壹壹漁一 (已結業)

壹壹漁一現在冬天「凍凍地」，超適合「烚下烚下」打下邊爐，想靜靜地又坐得舒服，我就揀左呢間揀酒店既火鍋放題。湯底選了我喜歡的濃厚花膠雞湯，湯底送上來時，已經是微熱，很快整個鍋就滾了，每人可以分到最少兩碗雞湯, 還有不少花膠，讚！自助吧除了火鍋配料外，店內選擇多元化，就連不同類型的新鮮蔬菜、熟食、生猛海蝦、即食麵、烏冬及飲品都有提供，有齊炸魚皮、響玲、飲品、雪糕等提供，性價比高！呢個澳洲M6和牛賣相十分吸引，油花分佈平均，脂肪分佈有大理石花紋，肉味濃。果然，食落淋身又有牛味，一致好評。另外牛舌也非常好味，估唔到打邊爐食牛舌入口有彈性，肉汁仲好豐富，十分滋味。有機會試埋呢個肩胛肥牛肉，肥牛放得靚靚仔先上枱；色澤紅潤，只有少許肥膏，而肉質較韌但都好有牛味。這個雞湯湯底非常濃郁，啖啖骨膠原，絕對是以湯底制勝的火鍋店，環境舒適，九十分鐘打邊爐，一切都剛剛好，值得一試。

天氣有啲凍好大藉口去打邊爐，今晚去左間樓底好高，地方好寬敞開揚又通風既酒店餐廳靜靜地食下嘢傾下偈通常仼食放題都好嘈但呢度完全唔會。自家調了個無敵醬汁，開動喇😂😂😂叫左呢個肥牛餐，可以係咁叫啲侍應唔會上菜好慢係無停手咁上，動作好快手。啲肉好高質，完全唔似出面嗰啲放題咁濫於充數黎左幾碟前後對比都無乜唔同。掃左大量腸仲食左好多其他蝦呀丸物同蝦棗貢丸等。有個一舉兩得的隔油網篩👏🏻👏🏻👏🏻西柚汽水🥤好掂檔⋯⋯肥牛追加後的級數少左肥反而更適合me仼食項目仲有Häagen-Dazs 雪糕柚子味正斗，一人食左2杯可以係酒店舒舒服服咁靜靜地歎靚牛邊爐，放題先248蚊真心值職員唔多但服務態度👍🏻👍🏻👍🏻👍🏻

今年香港冬天是個和暖的季節，慶幸這兩天天氣變得清涼，懶惰不做飯的日子，應約去吃放題！先選了湯底：日式美顏豆乳鍋吃火鍋一定要有牛肉，這款頂級肩胛肥牛顏色漂亮，紅白分明富有光澤，肉質嫩，快熟味濃，烚兩下就ok🤗精選豚肉薄切，半肥瘦特別鬆化，軟身肉質。特級牛舌心切得薄好快熟，牛味不少，並帶嚼勁。除了重點肉食外，自助吧亦提供基本丸物蔬菜調味料等任拎仼撈。個人偏愛秋葵及蟲草花，既可食用，又可令湯底更美味好喝。豬骨貢丸和墨汁丸好有新意，太有彈性，所以不能錯過。飲品方面不是好多種類，汽水居多，因為怕飽濟無食力，所以沒有飲太多。雪糕🍦採用名牌貨，當然質地綿密，味道也是很不俗，很有保證，而且任食確是輕易回本。食後感：90分鐘放題其實時間剛剛好，因為不用花時間等製作，火鍋食物都好快熟。

多數人都鍾意去食火鍋，當中最吸引就一定係肉，想食得滿足嘅一餐首選一定係火鍋放題，可以食完又再食啱晒大家口味，是日就去了大角嘴呢度食番餐任飲任食放題火鍋當中有五款不同肉類價錢套餐提供，我地就點了呢款澳洲M6和牛外，仲附送兩款肉類分別有精選豚肉同特級牛舌心，至於湯底都有六款口味選擇，點左肉同湯底再去自助區攞其他火鍋配料同飲品坐定定等湯底滾起就食得，先落左配料再放M6和牛慢慢品嚐一番入口啖啖香嫩M6和牛片，滿口都係肉汁份外滿足，肉味香濃食得特別滋味再落埋精選豚肉同牛舌心一邊滾住食，估唔牛舌心入口肉質咁爽滑雖然肉質上就冇M6和牛咁出色，但口感都唔錯，當然重點係可以任食，所以食完一輪美味嘅肉後繼續order同時可以食下其他火鍋配料相當超值，瘋狂一輪之後係自助區攞埋名牌雪糕食埋至係完美一餐火鍋。

是晚附近大角咀放工, 想同朋友舒舒服服傾計打邊爐, 所以揀左酒店入面的餐廳。火鍋放題有幾款湯底選擇, 同朋友都有共識選了花膠雞湯底. 肉類可以自己喜好自由選擇, 我地揀左澳洲M6和牛餐, 有齊牛舌心, 豚肉同肩胛肥牛, 賣相非常吸引, 食落口感亦很不錯。作為女生好喜歡依度放題材料精緻貴精不貴多, 有唔係周圍有的羽衣甘藍 🥬 必備的午餐肉, 粟米, 炸魚皮等等大路材料。汽水同haagendazs雪糕(四款)都係任吃, 食物質素值回票價。最重要係環境寧靜, 同朋友傾計一流!

同好姊妹想靜靜地Hotpot , 又覺得大排檔同餐廳好嘈, 所以上網揾下有無d酒店火鍋選擇! 近近地原來大角咀有間所以試下作為女生90分鐘放題絕對夠時間, 餐廳比我感覺好衞生乾淨, 樣樣食材都一目了然放得井井有條! 食物方便都應有盡有, 有午餐肉 蟹柳棒 脆皮腸 自制雲吞 貢丸 蝦球 響玲 炸魚皮，菜類有羽衣甘藍！我地揀左花膠湯底, 肉類基本上有牛舌心, 肩肉同豚肉, 紋理好靚同埋好食！仲有hagaandazs雪糕同汽水放題，店員主動加湯亦係加分位, 性比價絕對值得一去 !

跟老細去見完客已是晚上七點左右，肚子又餓，老細話順便食過晩飯再回家吧！既然老細請食飯又何樂而不為呢！曾經記唔客人介紹過附近有間酒店入面的餐廳做梗火鍋任飲任食，近近地就去了。任飲任食限時90分鐘，湯底有六款之多。最終是花膠雞湯。味道清甜不膩。肉類要了頂級肩胛肥牛，肥瘦一半一半，薄如紙，只需數秒，入口即化，牛味不錯。也試了豚肉和牛舌。豚肉非常軟腍，肉味濃厚。牛舌嫩滑好味。各種丸類，爽口彈牙。雲吞餡料十足。蔬菜也有五，六款，名貴的羽衣甘藍亦有。甜品是Häagen-Dazs雪糕，食多兩球，回本啊！

友人公司附近一間精品酒店內，火鍋放題約三百元左右，等她放工齊齊食。酒店內環境相當不錯，位與位之間有距離感。有私隱度。擺放配料和醬料地方乾淨衛生食得放心。配料雖然選擇不多，但我所喜歡吃的大多數有齊。揀咗花膠雞湯底，味道頗為清淡，不過有兩三塊花膠，超級滋陰養顏。澳洲M6和牛，紋理勻稱，只是邊位有點脂肪，肉質軟熟牛味香濃。雲吞，墨魚條...自家製做，真材實料。最後還有名牌雪糕作為甜品，咁嘅價錢相當抵食喔！

上網發掘到這間名字很特別的「壹壹漁一」，身處於大角嘴一間酒店內。得知到他們推出了任食火鍋的四人同行一人免費優惠，就早一天訂檯來試個究竟。到達後發覺都有很多客人，店員禮貌地請我們等一會，他們正在收拾，大約5分鐘後就可以入座。檯面有一張晚市任食的餐牌，可以選擇湯底和不同級數的肉食。每兩個人一個鍋，我們選擇了日式美顏豆乳和還有壽喜燒。肉類級數方面，初次嘗試我們選擇了最基本的級數試一下質素如何。電爐很夠力，很快就滾了。放下鍋時，店員跟我們說鍋未滾時可以把爐開大一點，滾了之後就要調細一點，要不然就會滾瀉了。白色的日式美顏豆乳鍋有點豆乳味，有少少甜味，清清的是不錯的選擇。另一個壽喜燒湯底則比豆乳湯濃味，就是日式醬油的味道，重口味之選。想不到最基本的精選牛胸腹肉會有驚喜。每塊肉都切得很薄，質地軟，肥瘦比例合理。在滾的湯裡淥幾秒很快就熟。肉質同樣幾軟，切得薄得來又很有肉味，表現幾出眾，我們都感到很驚訝然後當然是繼續加單繼續食通常食牛舌都是一片片有厚度的，做法通常也是燜、煮之類。這裡有如牛肉般切成薄片的特級牛舌心。第一次這樣食感覺新鮮，牛味沒有牛胸腹那樣突出，質地較為爽身，比較有口感，幾特別不錯的，我們

朋友在奧運附近居住，偶爾都會去找好東西吃下～以前都去過壹壹漁一喝兩杯，原來它有和牛火鍋任食，決定一試吃過夠本～我們點了澳洲和牛火鍋，除了和牛，也可選擇價錢較便宜的，例如豚肉、肥牛等～牛肉和豚肉也紋理分明，很吸引，下湯後數秒即食用～不知不覺又吃了一碟😂另外牛舌心也很爽口，有點咬勁，但不會太硬。湯底我們選了花膠雞湯，湯裡真有一隻大花膠～湯底又鮮又濃，吃件花膠養下顏先～～其他火鍋材料包括蝦、丸、蟹棒、炸魚皮....要特別一讚丸類，不是普遍市面那些款式，它有蔥花豬肉丸、都是有餡料的～～蔬菜新鮮乾淨，最特別是有羽衣甘藍，多吃一些抗氧化啦～雪糕是哈根大師的～～還有4款口味可選，我們各自都吃了4球😂最後吃飽飽捧住個腹離開～超滿足～～

天氣凍凍地，當然係不停打邊爐既季節，係網上見到呢間日式涮涮鍋好似幾正,一於試下!呢間餐廳位置係太子旺角奧運3個地鐵站既中心點,如果係地鐵站行過去要十分鐘以上,搭小巴會近好多呢間壹壹漁一係酒店既餐廳,環境當然比出面果d涮涮鍋好好多,空間好大好舒服,可以一邊傾計一邊慢慢食。餐包左幾款野,牛,豬,牛舌心 ,同埋出面自助區。牛肉有肉味又幾滑,豬肉都幾好,牛舌用黎打邊爐都係第一次試，不過個人覺得唔係太夾出面自助區都幾好,重點係有我鐘意既薑汁皮蛋貢丸，厚切午餐肉。其他丸類同大路野都有。野飲有我最like既白色Cola,最後仲有哈根達斯雪糕作結。整體環境同食物質素都唔錯👍

日式火鍋放題食得多，但係酒店食既都係第一次。價錢合理而且唔貴。有六款湯底選擇，我地揀左3號澳洲m6和牛同豚肉白湯。湯底好濃，仲有少少芝麻係面。牛肉來了！！！除左牛肉，店員仲上左牛舌心同豚肉俾我地試。牛舌心出面比較少係日式火鍋食到，味道幾特別，少少爽口。豚肉比預期好，唔會好韌。除左澳洲m6和牛，食3號仲可以食埋1，2號既牛肉，叫左店員各俾左一碟我地試下。肉質都唔錯，勝左性價比高。除左肉外面仲有其他火鍋配料可以拎基本丸類蔬菜都有，魚皮係熱熱地的，幾特別同脆口另有雪糕任食食多幾杯都得

壹壹漁一之前吃過，當時並沒有做火鍋放題，呢排天氣凍了很多，打邊爐就最好不過。今天放工便相約朋友一起去試一試。餐廳環境寧靜舒服，最啱就約三五知己圍埋打邊爐，詳談一番。有五個餐選擇，價錢會因牛嘅級數而不同，我們揀了澳洲M6和牛餐，🐮🐮亦可以追加價比餐價平的牛和豚肉。我地呢款亦包豚肉和牛舌心。我們選擇了花膠雞湯底，有一大片花膠，很滋補呢。今日海鮮係新鮮海蝦，其他配料選擇亦不錯，有鴨血，午餐肉，蟹柳，丸類，春卷，等等丸幾好味，juicy 又彈牙蔬菜吧嘅蔬菜亦有多款，有抗氧化的羽衣甘藍，營養豐富的秋葵。還有油麥菜，蟲草花等。粟米很清甜，必食。主角上場了首先來了兩碟和牛，牛肉嫩滑，牛味濃郁，沒有嚡口的感覺。牛舌心亦很不錯，坊間少有，食落帶點爽口，牛味濃，質感挺特別。精選豚肉亦很好味，和湯底味道非常夾。再來一碟肩胛肥牛，油花均勻，食落軟腍，牛味濃郁，很不錯。再點一個鹿兒島豚肉，個人喜歡精選豚肉多點飲品有各款汽水選擇，冇汽嘅亦有。打咗一個熱辣辣嘅邊爐，再食Häagen-Dazs雪糕，真係超級正。有四款口味，我總共食咗三球Häagen-Dazs雪糕呢，好滿足

我需要定期到大角咀處理一些瑣事，這天碰巧有朋友在附近，我們便一同吃飯。這餐廳位於酒店的2樓，前往餐廳需要經過酒店瑰麗的大堂，大堂電梯的位置有糖果攤位供賓客品嘗。到達餐廳後，我不禁驚嘆這裡親民的放題價格。沒想過在精美酒店的加持下，餐廳仍能以親民價格經營！這裡的食物選擇並不是很多。除了自選的2款肉片外，只有10多款肉丸類、10多款蔬菜及麵類。不過，這裡每款食物的質量都很不錯，所以我覺得食物款式還算可以！我覺得最有驚喜的是炸魚皮及雲吞。這裡的炸魚皮是香脆的，平日火鍋用的魚皮一般都會受了一點潮。然而，這裡的炸魚皮非常香脆！我起初只是取了一塊，打算試試味而已，但吃完一片後，我默默的再去拿了一大盤，並獨自吃光！這裡的雲吞是自家製作的，小小的一隻，正好一口一隻！這個雲吞的味道跟港式麵攤的那些味道很相似，而且雲吞個子雖小，但裡頭的餡料絕不馬虎，蝦子是彈牙的，豬肉調味亦是我喜歡的！最後，火鍋放題當然不能錯過雪糕，這裡提供4款 Haagen-Dazs 雪糕,多吃幾球雪糕便值回票價了!

今時今日，火鍋放題並不是新鮮事，但有質素的而乾淨企理的並不多。這家餐廳第一次到訪，入座時服務員細心講解餐牌上的各款選擇，肉類的款式，以及自助區食品飲品和雪糕的擺放。餐廳12月推廣優惠（特別日子除外），只要提早一日預訂就能享有二人同行，一人半價。我們食好少少，點了$288一位的澳洲M6和牛，跟餐亦有精選豚肉及特級牛舌心，還可以點較平的兩款牛肉。和牛及牛舌都肥瘦均勻，滑嫩可口，正。配菜超過30種，大路的魚丸，魚片頭，脆皮腸，午餐肉少不了。特別推介貢丸，非常彈口多汁。海鮮亦算精彩，鮮蝦和蜆於火鍋放題出現實屬少有。蔬菜種類亦多，油麥菜爽甜，還有瘦身人士喜愛的超級食物，羽衣甘藍和高水溶性膳食纖維的秋葵。名牌子雪糕任食是回本食品之一。四款口味都是外面少有的。