壹級日本料理 (已結業)

呢個星期天氣十分寒冷，最好當然去打邊爐！上次同朋友食過呢間都唔錯，價錢亦合理，見到有得打邊爐，二話不說進去食。由於太肚餓既關係，打邊爐前點左小食。脆魚乾好入味，好脆身，點埋沙律醬正！還點了芝麻雞翼，好香口，熱辣辣，加埋檸檬汁味道更好！仲叫了這個帶子墨魚烏冬，好特別！食到成口都係黑色但墨魚味不太出。主菜上了！杞子醉雞鍋做湯底，雞很香，淆湯底最正！但唔用砂煲鍋會比較好，可以快滾熟湯底。還點了肥牛、豚肉、雜菜、讚岐烏冬和拉麵

又係食日本菜嘅時候喇今次去咗一張特別啲嘅餐廳特別在佢嘅位置首先係三文魚刺身因為我哋多人所以決定叫兩份黎試吓睇落去已經覺得肥肥地白色脂肪比例多應該係好好食入口之後嘅感覺真係好正！Wasabi都好給力係我鍾意食嘅味道唔太辣唔太刺鼻之後我哋叫咗兩款小食呢一款係鱈魚乾非常之脆！直情有細個食零食嘅感覺配埋沙律醬簡直冇得彈呢一款係雞泡魚乾見幾得意就叫咗黎食呢款嘅口感就係好有咬口都係一個唔錯嘅選擇不過前提係你要有牙力主菜就係我最愛嘅火鍋雪酒淮山杞子雞火鍋呢d味係我嘅最愛不過可惜雞唔算太新鮮唔係太有雞味火鍋嘅配菜都唔錯d菇好好食仲有我最愛嘅大葱d蘿蔔形狀都好靚，哈哈好欣賞佢會整熟少少烏冬先上影嘅時候仲冒緊少少煙咁樣你就好容易控制個時間而且個烏冬好好食啊！整體黎講呢一餐不過不失可以更進步

第一次黎美林邨，想唔到會食到咁正既火鍋，特别依家天氣咁凍，食落去暖笠笠，好正！ 呢個黑豚肉火鍋（$188）完全估唔到咁大份量，上桌先知咁足料，有菜有肉，每盤都有畫板咁大，誠意可嘉，營養均衡，一定唔驚肥哈哈！蔬菜睇得出全部都好新鮮乾淨，擺得咁靚令人食欲高漲！特别個豬骨湯底要重點推介！未滚已經香味四溢，黑豚肉浸下去後又滑又惹味，蔬菜都好易吸收到濃濃的湯底，完全不用點任何醬汁已經好好食呢~我幅相影得比較差，呢個蟹丼另一邊仲有兩大塊蟹柳，真係好多配料，鮮甜爽口，一邊食火鍋一邊食下小清新，唔錯。忌廉蟹肉薯餅~很推介既炸物！粉漿厚度剛剛好，入面D蟹肉熱騰騰，甚有咬口，大滿足！ 呢餐唔係叫左好多，但幾個人都夠飽，所以唔貴，以質素來講都好滿意。下次仲想試埋刺身啊。

周年紀念同老婆諗住食餐好既，近近地係屋企附近搵左間日本野黎試，一入到去環境幾好，坐得舒服又唔迫，要特別提一提個廁所，雖然要行出去先入到嗰種廁所，但入到去真心乾淨，之後入正提講下啲野食，叫左三個餸同一個火煱，叫左個原隻既長魷魚筒，個汁幾好食，同埋魷魚既質感真係好適中，另一樣要堆介既係佢地既牛粒串，肥瘦好適中，一淡一口啱啱好。最後要講下個火煱，湯底出色，份量亦都啱啱好，我地食到尾最飲左幾淡湯，當然咁飲有啲濃，但做湯底就好合適

 假期入大圍搵朋友，夜晚帶我去咗間幾抵食嘅日本餐廳打邊爐！平時好少去大圍，原來街市出面有幾間好似獨立屋仔嘅都係餐廳嚟～  晚市時段有丼飯/拉麵套餐，亦可以散叫。另外仲有日式火鍋類，有雪酒准山雞、安格斯生牛肉同黑豚鍋。火鍋本身已包一盤蔬菜，如果想要多幾款就可以自行另加。 極上三文魚腩(6片) $98 食日本野點都會想食下刺身！所以一開始就先嚟個極上三文魚腩！魚腩上面深深嘅格紋真係夠晒吸引！ 食落爽爽地，之後係陣陣油脂香！魚油多得黎又唔會太漏！開飯前每人２-3片就啱啱好～ 藍旗呑拿魚蓉帶子蟹籽丼飯 $98 自選配搭晚餐有平有貴，最平只係$38蚊就有份！我地就分別叫咗兩個飯～ 分別係：藍旗呑拿魚蓉帶子蟹籽丼飯同蟹特盛！ 藍旗呑拿魚蓉帶子蟹籽丼飯，個名夠晒長，認真架勢！出到嚟實物一樣令人眼前一亮！呑拿魚蓉夠晒多！上面仲有蟹籽、芝麻粒同帶子做陪襯～ 啖啖都感覺到呑拿魚蓉嘅軟綿、蟹籽嘅鹹鮮同淡淡嘅芝麻香，每啖嘅口感都非常豐富！ 蟹特盛 $88 如果唔鍾意食生野，就可以揀蟹特盛！入面有松葉蟹膏、蟹肉、蟹柳同蟹籽～同呑拿魚蓉丼一樣咁豐富！平時食有蟹肉嘅野，啲蟹肉多少撕到碎濕濕，得少少蟹肉絲咁，

今日黎美林邨探朋友，她說帶我去冬菇亭食，我心諗應該食大排檔之類？點知原來有間咁別緻既日本料理店，十分驚喜！因為我最中意食日本野！好食唔好食都試過好多，而呢度既料理頗為高水準，竟然可以喺住宅區食到，而且價錢大眾化，值得一贊！日本料理一定要叫刺身啦，我們選了幾樣:三文魚腩、珍寶赤蝦、帶子。人數不多所以叫的份量不算多，但想不到擺盤咁華麗！影相一流呢。刺身真係超級新鮮。特别是赤蝦，激大隻！鮮甜到不得了~明太子雞翼非常好食，金黄可口，肉質嫩滑，火喉剛剛好不算油腻，很推薦的小食之選！雜錦天婦羅是以小見大之作，幾乎間間日本料理都會有，但好難整得好。呢度都好符合到我喜好，不會太厚粉漿，食材新鮮，又香又脆，蝦肉爽口彈牙，good！飽肚就一定係食飯。蒲燒鰻魚飯抵食，鰻魚很厚又大塊，吃得出用上了上乘食材，醬油惹味，好正呢。呢度雖然不算大，但座位寛敞，沒有為求放多D枱而擠到密密的，每枱客人都可在舒適的空間下邊享用美食邊聊天，唔錯唔錯~

約左阿姨去大圍食飯 ，介紹左呢間日本野，因為就起佢屋企樓下，佢成日幫親架喎。阿姨拍板，叫左火鍋，刺身，小食同二個飯，四人份量都夠食。明太子讓雞翼，幾特別，明太子咸咸地同雞翼幾親！原筒尤魚，太鐘意食次次見到我都會叫呢個個汁好味，不過尤魚唔夠肥美，可惜！極上刺身三文魚腩夠肥夠滑，大蝦超級甜！仲好大隻！粗過我手指公，個頭好多蝦糕，可惜我不吃既。。。阿姨話好甜，我浪費曬。。。蟹丼可能食完刺食，大蝦太甜，呢個蟹丼比較冇風頭，不過蟹肉都好甜。鰻魚丼鰻魚都幾大舊同肥美，唔腥冇骨。最後出場既係黑豚煱豬骨湯底好濃！蔬菜都吸曬味，好甜好鮮黑豚肉咪睇佢甘肥，其實好爽好好味，勁有肉味！平時我怕肥雞皮都不多食，呢個黑豚肉我食左好多，因爲真係勁好味真心推薦黑豚肉煱！！

Happy Friday ! 同公司同事去左lee間食Lunch。我叫左個「三文魚蟹子飯」，d三文魚夠新鮮，而且佢個set仲會包埋面豉湯，味道仲要唔錯價錢唔貴，不過份量就唔夠我食，去到下午我已經肚餓啦

冬天都想食日本野，放工同朋友去了他公司附近的大圍搵日本野食，原來現在還有冬菇亭，而且是裝潢新、清潔的冬菇亭！店名叫壹級日本料理，個肚餓到咕咕作響，好肚餓，點左野之後很快就上菜了，服務生好有禮貌，我地叫左極尚三文魚腩刺身（$98）、2隻珍寶赤蝦刺身（$136）、帶子刺身（$48）、油甘魚飯（$68）、原隻長魷魚（$88）、仲有個黑豚肉火鍋（$188）、雜錦天婦羅（$72）和明太子雞翼。極度推介個黑豚肉火鍋，個湯底超正，豚肉新鮮而且其他蔬菜料好足，可以叫多個麵食，四個人叫一個鍋好抵食。另外刺身好新鮮！三文魚好正啊，有驚喜。魷魚好香，夠惹味好咬口，仲有明太子雞翼啖啖肉，食過仲想叫多碟。今次第一次黎食，先前冇想過會咁有水準，呢間可以返轉頭。

全港第一間位於屋村冬菇亭的日本料理，首先你不要理會它是否正宗不正宗，但先贏綽頭。當然，落入屋村的日本料理，大約都想到是甚麼格調，你斷估沒有可能走高級江戶前路線之級數吧。第一次來，為我的報章專欄做採訪，當晚試了不少菜式，平均也有一定水準，還是那一句：（百貨應百客）或許有人覺得這是港式，但你付出這個價錢，你就要知道會得到甚麼。第二次來，就是我的窮X飯局，其實，當晚我沒有時間坐下吃東西，只是淺嚐少許。今次的飯局純屬即慶，有人中午吃罷一頓豐富的海鮮餐，待我下班後私訊給我：（今晚得唔得閒食飯？）不如土瓜灣？（唔好喇，都係去壹級，就番啲住喺鐵路沿線嘅朋友。）周末的壹級，接近全爆，有家庭客、有行山客、亦有年青一輩，我們一行三人，其中一位朋友仍未太肚餓，我先來一碗油甘魚刺身丼，食住等。六十多元一碗，還包一碗麵豉湯，每一片油甘魚刺身都叫新鮮，你沒可能拿它與高級壽司店相比，畢竟這裡只賣六十多元一碗而已。額外加＄18，即可享用忌廉蟹肉薯餅，外脆內軟，creamy的忌廉與蟹肉，的確美妙。或者你可以在放題，吃到相若的東西，但是放題對我而言太辛苦了，好像逼住你要吃很多東西，我不如逐樣點，自己話事。額外點了螢光魷魚

我最喜歡的節日一定係聖誕節。普天同慶，大家可以同朋友聚會一下！今年揀咗喺大圍食日本餐！午餐時份去到，先挑了刺身及日式壽司飯午餐。刺身拼盤$420每次來，都會揀幾款喜歡的刺身食，今次挑了赤身+油甘魚腩+帶子+珍寶牡丹蝦。刺身是一貫的厚身，新鮮又鮮甜。油甘魚腩肥美，牡丹蝦爽口，帶子就清甜。刺身拼盤性價比也不錯。藍旗呑拿魚蓉帶子蟹籽飯跟味噌湯 $98分量十足的藍旗呑拿魚蓉帶子蟹籽壽司飯，幾個人分，也每人一大碗呢！柔軟的吞拿魚茸混合飯來吃，加上有帶子蟹籽、芝麻、紫菜等相伴，非常不錯。和風炸餃子午餐加＄8就可以有兩隻餃子。本來對餃子沒有太大的期望，但係上桌後，發現是即炸暖熱，很不錯。 清酒煮蜆 $78 大大隻蜆，肉厚嫩滑，份量也很多。冬天最正就係可以飲埋個清酒湯！ 安格斯牛肉鍋$188  最後來了個店主推介的牛肉火鍋🍲。至少3-4 人份量，很適合小家庭食的！豬骨湯底再配上高質素嘅肥美鮮嫩的安格斯牛肉，已經值回票價啦！還包了一大盤yummy優質的日式蔬菜，菇類菜類、豆腐都非常入味，所以非常值得推介。此店乃做街坊生意的日本菜，水準也算不錯呢！

今晚又難得約到一大班朋友食日本菜，今次去嘅地方好特別，喺大圍較入嘅位置，屋村附近嘅一個冬菇亭內。入面樓底幾高，座位寬敞，可以靜靜地傾計，又有大枱，感覺都幾舒適。估唔到食物款式都幾多，仲有二人套餐，感覺好抵食，特別是午市，幾十蚊就有個刺身飯，學生仲有飲品送。我哋最後揀咗二人餐—梅 $638芒果龍蝦沙律因為當日沒豆腐，所以轉了這個沙律，芒果非常香甜而且份量好多，沙律菜亦夠新鮮，底部有大量龍蝦肉粒，配搭好清新。芥辣八爪魚八爪魚彈牙爽口，芥辣亦夠辣，入口十分刺激。刺身七點盛內有三文魚腩、赤身、油甘魚、帶子、北寄貝、珍寶赤蝦及八爪魚。三文魚腩厚切，脂肪分布均勻，好肥美。油甘魚魚油豐富，入口充滿油脂。赤身魚味較重，味道香濃。北寄貝及八爪魚彈牙爽口整碟刺身十分豐富而且好新鮮燒原隻魷魚筒好巨型的魷魚筒，上面充滿惹味醬汁，入口不韌而且富彈性。和牛串及帆立貝串霜降和牛粒串燒得剛剛好，咬入口充滿肉汁，而且夠腍身，而帆立貝亦好大粒，燒得好香又惹味。壽司四件有三文魚籽、三文魚、赤身及油甘魚壽司，質素和刺身盤一樣，飯粒結實有口感。鰻魚炒飯鰻魚炒飯炒得夠鑊氣，入口飯粒軟綿而且夠乾身，鰻魚醬汁亦好入味，鰻魚份量亦夠多

去年的這個月份，朋友搞了一個小活動，相約大家在城門河畔走一走，然後到慈航靜院食齋，當日我就如發現新大陸，原來現在的城門河畔，景緻優美，河畔繞一圈漫步，特別在陽光普照的日子下，不失為賞心樂事，因此今年，我自己再來走一趟。散步之後要醫肚，今年不吃齋，去了現代冬菇亭吃日本菜，這家店是朋友介紹的平靚正之選。冬菇亭以前是屋村的小食檔，現代改良版，乾淨企理有空調，壹級日本料理的店內，據說是四個冬菇亭之中，唯一保留尖頭天花的原本建築，確有特色。午市自選套餐真是超值， ＄35已經有個角切魚生丼，下午茶時段可以＄28吃過拉麵，不過我們遠道而來，不甘只為飽肚，只會選擇最好的，我看中了全日供應的日式火鍋，$188安格斯生牛肉鍋，想不到份量真的足。安格斯生牛肉鍋明火原鍋，奶白色的豬骨湯湯頭，見到已知合心意。有廿多片的安格斯牛肉，非常香嫩，入口鬆軟即溶。蔬菜盆份量豐富，種類越多，超滑的豆腐及巨型菇菌是我最鍾意的。意猶未盡，多點了一個銀鱈魚西京燒跟湯飯餐。銀鱈魚西京燒跟湯飯餐 煎得焦香，銀雪魚超滑，合乎預期，有湯有飯吃得飽。簡單豐富，這家店不俗。

Since the Link took over the main estates, it has brought a new dimension to estate shopping malls and restaurants. When it comes to housing estates, I must mention the collective memory of Hong Kong people - the mushroom temple. Each estate has or ever had a mushroom booth, large and small divided into different food shops, gruel shops, tea restaurants, more is the food stalls, during the day is a resident of the simple meal of office workers at night that is Become bright, voices. Exposure to

平日好少去沙田，今日同家人見天氣好就去城門河行下，順便去文化博物館睇金庸展覽，回程行錯路行左去美林邨，開始肚餓咁就走就地搵餐廳，見到壹級日本料理，睇佢門口餐牌都幾抵食，咁就入去試一試。都係點左一些刺身壽司熟食之類，當中最喜歡自己點的藍鯨吞拿魚蓉蟹籽飯，組合好，味道好，份量適中，除左吞拿魚茸及蟹子外，加多兩片帶子感覺賺左，而且有些白芝麻提升味道。還吃了以下的食品非常豐富：和風餃子這個抵食，星期六日加$8。清酒蜆