食物質素高確實係物超所值！驚喜位在於菜式由廚師發板，感覺新奇有趣。鮑魚肝蟹籽沙律首先來一客沙律，菜式開胃，味道濃郁的鮑魚肝配蟹籽沙律，味道豐富有層次感。藥膳糟鹵冰鎮鮑魚藥膳味道香氣撲鼻，冰鎮鮑魚口感彈牙，滋味無窮。花膠椰子燉竹絲雞鍋挺有誠意的竹絲雞鍋，目測有半隻竹絲雞，雞髀部位嫩滑留給媽媽，花膠是一大塊的，店員為我們剪開一人一份，以椰子燉雞湯非常清甜，滋潤又不油膩，健康進補之選。清蒸喜之次令我們驚喜的喜之次，日本料理常吃的是燒喜之次，今次清蒸令魚肉更加鮮甜細嫩，口味更加適合一家大小。清酒火焰煮鮮貝店員現場為我們煮鮮貝，以一整支清酒加蒜蓉起鑊炒鮮貝，香氣撲鼻令人期待，差不多時間再點火，鮮貝肉甜而嫩，簡直係色香味俱全！黑船湯鴨血味道香口惹味，連平時甚少吃鴨血的我也一口而盡，好味道！柚子蕨餅吃到最

上次和友人到旺角帝盛酒店內的”壹壹漁一”聚舊，食 Buffet lunch，今次想試試晚上的質素，特別在原來有多國菜Omakase，比較少見。看看Menu，每位$328就可享受到多國菜Omakase，十分期待。先來一份胡麻冰菜 - 份量好多，少見的那麼大棵，新鮮翠綠爽脆，另上一大碗胡麻醬，蘸上胡麻醬的冰菜十分不錯。擺盤漂亮，海藻鋪滿蝦底，有8隻凍大蝦，外表和平時食到的冷蝦一樣，但味道好有驚喜，有微微的酒香甜味，十分特別，這道清酒藥膳糟滷冰鎮醉蝦真棒。鴨血都經常食，但用冬陰功湯底就真係第一次，都幾有特色，上面鋪滿櫻花蝦，鴨血嫩滑有口感，配上冬陰功湯，又幾特別。這條喜之次十分大，少見的大條，肉質十分嫩滑，肉味比較清淡。今晚的重頭戲，一點也不簡單，份量大得相信4人也足夠，店員介紹湯底原來是用上龍躉骨湯淆製，還有炆和牛肋條牛筋鍋，這道龍躉骨淆製的牛腩煲平時可作打邊爐，內有牛腩、蘿蔔、牛筋、杞子等，煮得起膠，牛腩厚身腍軟味道香濃，蘿蔔吸湯，牛筋膠質豐富，忍不住要用湯汁配碗白飯，十分滿足整體真的不錯。最後來一個芝麻果凍。

見到都幾扺同咁多人俾好評，去左食個假六日lunch buffet，價錢128加1，講真都預左食物款式比較少，但冇諗過伏到咁...12點buffet開始，點知食物都未預備好，熟食大半都係空的，咁食住沙律冷盤先，不過連最基本的生菜都冇，得切絲椰菜同幾款配料。海鮮有蝦同青口，唔知係咪整唔切，青口全部埋口冇整開個殼。另外有兩個泰式冷盤，不過個味好奇怪，勁咸又酸，食左一啖已經唔想再食。三文魚出左幾輪，次次即刻俾人攞晒，完全冇食過😓有兩款湯，中式同冬陰公湯，淨係試左冬陰公，第一次飲完全唔辣的冬陰公，得咸同酸味.... 熱食去到12點半先出晒，幾款選擇，一眼睇晒。海南雞同我預期差好遠，d肉好鞋，油飯又唔夠香。咖哩味道不錯有椰香。然後有盤抆牛腩，係抆得好林，不過乜味都冇，唔知食緊乜。然後有個泰式青口同青咖喱，好奇怪又係閉殼青口，青咖喱乜料都冇，得幾片菇同菜。最後炒菜、豬頸肉，同三款炸物都係大路野，正正常常，冇乜特別。船麵會有員工即煮，有金邊粉、米粉、芽菜、魚片頭、同兩款丸選擇，湯底統一牛肉湯，我覺得還好不過不失，不過同抬的覺得略咸。甜品只有芝麻糊，我冇食到，聽到隔離抬阿叔話自己似食緊超市即沖的某某牌子

無去大角咀一排，想不到已起了幾幢酒店，面貌煥然一新。今日難得放假，揀咗呢間位於帝盛酒店一樓的這間餐廳，舒舒服服嘆一餐。平日工作咁忙，放假真係唔想諗咁多，原來呢度有廚師發辦，咁就將重任交比佢嘞！經理帶我哋去到一幅滿佈酒樽的特色牆下坐低，隔著玻璃窗隱隱看到街外景致。這兒樓底有兩層樓高，空間感和氣派十足。講返食物，冬蔭公湯浸蘿蔔，創意真係要比個Like！味道呢？蘿蔔炆得剛剛好，而且滲滿辣香，細細咀嚼仲有絲絲甜味。櫻花蝦柚子沙律，拆散柚子肉，摻滿脆卜卜樱花蝦和花生粒，沙律菜有紫洋葱，正！作為前菜，仲要咁大碟，認真醒神開開胃。清酒藥膳糟滷冰鎮鮑魚，廚師已預先「起底」，使肉殼分離，仲切了細片，最精彩是清酒汁，將鮑魚的鮮味提升到另一個層次。清蒸喜知次，這條日本「國寶」級大眼雞，用醬油、味醂、清酒和糖煮過，入口時仲可以食到豐富魚油，肉嫩滑無得揮。壹壹麻辣雞煲，肥雞份量多，落足花椒八角，認真夠麻辣，自問食得辣就要試！芝麻果凍，的的骰骰，呈花狀的果凍，入口爽又滿載芝麻香。

曾經跟隨朋友來過這間位於大角咀道88號旺角帝盛酒店2樓的「壹壹漁一」吃lunch buffet，十分抵食，環境又舒服，大多都是本地人而非旅客，感覺更舒適。聽聞這裡有omasake，而且是非一般的，只是$328 另加一/位，可以一試。前菜《胡麻 冰菜》冰菜極鮮爽又清甜，配有一大碗芝麻醬，並灑有黑白芝麻增添口感，很提味。《清酒藥膳糟滷冰鎮醉蝦》紅酒浸蝦 有特別，蝦新鮮又夠多，味道帶微甜，伴隨還有紅酒作醬汁。因為好吃， 友人吃了7隻，只剩餘一隻給我。哈！《冬陰公湯鴨紅》是中泰fusion菜式，第一次食到感到有驚喜！鴨血不易鬆散有口感，入口更有汁水，配上酸多少辣的冬蔭功有花火，惹味！中式蒸魚吃得多，《清蒸 喜之次》又是第一次。平時吃的喜之次都是以燒製作，原來用蒸煮方法能嚐到喜之次的肉質嫩腍又黏骨，味道清甜。《龍躉骨湯炆 和牛肋條牛筋鍋》牛筋腩煲份量足夠3-4人食用，職員介紹湯底是龍躉骨淆製，配以牛筋腩，所以很有膠質的黏口感。可飲用亦可佢火鍋湯底，但我們只有二人胃口不大，只簡單各配了一碗白飯，香濃湯汁下飯也不錯。蘿蔔入汁夠腍又入味，另外加上杞子很滋陰；牛筋牛腩份量多，牛筋十分腍身又有膠質，牛腩完

之前本身已經想嚟食呢個自助餐，但係老婆睇錯就嚟食左一個半自助餐深深不忿的我，所以今次趁復活節假期食返呢個自助餐講真呢個自助餐同我食半自助餐相比，其實只係將半自助餐嘅餐牌上面嘅咖哩，海南雞飯搬出嚟畀你任食，頭盤冇見多咗好多嘢，係多咗一個蝦，但係蝦ok嘅，可接受也有三文魚刺身當然並不是什麼高質素貨但係食完我冇肚痛但有一樣嘢需要講海南雞真係做得好好嗰個嫩滑度非常好佢整好曬擺出嚟都冇柴一般好多大酒店都做得無咁好性價比講就真係冇乜好講㗎喇百零蚊，食多兩件雞，飲多兩杯即磨咖啡都係返到嗰度地方寬闊 坐下傾下偈其實真係幾唔錯 但係最主要係泰式嘅自助餐如果你唔鍾意食泰式嘢 就未必啱你食

其實我個人比較喜歡去酒店的餐廳食飯, 一來環境優美, 清静寬敞, 又不失型格的一面, 食物高質素, 價錢也算合理！今晚同男朋友去了位於旺角帝盛酒店的壹壹漁一餐廳, 主打多國菜同火鍋, 佈置充滿日本風情！！首先上桌是櫻花蝦柚子沙律~有多多鮮甜柚子, 脆脆樱花蝦, 卜卜脆花生同新鮮紫色洋葱, 整個配合很新鮮, 清新同開胃！滿滿鋪滿一大碟, 開胃到不得了！！清酒藥膳糟滷冰鎮鮑魚~廚師很是細心, 巳經將大大隻鮑魚切開一片片, 方便入口, 鮑魚清酒味濃, 又不失鮮甜, 彈牙有致, 美味非常！冬蔭公湯浸蘿蔔~蘿蔔烹煮得非常入味, 又腍又甜美, 加上濃郁東蔭公湯底, 配合得天衣無縫, 味道同口感一流, 這個超正呀!！壹壹麻辣雞煲~大大隻肥雞非常嫰滑, 香味四溢, 汁底濃郁, 麻辣度十足, 雞肉每件都大大件, 煮得非常入味, 但肉質依然滑口, 一件接一件的食不停！！清蒸喜之次~喜之次是日本北部有名的頂級魚類, 用我最喜歡的清蒸烹調方法, 保持味道鮮美, 滿口豐富的脂肪, 肉質滑不溜口, 香味四散, 幸福滿溢, 滿足到不得了！！芝麻果凍~果凍很是冰凍, 又爽口, 滿口充滿黑芝麻香氣, 加上玫瑰花的造型,

之前你嗰食lunch buffet已經見到佢寫住早餐50蚊 琴晚撞啱失眠其實六點鐘已經好肚餓 咁跟住捱到七點零過嚟食早餐 入到嚟 比起晏晝 因為上面有酒店嘅客人 早餐明顯有多咗好多人 咁我入嚟一位順利入座 佢就即刻擺低張單， 55蚊冇花冇假 咁呀睇下有咩食啦 啲嘢食多到嚇死人佢有多士爐烘麵包又有焗爐烘麵包所以連餐包牛角包都可以烘埋佢醬呢就一大罌嘅 咁環保啲 咁牛油 就獨立包裝沙律吧就有最正常嘅粟米，蕃茄，紅腰豆，生菜，竟然都仲有cold cut 芝士 仲要隻隻嘅味道都係屬於正常麥片都有連牛奶都有凍又有熱問你怕未晨早流流我就唔想食炸嘢喇所以啲三兜嘢我都未試過不過佢lunch buffet一樣有嘅所以我係lunch食過，依家唔食喇，ok嘅豬柳火腿煙肉都係正常茄汁豆正常，烚蛋正常 不過個炒蛋就奇奇怪怪食落去咗少少豆漿味又好似溝咗水咁唔似炒蛋，我都唔知佢點整出嚟嘅炒粉麵飯 ，朝早我唔食呢啲嘅我係燒賣控，食咗八粒呢度飲品選擇都算多今日有芒果汁，蘋果汁，紅茶，熱鮮奶凍鮮奶，當然一切我都係唔會飲啦！因為我會瘋狂飲即磨咖啡 埋單55蚊，真係冇乜嘢好講 我而家食個大快活都要收緊我34我加咗廿蚊，我喺度嘆