宗像屋 (已結業)

之後黎食過，果時未有牡蠣丼，今次見到有又再黎食😀六牡蠣丼 $188期間限定每日20杯，包含六隻蠔，少量三文魚籽和海膽，店家標榜食材是瀨戶內海産，蠔大隻飽滿肥美，蠔味亦突出。生蠔可沾附上的特調蠔油醬汁食用，令蠔的味道更上一個層次。松 $198包含10種海鮮: 吞拿魚，吞拿魚蓉，北寄貝，希靈魚，帶子，三文魚子，烏賊，油甘魚，鱲魚和蟹肉。松丼和價錢較低的梅丼和竹丼比較，只是多了蟹肉，不過不要少看這蟹肉，蟹肉鮮味十足亦有海水味。而料理長將其餘九款海産剁成一座海産山，整體吃時有點難入手😅而飯底沒有加壽司醋，感覺有點單調。個人認為另外可讚的是他們家的WASABI用料不錯。丼飯另附紫菜，可將魚肉和飯卷起來吃。食到剩大約三分之一左右時，可請店員拿湯，將剩下的飯當茶漬飯的方式進食，而六牡蠣丼和松丼會分別得到兩款不同的湯。比較松丼帶柚子味湯，個人較喜歡六牡蠣丼的魚湯，味道較鮮濃。

宗像屋嘅門口好低調，連舖名都無，只係估佢係日式料理🇯🇵🍣🍱，如果就咁經過真係未必留意到。可能平日食晏時間，所以未見任何人潮，亦坐唔滿，舖頭大約可以坐到廿人到。佢個Menu只得4️⃣樣嘢揀，梅、竹、松、特上(另外仲有期間限定嘅蠔)，分別在於份量同海鮮種類，我就揀咗最平嘅梅($108)試吓，見到都包咗成9️⃣種海鮮，呢到唔使加一👍🏻。好快佢就已經上咗個前菜再俾我哋，係麻醬油甘魚，有2️⃣片，佢就教我地留返一片之後喺食茶漬飯時落。味道唔錯，但略嫌細件。好快就上埋個海鮮丼了，以好大個木桶盛住，好無論魚生(成座小山丘咁)定飯嘅量都好足👍🏻，男仔食都絕對飽，啲魚生係魚生蓉，其實撈到咁已經分唔清有乜喺入面😅，不過味道都ok同埋完全無腥味。如果要比較，魚生都係一片片好食。但佢個飯竟然係無落壽司醋😨，真係估唔到，又無熱辣辣嘅白飯香🍚，呢方面我就真係好麻麻，所以魚生飯果食喺三食嚟講我最唔鐘意。佢有條豉油可以加落去，好似好大碟咁，但其實份量係set到啱啱好可以落哂落的，味偏淡，唔會好鹹👍🏻，落去個飯到係好食咗嘅，但都係差梗啲味咁。😐第二食就係做手卷喇，佢有2️⃣塊紫菜，一嚟已經唔係好脆😅，不過用啲魚生飯包手卷幾好食喎，好似

係深水埗行完電腦商場是日好熱好熱！想食魚生丼搵到呢間門口係無名牌既小店係嘉頓條街行一陣就到店內係日式風格餐牌只有四種選擇-梅竹松特上有指示牌指引有三種食法一坐低，待應即刻送上 - 胡麻醬油甘魚刺身原來好襯，好好味如果再大塊d就好坐係吧枱，睇住師傅們係到整個魚生丼今次食既係竹$148 沒有加一第一種食法係加豉油+自行加wasabi淋上去食我係會食曬有豉油個d飯先第二種食法就用佢比左兩塊紫菜 可以包手卷食紫菜略略烤過但紫菜個質感一般第三種食法係茶漬飯今次有少少驚喜由於以前食茶漬飯都覺得無咩味（利申：重口味愛好者）今次食到最後已經好飽 好似食唔落咁既時候叫師傅加左湯-> 變成茶漬飯個湯係有落左柚子鹽 成件事係fresh曬柚子鹽同夏天 好似都好夾估唔到自己食到咁大個丼飯！！哈哈

深水埗呢間店門面沒有任何介紹，連店名都係好細隻字，睇外觀只知佢係一間食日本嘢既食店真係好想知內裏賣乜嘢，今曰終於有時間忍唔住入去看個究竟，內裏裝修一貫日本和風設計，一面廚師bar位，全店大約有十幾個位，坐低睇吓係食d乜先，原來係獨沽一味食魚生丼飯，不過有四款選擇，分別是：梅$108、竹$148、松$198和特上$298，價錢上的差別原來在於魚生的總類和分量。我就選左一個竹和特上，過左一陣侍應首先送上前菜：胡麻醬吞拿魚剌身，需然吞拿魚唔係好肥美，不過切得幾厚，加埋個胡麻醬一齊食又幾好味每個丼飯都跟兩片紫菜，而每張枱都份說明教你點樣一飯三食，原來紫菜係俾大家包手卷食，唔使等大家食得噤悶，有d唔同食法飯來到，一定要欣賞吓影相呃like先，座魚生山好高，睇賣相已好吸睛竹：裏面包含--帶子、甜蝦、三文魚子、吞拿魚、吞拿魚蓉、北寄貝、希靈魚、烏賊、油甘魚和鱲魚，由於我係選（竹）有10種刺身，另外（份量增量），所以座剌身山比叫其他款丼飯高d，欣賞完可以真正試味，味道需然唔夠一片片魚生入囗美味，但入囗囗感都豐富，芝麻增加香味，還有食到柚子味，另魚生冇噤肥膩更加清新醒胃，另胃口大增至於特上丼，就係多左海

朋友知我鍾意食日本野，帶我去試吓位於深水埗山林道呢間 宗像屋。唔算太難搵，喺嘉頓附近，去到嘅時候係夜晚七點幾，遠遠已經見到門口簡簡單單，不過好多人喺度排隊，等左半個鐘頭多啲，終於有得入去啦。店面位置唔大，室內裝修好日本風，大概有十幾個位左右。打開個餐牌，只有四樣嘢揀「梅」、「松」、「竹」、「特上」，就揀咗「梅」同埋「特上」。丼黎到真係好震撼！一座吞拿魚蓉山丘！跟住枱面上嘅進食方法，有三種食法，第一種係整手卷，另外係茶漬飯，第三當然係就咁食啦。三種食法都試過，三種唔同嘅感覺。期間聽到師傅嘅交談對話係日文，我諗呢度嘅師傅係正宗日本人吧。總括嚟講覺得食物係呢區黎講價錢其實比較貴，地方位置都算方便，食物新鮮，但係座位就不算太舒服。

第二次宗像屋食魚丼🐟除咗有鐵膽 嘅 《梅》《蘭》《菊》《 竹》今次 仲有期間限定 日本空運 生蠔丼 一樣咁新鮮，海水礦物味 重， 同時又有甜度有六至七隻淡淡生蠔肉都係$188 都幾抵食除番開 廿幾蚊 食隻生蠔都抵啦 之後都有得 加湯， 變成茶漬飯食㗎至於魚生丼一如既往有兩塊 麻醬魚生片做前菜記得留番一塊之後 加落茶漬飯度首先一啖飯一啖魚生咁食之後可以 包紫菜手捲食最後 食到咁上下留返啲飯 俾侍應幫你加湯當茶漬飯食 一個丼三個食❤️超滿足😋

帶媽媽食好西之深水埗抵食丼飯。7點鐘入到黎, 舖頭細細, 坐滿客人，啱啱好得返兩個位。餐牌只係有4樣野, 梅, 蘭, 菊, 竹, 啱晒我選擇恐懼症! 我地見d丼疊到山咁高, 就揀左最平最少野嘅梅。先黎兩片油甘魚生(?)+芝麻醬。正常。因為睇到枱頭有食丼飯步驟，立即跟佢提示, 留一片喺最後。😂丼飯黎到! 真係好震撼, 認真數數又真係見到佢講果8種魚生粒, 無呃秤! 吞拿魚蓉一d都唔腥唔酸, 抵讚👍食左三分一, 跟住整手卷! 秘訣係唔好貪心, 放少d就可以做到靚靚手卷, 如果唔係會食到好論盡😂 整手卷係幾過隱, 可惜紫菜好似放耐左, 唔脆, 要扣分. 最後就係茶漬飯, 味道鮮甜, 唔會太咸! 不過熱水壺倒出黎嘅湯我嫌唔夠熱🤔但整體都係中上! 作為足料日本魚生飯, 又夠大碗, 宗像屋係抵食! 食具衞生係ok. 但座位間冷氣/牆壁有dd塵. 如果對環境有要求嘅朋友就唔好坐卡位。

男朋友知我鍾意食魚生飯，專登帶我黎試呢間係深水埗的小店。晚上營業到九點，我地八點半黎到，都要等位。門口不太起眼，開頭仲以為已經關左門。未有位置時，侍應小姐俾左餐牌我哋睇，有四款魚生飯加一款好似係限定的蠔飯，我地想食主打的魚生飯，所以冇理會到個蠔飯。4個款式主要分別在於魚生份量，同種類多少。我地各叫了‘竹’。魚生飯上台後，看到隔離枱食的是‘梅’，我地的魚生份量真的比較多，魚生堆到高高一座山咁。魚生飯有三種食法，分別是普通食法，包成手卷同茶漬湯飯。茶漬湯飯有驚喜，加入前菜附送的魚生片，真心覺好食。由於魚生山太高，食的時候要小心。我個人覺得味道不錯，魚蓉好鮮，但男朋友覺得好普通，各種魚生味道唔突出。飯的份量反而少過魚生，食到最後，只剩下少量飯用黎做茶漬湯飯。可以話用料一啲都唔吝嗇。 價錢來說，魚生飯性價比高。由於座位少，建議盡量早少少黎食。下次一定試食下‘特上’。

呢度既刺身丼就好似出奇蛋咁，一次滿足你三個願望。呢個丼飯有三食，一食係好似平時丼咁食，二食可以用紫菜包成手卷咁食，三食係添加柚子味噌湯做成湯飯，唔同食法有唔同口感唔同味道；我最鍾意就湯飯食法，的確食得出柚子味道，配埋刺身飯，出奇地咁夾，好似用柚子味引出左鮮味咁，真係好好食！刺身飯真係岩晒夏天食，涼涼地又唔油膩，柚子仲要夠晒清新夠晒夏日呀！

其實宗像屋之前食過一次 咁岩今日又響深水埗呢頭 又咁岩想食日本丼飯 我第一時間就諗起佢呢間餐廳係嘉頓個邊 舖頭好隱蔽 分分鐘行過左都唔知上次係食夜晚 要排隊 今次lunch time冇人排 我仲以為已經sold out冇得食 心仔都離一離～唔洗等位 一坐低就叫野食上次過黎食左“松”（$198）同“竹”（$148）印象係份量好大，食唔曬～所以今次叫個有9種海鮮既“梅” （$108）雖然食過 但真係要再望多次呢度丼飯個3種食法：1。就咁當魚生飯食2。包起魚生當手卷食3。加湯當茶漬食想點食就點食 唔洗跟足都ok 一場黎到緊係試匀三種食法啦“梅”講緊係份量最少、魚生最少款既一個丼但係其實一啲都唔細份 見到個種堆到高高既魚生蓉小山丘 真係口水都吞多兩啖話係全部魚生都角切曬再成蓉 不過每一款都粒粒食得出係咩魚打咩魚 唔會好似食免治肉咁 得一pat野丼飯入面我食到柚子味 我估計係放左少許柚子皮落去 有口感之餘又可以減少油膩感 呢個小驚喜加分而我個人都幾like茶漬呢個食法 因為個魚湯真係好濃郁～加埋啖啖肉既魚蓉 飽腹感100%

今次係男朋友介紹黎食，黎到深水埗，日本風既大門俾人感覺純樸簡單，從遠處已吸引其他人目光。而「宗像屋」最出名就係新鮮魚蓉飯。餐牌上選擇唔多，就只有「梅蘭匊竹」四個，價錢都因應魚生數量108-298不等，同整個飯既份量而定，對於選擇困難的人黎講，正﹗而今次第一次食，就食左最基本的「梅」。等候過程，可以睇吓枱附近會有食魚生飯既指引，佢先會上黎片魚生伴芝麻醬，叫你食左一片先，留番一片最後食漬飯食﹗平時大家都意食一片片既魚生飯，但其生魚生蓉都唔會比「片上」差﹗點解？今次食就可以體會到﹗因為魚蓉將不同魚既脂肪味道帶出黎，非常魚油勁香勁柔滑，而加上其他魚細細粒既質感，每一啖都好似有幾條魚游走係口腔中咁﹗豉油佢係偏淡，等你有少少咸味更開胃又唔會蓋過魚生既鮮甜，想得周到﹗最後，食剩3分1，會建議你搵店員加湯俾你，暖下胃，熱騰騰既湯加上去再放埋最後一片魚上去，真係暖胃之餘又再滿足啲﹗（不過個人認為魚片浸落湯冇咁鮮，鍾意魚生既可以食左去，之後剩係食漬飯餐具擺位講究、整齊，令人感到好舒適自在。

今日黎到呢間成日都好多人等位嘅日式吞拿魚飯店之前都黎過一次架喇 太多人等等等下唔等轉食第二間今次早啲黎到等位所以試下食呢間啦日式食肆餐牌都比較單一但都係優點黎嘅食物做得專唔會飲到餐牌上嘅嘢質素參差不齊基本上 餐牌都係吞拿魚飯做主菜唔同嘅 份量比較多 或者配料再多啲梅當然啦 我生活於貧窮線下 當然係揀個最平啦 但都要$108佢將啲吞拿魚堆到好似座山仔咁一份嘅吞拿魚飯就係我嘅面前啦佢仲有個教學食法可以就咁食啲又可以包下當手卷仲有個唔知湯定茶漬飯咁嘅食法可以叫佢加湯嘅個吞拿魚係好似肉碎肉醬咁嘅整法份量真係比較少嘅價錢就比較貴 因為位置都唔算係方便食材感覺一般 口感都唔算特出呑拿魚味唔濃烈但都冇魚腥味嘅價錢上唔多抵食不過叫做試過呢間吞拿魚飯啦

若要為餓底の美食名單排名，#宗像屋 絕對是位列首名Encore之選！雖然不便宜，但其質素之高絕對值得！.宗像屋舖面小小，只能容納十多位食客，簡約日本風的裝潢就如這裡賣的飯一樣不花巧， #海鮮丼 只有四款選擇，以「梅竹、松、特上」命名，分別在於那堆海鮮山的大小和所選用的海鮮種類。.餓底選了「#竹」，賣相相當吸引，而且用料新鮮！魚生和飯的比例是三比二，與前文的爆丼屋不同，宗像屋的海鮮丼不會把食材完全遮蓋白飯，吃起來比較得心應手。.不得不提宗像屋建議的三個吃法，一個飯滿足三種嘗試！.《一：海鮮丼》當然最簡單就這樣如常地吃，建議先吃一塊沾有芝麻醬的魚生，留下一塊到最後拌入茶漬飯。.《二：自製手卷》每個飯均配有兩塊紫菜，可包著海鮮丼當 #手卷 吃.《三：茶漬飯》建議吃到最後留下1/3的海鮮丼，向店員示意，店員就會把熱騰騰的蟹肉湯加入剩下的飯裡，搖身變成 #茶漬飯！.價錢：梅 HKD 108竹 HKD 148松 HKD 198特上 HKD 298.味道：9.5/10

今年生日，比上年心情好好多，即使系番工，都ok，所以今日lunch 就放纵D，去试饮食男女介绍的这间。原本系话日子限定，食蠔，但去到原来每日20个，一早已经卖晒。等左一陣，就入到去了。因為生日，我叫左「松」有蟹肉架。大過我塊面的😆😆😆😆😆仲可以幾食、手卷 or 茶漬飯, 一飯多食 好抵。我覺得2個女仔去食，都好夠，雖然佢個飯唔係去到外面看上去的桶底。食完因為我個胃差差，太飽要食消化藥。如果叫「竹」的話，$148會更抵。

好耐之前已經聽過呢間想去一試今次終於食到啦！6:00pm開門 6:10去到已經full左門面同室內裝修都好日本🤤餐廳入面有兩個位坐住等其他就要出面排隊等左半個鐘 預先落左單所以一坐埋枱就有野食😋一開始就會有兩塊魚生片點麻醬做前菜都幾新鮮清甜既 我地嗌左梅($108)同竹($148)佢地既分別係魚生既份量仲有兩塊紫菜可以包手卷 要加紫菜就要加錢$10三塊餐牌寫有九款魚生 但因為打埋一齊變左蓉所以其實都食唔出同埋魚既鮮味都唔係太出呢度有少少失望加左湯做茶漬飯 湯既味都唔錯但魚生浸湯既感覺有啲唔配合但湯飯係還好既總結 可能去之前期望好高所以比預期中失望 魚蓉令魚既鮮味唔太突出有三種食法都幾得意但全部都好似點到即止咁都可以去試一次既😛但性價比唔高應該唔會再去🤭