壹級日本料理 (已結業)

番工忙完衝完一輪, 梗係要搵D美食黎慰藉下心靈而且最岩就係叫埋三五知己一齊去食,自從去完一次之後, 我和朋友都好鍾意再去依間餐廳貪佢靜靜地 , 又坐得舒服, 而且食物質素都很好今次叫了極上三文魚腩, 魚腩的肥瘦比例適中, 鮮甜滑溜 , 可以sir 入個口另外有"橋"麥冷面, 冷面的面質幾好, 不過可能我個人比較重口味, 如果個汁可以濃少少就好,但朋友就說OK最後還有左口飯好欣賞左口魚肉質柔軟 入口即溶.而且魚肉份量都多, 性價比高, 值得再encore

早排要去大圍幫朋友搞結婚嘢，上去前亂搵OR，發覺美林村有間平靚正日本嘢壹級日本料理，反正地鐵站行去都係10分鐘，就去試下啦。 壹級日本料理係冬菇x果度，店面好大，但星期六lunch都full。好彩我地得2條友，等一陣就有位，而且員工執枱好快手。 坐底發覺lunch menu係超抵，同晚市差唔多量嘅但係lunch嘅價錢。 我地叫咗三文魚刺身三切、雜錦魚生飯、忌廉蟹肉薯餅同串燒。 三文魚刺身三切好豐富，有厚切三文魚、牧丹蝦、帶子同油甘魚。刺身鮮甜新鮮，味道好好。lunch都食得咁豐富，仲要唔貴，實在好邪惡。 雜錦魚生飯勁抵食，幾十蚊就有齊三款魚刺身粒粒，仲要唔係HEA嘢，份量大仲要好食！ 忌廉蟹肉薯餅係我心頭好，見到必點！炸得香脆，餡料又滑，好味。 大胃王嘅我地仲叫埋串燒，蘋果豚肉卷串、燒牛脷同燒冬菇。 推介蘋果豚肉卷串，平時食煙肉蕃茄仔就多，食蘋果豚肉卷串卻係第一次。 微酸甜嘅蘋果配上JUICY豚肉卷，好夾，食完係嘩一聲呀！！燒牛脷係厚切，，正！ 下次再唻同朋友傾嘢，索性唻食晚餐！

屋邨的熟食店變高級了，沙田美林邨的熟食亭不再是大排檔，而是一間間獨立的餐廳。上星期大圍搵食，有朋友提議不如去美林邨食日本料理，沒想到是以前的熟食亭，都轉營了，每個熟食亭都變為一間獨立的餐廳，這日本料理店外表還不錯，進去看看坐位分佈都挻好的，燈光柔和，坐位也寬炇，坐得舒服。兩個人，每人各自點了自己的餐，加多份炒雜菌。- 吉烈豬扒飯定食，不錯，豬扒炸得香硊不會油油的，朋友很喜歡但我覺得有點乾。- 油甘魚刺身飯定食，這個我很喜歡呢…. 本身好鐘意油甘魚已經加分，這裡的油甘魚食落好有口感，彈牙的魚肉，新鮮感充滿口腔。回想起都開始。- 黑松露牛油雜菌，味道很好的，只是略嫌有點油。大致對這裡都挻滿意的，服務也不錯，又坐得舒服，讚！

這星期被派往大圍辦公室工作，大圍都几多野食一個搵食唔難嘅地方，今日同事話帶我去遠D食一級料理…. 咁正？Hahahaa“遠D”原來只係行10分鐘就到的美林邨，”一級料理”，原來係一間叫 “壹級”嘅日本料理，同事真有趣。叫了兩款定食和金菇肥牛串燒，Share食。我中意食剌身，叫左個剌身飯，好好味呀，感覺所有魚和蝦都好新鮮，美味！同事叫左個好似係豬骨飯，請左一舊我食，正喎，好入味，豬軟骨連住D肥肉和瘦肉，好味，刺身的清淡豬骨的濃味，好大衝突呀，但各有吸引之處。金菇肥牛串，中規中矩，還不錯。豐富嘅午餐後，返OFFICE又要恰眼瞓了…… 下次試下約人黎食晚飯先，可以慢慢食，叫多几款試下。

同朋友大圍拎野，突然想食平野又想食日本野，就醒起大圍得幾間日本野價錢都唔平，所以就提議食呢間喇不如，黎到價錢平咗好多，晚市set好抵食😍一百蚊有找，最正係炒麵😍😍帶子刺身，好新鮮好味，仲有好多配料，正阿叫咗個湯拉麵，不過不失，湯底清甜唔會過咸，拉麵彈牙爽滑炒麵，勁好食，唔會太濕又唔會太油，剛剛好，配料同個炒麵好夾，唔會好咸好重口味，估唔到個炒麵出乎預料之外咁好食阿🙈綜合黎講，炒麵正過拉麵，好少地方日式炒麵整到咁好食

近幾年都無咩食日本野（除左爭鮮），一黎貴，二黎就係唔知點解HAHA突然有ＦＤ叫到想試下，特別野喎，個建築（好似係）所以就試下！先黎個手卷派對，蟹籽係我最愛！其他可以放耐左，搞到紫菜軟左，所以記得一黎就要食啦！！記得！跟住食左Ｄ串燒，但唔知點解無影到～呢個未係最好食，金菇肥牛先係致愛汁醬一流主菜係烏冬同呢個炸豬！！炸既水準非一般，唔油，唔厚，可以拍得住炸豬專門店！未食曬先點曬Ｄ醬是常識吧總括黎講都唔錯，不過就偏左Ｄ，出左港鐵仲要行５－１０分鐘。不過可以一試！

有晚放工約左朋友食飯，偶而行到大圍美林附近，竟然係屋邨發現有咁多餐廳，一向喜歡食日本野，就揀左呢間野入左去，店內裝修尚算日式，可惜無影到相🤨叫左魚生飯，個人認為魚生不錯，尤其係蝦刺身，非常爽甜配上芝麻既飯都不錯👍🏻但拉麵略嫌麵太硬🤦🏼‍♀️烏冬還好🤪配料太少，𣎴太特別炸豬扒飯就中規中矩，不太特別！略嫌皮太厚，肉有點乾身🙈聽聞炒雜菌都好食，可惜食唔落，下次會試😁推介刺身飯，下次會試下多啲刺身

「辛苦得來志在食」，每日返工咁多個鐘真係好攰，放咗工梗係食返餐好㗎啦！今日約咗新同事來呢間「壹級日本料理」食餐好嘅，（記得上次我來食已經好滿意，還記得服務好好^_^）食日式料理當然一定要有刺身同壽司啦！朋友話好鍾意食八爪魚刺身，因為夠爽口！而我呢？喜歡油金魚刺身同埋帶子刺身，鮮甜！至於壽司，唔錯，啲飯唔會散晒。「番薯天婦羅」、「忌廉蚧肉薯餅」：除咗壽司刺身，炸物一樣出色，夠熱又脆，而且一啲都唔覺得有油膩。「黑豚肉野菜炒麵」：香口，唔油唔笠，鍾意呢個麵底。

一大班人話要去食嘢，通常買單都要四，五百蚊一個。可能我哋特別為食。。所以好多時都係揀啲平平哋嘅中式小菜為大家嘅荷包慳下。今日忽然間諗起呢一間日本野，佢嘅價錢相宜得來嘅食物質素又唔錯，所以今餐食咗好多野，除返埋都係二，三百蚊個人，絕對抵食。首先就叫咗個鱈魚干食住先，可以一路等朋友一路食。我好鍾意食呢個，因為咬落去脆卜卜，又香口，仲可以點我最鍾意嘅沙律醬食。跟住就點左幾款唔同嘅串燒，我覺得最特別嘅就係雞皮串燒同埋蘋果豚肉卷。雞皮其實好少會見到做串燒，日本先會常見d。而蘋果豚肉卷就真係系出邊食都無食過，佢嘅配搭真係比較特別。出面係燒烤嘅肉香，薄薄的肉片包住入邊舊蘋果粒，酸酸甜甜又開胃，又好食。蒲燒鰻魚飯呢個又真係幾唔錯，唔似係啲即食嘅鰻魚就咁叮翻熱佢就算。會經過烤一烤，所以有烤嘅香氣，而且份量亦唔少，套餐仲會配埋個面豉湯飲，不錯。如果惠顧套餐仲可以加個三文魚刺身，另外仲會有個三文魚水撥加埋，平時可能好少會食到呢一個位。其實就係三文魚鮨嗰個位置，呢個位嘅油脂會比較多啲，所以食落去好creamy ，好滿足，一定要試下。

一年之中總會去車公廟同車公吹下水，但通常拜完就行去沙田又或者出旺角搵食兼返歸， 今次就試下喺大圍搵食發掘新嘢。查查下見到原來呢頭都有唔少冬菇亭熟食亭，而呢間號稱係全港第一間冬菇亭賣日本料理，偽日本人當然要去會一會佢。舖頭出面就係美林巴士總站，一出去就有巴士出觀塘，啱晒我。對冬菇亭嘅印象主要都係大牌檔，大概係普通乾淨同埋食小菜飲大啤，男人嘅浪漫咁嘅格局。呢度似乎開咗唔耐，睇落地方就幾整齊，大圓枱吧枱卡位都有，一家大細嚟又得，情侶偷食…呀唔係，搵食都唔失禮。我哋得兩個人自然睇下有無二人套餐食啦，佢有三款二人套餐，睇落就相當豐盛，而且下面寫住免加一添， 不過近期手頭緊都係慳住食好啲。然後我睇中咗呢個自選配搭晚餐，選擇都幾多而且仲可以加小食，價錢又唔貴。朋友想食忌廉蟹肉薯餅我又啱，我想食餃子佢又吔，見張點菜紙無寫只可以加一客，膽粗粗點晒兩款兩客，得咗，實係車公保佑。小食當然會上枱先啦，忌廉蟹肉薯餅同餃子我就點都唔信係舖頭自己整嘅，但呢個唔重要，最緊要佢夠熱辣辣，薯餅外脆內軟，餃子亦香脆飽滿，入貨嘅水準都唔錯，食得過。喺咁多款丼飯中其實我想揀雲丹丼飯同油甘魚飯，但哪有錢？就淨係揀咗香蔥油甘魚飯，

前幾日到大圍探朋友，順道係附近搵食。我當日好想食日本菜，朋友就推介美林邨呢間日本料理。環境舒適寬敞，不錯！首要梗係要叫刺身，本人十分鍾意食三文魚同甜蝦，但呢度既油甘魚刺身係最出色！肥美美味，好好味餃子亦係我想食，熱辣辣食最正金菇牛肉卷串，多汁入味，口感好熟食食物仲有串燒，也是不錯的我地見有燒菠蘿，十分興奮！雖然比平時細左少少，但很甜很美味！烏冬係我最愛，不過不失最後點了刺身飯，份量多到應該屬於兩人食，正！

上次見價錢ok 又幾好味同埋佢係無限時㗎👍🏻所以可以坐好耐慢慢食 又唔怕俾人催 趕你走為咗就朋友仔返工既地方，今次又再光顧！今次試咗啲上次無食既野其中最值得推介係魚生飯啲海鮮都幾新鮮同埋夠曬足料唔似得某啲餐廳得個少少喺面 食到底下得返啲飯另外又叫咗啲刺身都算幾厚切 非常足料睇相就知幾肥美平時好少食第二款個隻三文魚腩原來呢個部位都幾好味！可以再encore!!!而個刺身拼盆有蝦 有油甘魚 有八爪魚 都算ok! 個蝦相對其他兩款出色啲！總結今次都食得幾開心又唔會過飽 又唔算太貴！一於年尾出花紅再嚟食過算PS 估唔到餐廳都有2格廁所同埋好乾淨！ 不過個冷氣就凍咗啲 見到17度 嚇咗一跳😂😂

大概兩個月前食過呢間，食過番尋味，就Ecore下咯以為食過就會無新鮮感? 咁就大錯特錯，今次我就玩盡佢，當佢街邊小食咁，怒食串燒，睇下佢質素去到邊先咁當然唔少得，都要食返個我最愛嘅三文魚刺身嘅三文魚(刺身) 10片 $68高質嘅三文魚刺身真係百食不厭，軟軟滑滑起口中慢慢融化，又好似不斷用滑溜嫩滑嘅肉質按摩我條脷咁，真係好HIGH年糕牛肉卷串(2串) $44牛肉嘅鬆軟肉質配彈牙嘅年糕，牛肉嘅鮮味滲入年糕口感更立體，好正蘋果豚肉卷串(2串) $44蘋果同豚肉，嘩又一創意傑作，但又掌握得恰到好處，兩樣睇落唔match嘅野可以包同燒得咁靚味道仲好惹味，豚肉味道簡直提昇到另一層次冬菇串 (2串) $44相對黎講係好普通，但最普通嘅野先最巧細心，冬菇唔同我食開嘅，呢個好高質，燒得極為均勻，肉質爽滑，食完仲想再食。如果有小朋友扭計唔鐘意食冬菇，比呢個佢食就啱啦等佢從此愛上呢餐堅高質，邊個話晚飯唔可以用小食做一餐，我就享受左比大家睇

好耐之前已經嚟過美林邨，但係好似有八年冇返嚟，今晚今日放工早左又想去大圍搵朋友食個晚飯，大家都好想食日本料理，無意中就搵到呢一間餐廳， 佢係隱身喺美林邨嘅冬菇亭，環境都幾好，燈光比較暗，好有高級日本餐廳料理既感覺，而且價錢好似幾平首先，我哋因為有兩個人嘅關係所以就可以叫一份小食大家share所以就帶咗忌廉蚧肉薯餅一份 呢個薯餅新鮮滾熱辣， 係啱啱炸出嚟嘅， 外脆內軟，加埋沙律醬，做前菜小食真係好滿足！同埋呢個薯餅好有飽肚感，建議可以兩至三個人一齊食一份 之後就到主菜啦，就叫左一個蒲燒鰻魚飯呢個鰻魚飯真係好好食， 鰻魚好軟，而且重點係冇骨， 真係呢個價錢來講真係好好味！我覺得呢個好抵食，因為普通食一個鰻魚飯都冇可能咁平必推！之後仲叫咗多一個豬軟骨拉麵， 豬軟骨好入味好稔呢個豬軟骨拉麵只係需要＄47，日式料理餐廳咁嘅價錢來講真係唔錯，湯底同面都好好味好彩交通同我屋企好方便， 我諗我下次都係會再黎呢間食！環境好同朋友聚會真係唔錯唔會太過多人

去開大圍，就一定會過黎呢度食飯。貪佢大件夾抵食！呢度啲枱夠晒大張，成班人一齊黎食都會坐得好舒服。兩個人食飯，點咗晚餐。今期啱食蟹肉，所以點咗個蟹特盛丼！HK$88 好大份，當中有「松葉蟹膏、蟹肉、蟹籽」。蟹肉拆得好碎，再溝埋蟹膏，更有鮮味。而蟹籽就令到食起上黎更有口感。蕃茄豆腐沙律HK$65我哋再散叫咗款沙律，但又唔想食平時食開個啲，今次就改食呢款蕃茄豆腐沙律。豆腐厚切，加上新鮮大塊的蕃茄，很新鮮！燒魷魚筒HK$88原筒的魷魚，鮮燒，加上特製燒汁，食起上黎，更加有風味。而且燒到唔會過火，適度好處。霜降和牛粒串大大粒的霜降和牛粒，燒到啱啱好，有著炭火香，而牛粒也很嫩滑。燒帆立貝大大粒的帆立貝，用著炭火燒，更加香口惹味。有點點微脆，而帆立貝也香嫩惹味。鰻魚炒飯HK$88大大碟的鰻魚炒飯，有著我最鐘意既鰻魚粒，加上有鰻魚醬，食起上黎更加有日式鰻魚的風味。咁多嘢，價錢唔貴，真係好抵食！