壹級日本料理 (已結業)

今日過大圍搵朋友打機，打完機一齊落樓下醫肚，午市已經好多人，等左一陣終於入座。午市套餐抵食，我叫了一個藍旗吞拿魚蓉帶子蟹籽飯，藍旗吞拿魚都只係$98，真係好抵！加$4有紙包飲品。以午市黎講，都幾抵食。藍旗吞拿魚蓉帶子蟹籽飯好足料，有滿滿的吞拿魚蓉、蟹肉、蟹籽、青瓜絲等，口感極為豐富，魚肉鮮美加上爽脆的青瓜絲，一口一口地吃，尤其滿足！之後再加了焦糖菠蘿，在菠蘿上塗了一層薄薄的焦糖，要落去更脆更甜，工序一定比普通燒菠蘿複雜，心思值得欣賞。仲叫左粟米串燒，份糧多，粟米好新鮮好甜，不過就無咩特別，食完特別飽肚，哈哈！

趁放大假又約下大圍友們食飯，上次見面原來已經係半年前的事，原本天寒地凍唔想入大圍架啦,點知朋友同我講原來依間日本野係有得打邊爐，好啦,俾佢說服左入去食。大圍友食量驚人，而且佢對自己的戰鬥力亦相當有自信，我地叫左個黑豚肉火鍋之外仲要再加多個吞拿魚蓉帶子蟹籽飯，一上碟，火鍋料多到嚇親黑豚肉的份量不少，而且還有一大碟菜，非常健康不得不提吞拿魚蓉帶子蟹籽飯都相當有水準吞拿魚味好香好濃，而且我鍾意佢軟綿綿的texture，易入口雖然係好飽，但真係好味番去又要(被迫)跑多幾圈了!

今個冬天真係好凍😑😑凍到好想日日都打邊邊～～見到有個鍋有杞子 又有雞！正！又補又暖胃🤣🤣有菜 好清新好健康的樣子 菇超大粒🤓牛肉排放整齊🤔不是那種入口滿是油脂的牛肉 這個也不錯 入口有口感 又不油！！烏冬😍😍是入口QQ彈牙的烏冬！！超喜歡！真係好想去學整烏冬😍😍😍真的很喜歡那每一啖彈牙的口感😍😍個鍋也很講究的樣子🤔不是平時鋼造的小鍋 而是這個陶瓷鍋這就是期待已久的杞子+雞 未下鍋是這樣子的🤔也很足料👍🏻👍🏻

無嚟壹級一排 估唔到有驚喜一入到去見到點解咁多枱都有個煲既呢？係呢排凍到震既天氣食就啱曬喇！😋嗌曬2款 有黑豚肉鍋 同埋 安格斯牛😋師傅仲好好心機排到靚一靚😍而且菜方面仲有好多款 唔似得一般餐廳個豆腐超滑 再加上啲菜吸曬湯底既精華真係無得輸！！！啲質素好好 唔會太肥 岩岩好！☺️而且服務生都好細心為我哋準備咗火鍋豉油 畢竟同點魚生豉油有啲唔夾嘛！但食日本野點少得魚生飯仍然有我最愛😍 差唔多每次都必食冬天真係會食得多啲熱野我哋仲嗌埋鐵板熱辣辣上到嚟 真係超級暖胃呢！

香港一股寒流，凍得人心惶惶，野都唔想煮，因為唔想洗碗！相信呢段時間多左好多人出街食野，而我都決定要出黎打返次邊爐。朋友又再叫我黎呢間日本野，話有邊爐！（佢太愛日本野，邊爐只係佢既藉口，等佢又可以去食油甘魚）。放左工，抵禦寒風，再次黎到，去時凍，但最正係格離就有巴士返到屋企，不怕風雨！是日美食：打邊爐無個爐點得！主角在此～最正當然係蔬菜類，我係無菜不歡呢！大大菇好好肉，豆腐也是我大愛之物，不過唔太夠，我需要超多！（食肉獸應該唔介意）繼續係菜蔬類，蟹籽沙律，其他人少食，我獨自享受！點解無人識欣賞？上次都有食，如果再黎都會再叫，唔係話好特別，只係個人鍾意呢味野。冷冷夜食冷盤，日本野唔食魚生，仲叫做日本野？三文魚雖然唔夠油甘魚好，但花紋幾靚（扮專家），好食既。（朋友叫左油甘魚飯啦haha，夠分一人一舊）真正邊爐配料出場！黑豚肉，係好食ｄ，但唔識形容，不過肥多左ｄ，瘦ｄ會仲好。（肥會甘ｄ，都好好食）其他野食因為太餓，唔記得影左先ｈａｈａ，下次再戰！

朋友最近好忙，成日都話好攰，唔想出去食飯，唯有我就下佢去佢屋企附近食啦。佢就提議食呢間日本野，其實我過去個個星期已經食左幾餐日本野，唔特別有興趣，但佢想食我就奉陪下啦。黎到店員推薦好似隔離枱咁食火鍋，我即刻就心心眼，因為之前個幾餐都冇食過，可以食下新野都係好事其他就交比朋友叫～我地叫左黑豚肉嘅鍋，本來都覺得2個人食嘅話好似有少少貴，但上枱嘅時候發現佢配料都算幾多，各式菇類好齊全！仲有芋絲蔬菜都幾新鮮，豆腐好滑重點係豚肉超多食肉獸出動啦～豚肉唔會好肥，又唔會好un。最近開始幾欣賞用豬肉打邊爐，唔係成日都只係食牛肉，雖然牛肉打邊爐都係夾嘅，但豬肉真係唔係想像中咁鞋zap zap，可以一戰。打邊爐點可以冇烏冬呢～所以我地都加錢叫左個手打烏冬一黎就可以夠飽肚D，畢竟我地都係大食鬼二黎係烏冬真係打邊爐嘅必備品，有咬口又會吸收湯嘅味道，幾飽都係要食佢黎埋尾～佢會比個火鍋豉油你，少少辣，但我都食到～朋友就叫左呢個忌廉蚧肉薯餅。入面食落口感似薯蓉，都幾得意。2個飽到爆。成日食日本野都係食魚生，呢排真係食到有D驚，加上又凍冰冰唔太想食生冷野，但有其他選擇都幾好呀。呢度平日人唔算好多，環境都唔嘈，所以慢慢

時下興集體回憶，冬菇亭相信也是其中之一，不過，部份逃不過歲月洗禮而被拆卸，幸運的就得以廷續，得以改造成新式食店，我倆是日應約，來到大圍美林邨，相信是全港首間冬菇享日式食店既 壹級日本料理，走進亭內，地方挺寬敝的，約可容納100位食客，看看餐牌，選擇頗多的，豐檢由人選了餐廳推介的 蟹特盛，賣相一點不失禮，只賣$88，蟹肉蟹膏都挺新鮮的潮流興爆丼，這份 藍旗腩蓉海膽三文魚籽飯 應是代表之一，陣容鼎盛，魚腩蓉鮮度不俗，海膽更是甜美，不錯吃多添幾客串燒，特別推介燒菠蘿，特別於燒製過程中用焦糖來鎖住水份，入口菠蘿多汁味美，而其他串燒也不錯喔~以港式日菜來說，是不錯的水準，最重要還是可以來懷舊一番，重拾昔日的回憶~

這陣子天氣實在冷得可怕，身體也凍得很不適。不過所謂有危必有機，如此寒冷正是食火鍋的好時候。我和朋友決定ORDER了這個黑豚肉火鍋 $188，不過只是有豬又若有所失，於是就再加了$98要多個安格斯牛肉 安格斯牛肉，肉質真是一流，單看圖中的牛肉紋理而可知非同凡響，食落口感更是軟滑無比黑豚肉同樣相當高質，影時朋友已忍不住手夾去一大塊肉質嫩滑，是味蕾的一大享受眼見菜單還有鐵板餐，就不如又試一試此店的鐵板餐，就叫個三文魚試鐵板餐一試一上台，實在好驚喜，三文魚扒勁大塊，香氣撲鼻一食更是肉質細緻，厚厚魚扒中的每一層，帶來的層次感都是一種享受，要不是早已說好，實在有點不想SHARE給朋友吃這個鐵板三文魚扒跟飯， 也只是$88，實在沒甚麼餐廳可做到這價錢配以如此質素今餐十分享受，食完已和朋友討論何時再來。

我返工既地點係馬鐡沿線，所以約d係九龍工作既朋友放工見，大圍依個中間位置完全係perfect !!今次都當然唔例外，不過今次依間餐廳真係要介紹下1. 地點: 距離港鐵站有dd遠，不過只係大馬路直行，非常容易搵2. 環境: 入到去一來個樓底好高，二來d位又超舒服，所以一坐底成個環境都好舒服☺3. 食物: 食佐好多野，不過特別介紹兩樣啦! - 蟹特盛丼 千企唔好以為係吞拿魚，其實係蟹! 個配搭係正，同時一個超懶拆殼既我，依個係超好既選擇👍🏼- 雞泡魚乾 我之前食係室溫硬硬的，不過今次有驚喜! 食落去好好岩岩燒出黎，仲好有咬口! 我食到停唔到口

眾所周知，日本是全世界最認真的民族，故此在各個行業範疇，包括料理也一絲不苟。香港的日本菜，卻因為愈開愈多，粗製濫造，質素參差，在香港食日本菜也相當容易中伏，有失日本菜的精髓。要食日本菜當然要食最認真講究的，這間店食材新鮮，服務同烹調技巧都是上級水準。山形角切魚生粒珍寶赤蝦飯 $68這一個飯就盡見大師功架魚生到蝦都新鮮可口，肉質嫩滑，飯粒都無馬虎，粒粒飽滿雪酒淮山杞子雞火鍋 $198這個火鍋套餐，你沒看錯，$198就連半隻鷄，仲有如此一大盤雜菜拼盤。相信大家也發現還多了個安格斯牛肉($98)，食得火煱不吃牛，又會若有所失。鷄肉好嫩滑，盤雜菜拼盤都超足料又新鮮，當中豆腐與靈芝菇是我至愛。安格斯牛肉有圖得見，切得又薄又均勻，大師級刀法。至於牛味濃郁，牛花靚，精挑細選。食日本菜就要有要求，日本菜食肆要認真煮食，選購美味食材，如此才佩得起「日本」之名

今個冬天忽冷忽熱，係時候打下邊爐LA今次去到一個屋苑既冬菇亭壹級日本料理雪酒淮山杞子雞火鍋 $198有一大隻雞及一大盤蔬菜份量十足，足夠二人食用雞有杞子及酒醃過，食落香滑好喜歡有咁多菇做配菜感覺健康手打烏冬+$20, 日式拉麵+$15打邊爐當然要食烏冬LA而E度係日本料理店，當然要叫多個日式拉麵日式拉麵煮到唔太淋，口感彈牙每碟烏冬及拉麵都有二人份量安格斯牛肉 $98好靚呀， 顏色鮮紅數量唔少， 價格合理不仿一試

自從發掘左依這間隱世美食之後, 我和朋友間唔中都會黎聚一聚,雖然地點感覺上有點遠，但公司原來都有架巴士可去到美林村, 所以都可接受今次看見他出了一個冬季食品, 完全想不到日本料理店會有火鍋，還要是醉雞鍋,隻雞是和個鍋分開上的, 所以一睇就睇到份量都不少平時沒甚麼煮食經驗的我們就開始研究應該甚麼時候落雞?應該是一開始水未滾就開始落,還是水滾才落呢?最後我們決定水滾才落!醉雞肉質嫩滑，但略嫌酒味淡了一點, 如果酒味濃一點就更好我們另外叫了一個蟹特盛丼，蟹味係入口之後慢慢滲出黎,身為蟹后既我都讚好!

今次去左呢間食日本野，本身都唔知有呢間野，因為對住係九龍嘅我黎講都偏遠，可能係住附近嘅人先熟悉冬菇亭嘅餐廳，我都係經朋友介紹先去呢到食野。叫左兩份三文魚刺身，見到係厚切同都肥美，食落有油香另外，再叫左個杞子准山雞火鍋，雞嘅份量都算多，而且我中意佢湯底嘅准山，食落幾特別；加埋其他配菜，都有唔同種類，好豐富！再另加$20，加左一個手打烏冬，呢個烏冬好味道，食落彈牙，可以再encore如果下次有多幾個人一齊去食，真係想試埋佢嘅魚生飯

今次到壹級日本料理不食刺身，原來呢度推出了日式火鍋，見涼涼地最好又打邊爐了，點了雪酒淮山杞子鷄火鍋($198)、一份安格斯牛肉($98)及一份黑豚肉($88)。呢個雪酒淮山杞子鷄火鍋套餐，跟半隻鷄及一盤雜菜拼盤，鷄肉好嫩好滑，食完仲暖粒粒，盤雜菜拼盤都好足料又新鮮，有豆腐、芋絲、冬菇、靈芝菇、金菇、京蔥、小唐菜、旺菜，有足夠纖維了。食肉獸的我們當然點了一份安格斯牛肉及一份黑豚肉，安格斯牛肉切得夠薄，肉味都算夠，已經很不錯，而黑豚肉更嫩滑，比牛肉更好食，最後追加一份手打烏冬($20)及日本拉麵($15)，大滿足。

大圍美林邨的冬菇亭, 是大家的集體回憶, 現在已經優化了冬菇亭, 也進住了不同的食肆, 不過價錢依然親民 今晚約了在附近教書的朋友來吃晚餐, 藍旗呑拿魚蓉帶子蟹籽飯跟味噌湯 (HKD98), 大大一碗丼飯, 藍旗呑拿魚蓉非常新鮮, 藍鰭吞拿魚味道濃郁, 配上大大隻的帶子, 及晶瑩通透的蟹籽, 性價比真的超高~ 入冬就當然要吃多一點溫熱的食物啦, 我們就叫了個日式火鍋 - 黑豚鍋 (HKD188), 自選配菜我們就算了豆腐, 金菇, 冬菇, 娃娃菜, 白菜, 芋絲等等. 我們首先將配菜放入這個奶白色的豬骨湯底. 湯底滾後我們就開始shabushabu, 把黑豚肉放進鍋, 果然是黑豚肉, 豚肉味道甚為香濃, 加上半肥瘦的黑豚肉肉質非常鮮嫩, 入口黑豚的脂肪慢慢滲透於整個口腔之中, 我都要大叫一聲 ichiban~~ 在加個手打烏冬 (HKD20), 爽口彈牙的烏冬用嚟shabushabu, 當然是最好的配搭啦~