宗像屋 (已結業)

想試呢間好耐, 今日終於試到, 大約7點到, 不用等位, 餐牌只有4個丼, 唔見有 drink list, 都無其他野可以叫, 唯有專心一意食刺身丼。叫左一"梅", 一"特上", 好快就來到, 2個丼都非常美麗, 當然手機食先1) 刺身溶無根入口即溶, 正~ 2) 海膽係大 Size, 唔臭無血點血根, 鮮味不及北海道個隻細海膽咁甜, 都正~ 3) 蟹肉 無腥味鮮甜, 不錯~樓面只有一人招待, 她應該忙記比胡麻魚生片, 好采之前有係 openrice 度做左功課, 就提一提佢後來補上, 食到最後再加湯變茶漬飯,  大滿足!!! 食完出來見到有over 20人排緊隊~

間野開左幾年一直想試，但初開時本住唔平又唔知d魚生容新唔新鮮，所以一直得個想。尋日收工終於下定主意去試左 竹 。詳細唔多講，魚生容係新鮮既，之前一直卻步因爲見有食評話魚生容好碎、碎到食唔出係咩，可能店家有睇食評/改善（？） 尋日去食又未至於完全碎到分唔出。紫菜夠脆但要快手包做手卷唔係會變林。師傅加湯時熱到出煙，魚生接近全熟，茶漬飯唔會話完全唔熱，只係食左1/3碗茶漬飯左右先開始變涼。服務亦都唔錯，會再幫襯。

今日由朋友帶路去食宗像屋, 宗像屋門面冇大型招牌,只用簡單白布印上LOGO,好有神秘感8點幾到左,要等1枱先到我地之後越黎越多人等,我地十分好彩,唔洗好耐就到我地入到去,坐位唔多,但見到其他人既野食,我已經流曬口水餐牌有4個飯,分左梅,竹,松,特上 我就簡左特上 因為特上有海膽先黎頭盤魚生 等多陣重頭戲黎啦 個飯好高好高好吸引好多料依度特色係個飯可以有3種食法,第1種海鮮丼,第2種手卷,第3種茶漬飯,店舖好體貼做左一張食法圖, 客人跟住黎做, 就可享受不同層次既食法及味道海鮮丼味道已經好好食海膽十分鮮甜,每個飯都跟2張紫菜整手卷,可以話有得玩有得食食到3分1可以叫店員加湯,變茶漬飯,味道都唔錯 不過我個人都係鐘意就咁食海鮮丼,可以大啖大啖食到海鮮最後多謝我朋友,帶我黎食。

日本福岡縣北部的一個城市，宗像。宗像屋卻隱於深水埗。餐牌簡單，適合有選擇困難症的人。梅有九種魚生，另有大蔥、三文魚子點綴，生色不少。一丼三吃，魚生丼、弄成手卷及茶漬飯。有簡單教學menu，令食客跟食物有更多互動，參與其中，印象分大增。有胡麻醬油甘魚作茶漬飯配料。不過個人認為浪費了魚生片，破壞了肉質纖維。但師傅有驚喜位，有檸檬皮加入飯中，增添清新、又減低肥膩感。整體而言，食法有趣味，一丼三吃滿足。唯魚生剁成魚蓉，難辨鮮味，口感亦失去。但各員工都有禮，令回頭率上升。

5係朋友食過介紹同帶路都5知有間咁既鋪係到，朋友都話成日要排隊，但又真係下午茶太飽，最後都7點幾先去到，結果5洗派隊，一坐低就落好單，全店得4種，我同朋友揀左2梅1竹仲有介紹3種食法落完單就有前菜，芝麻醬油甘魚，超好食！！！魚咪回甘很濃，但我太鐘意一下就食晒，原來係要留一塊最後個步驟食，紫菜係比客人當手卷食，但我就覺得太黏口，有d難搞尼到個份量真係嘩一聲，雖然飯量5係足一個木桶，但計埋魚生都5係普通人食得晒食淨最後2啖飯可以叫店員加湯，做湯飯就，我就覺得麻麻地，因為湯底都淡味，而且加左飯就5熱，所以撈湯飯反而無咁好食食飽就反而開始多人等位而且超飽，所以食完就出去行下街

竹 ($148)(吞拿魚，吞拿魚蓉，北寄貝，希靈魚，帶子，三文魚子，烏賊，油甘魚，鱲魚)宗像屋嘅魚生丼全部都係一座座山咁 有分唔同級數嘅 價錢越貴入面嘅魚生就會越多The sashimi rice here comes in the form of a little mountain, and depending on the level you choose there’ll be more sashimi and more premium selections within your “mountain”9種魚生都切碎曬再變成一座山 魚生嘅份量仲多過飯I chose the bamboo version of the sashimi rice, which comes with 9 different types of sashimi. It’s great how there was more sashimi than rice, especially considering the affordable pricing.根據佢地嘅食法 先將豉油連同wasabi同魚生飯夾埋一齊食

有朋友介紹下拍拖來這裡試吃，鋪面好像沒有招牌，如果正常經過真的不會留意到，不過就算知道是餐廳也會以為是很貴的吧不過原來價錢也算親民餐牌只有四款飯（嚴格黎講得三款，有兩個只係份量唔同材料一樣），應該很適合選擇困難症的朋友點了梅和竹，其實一樣的竹是增量版，先有個前菜魚生片，記得不要好似我咁食晒，要留返最後做泡飯的！隨飯有兩塊紫菜用來包手卷食，鍾意食紫菜的人應該會不夠吧。。個飯味道幾好，將所有刺身剮成蓉，入面有貝類同墨魚，令到個口感幾特別，同埋加左柚子，有淡淡柚子香幾清新！最後加湯做泡飯，連湯食埋飽晒

紅左兩三年，昨晚到SSP終於一試呢間挺出名的海鮮丼小店。我同朋友平日晚7點半到，勁幸運不用等位就入得。只有4款海鮮丼供選擇，但我咩魚生都食，也特別喜歡Tuna；反正我不一定要吃蟹肉和海膽（松＆特上先有），所以諗都唔諗就選了「竹」（「竹」只是的「梅」魚生份量加大）。Overall，整個味道和新鮮程度是合格的，但最大問題是 明明有9種魚，但魚蓉撈埋之後，其實根本分唔清楚自己食緊咩魚打咩魚，基本上最吃得出的只有tuna和希靈魚（因為口感特別），我覺得應該所有魚其實切番大粒D，分開番D口感和味道，會比較好。食到最後，可以加湯弄成茶漬飯，個湯比我想像中有味，仲有D蔥花同yuzu添加左清新既味道，成件事有解膩feel，我出奇地很喜歡。總結： 其實CP值不錯的，百零二百大大碗+食物qty叫對得住呢個價。應該有機會回頭的！但如果你話要我排隊排半個鐘一個鐘我就不會等了～

先說等候時間，畢竟店舖提供的座位不多，這天平日晚上七時，在門外也排了半小時以上，如果不想排隊的人就建議避開用餐時段。店舖裝修比較簡單，裡面以雙人檯和吧檯為主，吧檯底有掛鉤放個人物品。早在排隊的時候，店員已經提前詢問用餐人數和餐點。其實魚生飯早已由店家配搭好，餐牌只有四款海鮮丼：梅、竹、松、特上。基本上只有魚生份量和種類之差，差別不大，選擇困難症的朋友有福了！「梅」和「竹」的差別只在於魚生份量增倍，出於難得食一次的考慮，就喊了較貴的「竹」了。魚蓉堆成小山，視覺效果滿分，不過老實說，魚生變成蓉以後，其實也分不太出種類，口感也欠奉，而且當晚整體魚生不夠新鮮，以這個價格來說實在差了一點。來宗像屋，也是為了「一丼三吃」，分別是：直接食、用紫菜包成壽司手卷、加高湯變成茶泡飯。為了避免客人不會品嚐，店裡也都有提供品嚐方式的說明。每個魚生丼飯也會附上兩塊紫菜（用作包手卷）和胡麻醬刺身。紫菜只有兩塊，並不特別脆身，而且只能包兩小個手卷，實在「到喉唔到肺」。反而最後的茶泡飯卻有驚喜，將吃到三分一的飯交給師傅/店員，會幫忙加入清湯和蔥花、芝麻、柚子等調味料。雖然魚生還是「生」的好吃，不過茶泡飯吃到的風味又不

在出奇地溫暖的一月下午，拉開了宗像屋的木門。作為午市第一個客人，被安排坐吧台。點菜後，侍應小姐先送來熱茶和胡麻醬魚生，台後的師傅不久便遞來一客「梅」。陸續有兩組客人登門，幸好都不吵。由九款魚生混合成的一座小山，堆在微熱的飯上。盛飯的小木桶溫暖而厚重。按指示把芥末和醬油調勻後，淋上魚生小山，再拌飯吃。期間還用紫菜，做成兩個小手卷。在輕柔的日式背景音樂下，專心吃飯。感受新鮮魚類和調味料混合的味道。把吃剩三分一的飯舀進瓷碗，請師傅加湯。除了滾燙的魚湯，還加上葱粒、芝麻和柚子。一小碗風味獨特的茶漬飯。把湯飯仔細咀嚼完畢，再慢慢呷茶，品嘗安靜。然後，重新拉開木門，回到紛擾的人間。

今晚在深水埗約朋友行西九，朋友見這間日本餐廳評價好，就來一試。佢哋只有一樣丼，貴少少有蟹肉海膽，但第一次試，就叫兩個竹(148)丼來到叫合格，唔算好正，我亦學介紹食，食到荼積飯，專登留返塊前菜魚生加上去。而女服務員亦好好幫我拎入去加湯點知佢拎返碗冇魚嘅比我，即係同其他顧客掉亂左我覺得好嘔心(食極都唔見魚碎)，也唔想當場話個女服務員，但我永不會再來。

同朋友去完迪士尼，打算上ig搵下有咩正野食之際，朋友極力推薦呢間隱世小店，佢話食過一次會上癮添！大約7點半左右去到，門口完全唔顯眼，睇唔到入面既，雖然得6、7個人排緊隊，我地都要等個幾鐘，應該係我地黎之前岩岩入左批🐺👉🏻想去食既朋友記得早d去食呀！🍻食物種類：個menu一眼睇曬得4樣野揀，飯份量基本上差唔多，分別係魚生蓉份量and種類多寡。入黎坐之前個侍應姐姐會問岩岩開左阿拉斯加蟹，加唔加錢轉。食物質素：我地4個都揀左竹，一飯三食，份量岩岩好！1.魚生食 2.自製手卷 3.加湯變茶漬湯飯海鮮丼黎到之後會跟兩件芝麻醬魚生片前菜，豉油連即磨Wasabi! 秘製Wasabi 混合芝麻同可能係柚子汁既野（因為有些少柚子味的）魚蓉山撈埋之後其實都分唔太清楚咩魚打咩魚，不過撈埋黎食真係好鮮味！連我平日唔太好魚生，都覺得d魚生好甜，完全冇腥味，因為希靈魚肉質比較實，所以造蓉後都最明顯見到既就係佢，我最怕係希靈魚，真係好多地方都整到好腥，所以呢個位真係抵讚！枱面會有張卡教你點三食，會教你留d魚生同魚生片茶漬飯果陣食，不過我覺得魚生都係生食好食d個人建議大家一開始留一啖飯作加湯用，就算你唔好茶漬飯都記得

本身好鍾意食魚生飯，好食既雖然多，但抵食既真係好少。呢間魚生飯只有四個選擇，其中最平既梅，同貴幾十蚊既竹既食材一樣，但貴少少就多好多魚生，咁梗係揀竹（其實係因為餐廳入面個個都揀呢個）。唔同既魚生堆成一座塔。食材好新鮮，飯既份量岩岩好，加埋好甜既豉油同唔辣既wasabii（豉油就係好正，我地4個人去食全部都豉油加底），成桶飯既層次好豐富。注意：食完豉油飯同埋紫菜卷，要加湯既話一定要問個店員加，本人唔小心用左枱面既熱水壼加湯，結果比店員發現，同加以指正話呢個係茶唔係湯，仲安慰本人話你唔係第一個咁做，真係柒出國際，好彩佢另外好窩心地畢少少飯加湯比我。唔打廢話，呢度既魚生飯有三個步驟教你食，下面有圖。期待下次再去

在深水埗好多好野食，花多眼亂，唯獨呢間日本餐廳既menu得4-5款丼飯，證明餐廳既主廚對佢既廚藝好有信心，而事實上一食既時候即刻要舉起姆指讚好！👍🏻門面好有日本餐廳特色同男朋友都點左「梅」，好快就送上來，連埋預設好既鼓油同wasabi份量，加上魚生好新鮮，真係好正！！最有特色就係佢所推介既3種食法，直接食又得，連埋紫菜整手卷又得，最後仲可以叫店員加湯撈飯食（茶漬飯），香香甜甜好正！日本廚師果然係好野！下次再試下其他丼先！

梅 $108 ； 特上 $298呢到只有賣四款丼飯 不同之處就在於魚生既份量同種類既多少 「梅」同「特上」分別有10同12種魚生 「特上」除左魚生份量較多 仲多左蟹肉同海膽 海膽鮮甜無異味 可惜蟹肉味道唔太突出 其他魚生既油脂都洽到好處 值得一提係呢到既魚生係魚蓉而唔係魚生粒 咁樣反而令魚生同飯更能融為一體 令飯都充滿油脂香.一丼三食係呢間鋪既賣點✨店內貼有教學方法：1️⃣直接食 2️⃣當手卷食 3️⃣變茶漬飯 紫菜唔夠脆所以唔太討好 個人比較鐘意直接食/茶漬飯 魚湯加左芝麻同蔥 飲落好鮮甜 店鋪建議連埋一開始送上既兩片胡麻醬油甘魚加湯食 大家可以參考下 不過始終都係直接食魚生最食得出佢既鮮味🤤