嫲嫲辣辣 (福榮街) (已結業)

已經N年冇黎，最近亦多左新午市餐牌。見到呢個二話不說就要食，$68三個送，包一碗飯同飲品（枝裝汽水或豆漿）。以前叫一個乾鍋都要百幾蚊，冇野飲，今次呢個抵食呀。叫左中辣香辣、紅薯粉、茄子同五花腩，都唔細碗架，仲有白飯，超飽。成碗野食完都剩返好多辣椒其實成碗野最辣唔係啲辣椒，試過食辣椒，但一啲都唔辣，因為啲辣椒籽全部撈晒個乾鍋入面。真係辣得超過癮！佢有得揀麻辣、香辣同紅燒如果你唔食得辣，可以揀少辣。如果唔食辣，都可以揀唔辣，即係紅燒。下次我真係想挑戰大辣！

一路都喜歡食辣，見到喺黃金附近呢間嫲嫲辣辣成日都有人等位，好想試一試！的起心肝排隊等位，我地兩公婆兩位都好快，無book位嘅情況下只不過等咗10-15mins,都算快叫咗個干鍋，好似車仔麵咁有好多款餸菜俾你簡再炒埋一鍋，我地簡咗5個料，雞，豬大腸，蓮藕，豬腩肉，午餐肉！因為我地都食得幾辣，所以簡咗麻辣中辣！來到見到鍋入面咁多辣椒都幾興奮！整個鍋都炒得好乾身，中辣比起譚仔三哥嘅小辣，所以我地有少少失望但整體係好食嘅，所有材料都吸到麻辣味配白飯簡直一絕！兩個人一個鍋加白飯已經好滿足，難怪日日都有咁多人排隊食一定會再來試其他菜式

星期五好想食辣野，朋友話深水埗有間辣野可以自選材料。去到要排一陣隊先入到去。我地叫左花甲干煱。四個餸起煱，好大煱。蜆肉大大粒，都好新鮮，啖啖肉，不過全部炒到甩左殻。茄子好入味，辣辣地又夠林。翠玉瓜炒完都好爽口。金茹等到最后先食，吸哂啲辣味👍🏻👍🏻我地仲有叫蓮藕，脆皮腸，午餐肉。呢個係中麻辣，麻味都好重，食完唔會條利好辣到食唔到野，鍾意食辣嘅可以試下，唔錯，啲菜最好等到最后先食，菜先吸到啲汁辣味😙😋我地两個食二480左右。包左三枝野飲。食辣野飲可樂最正👍🏻👍🏻

曾經有人講岩岩開張既餐廳係最好食呢句話真係冇錯澳洲留學個陣食過干鍋，味道一試難忘返香港當年見到呢間餐廳開張即時試下！結果味道都中上可惜今日水準大失所望肥腸排骨都好乾身，好硬唯一好食既係紅薯粉，不過唔夠爽口而且份量小左好多我地兩個人食左400蚊都唔飽可能我大食啦唯一讚既係侍應態度好好香港近我又有干鍋食既鋪頭唔多所以都會再黎但希望可以進步而且價錢都係偏貴一款配料平均要30-40蚊份量多d會開心點加油吧

之前試完一次呢間既麻辣干鍋覺得好好食，同朋友心思思再黎試第二次。7點幾拎飛等位，好多人等，又冇乜人埋單，所以等左成45分鐘先有位。我地喺等緊既時候已經揀定啲餸兩個人叫左12樣餸加一個白飯，辣到流哂汗，食幾舊就要唞下，因為中辣真係好辣🌶😅最鍾意薯粉好彈牙，麻蝦大隻鮮味但得好少隻，秀珍菇雲南花菜都good。所有材料都好入味😋 不過可能太大鍋，食到一半已經凍哂，冇咁好食啲staff好nice，主動幫我地影相，又同我地講食唔哂可以打包👍🏻👍🏻👍🏻咁好食加上我地好強既戰鬥力，當然可以食哂真係好好味，啱哂鍾意食辣既人🌶

今日又係指定動試新野，放工相約同事三人去深水埗行街食下野咁。就在深水埗位於黃金附近，有一間叫嬤嬤辣辣的鋪，看過餐牌都唔錯咁就入去試過午餐啦⋯⋯鋪內大約有容納三到四十人到，我們三人不用等就坐下看餐牌點餐。大家分別點了一個野山椒炒豬肚,一個野山椒炒牛柳絲同一個黑酷咕嚕肉。我就食野山椒炒豬肚辣味剛剛好唔錯，再加上我喜歡食的野山椒真係好正。看旁邊都食近干鍋客飯都好有賣相～下次一定要試下先得整體上，服務態度，衛生同食物都滿意。

今日去深水埗揾食，打算食車仔面，經過呢間嫲嫲辣辣，諗住打包一個夜晚食，睇佐菜單，最後揀佐泡椒肚絲，打包完未睇過就返家，返去打開一睇，所謂的泡椒肚絲原來9成都系土豆絲，即時覺得上當，無良商家，再也不會光親！

或者我試得未夠多， 因此斗膽斷言，香港鮮有正宗川菜，偶爾在茶餐廳、大排檔食過一兩味水煮魚、口水雞，先不論味道正宗與否，單是菜單上雜七雜八的菜色中冒出一兩味「川菜」，已叫人感覺不過癮。大概一個月前，突然很想吃麻辣香鍋，這菜色我在大陸吃過幾次，回港後念念不忘，可是平日裏又少見食肆有做，於是上網查，讓我遇著這一間嫲嫲辣辣。我住大埔，一直未有機會特意去試，於是這乾鍋癮也漸漸被壓了下來。直到有日堂上，有同學將要到大陸交流，同老師聊起內地的美食，我向他抱怨香港沒有正宗的川菜，他卻向我推薦了嫲嫲辣辣，這讓我更加堅定要一試的想法。今日行完菠蘿山，回到市區也不過五點半，於是向朋友提議來吃麻辣香鍋。來到店門前，彼時未到六點，還未營業，我們在冷風中飢寒交迫地等了一陣，終得進去。我們三人點了小辣麻辣香鍋，葷素菜各四樣。憑我記憶，葷菜有牛肉、水魷、麻蝦和金錢肚；素菜則有支竹、炸藕、椰菜花和茄子。總體而言，口味不錯，不輸我在大陸吃過的，特別要稱讚的是牛肉，嫩滑可口，而炸藕則略嫌乾澀，如果能用鮮藕來做會更佳。然而，需要挑剔的是份量太少，一個鍋，幾乎一半都是辣椒！我笑言，我們在辣椒裏尋寶，這頓飯吃得也是蠻有趣的。另外

舊同事是深水埗的地膽 ，曾經同我提過有一間食麻辣嘢好香口，之後同佢一齊去試了，佢都話水準冇變過keep得到。哩度食麻辣大大碗，好似打邊爐咁逐樣送點，都幾好玩，但就唔係好飽肚 。還有他們的午餐，我也試了一飯一餸，一樣幾抵食!

好鍾意食辣嘅我今晚放工後又去咗嫲嫲辣辣食咗好多次嫲嫲辣辣，今次第一次寫食評呢度最出名係自選乾鍋可以揀鍋底、辣度、餸一如既往地揀咗孜然微辣其實我可以食更辣，不過朋友A唔係太食到辣，所以揀呢個對佢黎講岩岩好自選餸方面揀咗牛肉片、豬肚、午餐肉、素雞同埋四季豆，只要叫夠4樣就OK上菜lu牛肉片係每次必點，牛肉嫩口，配上孜然味，絕配豬肚還好，因為唔係太吸味，所以唔夠入味會叫豬肚係因為之前係度食過野山椒炒豬肚絲好好味，諗住加入乾鍋應該都唔差睇黎下次都係另外叫返野山椒炒豬肚好d另外四季豆同午餐肉都推薦四季豆係乾鍋度有d似乾煸四季豆的感覺，個人本身就好鍾意食四季豆，所以基本上次次食乾鍋都會點午餐肉同乾鍋出乎意料地夾，送飯一流最後素雞係第一次叫，每次食乾鍋都會叫一兩樣新嘅配料試下，今次試素雞，因為本人從來無食過素菜，原本以為會好似好假嘅雞肉咁，點知食落去就係介乎豆腐與豆乾中間，無好假嘅素菜味，食嘅時候完全聯想唔到雞，只係覺得好似食緊一款好特別嘅豆腐。未試過又鍾意食豆腐嘅朋友值得一試因為無乜機會食到蔬菜，所以叫咗碟蒜蓉炒生菜正正常常，不過不失嫲嫲辣辣係我嘅飯堂，每次食都可以食曬成碗白飯，推介

放工時間先要開會, 開完會都夜晚9點幾, 想食d刺激但又唔太爆炸的嘢,  咁就去咗深水埗。去到嫲嫲辣辣其實無理由唔食干鍋的, 但成10點鐘真係唔想食得咁爆炸, 所以就要咗兩個小菜加白飯。古燒茄子賣相唔錯, 茄子炸到脆身後再埋苂, 好香口濃味, 但略嫌油咗少少。老公話個左宗棠雞唔似係正宗做法, 但個味道同辣度係OK的, 如果個雞可以再炸香少少就仲好啦!  食辣真係要配飯先好食, 但太夜又唔想食太多, 好忍手咁一個飯2個share。雖則深水埗區都唔預有服務, 但收得加一可唔可以俾杯水黎飲吓呢?

深水埗褔榮街好多名牌食肆，今次就黎到食麻辣菜式既麻麻辣辣。今次只係叫左富有四川特色既干鍋（麻辣大辣，田雞，墨丸，娃娃菜，薯粉）大約15分鐘上菜，材料以大蔥加上乾辣椒和多種香料快抄，香辣味十足。雖然是大辣，但不會一味只有辣味，反而麻香十足，又不失食材本身之鮮味。乾辣椒與食材比例接近1：1，干鍋內竟然有124隻辣椒，加上大量其他香料，可以說是落足料。食材份量接近二人份量，絕不馬虎。價錢2人埋單連加一208蚊干鍋麻辣大辣田雞，墨丸，娃娃菜，薯粉豆漿可以接受以四川風味為主的麻麻辣辣，主以麻香入葷，副以辣香調味，達至四川麻辣。主打麻辣菜式，麻辣友推介。

男朋友本來不吃辣的，但跟我一起後，我不斷帶他進入辣味的快樂角度，最終，他也成為了嚐辣的一份子！Yeah!是次挑戰的是麻辣干鍋！其實這道菜在國內非常普遍，價錢亦非常親民！但正所謂物離鄉貴，雖然只是一河之隔，但身價已馬上升二三倍！我們需先挑窩底，我們挑了麻辣小辣！然後再選配菜，經過一輪細心思考後，總算有了結果。分別有五花腩片、雞件、炸枝竹及茶樹姑。一上桌，那種麻香味已經飄進我的鼻來！炸枝竹完全吸收了麻辣味，配上微微香脆感，喔！是4個配菜內, 我最喜歡的！五花腩片由於有肥肉伴隨，雖然不太健康，但肥肉令這塊五花腩入口鬆化，配上一點麻辣味，配飯吃一流！而雞肉和茶樹姑則是中規中距！ 總體來說，還是值得再回頭的。

點的香辣，因為朋友不能吃辣，所以點的微辣，端上來造型不錯，全是辣椒，蝦就4隻，點了十幾樣東西感覺像兩人份，辣椒實在太多了，但是沒想象中那麼好吃，味道有點淡，不過土豆片是真好吃

其實已經去過兩次 一個送平均25蚊 但係分量喺非常非常少 兩個人食飽差唔多300–400蚊 唔抵真心 一隻碗上黎 睇落好似好多咁 其實成碗都喺辣椒 上次叫咗6個送 以為會好多 點知喺真喺得幾淡