大同私房菜會所

營業中

休息中

響螺花旗參燉野生水鴨，響螺有清肝潤肺、明目、開胃消滯、滋陰補腎、養顏的功效，甚至可以治療咳嗽 .非常有益身體紅燒乳鴿外脆內嫩又多汁，個醬汁係自己煮左好耐，加埋醬汁，鮮檸汁食，微甜又甜咸，連個脆片都可以食，好脆。法式焗蟹蓋蟹肉蟹膏加埋香滑既忌廉、芝士同埋牛油，仲有鹽、黑椒調味，賣相同味道俱佳。鼎湖上素係有名既廣東菜，食既時候鲜嫩滑爽，清香四溢，係素菜既天花板清炒涼瓜，用鹽洗左好耐，一D都唔苦，軟度剛剛好，好味道！龍蝦粉絲煲龍蝦Q彈緊實，搭配主廚特調既調味料，粉絲吸滿調味既汁，香氣濃郁，非常惹味。咖哩牛腩  咖喱汁層次豐富，牛腩軟滑、薯仔吸收左咖哩既湯汁，非常好食。大同荷葉飯，飯有荷葉既清香，食落好鮮味。陳皮綠豆沙，煮到好軟綿，口感一流大同令我食到廣東菜，服務仲好好，間唔中食到好味既私房菜，心情都會變好

呢日約咗屋企人去食私房菜，我哋都好鍾意食中菜，呢間私房菜係粵菜頂級品牌大同酒家後人所創辦，可以品嘗到傳統既粵菜。今次我哋點嘅菜式都好吸引。首先係法式焗蟹蓋，蟹蓋入面有滿滿既蟹肉同蟹膏，勁吸引。下一道菜係燕窩鷓鴣粥，呢道菜高級又養生，對氣管好好。自泡味菜炒豬肚好惹味，爽脆嘅豬肚同酸菜配搭得好好。廣州荔灣豉椒炒蟹都好正，炒蟹大大隻，入面有好多鮮甜既蟹肉。腿茸奶油津白上面既奶油又香又滑，配埋煮到軟腍既津白，正。蜜汁火方係方包夾住火腿同埋菠蘿，層次豐富，菠蘿嘅酸甜可以中和返火腿嘅鹹香，好夾。咖喱牛腩撈飯一流。壓軸登場嘅係呢個蟹油撈麵，勁邪惡。最後，甜品係二十年陳皮紅豆沙，紅豆沙煮到好綿密，甜度啱啱好。

尋晚老細請客，話食收爐宴（兼歡送其中一位隊員），最初老細話揀咗呢間舖頭嘅時候，我都唔係好知，但原來「大同」大有來頭，而且都有返咁上下歷史，以及食物質素都唔差 （當然，個價錢都唔平啦！不過，既然老細請客，我都唔理咁多食咗先算。😆呢個地方啲嘢食質素真係唔錯，尤其是嗰個鷓鴣燕窩粥，超足料！而且金華火腿的味道好濃郁，我覺得淨係食呢個粥都好夠，已經可以值回票價，個人覺得係必點嘅食物之一。其次，我個人覺得20年陳皮紅豆沙及蟹油撈麵超正！如果可以的話，我覺得依兩個配搭簡直絕配！最後，個人覺得個咖喱牛腩都係一定要點嘅菜式之一。最初，當我見到牛腩上枱的時候，心想：喺茶餐廳都食到嘅嘢要喺度食？得唔得㗎 ？ ？但係食完之後我覺得都係必要嘅菜式之一。因為牛腩炆得好腍，超級好食！不過，唯一我覺得可以改善的是薯仔可以切得細一點。😆

大家族食飯 咁啱知道以前食開果間九龍城大同私房菜係尖沙咀重開就打電話約左。新店裝修的好靚 咁啱聖誕有埋聖誕樹。老闆話每晚最多做兩圍大臺 所以一定要事先約。🫡我地叫左十幾款菜有幾樣特別鍾意。😛😘燕窩鷓鴣粥 用金華火腿同冬瓜蓉加少少燕窩 好match 好有質感成碗野😙跟住食‘’撈起 ‘’ 老闆要要加飯加生菜一齊食幾得意D魚好爽口😚總有我最鍾意食既蜜汁火方 佢既做法比較新奇用菠蘿同三文治麵包 幾fresh 成個口感總有乳鴿 D乳鴿汁暖粒粒淋上去加D檸檬 好夾毫無油膩感😍總有碟苦瓜雖然我本身唔鍾意食苦瓜 試左一塊又真係爽過平時食果D同埋真係唔苦老闆話原來佢地啤水啤左兩個鐘好有心機🙏🏼臨尾總有咖喱牛腩加荷葉飯 咖喱好香煮到D牛腩好入味 撈落熱辣辣既荷葉飯到 好香口好好送飯最後糖水有陳皮紅豆沙 好足料D好香陳皮味食左兩個幾鐘好飽 好啱一大家族飯聚 環境又舒服高檔菜式別出心裁 同一辦酒樓好唔同好有新鮮感。屋企人食完都狂like .總可以自己帶酒上去唔收開瓶費 啱曬D長輩可以帶酒上去圍威喂飲🤣✅

經朋友介紹下去了尖沙咀既大同私房菜，餐廳要以預約booking, 做傳統和新式廣東菜！包箱之餘還有卡拉ok可供客人享用，環境優雅有格調。花旗參響螺燉水鴨，睇湯渣就知夠足料，湯頭無味精而且無乜油！飲起黎夠簡單直接，有響螺既鮮味之餘還有鴨肉既香味，湯渣再配上辣椒豉油更有風味。芝士焗蟹蓋帶有微微既香辣感，反而更襯托出蟹肉配芝士既香味！滿滿既餡料迫爆蟹蓋，可配上醋汁更為風味！啖啖蟹香非常滋味。左宗棠辣雞味道比較濃香惹味，辣度都相當有風味，雞丁啖啖肉唔乾身，味道幾吸引我既味蕾。蟹粉豆苗份量夠多，蟹粉金黃，豆苗色澤夠光澤！而且豆苗無渣，入口味道相當討好，還帶有陣陣既蟹香。紅燒乳鴿隻隻都夠大隻，肉嫩夠入味， 鹵水汁相當出色，味道濃而不咸！還伴上脆脆既蝦片，幾大月層次口感。廣州荔灣豉椒炒蟹相當有風味，唔係用炸蒜炒！所以味道更為香濃入味！蟹肉夠新鮮，醬料香味融入其中，炒得夠香夠鑊氣。大同咖喱牛腩配荷葉飯，咖喱類都係餐廳既招牌菜式，味道香而不辣！牛腩夠嫩夠淋！再配荷葉飯，内裡配料超多又豐富，還滲出陣陣雞潤香味。

食私房菜最重要既係菜色夠特別，環境又舒服，意外發掘到尖沙咀有一間驚喜私房菜 - 大同私房菜餐廳主打廣州大同酒家的舊粵菜風格，著重保留傳統廣東菜，合適一家人聚餐同晏會用餐仲有一大個房間可供唱K、品茶之用，食得開心又玩得高興🥢撈魚生運用深海魚取代以往的淡水魚，食得更為放心，魚肉新鮮嫩滑，刀功細膩，沒有魚刺，拌勻配料，並運用生菜包入飯、魚、配料，口感層次非常豐富🥢鷓鴣燕窩粥 是廣州大同酒家的名菜，以往會用作老人補身和晏會之用，加入珍貴鳥類「鷓鴣」，有濃郁的燕窩香氣，放入大量金華火腿，具濃郁的鹹香味道。粥品濃稠並帶有鷓鴣肉的鮮美風味，溫潤而滋味豐富，伴入醋更加提鮮🥢陳年鹵水汁 燒乳鴒乳鴒肉質嫩滑和有淡淡的肉香，外皮焦脆。陳年鹵水汁香味濃郁，非常入味，味道微甜，乳鴒肉吸收了豐富的鹵水汁調味，味道層次豐富，再加上自家炸蝦片，乳鴿肉的嫩滑與蝦片的脆爽相結合，帶來豐富的口感層次🥢荔灣豉椒炒蟹菜式就如以往的艇仔船家的炒蟹，豉椒為主要調味料，豉椒的鹹香和微辣與蟹肉的鮮甜相結合，形成一種鮮明的對比和豐富的層次感。🥢蝦子醬柚皮節瓜以節瓜為主料，配以蝦子醬和柚皮。蝦子醬的鹹香和柚皮的清香相互融合，為節瓜帶來了獨

每道都係出面食唔到嘅菜式，大同酒家嘅熱門都食得到，帶長輩食一定冇錯！燕窩鷓鴣粥必點菜式，海量燕窩配上金華火腿同鷓鴣，咸香味好出，加上紅醋都唔錯順德式撈起新鮮魚生係基本啦，加埋花生、蔥、紅椒、油炸鬼一齊撈起，再包生菜，白飯同新醬，好豐富同新鮮嘅味道舊荔灣豉椒蟹聽講係避風塘炒蟹嘅前身！用海量嘅豆豉同辣椒乾炒起，惹味得嚟又唔辣啵蜜汁火方小朋友最愛！方包加上波蘿同金華火腿，咸咸甜甜，好開胃清炒涼瓜唔苦甘甘地，食落幾解膩荷葉飯幾清淡，食到唔少嘅冬菇同潤腸炸子雞滑嫩嘅雞肉配上陳年鹵水汁，冇得輸蟹油撈面用上啱啱炒蟹嘅汁，所以精華都係哂到，冇可能唔好食！二十年陳皮紅豆沙煲得好綿，微甜，食到炒炒紅豆

呢度環境裝修好靚好高級 坐得好舒服 每上一道菜老闆都會親自介紹 態度好好👍🏽燕窩鷓鴣粥呢個係由燕窩、金華火腿同埋鷓鴣肉煮出嚟嘅粥 好香濃👍🏽順德式撈魚生呢個魚生用咗深海𩶘魚 好鮮味好彈牙 連埋花生油炸鬼薑蔥等等一齊食 幾開胃廣州荔灣豉椒炒蟹呢度菜係用以前避風塘炒蟹嘅做法 肉質新鮮蟹膏好甜 值得一提係醬料無蓋住蟹嘅味道 反而令到呢道菜嘅層次多咗 好惹味🈵蜜汁火方朋友好鍾意食呢個 火腿加埋菠蘿 連埋麵包夾埋一齊食 係出乎意料咁夾👍🏽👍🏽清炒涼瓜呢個一啲都唔苦 好清爽🥰大同炸子雞我最鍾意食呢個 塊皮超香脆 肉質肥美👍🏽👍🏽👍🏽👍🏽大同荷葉飯飯粒粒分明 絕對唔係求其做👍🏽蟹油撈麵呢個係用咗啱啱炒蟹嘅蟹油整 超級香🤤陳皮紅豆沙紅豆軟淋 陳皮好香 最尾食呢個嚟完結今餐好滿足😍一大班朋友親戚約食飯 呢度係個好好嘅選擇 仲有私人洗手間 好有私隱 亦都唔會聽到隔離房嘅聲👍🏽👍🏽如果上嚟食記得要預約 因為呢度得兩張大枱！總結今晚食咗好多嘢 每一款都好獨特 非常推薦大家一試👍🏽

開胃前菜自家制咸酸菜脆脆花生燕窩鷓鴣粥上碟就聞到好重金華火腿味比較似羹雖然名有個粥字 但傳統係冇加米據說係舊時富貴人家既養生食物 仲有止咳功效民初順德撈魚生撈起 係意頭好既新年菜有別於普通用三文魚生呢到用左深海鱲魚賣相口感都幾似日本鯛魚刺生飯後google一下原來鱲魚同鯛魚係同屬一個品種「鯛科」可以用生菜包住生魚片同白飯一齊食用廣州荔灣豉椒炒蟹惹味唔太辣餐廳好貼心提供左膠手套同濕紙巾蜜汁火方方包夾住金華火腿同菠蘿特別之處係用左菠蘿清炒涼瓜用左汆水方式去涼瓜既苦澀味再以清炒烹調保留左少許涼瓜苦澀口感大同炸子雞雞肉嫰滑配上自家調制既鹵水汁大同荷葉飯上枱已經聞到好香既荷葉味荷葉飯加左切粒冬菇同肉粒蟹油撈麵生麵麵質適中可以隨量加入蟹油醬料 自己撈麵惹味全清飯後甜品二十年陳皮紅豆沙大同後人會親自介紹每款菜式歷史 烹調方法 同 食用方式一晚特別既中菜體驗

母親節就快到啦🥰今年母親節帶媽咪嚟食私房菜！廚藝了得嘅母親大人對食有一定嘅追求同講究😎所以我都做足功課唔敢偷懶㗎！由尖沙咀地鐵站A1出口行7分鐘左右就到達餐廳好快就到啦👍🏻🌟前菜 - 自家製潮州式咸酸菜味道酸酸甜甜好開胃😋前菜仲有潮式花生🥜咸咸香香脆脆好味道！🌟燕窩鷓鴣粥係呢到嘅招牌菜👏🏻有金華火腿、鷓鴣肉同燕窩製成😋鷓鴣仲有化痰止咳作用添！食之前記得要攪勻燕窩！咁就啖啖都有絲絲燕窩口感啦！根據自己口味加入紅醋！但係我同媽咪都覺得覺得唔落紅醋都已經好好味啦！🌟民初順德式撈起「撈起」寓意風生水起！大時大節嘅日子會由長輩撈起！今日慶祝母親節當然由媽媽大人負責撈起啦😋有油炸鬼、深海魚魚生、蔥絲、辣椒、花生！包住生菜加啲白飯再加配料一齊食真係幾惹味喎👍🏻🌟廣州舊荔灣豉椒蟹避風塘炒蟹嘅原型🦀用咗好多豆豉同辣椒乾炒成嘅！蟹鉗好鮮甜仲好大隻😋廚師已經扑好蟹殼方便我哋拆蟹👏🏻不得不提炸過嘅香蔥索盡肉汁真係超惹味呀！🌟蜜汁火方蜜汁火方嘅舊式做法用蓮子同腐皮製作！但因為味道太滯而改良左新食法！用金華火腿配上菠蘿夾白麵包！減少咗肥膩感甜甜地好味又解膩！🌟清炒涼瓜招牌菜之一👍🏻將苦瓜汆水兩小時！然後直接生炒

今日同朋友去咗食呢間《大同私房菜》；佢係做廣東菜同粵菜起家嘅，而家已經做到第三代。呢個私房菜有兩間大房，中間亦都有間娛樂室，預約時間夾到嘅話仲可以入去唱下K添！燕窩鷓鴣粥第一道菜亦係餐廳嘅招牌菜，食得出豐富嘅材料、燉煮過後亦都好軟稔，當中仲有唔少靚料如金華火腿、鷓鴣同燕窩等，食材都配搭得好好，充滿鹹香，加啲醋喺面仲可以減膩，令人更開胃！味菜豬肚尖一上菜就聞到胡椒爆香嘅味，而豬肚尖經過處理後係唔會怕有任何腥味，亦都唔會炒得過韌，食落惹味又有咬口，真係幾好食。順德式撈起平時食得多壽司，都係第一次食中式嘅魚生包飯。呢度係順德嘅風味菜，因為河魚比較多菌不宜生食，所以店家都用左立魚（海魚）去做呢道菜，連埋飯包埋生菜，最後加咗幾滴余均益辣椒醬，食到魚嘅鮮味，亦都有少少辣椒香辣味！新年食夠哂意頭🧧傳統蝦多士🍤🍞平時食嘅蝦多士多數都係蝦膠，而佢個傳統係佢將豬肉同蝦膠加入去，皮脆餡靚，口感更煙韌。荔灣式豉椒炒蟹🦀呢道炒蟹同樣好有豉椒風味，而且辣度適中，蟹腳已經預先拆開，可以好方便就食到裡面嘅蟹肉😚蜜汁火方呢個都係第一次食！菠蘿蜜片同金華火腿放埋一齊，帶果香嘅酸味同時夾雜肉香味，真心覺得唔錯！不過如果麵包

一班朋友約食飯，想有自己的空間，唔想俾其他人騷擾到大家聚舊傾計，「大同私房菜會所」真是最好不過，一房間一圍枱，有私人洗手間，唔使成日行出行入。「大同私房菜會所」是廣州著名大同酒家第三代後人主理，很多菜式唔係咁容易係其他中菜館可以食到。燕窩鷓鴣粥燕窩、鷓鴣、金華火腿，廚師用了其他材料取代木薯，令到粥底冇咁杰撻撻，口感更順滑，燕窩份量十足，鷓鴣肉質嫩滑，上金華火腿的鹹香，食落味道一流。自醃味菜炒肚尖他們自家醃製的味菜，味道不太鹹，口感特別爽口，豬肚尖比起普通的豬肚特別爽脆，非常美味。順德式撈魚生魚生方面，用了鱲魚，配上葱絲、花生、油炸鬼和醬汁撈起，然後用生菜包埋白飯一同吃，鮮味之餘，有生菜的清新，口感一點都不膩。大蝦多士肥豬肉加上蝦膠，配上原隻虎蝦，名副其實的大蝦多士，大蝦新鮮，外皮炸得脆脆，吃得非常滿足。廣州荔灣豉椒炒蟹新鮮帶少少辣味，好吃。蜜汁火方從來沒想過金華火腿可以配菠蘿夾在麵包入面一同吃，而味道配合得天衣無縫，金華火腿的鹹香，菠蘿的甜味，白麵包剛好中和了他們的味道。咖哩牛腩牛腩薯仔炆得腍腍的，吃得一口接一口。鮮蝦荷葉飯淡淡荷葉的清香，廚師推介我們加醋吃，令到荷葉飯味道更突出。蟹油

大同私房菜會所是大同第三代傳人開辦的，專做失傳粵菜。會所有三間房間，兩間各有大枱一張，每間可容納約12人，佈置很優雅用了抽象畫作裝飾，另一間是供娛樂用途的，內有卡拉ok🎤、麻雀枱🀄供應，很適合大伙兒聚餐的地方，由於只有兩張大枱所以一定要預約。另外老闆好專業，每上一道菜都會講解菜式的歷史和做法，值得一讚！👍💯1：燕窩鷓鴣粥是一個傳統舊式粵菜，沒有米🍚的成分，材料有鷓鴣肉、燕窩、金華火腿粒，用了傳統做法不像新式的酒樓加入木薯粉煮稠，入口質感濃厚適中不糊口，味道帶有金華火腿的鹹味，是一個好味的前菜。🤤👍💯😍2：酸菜煮豬肚尖用了自家醃製的潮州酸菜和豬肚尖一齊炒，豬肚尖切得好薄吃落口感很爽脆，酸菜酸酸甜甜爽口，送飯一流。👍🫶💯3：撈魚刺身順德人在喜慶節日會食的一道菜，例如新年寓意「撈起」，用了深海立魚作刺身，加入油炸鬼、蔥絲、辣椒絲和花生🥜然後一齊撈勻，最後用生菜🥬包住少少飯🍚和已撈勻的魚生料再加入少少辣椒醬一齊食，刺身新鮮油炸鬼和花生🥜爽口，口感很特別，好食。😍🤤🫶👍💯4：蝦多士用了舊式做法，將免治豬肉🐷加原隻虎蝦🦐、麵包🍞一齊炸，外皮炸得金黃，豬肉🐷和蝦🦐又保持鮮嫩多汁，沾上茄汁或喼汁一齊吃

呢間樓上私房菜係由廣州大同酒家的爸爸三代接手人改名以來主要以粵菜式為主，大部分都係失傳嘅菜式燕窩鷓鴣粥面頭放左大量燕窩，再放上生拆鷓鴣肉撈埋一齊飲，由於佢嘅口感好似一碗粥，因此命名，而入面你無任何白粥係入面架酸菜炒豬肚尖酸菜係自家醃製，放左豉椒一齊炒，再配上口感爽嫩嘅豬肚尖。炒豬肚尖講求鑊氣同時間，係傳統私房菜嘅必點菜式順德式撈魚生 (深海𩶘魚)撈寓意：撈到「風生水起」，「愈撈愈旺」。猶如中式魚生，需要包住魚生、白飯、生菜一齊食，配上辣椒醬一齊食，層次更為豐富。大⁠蝦多士新鮮蝦釀製，內裡放上大量彈牙蝦肉，配上茄汁/喼汁一齊食，可以中和一下炸蝦嘅熱氣～荔灣式炒蟹以豉椒大火爆炒蟹，蟹肉肉質呈絲狀，味道鮮美，辣且惹味蜜汁火方一道中國傳統名菜，屬於江浙菜，金華火腿酥爛，滋味鮮甜，令人深有回味荷葉飯每一口飯都有濃郁的荷葉味，芬芳撲鼻，而且有大量鍋巴，吃下去爽脆香口！咖喱牛腩薯仔炆得好淋，牛腩肉鮮嫩，咖哩味香濃而且不辣，撈上荷葉食一流！蟹油撈麵將剛才炒蟹的油作為一道菜，配上麵一齊食，味道更佳～陳皮紅豆沙用左20年真皮熬製，有起沙效果，紅豆沙亦唔會太甜，為呢頓飯畫上完美句號~