家賀屋刺身寿司專門店

當天我與女兒慕名而至，因從網上得知「家賀屋」的刺身，是即日由日本豐洲市場空運的， 欲食海上鮮，莫惜腰間錢，當天我點了的刺身有:大拖羅，劍鱼腩，池鱼，三文鱼腩，薄切池鱼。寿司:鮟康鱼肝， 黑松露三文魚，花之戀 ，火炙鵝肝。 甜品:日本芝士蛋糕。(结賬約$1,000元)，因我是慕名而來，所以一定有少許期望， 這不是什麼批評，只是一個食後感， 首先，任何食物都是不時不食， 踏入5月正值鯛魚的季節， 可以吃到中南部的甘鯛及金目鲷等。我向侍應諮詢，首位不知是甚麽，第二位隔了片刻回答「好耐無貨嚟」，今我大失所望，至於刺身方面，不是不新鲜，但總是下了少許，我點了兩次「劍鱼腩」，兩次的口感，味道都不同。鮟康鱼肝太乾柴，三文鱼腩欠爽，但值得一讚的是「薄切池鱼」，非常鮮味。希望第二次光顧時有多些鲜鱼可食。

今次妺妹為我預祝生日，揀選我至愛的日本菜，地點在灣仔樓上日本餐廳—『家賀屋刺身壽司專門店』。環境不錯，門面有吸引人的日本刺身圖片，餐廳坐得都舒服。餐廳係掃QR code自助點餐，不少選擇。頭盤前菜點了『鮟鱇魚肝沙律』及『炸三文魚皮』很喜歡魚肝的感覺像鵝肝，但不會羶味，伴上柚子沙律，很開胃可口，而魚皮脆卜卜又香口！還點了『特選刺身盛附大本鮪魚腩2切』質素及份量喜出望外！厚切令油脂更豐富，款式多而且十分鮮甜，我至愛鮪魚腩和油甘魚！『特選鮪盛』有三款吞拿魚，包括赤身、中拖羅及大拖羅，店員上菜時告知我赤身開始，赤身有咬口；中拖羅油脂比較高，食落甘香有油脂味道；大拖羅微微粉紅色，脂肪分佈雪花均勻，油脂入口即溶！正！『彩虹壽司卷』有6款口味，而壽司卷除咗上面有不同刺身，卷入面仲包咗牛油果！刺身十分新鮮，特別係帶子十分清甜鮮味！飲品方面，點了Snowball，淡淡的酒香味加上椰子味香濃，令整頓晚餐更加出色！喜歡食刺身的朋友，真的不能錯過這間日式刺身店！

最近我去了家賀屋刺身壽司專門店，這是一家提供高品質刺身和壽司的餐廳。我非常享受這次的用餐體驗。這裡的刺身非常新鮮。每一塊刺身都精心製作，肉質鮮嫩，口感細膩。無論是鮪魚、三文魚還是蝦子，它們的鮮味和質感都令人滿意。刺身切片均勻，將食材的美味完美呈現。壽司也是他們的拿手菜。壽司飯煮得剛好，口感頗為綿密。壽司上的刺身和配料搭配得很協調，不論是鮪魚、鯛魚還是海膽，都帶來獨特的風味。壽司的大小適中，一口咬下去，能感受到每個食材的鮮味和口感。值得一提的是，他們的鰻魚飯，他們的鰻魚非常美味。每一塊鰻魚都烤得剛剛好，外皮酥脆，內部肉質鮮嫩多汁。他們的鰻魚烹調技巧恰到好處，能保持鰻魚的原汁原味，讓人一嚐難忘。鰻魚飯的米飯口感非常好。米飯蓬鬆而香甜，與鰻魚的搭配非常完美。每一口飯都能吸收鰻魚的醬汁，讓整個口味更加豐富。這家店的服務也值得一讚。服務員態度友好，總是熱心地回答問題，提供專業的建議。他們確保用餐期間客人的需求得到妥善照顧，讓整個用餐過程更加順暢和愉快。

最近我去了家賀屋刺身壽司專門店，對於這個餐廳的食物印象非常深刻。這裡的料理以新鮮的刺身和精緻的壽司聞名，真的讓我感到驚喜！🫶🏼他們的刺身非常新鮮，新鮮度完全超出了我的期望。每一塊刺身都鮮嫩多汁，口感非常好。尤其是鮪魚刺身，肉質鮮美，入口即化，真的令人回味無窮。接著是他們的壽司，每一個壽司都製作得相當精緻。❤️米飯口感恰到好處，蓋在上面的刺身鮮美而搭配得宜。我尤其喜歡他們的三文魚壽司，三文魚的鮮味和軟滑的口感完美地融合在一起，令人難以抗拒。餐廳的服務態度也非常友善和專業。服務員總是笑容滿面地迎接客人，並耐心解答我們的問題🙆🏻‍♀️☀️他們的推薦也相當中肯，幫助我們做出了好的選擇。總體而言，家賀屋刺身壽司專門店是一個值得推薦的餐廳。他們的刺身和壽司都非常美味，提供給顧客出色的食物體驗。如果你是日本料理的愛好者，不妨來這裡一試，相信你也會被他們的美食所迷倒。

家賀屋刺身寿司專門店的壽司真是讓人回味無窮。我最喜歡的是店家的招牌菜"家賀壽司"，由甜蝦、海膽和吞拿魚組成，味道和口感都非常搭配。我喜歡海膽的鮮味和吞拿魚的柔軟口感，並同時能讓我賞到甜蝦的鮮味。壽司飯的顏色帶有啡色，略帶醋香，十分夠味、不用沾醬油。此外，三文魚西京燒也是店裡的特色美食，值得一試，比起一般店家的銀鱈魚西京燒多肉質和OMEGA-3魚油香。不過，店裡的冷盤份量較少，而且炸物的味道也不是很好。整體來說，價格較貴，不太適合預算較緊的消費者。但如果你喜歡品嚐高質量的壽司，家賀屋刺身寿司專門店絕對是一個值得一試的好地方。

姐姐生日快到，因為佢嘅另一半係唔鍾意食刺身壽司，所以喺佢生日就同佢食返餐全刺身、壽司嘅晚餐。揀咗位於灣仔嘅家賀屋刺身寿司專門店，我哋可以盡情咁食刺身、壽司。點咗嘅食物包括：特選刺身盛-時令鮮魚附（大本鮪魚腩2切）日本鯛魚薄造鮟康魚肝沙律彩虹壽司卷特選鮪盛炸三文魚皮頭盤鮟康魚肝沙律，有我鍾意食嘅鮟康魚肝，而配上柚子醋沙律菜，味道酸酸地好開胃。特選鮪盛有三款吞拿魚，包括赤身、中拖羅及大拖羅，咁食嘅次序當然係由赤身開始，不含油脂嘅赤身有咬口；中拖羅係我鍾意嘅粉紅色油脂比較高，食落甘香嘅油脂味道；大拖羅微微粉紅色，脂肪分布有如雪花，入口滿布油脂甘香，而且仲有入口即溶嘅口感。特選刺身盛嘅刺身都好鮮味，特別係油甘魚同大拖羅，油脂豐富。日本鯛魚薄造配柚子醋，好味！彩虹壽司卷有6款口味，而壽司卷包咗牛油果，食落軟滑。炸三文魚皮新鮮即炸好香脆。所有食材都好新鮮、鮮味。值得一試。

好鐘意食日本嘢，所以今次揀咗灣仔家賀屋！😋 同朋友嚟食所以可以叫多啲😛首先，我地食咗特選海鮮丼定食，入面嘅海鮮種類多元仲要全部都大大份😋 新鮮美味，包括咗各款魚生、蝦、海膽等海鮮，配上白飯，真係好正。除咗依個，我仲嚟咗炸三文魚皮，酥脆可口，加埋醬汁更加美味。最驚喜嘅係鮟鱇魚肝沙律，鮮美嘅魚肝搭配沙律蔬菜，口感綿密，估唔到可以襯沙律食😍 真係好正！作為一個鐘意食刺身嘅人，我當然唔會錯過佢哋嘅特選刺身盛啦🤩 盤子上擺滿咗新鮮嘅刺身，包括咗各款魚生😍😍 每一口都係享受😛除咗美食，家賀屋嘅酒水都值得推介🍻 我揀咗佢哋嘅snowball cocktail同巨峰提子碳酸酒。前者係一款以白蘭地為基底嘅雞尾酒，口感清新，後者就係一款清爽嘅碳酸酒，巨峰提子嘅甜味同氣泡相得益彰🍇 非常開胃❤️餐廳嘅氛圍舒適，而且服務態度都好好添！如果你都鐘意食日本嘢，不如嚟一嚟試下家賀屋啦。😛 仲可以儲mee分架💛

好耐無食過日本嘢啦，所以今次我去咗灣仔嘅家賀屋刺身寿司專門店，一間以壽司同日式料理為主打嘅餐廳🤩呢度Menu非常豐富，睇到我眼花撩亂，好彩用QR code落單有埋參考相睇而且仲非常方便😆餐廳非常大而且裝修都好日系，晚市都好多客人，建議預先訂位會比較方便😉首先係特選刺身盛 時令鮮魚附😍每一塊入口都肉質鮮嫩，口感非常好😍個人最鐘意食佢個三文魚🍣配上鋪頭自家制嘅醬油同生磨山葵感覺特別唔同🤤之後係壽司定食，除咗賣相靚之餘分量都好足夠，除咗新鮮嘅刺身同精致嘅壽司之外，仲有一碗味噌湯，一份沙律同炸蠔😋每一件壽司都裝飾精美，肉質鮮嫩，入口即化，特別係佢地嘅海膽壽司，肉質鮮美，鮮味十足👍🏻跟餐嘅炸蠔都好出色，唔會話食落好油咁🤩特選海鮮丼嘅海鮮分量十分豐盛，有香港人最愛嘅三文魚、甜蝦、吞拿魚同海膽等等💕海鮮入口即化味道鮮美，而且新鮮度非常高，個人最鐘意佢個海膽😋👍🏻啲飯食起來很有嚼勁，如果可以大碗啲就更好🤣跟餐仲有沙律同燉蛋，燉蛋整得啱啱好而且入面都好足料🥰炸三文魚皮同鮟鱇魚肝沙律係菜單上比較特別嘅點心，平時喺其他餐廳都比較少見☺️炸三文魚皮非常薄脆而且唔會話好油膩，薄脆到咬落去仲有聲🤣鮟鱇魚肝沙律則是一

同朋友行完大有商場，行返過對面灣仔道就到嘅刺身寿司專門店，餐廳位置都十分就腳，剛好在灣仔道同莊士敦道之間，這間餐廳在這區已經有很久嘅年資，同朋友同事放工嘆番杯享受一下美味嘅刺身壽司這裡絕對係一個不錯嘅選擇！落單掃二維碼，今晚就點了個特選刺身盛-時令鮮魚附，特大鮮味赤海蝦、肥美本鮪赤身、充滿油脂嘅油甘魚、厚切三文魚、爽彈嘅日本八瓜魚，同埋由廚師發辦肉質鮮甜、脂膏豐腴嘅鰤魚，這個特選刺身盛配埋這裡推介嘅麒麟一番榨蜜桃口味冰啤，入口清涼冰凍帶點蜜桃口感，完全將工作壓力退下！而主食就係大本鮪魚腩丼定食，除了有大本鮪魚腩丼，還配埋海帶味噌湯、胡蔴田園沙律、日式燉蛋，如果不喜歡定食，亦可以只單點，差少少當然要食得盡興！一上枱就已經係完整滿滿嘅擺放放式，先食個充滿胡麻醬嘅田園沙律，多汁車厘茄，爽口甜美嘅粟米粒入口十分醒胃！日式燉蛋內亦十分足料，除了有冬菇外，還有蟹柳粉絲配埋香濃軟滑燉蛋，正！主角就係大本鮪魚腩丼，大大片放滿了在煙靭彈牙嘅日本米飯上，大本鮪魚腩這個部位脂肪相當多，脂肪分佈好像雪花般，富天然魚油脂的甘香，入口即溶，旁邊還有大本鮪魚蓉及魚籽，還加上了少少金箔點綴，賣相吸引之餘入口又充滿口感

好耐都冇嚟灣仔呢間家賀屋刺身寿司專門店，掛住佢哋嘅藍旗吞拿魚，放工一於去食返個壽司🍣 omakase, 一解思鄉之情。師傅特選壽司定食 $398讓腦子放空一下，不用想太多，就點了一個師傅特選壽司定食，內容非常豐富，師傅特選寿司🍣 日替湯品、田園沙律、吉列廣島蠔 2pcs。師傅特選壽司🍣師傅特選4件壽司，有愛最愛的牡丹蝦味道香甜軟糯、海鹽輕燒大本鮪魚腩、海鹽輕燒煙薰醬油漬左口魚裙邊、海膽。還有師傅時令特選介紹的金線鯛 ，俗稱日本的紅衫魚，平時都係食高級日本料理才吃到。高級魚的魚皮上有紅黃花紋，賣相極之吸引，口感爽嫩，清鮮甜美。魴鮄魚壽司的魚味重高，刺身魚一流。特選刺身盛-時令鮮魚附 $228特選刺身盛-時令鮮魚附又係廚師發辦～好滿足，正！築地鮮魚鮮味十足、特大赤海蝦鮮甜及有彈性 。本鮪赤身油脂比例適中， 魚味濃郁 、 油甘魚肉質綿滑。三文魚啖啖肉、 日本八瓜魚 口感清爽。麒麟一番榨𣲙啤 $88夏天天氣熱辣辣又潮濕，飲番杯冰爽清涼的啤酒就最啱！蜜桃口味𣲙啤香甜果味又容易入口，好啱女仔飲。

The best way to determine the quality of the restaurant is through the flow of people, and it definitely proved the case this time.Service:The service was great for the place that it was. The staff was clear and succinct when ordering and leading new customers into the restaurant. It felt like the local Hong Kong-style cafe but with better service and an entirely different cuisine. If you're a working person and looking for a quick but tasty lunch, the no-fuss yet welcoming service makes this on

首先叫咗個鮟鱇魚肝沙律，有兩塊鮟鱇魚肝，切得好厚，味道濃郁。食完沙律好快就到刺身。我哋揀咗呢度好蛋人叫嘅特選鮪盛。呢個吞拿魚盛有六件，有赤身、中拖羅、大拖羅。赤身已經好好食，中拖羅更肥美。大拖羅簡直入口即溶😍質素好比Omakase 👍🏻食日本嘢當然叫番杯酒，揀咗Snowball。另外叫咗池魚苗，香脆小食，一路飲一路食！之後就到豐富嘅特選刺身盛，赤蝦超級大隻長身，非常鮮甜！是日推介係魴紼魚，魚味清甜帶鮮味。仲有好正嘅吞拿魚腩，個邊邊位超級肥美。油甘魚、三文魚、八爪魚都好味。另外店員推介特選壽司定食，呢個鍾意食壽司嘅真係一定要叫😻有七件壽司、赤貝刺身、炸蠔、湯及沙律，好豐富又好味。有炸蠔兩件，金黃又脆，入邊好蠔Juicy。刺身嘅赤貝好爽好大隻，完全唔腥。海膽仲好鮮甜，七件壽司都非常新鮮。

完成個大project, 終於唔使加班，可以見下朋友。朋友好貼心㨂咗間離公司幾分鐘路程的日本餐廳，食完飯又行幾分鐘就到港鐵站。餐廳地點一流，用餐環境同食物選擇有少少似居酒屋，簡簡單單，好美之餘，仲好抵食。麒麟一番榨生啤（$68) - 超大的一杯，兩個女仔share 都飲唔晒😅鮟鱅魚肝壽司（$26件）- 味道濃厚，大大件厚切，鐘意鮟鱅魚肝的必點。家賀壽司 ($48件）- 必食❤️ 一件壽司有齊吞拿魚，蝦同海膽，多個口感，不同鮮味，個刺身份量厚過壽司飯。大讚！特選刺身盛附大本鮪魚腩2切（$303) - 必點❤️ 價錢、質素同份量都無可挑剔，全部都係厚切，油脂豐富，一個盛合款式多仲全部都好鮮甜，最愛鮪魚腩和油甘魚 仲有赤蝦。大讚！北海道螢光魷魚（$75) - 第一次食螢光魷魚，唔係間間餐廳都見到，未食過的可以一試。細細隻，一口咬，中間會軟軟的，鮮味香濃，好特別。日之雪花蠔（$65隻）- 口感creamy, 比風雅真蠔厚身，好鮮甜。三陸縣風雅真蠔（$55隻）- 口感爽脆，一樣鮮甜。因為口感，朋友比較愛呢款。而我比較愛creamy 口感，偏愛日之雪花蠔多一點點。唐揚魷魚鬚（$55) - 大愛❤️ 炸得

灣仔呢間開咗多年嘅日本菜，平日夜晚都非常多人。當然有原因！因為佢啲嘢食真係好新鮮，而且價錢合理。收工約咗朋友食飯，當然最鍾意食日本菜。灣仔區呢間日本菜晚市有晚餐、有散叫。▶️師傅特選壽司定食$398呢個壽司定食超級豐富，而且款款壽司都好吸引。有海膽、牡丹蝦、火炙拖羅、火炙左口魚、魴佛魚、真鯛、金線鯛。海膽好鮮甜、牡丹蝦大大隻。火炙左口魚同拖羅都好肥美。套餐有赤貝刺身好爽口。仲有三文魚湯、沙律同炸蠔。▶️特選刺身盛擺盤好靚！鮪魚腩超肥超正。油甘魚鮮味。八爪魚幾爽口。時令魴佛魚有光澤鮮甜。牡丹蝦大大隻，超鮮又爽。三文魚油脂平均。▶️唐揚日本池魚苗池魚苗炸到脹卜卜又多肉。好好嘅佐酒小食。▶️鮟鱇魚肝沙律鍾意食鮟鱇魚肝嘅我覺得肝味好香。配沙律有青瓜。▶️特選鮪盛呢個我覺得喺呢度必食！吞拿魚三個唔同程度嘅肥美，款款都好正！越食越肥美，油脂滿滿。▶️原味乳酸梳打乳酸味解膩，梳打夠氣夠爽！呢間日本菜質素高，價錢唔貴。灣仔日本菜之選。

今天約了閨密一聚，交流近況。我們選了位於灣仔的家賀屋刺身寿司專門店，看到他們的性價比好像很高，決定一試。餐廳環境舒適寧靜，乾淨企理，座位寬敞，食物選擇也很多。麒麟一番榨生啤 $68味道清新不會苦，啤酒及泡沫口感細緻綿密，新鮮甘香，大愛！鮟鱇魚肝壽司 $26第一次吃鮟鱇魚肝，一吃愛上。魚肝口感綿密軟滑，味道甘香，感覺不會膩。珍珠米晶瑩通透，香滑煙韌，好吃！家賀壽司 $48賣相非常吸引，共有三層刺身：海膽、吞拿魚碎及赤海蝦，一大口吃下去特別有滿足感，口感層次豐富，刺身新鮮香甜。赤海蝦口感黏黏富彈性，特別鮮甜。特選刺身盛 $268（時令鮮魚附中本鮪魚腩2切）每一款刺身都非常高質，鮮味十足，大愛。特別喜歡大拖羅，油脂比例高，有入口即化的感覺，魚油十分濃香。油甘魚及三文魚同樣好吃，口感肥美有彈性，魚味濃郁細膩，甘甜可口。北海道螢光魷魚刺身（6尾）$75口感爽脆，鮮味濃郁，散發著獨特的甘甜味道。日之雪花蠔～180g $65份量驚人，飽滿肥美，質感非常creamy軟綿，味道由鮮入甜，讓人非常滿足。三陸縣 風雅真蠔 $55口感相對爽脆，柔滑細緻，味道較清新鮮甜，易入口。西京燒三文魚鮫 $68肉質非常嫩