壹壹漁一 (已結業)

預早book 枱可享有二人同行，一人半價優惠，四個人食仲可以其中一人免費，非常抵食。飲品可以仼飲，款式多，甜品仲有4款haagen daz雪糕選擇。職員服務好好，非常細心

牛只有滿滿雪花沒有肉，丸類只得幾粒，說好的蝦不見了、只有冰塊⋯⋯食物選擇少得可憐⋯⋯熟食都係凍、冷冰冰⋯⋯雪糕又硬到”不’唔到。附近食緊嘅客個個都大叫中伏，話要返屋企食公仔麵。

今次帶母親大人黎食Omakase! 呢個就特別啦，佢係多國crossover 嘅中，日，泰等等 嘅烹調方法去做每一碟食物！店內環境，都幾大架！有包廂都有普通枱！開飯啦⋯⋯頭盤 凍食為主！呢個汁煮花螺！個汁比較甜係用木魚同昆布煮成嘅上面再放幾條紫菜呢個係蕃茄仔，但佢係用一種果汁浸過所以食落去冇蕃茄味，食落似係莓味！甜甜地西柚萵筍豆腐，食落去西柚唔會苦同萵筍比較夾日式代表當然有刺身，呢個象拔蚌好新鮮！流心蛋，上面有d椒鹽調味！藥膳鮑魚，呢個好入味，因為佢係浸咗成晚藥膳再放入雪櫃然後拎出黎凍食，而且食用方便！已經幫我地切好細細舊！食落唔會硬好入味而d雞好嫩滑蓮花形嘅津白！好考刀功，因為佢每一片葉都係連住的，而個汁係精華！餚咗好耐烏絲雞椰子粟米湯超清甜，又下火！大愛呢個仲要冇味精！最後係蒜蓉大蝦飯！d蝦好爽口d 飯一粒粒的唔會爛飯咁！正！最後甜品係芝麻雪糕！正常水準！呢間可以推一推，食物比較有特式！

大角咀區內近年銳意重建替換一些舊樓,以致不少新型建築物拔地而起,與其周邊的舊樓相映成趣;令人感覺同樣地,食肆的形式也是新舊並存,傳統與創新的食物菜式在區肉都有捧場客;而有好友在這當中發掘了一間名為壹壹漁一的混合型餐廳,就是有極大創意的一間!位於酒店二樓,以木質為主調所營造的環境氣氛給人感覺很舒適平和,加上高樓底所擁有的空間感,視覺效果甚佳;尤其是一個貼牆裝飾用的大酒架,整體加起來給人很強的立體感!甫坐下來,侍應生便遞上一本餐牌簿,裡面有很多不同款式菜式可選,有套餐,散點,火鍋等等;在火鍋配料方面,選料更是豐富!但與侍應生對話中,其推介到有廚師發辦套餐可選,未試過的絕對值得一試,聽了之後與好友都同意,於是就立刻落單;食物的登場次序也非一般常見:鰹魚昆布煮花螺,燒三文魚中乾,象拔蚌刺身,黑湯浸鴨血,象拔肝泡飯,雞湯浸時蔬,以及黑椒元蹄;如此特別的上菜次序,好友及我吃起來只覺毫不突兀,甚至為此間的美味衷心欣賞!再者,好友訂位時問明了此店自攜酒類是要收開瓶費,臨場經理給予了折扣,收了100元/枝算是很合理;鰹魚昆布煮花螺,用了偏向日式而較輕淡的調味,將花螺烹煮得僅熟的程度;啖味在口中,鰹魚昆布

是日職員話無象拔蚌刺身所以就無得叫果個象拔蚌套餐咁就叫左個刺身火鍋二人套餐刺身就包6款 但今期廚房話無咁多款 就每款份量加番多少少咁最後就有廣島蠔/帶子/三文魚腩/甜蝦/牡丹蝦咁我之前都有食過,上次就有埋海膽 今次就真係唔好彩...個人就覺得各款都好好食 夠鮮 夠甜 唔鍾意食蠔既朋友都會覺得隻蠔真係好好食佢上生蠔時,都會準備埋檸檬同辣汁比客人 等我地可以自由加減風味上完刺身無耐, 就上埋個辣雞煲睇落紅卜卜 , 但絕對唔係死辣 辣而麻,麻而香 超級好食雞亦都好嫩滑另外火鍋料就有M4牛同黑豚肉, 不過我地就揀要哂黑豚肉蔬果籃就有蟲草花,黑木耳,雞脾菇同生菜 另外就仲有兩個烏冬火鍋料不過不失但成個套餐最好食就絕對係一開始既刺身 但之後上既雞煲到最後甜品就有一件小蕨餅 但個人就覺我一般般如果食火鍋既話 佢都有豉油調味盤比你自己溝有生蒜,辣椒,蔥,麻油,麻醬等等 太多都唔記得仲有咩

中日Fusion有驚喜尋日book左大角咀多盛酒店既壹壹漁一，佢地嘅賣點係中日fusion既Omakase。估唔到中式都可以，所以好有興趣去試下。坐低一陣就上左前菜，係一個賣相好靚既蕃茄同幾款醃菜，主菜就有和牛配生蠔、冰鎮鮑魚，慢煮三文魚扒，籠仔蒸飯，仲有煲好正既花膠椰子烏雞湯。樣樣都好好食，同好靚。尤其係個煲湯，火候十足，非常足料。佢呢度除左omakase，仲有火鍋。見到人食都好正，下次再黎試下先👍🏼

前兩日去左大角咀探朋友,到咗晚飯時間去搵嘢食.行過多盛酒店俾佢二樓間餐廳既banner吸引左,於是上去試下.上到去,好快就有侍應安排入座.餐廳地方好闊落,好舒服.睇下佢menu,有火鍋同set叫.火鍋平時都會食,所以叫左set.呢個set唔係似一般有晒菜單,而係依照日式嘅omakase形式,即係由廚師發辨,幾特別.由前菜到甜品,每一款嘅賣相都好靚同好食,絕對無馬虎,食物方面以海鮮為主,和牛配生蠔,愎煮三文魚扒,鮑魚, 加埋海蝦籠仔蒸飯,每一樣菜式隨左味道,賣相都好吸引.仲有花膠椰子烏雞湯同甜品黑芝麻雪榚,好滿足. 對比返價錢好抵食. 下次會再黎試埋呢度嘅火鍋

一直都想試廚師發板🙈，既試到最新鮮既食材又有神秘感。可惜坊間廚師發板都好貴只好將這心願放在bucket list內。直至朋友介紹我一間有中日廚師發板的餐廳，價錢十分合理，人均也是三百五左右，二話不說我便訂座了。😻😻😻😻餐廳位於大角咀一間酒店中，但離地鐵站也不遠，從旺角或太子地鐵走過去也不過是15分鐘左右。👍🏻👍🏻👍🏻❤️餐廳潔淨舒服，空間感足，甫進去便有侍應禮貌招呼，雖然見當晚亦有很多客人打邊爐，但我們還是心心念念廚師發板，便不作它選了。前菜有三小碟，由於沒有菜單，每上道菜侍應都會介紹其內容和造法，很有心思。😋😋🥢冰封蕃茄漬廚師細心去皮，令蕃茄更易入味，蕃茄用果汁醃漬，清甜冰涼，十分開胃。🥢鮑魚肝蟹籽萵筍沙律入口充滿海水味，加入蟹籽更有口感。🥢玄米茶煙燻蛋令人十分驚艷，蛋黃呈半流心，入口軟滑，加上茶味回甘，灑上少許椒鹽提味，有心之作。😏🥢清酒藥膳糟滷冰鎮鮑魚擺盤用心，鮑魚十分彈牙又不靭，入味濃濃的酒香和當歸味，很養生的感覺。😌😌🥢北海道象拔蚌刺身新鮮沒腥味，入口爽甜，更有多達二十多片，怎吃都吃不完。😂🙈🙈主菜有三道，都是以海鮮為主角😻，不會有過濃的煮法，以突顯鮮味為主。🥢三文魚中干拼三文

今次黎到呢間食omakase 嘅餐廳，佢係位於大角咀一間酒店嘅餐廳黎架！我地係旺角朗豪坊行5-10分鐘就到架啦，都算方便！咁點解會黎到呢間呢，就係去同朋友慶祝生日然後有姊妹搵到呢間特色餐廳囉！事不宜遲gogogo 睇睇店內環境，一入去就係咁㗎！見到好多sake前菜都係一d冷盤！左邊：昆布木魚湯浸花螺個汁唔係平時嘅青酒，而改咗昆布木魚！偏甜d,而且好和風嘅味道，同螺都夾中間係：西柚萵筍豆腐，上面仲有d芝麻同蟹子！聽落去係奇怪嘅配搭！但食起上黎就唔同講法了！原來西柚同萵筍都幾夾而個汁有少少帶酸甜不錯，但個人覺得加豆腐就失色咗少少，因為豆腐入唔到未，但夾埋上面2樣又會搶咗佢地嘅味，扣咗少分分！ 建議分開食豆腐！但都係好味嘅！右係：蕃茄仔，佢唔同之處係佢同士多啤梨汁果餚過一段時間令到佢有蕃茄仔嘅樣，但食落去係係淡淡嘅士多啤梨味！特別特別！黎一個象拔蚌刺身，幾新鮮！食落唔好韌呢個鮑魚食落好重藥膳味，佢都係用藥膳湯浸過然後再將佢放入冰箱冷藏一段時間再拎出黎呢個溏心蛋睇到就100分啦！係咪 中間係流心的！食落去d椒鹽吊到個味跟住就係中式嘅豉油雞！好大碟架，d雞都幾入味！呢個就有趣啦 店員話佢個汁係用

好耐無同friend girls hangout 今晚約左一齊去酒店食廚師發辦餐廳位置係大角嘴同太子中間，地鐵站去要行15分鐘人均消費$300幾，酒店式享受，性價比很高餐廳空間感十足，傾計大聲d都唔怕騷擾到其他人前菜冰封蕃茄漬：食落味道無番茄味，因為餐廳事前用果醬醃製小番茄，口感清新，好似食緊新鮮果醬咁鮑魚肝蟹籽萵筍沙律：開胃之選，第一次食鮑魚肝，味道較raw，沒有太多調味，凍冰冰，夏天好啱玄米茶煙燻蛋：本人好中意流心蛋，呢個煙燻蛋做得好出色，上面仲灑了椒鹽，味道層次豐富前菜係每人一盤，誠意十足，擺盤都好精緻，小碟子增加了日式的感覺！北海道象拔蚌刺身山葵係餐廳自家磨製，象拔蚌好新鮮，入口爽脆，沒有腥味，而且份量好多呢！清酒藥膳糟滷冰鎮鮑魚鮑魚十分入味，食到藥材的味道，但又不會太濃烈，不會蓋過鮑魚即鮮味餐廳更細心地切好片，女仔都可以食得好有儀態進入主食階段： 三文魚中干拼三文魚鰭用日式醬油燒製，調味剛剛好，醬汁甜甜地，好惹味三文魚肉質不乾，三文魚鰭油分好多，入口充滿油香日式汁煮喜知次呢條魚等左10分鐘左右先上菜，應該係即叫即煮，非常新鮮！餐廳大膽地將喜知次用偏向中式的煮法烹調，想法新穎！

前菜冰封蕃茄漬鰹魚昆布煮花螺鮑魚肝蟹籽沙律清酒藥膳糟滷冰鎮鮑魚玄米茶煙燻蛋主食鹽燒壹蠔和牛慢煮三文魚扒黑湯浸鴨血開水白菜花膠椰子燉竹絲雞湯 蒜蓉大蝦荷葉飯甜品雪糕值得一試再試尋日跟朋友去食飯，佢話去大角咀食omakase，仲以為係食日本菜。去到先知原來係中日fusion，無諗過中式都有omakase。餐廳係多盛酒店二樓，環境好寬敞開揚，坐得好舒服。食物方面，菜式好有心思同精美。廚師既手工同心思值得一讚。種類方面，以海鮮為主，最正既係佢有個好夠火候既花膠椰子烏雞湯。呢度仲有火鍋食，見到隔離枱食緊都唔錯咁喎，搵日再黎呢度試下先

之前因為佢個名好想試，早排終於有機會喇！環境舒服。羽衣甘藍豆腐沙律：清新爽脆嘅羽衣甘藍，配上柚子汁，好醒胃黑松露吞拿魚螺絲粉：有吞拿魚、黑松露、蟹籽，口感豐富，又好香嘅黑松露味冰封蕃茄漬：一食就好有驚喜！用果肉熬成汁，將已剝皮嘅蕃茄浸完之後，食落去有果香味，有別於平時食嘅蕃茄。好正呀！燒三文魚中干：賣相已經好吸引，燒到有少少焦，食起上黎好有咬口，同平時食燒三文魚唔同。加埋面頭嘅蜜糖，有少少似豬肉乾果類，但唔韌。最窩心嘅係...無骨。一試難忘玄米茶煙燻蛋：味道清清地，為頭盤畫上一個句號。開始食熱盤喇黑湯浸鴨血：泰國廚房整嘅黑湯，鴨血爽口。微辣，可以消除腥味天婦羅龍躉斑塊併粟米汁：新鮮炸起，熱辣辣。炸粉夠薄夠脆，魚肉豐富。配埋甜甜地嘅粟米汁，係星級版嘅粟米斑塊！encore!開水白菜：其實係娃娃菜。好用心嘅製作。整熟左娃娃菜後，浸冰水，再修剪。最後加返高湯，成朵花咁靚，點捨得食。我建議可以由外層逐層食入去，會方便啲薑酒雞煲：好香濃嘅酒味，帶點酒甜。薑又帶出雞味。加埋金針雲耳雪耳，所有野都好吸味，好有中菜特色。送飯一流，好滋補蒜蓉大蝦荷葉飯：非常欣賞啲蒜蓉撈埋落飯入面，飯淋得黎有爽爽地嘅蒜蓉

壹壹漁一<頭盤>巨峰漬車厘茄：超級濃郁嘅巨峰提子汁精華，浸住車厘茄，一食落去令你腦袋有一個衝擊，懷疑自己食緊巨峰提子，但眼前明明係粒車厘茄，超誇張！我都覺得我講得誇張，但係好真心分享！黑松露吞拿魚冷凍螺絲粉：黑松露本身就係一樣冇得輸嘅配料，加咗佢香味極速提升。羽衣甘藍豆腐沙律配柚子醬：如果你食過羽衣甘藍，你就知道佢本身有一浸苦味，但佢呢度嘅柚子醬係自家製，酸甜中帶點鹹味，將羽衣甘藍嘅苦味釋除，而且豆腐非常細滑。清酒藥膳凍鮑魚：擺盆已經好靚啦，仲好細心咁設成小塊的，抵讚！鮑魚煮得啱啱好，好軟林，亦都好入味完全食到清酒同藥膳嘅味道。三文魚：我可以用前所未有嘅口感，去形容呢個三文魚，首先佢好細心將所有骨起晒出嚟，然後將三文魚燒烤，並將皮燒至脆皮，外皮仲搽上蜜糖。溏水蛋：面頭沈左一啲味椒鹽，為單調嘅糖心蛋，加上層次感！<主菜>黑湯浸鴨血：鴨血吸收左黑湯的濃郁，辣辣地相信係劈咗鴨血嘅腥味，爽口彈牙，都估唔到有呢種質感。Tempura龍躉配粟米汁：又有嘢估唔到啦，竟然攞龍躉嚟炸，而又好出奇咁樣發現到鮮嫩軟滑，其實係可以出現喺炸物嗰度嘅。開水白菜：唔好睇佢個樣咁簡單，

又到lunch hour ! 之前行過收到張傳單，見未食過所以黎試吓。老實講，如果以佢張宣傳單計，好似講到個沙律吧好勁咁，你就必定失望。不過如果你到返轉咁睇，以主菜加$20食沙律吧，個感覺會良好好多！沙律吧嘅選擇少之又少，基本上你唔叫佢佢都唔會refill 。所以關於個沙律吧算吧啦！講返個主菜，OK嘅！金邊粉炒得乾身嘅！味道好食嘅！d蝦就正正常常咁啦！至於個，黑湯船粅，味道淡左啲，不過超級大碗。另外加咗$10一只生蠔，新鮮嘅，不過味道唔夠。

同事給了我一張宣傳單張，憑此單張可豁免加一服務費，我又未食過呢間酒店餐廳，於是就去試試看。沙律及甜點款式選擇少，而且職員好耐先再refill。湯品有中湯及冬陰公湯，我揀了後者，味道不錯，酸辣夠開胃。飲品選擇都算少，只有2款（一款是柑桔檸檬，另一款是綠茶），如果想飲其他野飲就要加錢。而我就添加了綠茶，味道正常。我加了20元點了T1泰式黑湯船粉，而同事都是加了20元點了T2泰式蝦球炒金邊粉。泰式黑湯船粉，湯底好淡，2片大大塊的牛肉好腍，丸類味道正常，不過米粉份量好多，做了大嘥鬼。另外，我同同事各加了10元點了生蠔，都幾肥美。