大壹燒鵝 (MOSTown Street新港城中心大街(3期))

營業中

休息中

星期日和女友去食大壹燒鵝,午餐時段都尚算多人,門口都多人排隊等買外賣,我地等左一陣就有位,十分幸運！餐廳環境尚算光猛企理,基本衛生條件不錯,侍應姐姐殷勤有禮,冷氣充足,亦可以用八達通結帳。叫左一個燒鵝飯同埋一個乳豬燒鵝雙拼飯,加埋一杯熱奶茶及一杯少甜凍檸茶,加埋129蚊,價錢尚可接受。乳豬真係燒到脆卜卜,中間夾左層豐厚軟綿既肥豬肉,配埋汁醬一齊食落口,本人覺得十分滿意,連不愛食肥肉既我,都唔會抗拒,大口大口咁食,盡情享受燒鵝皮脆,肉汁都不錯,佢咁啱切到鵝脾位,所以唔使加錢都有脾食但本人略嫌鵝肉少左d,如果鵝再大隻小小就好了, 不過呢度既鵝一向都唔算好肥, 所以感覺上無咁邪惡凍檸茶同奶茶都係一般茶記既水準總括而言,本人十分滿意呢間食肆

1. 大壹燒鵝-例牌下庄（$148）即嗌同餐廳名同名既招牌菜！燒得都幾靚，食落燒鵝皮幾脆，呢隻鵝都幾肥美，所以中間脂肪層都有一定厚度，我自己就主攻瘦少少既部分，同行朋友中意食肥d，所以佢主攻肥d既部分，岩岩好2. 椒鹽鮮魷（$98）呢個高質！首先鮮魷都幾大條，炸粉比例合理，食既時候有粉有肉，口感唔錯。仲記得以前食過一d一咬就魷魚同炸粉完美分離既🌚 呢間唔會，而且味道唔會過份重口味，我自己幾中意呢個，而事實上我去親大牌檔都一定會叫呢個餸，哈哈哈3. 蒜蓉開邊蒸蝦（$138）冇諗過咁大碟，一上到黎我呆左😨 個蒜蓉好開胃，每隻開邊蝦上面都有好多蒜蓉，已底下就有好多粉絲，將d粉絲mix埋豉油蒜蓉，雖然都幾油，但真係惹味4. 白飯（$12）白飯我只係食左兩啖，因為我想食粉絲多d🤣🤣 白飯正常水準，綿得黎有咬口，朋友負責清哂

最近家姐搬左黎馬鞍山,好多朋友都二口同聲話馬鞍山係一個美食沙漠,今日難得放工冇野做,就走左去馬鞍山探我家姐啦.經過我呢個肥妹味雷,好快就俾我搵到一間美食餐廳啦!!你都未見過,茶餐廳可以排長龍,唔通要有食飯時段??但又唔係喎,入面真係坐滿滿,地方已經好大,都真係可以坐爆,咁一定好味啦!!望一望個餐牌,好似同正常既茶餐廳冇咩分別,咁就排隊啦~坐底即刻叫兩個白飯先啦,因為都等左15分鐘,好肚餓.聽店員介紹,叫左個士多啤梨骨,唔介紹都真係唔會叫,個名咁特別,都未聽過.原來係排骨用士多啤梨去煮,排骨肉質非常嫩滑,肉味濃郁,士多啤梨真係好特別,士多啤梨味勁濃,帶有小小甜,配飯一流!!另外仲叫左個淑鹽九吐魚,呢味餸我係去澳門,親戚介紹,外面一層爽脆蘇炸皮,入面一條滑滑既九吐魚,有一條細骨,但做得好既話,就會連條細骨都可以,非常特別!!果然係一間要排隊既茶餐廳,下次可以介紹馬鞍山朋友黎食了~

星期日午飯時間，排隊只用左5 分鐘左右，lucky😊與友人各叫了單拼飯，然後交換餸食，抵過叫飯拼飯燒鵝外皮脆，肉質嫩滑😍乳豬都唔錯，不過個人比較鍾意燒鵝+ 凍檸茶，夠解渴😌下次會再光顧

呢間平時排哂長龍，我好憎排隊，所以開左咁耐到近期先去試，燒味果然好掂，乳豬，燒腩，叉燒都一流，總於明白點解長期有人龍！不過要食到佢嘅乳豬都好講緣份，我黎左3次得1次食到，聽講每次一出爐都好快賣哂！今晚再黎試下食宵夜，點左蒜蓉蒸開邊蝦同蠔餅！開邊蝦清哂蝦腸，鋪底嘅粉絲好入味！蠔餅d蠔好大粒，好鮮味，洗得好乾淨，一粒蠔殼都食唔到！另外，雖然係茶餐廳格局，但店員好禮貌到不得了，值得一讚佢開到半夜1am, 算係馬鞍山市中心少有嘅宵夜地方！

試過食下午茶，見到人哋啲 燒味幾靚，所以就決定試下晚餐今日星期日都預咗要排隊㗎喇，去到大概七點，等咗大概 25分鐘先有枱，前面嘅都有人頂唔順太熱走咗😅燒腩仔賣曬喇！店員話如果晚市要食，要好早到 我哋四個大人一個小朋友總共叫咗 兩個雙拼燒味飯， 一份小食 (沙薑豬手) ，兩個餸， 全部都幾好味呀 叉燒好正，肉好淋 乳豬皮好脆 燒鵝反而就唔算太好，皮唔脆。。 啲蜆係最普通嗰隻，但係佢出奇地整得入味之餘又冇沙, 要讚！ 炒龍躉片配通菜，第一次有呢個配搭，又幾好食喎，雖然炒龍躉片就炒得老咗少少。。另外要讚嘅嘢係佢哋嘅服務員態度超好有一位短頭髮戴眼鏡女士超好禮貌 絕對係平時茶餐廳唔會見到㗎！裏面嘅氣氛有啲似係大排檔咁，比較嘈吵， 所有員工好似好忙， 同埋上菜速度都會趕啲嘅， 枱與枱之間嘅空間都比較少。。如果想慢慢坐下食嘢嘅話，可能平日就會啱啲~~可以改善嘅地方: 試過三次凍檸茶嘅檸檬都比較冇味， 可能要換下其他來源/入貨。。總括: 價錢嚟講算係酒樓嘅價位，勝在冇茶錢冇加一，碟頭大碟，味道好，服務好，絕對會再幫襯！

馬鞍山越來越多好味的小店，呢間大壹燒鵝，以燒鵝馳名。而喺馬鞍山區內，要搵一間好食嘅燒味餐廳，呢間大壹可算係首選係寧靜嘅內街街角，會發覺一間零舍光猛，門面比較光鮮嘅小餐館，門外有一條欄杆，晚飯時段好多時都要排隊等候門外有一個菜牌，可以見到除咗馳名嘅燒鵝之外，仲有唔少海產，煲仔菜同埋家常小菜嘅選擇燒鵝燻蹄雙拼飯$63嚟得呢度，一定要食燒鵝，燒鵝皮燒得好薄好脆，食得出用香料醃過，份外入味。肉質方面，咬入口多汁鮮嫩，咀嚼嘅時候完美地釋放出淡淡的鵝肉清香避風塘軟殼蟹$138以辣椒，蒜頭及香芹炮製而成嘅避風塘料頭，絕對能夠帶出軟殼蟹嘅鮮甜味道，軟殼蟹滋味嘅地方，係咬落啖啖肉，伴隨着豐腴嘅蟹膏，一啖吞晒落肚每一件都經過油泡，外脆而鎖死蟹汁蜜桃黑醋肉出街食飯，比較鍾意食啲功夫餸，起碼係自己屋企難煮嘅，黑醋骨亦都係其中一款。同軟殼蟹異曲同工，每件肉都先經過油泡，脆卜卜嘅外層，配搭着鮮嫩而多汁嘅肉排。每件都均勻塗滿蜜桃黑醋醬，酸酸甜甜嘅味道，係夏日中帶來清新嘅感覺又食燒味又食海鮮，兩個人食每人都係百零蚊，喺馬鞍山來講，算係經濟得來又好食之首選

每到週末都會同屋企人外出吃下午茶，今次去咗馬鞍山嘅大壹燒味。其實之前已經想去，但每次經過都要排隊，襯住weekend有時間就排下，大概等咗30分鐘就有位了 (真誇張，下午茶都長長嘅人龍，去就要預時間排隊啦!)三人被安排坐卡位，環境舒適，而且服務員態度十分好，就算全場滿座都好細心同有禮貌。上菜速度都算好快，無幾耐就已經準備好，我地叫咗叉燒米粉、欖菜肉鬆炒飯、雞柳炒一丁，全部都好合格，很滿足的一個下午茶。下午茶MENU 好多選擇叉燒米粉 叉燒肥瘦適中，入口軟稔，而且分開上枱，米粉配清湯更加突出叉燒的香氣欖菜肉鬆炒飯 米飯粒粒分明，一上枱已經聞到欖菜的香氣，味道有咸香，好有鑊氣XO醬雞柳炒一丁 十分香口，充滿XO醬的香味，一丁炒得煙韌而且不會太油膩

平時好小過黎馬鞍山，但咁岩今日去左馬鞍山探朋友，夜晚諗住落街搵下野食，朋友話我知馬鞍山係一個美食沙漠，聽完之後都驚一驚，好彩朋友即刻介紹左一間茶餐廳，咁就去睇下啦！位於鞍誠街8號新港城3期N座地下7-9號舖有間茶餐廳，第一次去真係笑左出聲，因為真係第一次見呢Ｄ奇景，茶餐廳要排隊？？我大約7點半去到，門口已經滿滿都係人，我排第7個左右，不過好彩係茶餐廳，流動都算快，我大約等左半個鐘就有位啦，入到去睇下人地食咩，我又跟住啦，第一次食丫嗎^^"先叫左呢到最出名燒鵝，等左一段時間先到，可能因為真係太多人叫！我叫既係燒鵝下莊，大大隻脾超吸引，睇見都流曬口水，果然真係好好味，皮脆，肉嫩，唔會好咸，肉夠厚，搶住食曬呀～二話不說叫個白飯加清菜，白飯滿滿，粒粒乾身飯香味，清菜叫左蒜蓉炒菜芯，我最怕菜芯硬同有根，好彩呢間冇，菜芯煮得夠淋身，完全冇根，仲好清甜，引唔住，一條接一條！食食下，又好想叫Ｄ野黎餸飯，睇睇下叫多個嗜嗜滑雞煲，最愛叫嗜嗜煲入面既豬潤，爽口唔會好粉，一煲有四五舊，通常最快俾人搶曬，呢間Ｄ雞肉仲正，又滑又嫩，鮮雞味濃郁，配飯一流！馬鞍山都真係美食沙漠，不過好彩都仲有一兩間美食可以選擇！

朋友住馬鞍山，要湊小朋友好少出九龍，今天就一就她，於新港城tea一tea聚一聚，她地主好介紹，平日斬料加餸都不錯。馬鞍山站落車，過新港城那邊，然後沿住三期方向，行人天橋行到尾，去到馬鞍山廣場三期便會找到電梯落地下，方便搵到這燒味茶記。下午茶時間剛開始，門外見有幾個人排隊中，等候了一會好快都被安排入座。每人各自點了一個湯粉餐，燒鵝油雞湯檬~驚喜好彩燒鵝髀，隔離兩位長者都是脾，皆大歡喜，燒鵝肉香皮脆，加少少甜酸醬更添美味。油雞肉質嫩滑，如果配飯，我會加入更加多的蔥油。燒鵝貴妃雞湯檬~朋友的燒鵝一樣賣相吸引，貴妃雞類似白切雞，肉質嫩滑。凍檸茶及熱杏霜~法蘭西多士~厚切麵包中間夾有花生醬，西多特色就是勁邪惡，鮮牛油加上甜甜的糖漿，這樣吃甜品為今天帶來完美的句號。肚餓的話可以選擇午餐牌，午餐到5:30。

今日入左馬鞍山探朋友，佢帶左我黎呢度食晚飯，餐廳夠哂光猛，枱到枱之間有距離，安心又安全👍茄汁煎生蝦蝦煎得非常脆身，完全掛到茄汁，夠哂入味！ 蝦大隻彈牙，爽口無揸，食材高質🤤燒鵝招牌燒鵝一定要order 🤤🤤我地叫左上庄，會偏肥少少，但啖啖肉既感覺真係大滿足😋鵝皮燒得脆脆的， 肉質厚實，非常juicy! 好耐無食過啲咁高質嘅燒鵝🙃芝士脆炸時蔬好特別啲菜式，本身食菜都係炒，但炸真係好少食到，炸粉唔會太厚，但有濃濃芝士香，包住爽口蔬菜，好fushion 🤗凍檸茶茶底香濃帶苦澀，味道正宗😋😋

燒鵝，最化算就是在店鋪享用，做燒鵝配料多、工序繁複，做到成功美味的燒鵝不容易，資深廚師更是功不可抹，今天午飯在「大壹燒鵝」，燒鵝是必吃之選，炎炎夏日楝吃湯瀨，燒鵝拼乳豬瀨粉是我的至愛。燒鵝拼乳豬瀨粉亮麗登場，看見已經垂涎，燒鵝皮脆、肉質甘香，滷汁融合鵝肉汁，味道層次更升華，隨酸梅醬佐吃食欲大增。脆皮鬆化的乳豬件，人見人愛，百吃不厭。鹹檳七喜消暑又消膩，正！咕嚕肉飯&涷朱古力奶，咕嚕肉與飯都份量十足，爽口白飯夠熱騰騰，咕嚕肉粒粒很匀均，肉質嫩滑，酸酸甜甜的很開胃呵！

評分：🐷🐷🐷🐷🐽（5🐷滿分；🐽半分）馬鞍山係美食沙漠已經唔係咩祕密啦😂難得朋友誠邀入山，仲話大壹係佢既唯一食堂，就即刻入去試試佢！見到門口條人龍，就知道佢真係好受街坊歡迎😍首先講下服務🗣入到去真心覺得好有人情味，個個伙記都好似fd咁，野食又黎得快，已經好耐冇去咁熱情既茶餐廳食飯了💛唔係講笑，佢地既燒味真係絕對對得住4.5🐷既分數🔥燒味絕對唔係茶餐廳頹飯水平！一黎粉麵份量超級多，燒味高質得黎又大份，好抵食🤤燒鵝既肉好厚實，燒得好靚❗️燒腩仔全部都係半肥瘦❗️乳豬既皮超級超級脆❗️超級力推！我地1點左右走，隔離枱已經冇得叫燒鵝同乳豬🙊🙊想去既朋友要早d啦🤣

沙田區一直沒有好的燒鵝。新強記偶有佳作但品質不穩定，環境也欠奉。海港勉強及格，但離皮脆肉嫩尚有一段距離。其他茶餐廳，酒樓更是乏善可陳。每次想吃好的燒鵝，都要出尖河咀棋哥，甚至乎元朗天鴻。現在終於有了大壹！大壹燒鵝做到皮脆肉嫩，乳豬也是皮脆肉嫩。二者都新鮮熱辣，不斷新出爐。唯獨叉燒不夠肥，不知是否雙併給的部位不好。飯也煮得好，泰國香米，軟硬適中。另外還有小菜如水晶咕嚕肉，蟹粉菜式。會再來試試其他菜式。

呢間大壹燒鵝，係馬鞍山都幾有人氣，經過好多次門口都有堆人等外賣，趁今日收得早，帶鐘意食燒鵝既阿媽黎試下聽個名就知主打燒鵝，質素一定有保証餐牌選擇好豐富，除左燒味飯套餐及一系列燒味外，亦都有好多小炒小菜類實有野岩食燒鵝脾飯黎到即時心心眼原隻大鵝脾，啖啖肉，份量十足燒得皮脆肉嫩，肉質結實，入口滿口鵝香味，絕對係水準之作除左燒鵝出色，乳豬都有驚喜乳豬皮燒得又薄又脆，皮同肉中間有一浸油脂香，但食落又唔會覺得肥膩肉質一d都唔乾硬，好juicy馬介休香煎蓮藕餅煎得好靚，底面色澤均勻外層好香脆，入口充滿咸香味整體今晚點既食物都好有水準，價錢亦都比樓上新港城既餐廳經濟，無加一無茶介，但有服務