容記小菜王 (已易手)

J小姐介紹我，由於地方比較迫，所以沒有帶bb去，怕危險啊! 聞名既燒腩仔和齋菜卷，好好味道，燒腩仔用既五層花腩肉，皮脆肉嫩，齋菜卷亦相當有心思，把齋菜用腐皮卷成卷狀去炸，好香口。 其他的沙拉骨、炒白菜和炸蝦餅就普普通通。 環境衛生，非常光猛。 服務不過不失，食小菜既地方都係講究快靚正啫!

由約18年前， 係佢桂林街同大南街第一間舖， 幫襯一次後， 都唔諗住再幫襯。 屋企人話想試下， 我都不存厚望。 但唔係差到咁利浦丫。 1)脆皮燒肉 – 油多， 肉質沒味。 2)焗魚腸 – 正確做法， 先挆碎魚腸， 挅到變蓉後， 再將蛋一起蒸。 咁就會沒咁腥。 佢就成條腸連蛋一起蒸， 無奈。3)清蒸石班仔 – 我那麼喜歡食魚， 都但條魚太腥， 連我都食唔落。 可悲！4)文昌雞 – OK， 但我覺得同出面酒家既味道一樣。5)咕嚕肉 – OK。 6) 春捲 - 沒咩感覺.....應該我都沒下次再去既機會掛。

上次來是5年前, 為的是買電腦這次也是為了買電腦五年前是間小店, 親切的小店, 好有heart的小店現在依然有heart, 但不再是小店了,地方大了想當年可是要等很久才有位子點了:雞蛋焗魚腸-味道不錯,魚腸份量多,可是焗的時間較短,沒有焗香,有點像水蛋容記小炒王-上次來也是吃這個, 記得當時很好吃, 很多料, 今次好似簡左d,不過依然是炸香了的尤魚乾等, 正是令這平價的小炒變得好吃的原因家鄉蓮偶煲-這個比較失色, 偶很粉我不太喜歡, 也沒什麼特別果然是小炒王, 份量很小, 幸好當天我很飽, 即使三個菜也吃不下了, 剩下一大個煲看到其他人叫的菜,一些家常的菜如咕嚕肉等有些菜是很少地方有的, 如煎咸魚餅當年我們吃過的招牌燒肉, 當年已經算貴,68元一小碟, 現在更要118元, 男友不禁說了一聲:"打劫咩"招呼唔錯,隔壁的菜未來, 伙記主動催單, good出左名而不大跌watt, 已經算係咁

放工專成同老公去容記小菜王 先前老公同朋友食過話覺得不錯而且款式特別 d 我地叫佐燒腩仔 - 熱辣辣好好味焗茄子 - 好味道幾特別抄菜 - 不過油佐少少整體也不錯會再來吃

一行9人..等左一陣間就有位...原來有成3個舖位...都full哂...由於我地多人第一次去食當然要睇睇個餐牌la..同埋有2個fd出左去買d野..咪諗住慢慢睇下先囉..點知個伙計離哂譜係咁叫我地落單..我地話等陣先..佢話(等囉...等囉...等等下你地唔洗食ga la...).真係激鬼氣...唔係為左個燒肉真係已經走左la!!!!!!!但係我地發覺d餸都好快上枱囉..個伙計都唔洗咁話我地呀...真係火滾!! 燒肉 $115 lee個價錢好貴..但係真係好好食..半肥瘦個皮係脆得黎鬆ga..真係超正 西蘭花草菇 冇特別 咸魚煎魚餅 咸左d 囉 招牌雞 唔夠滑冇雞味...同平時d酒樓大排檔冇乜分別. 沙拉骨 應該係叫出水沙拉骨...相信大排檔會好味過佢. 肉碎炒西季豆料(唔記得個名) 送飯幾好 菜干蠔豉粥 好啖味..唔足料.第一次去食唔知只可以比現金..只係順口問句可唔可以碌卡ja...個阿姐話..(有..比個背脊你碌la...)洗唔洗呀..都唔知點做生意ga..咁唔知道問下ja都要比你咁話一句!!!總括黎講...服務非常差...食物亦唔覺特別同驚喜...除左燒腩仔..lee個真係好

今日同5個朋友一行6人經友人介紹特登去試一下呢個容記小菜王~當然事前亦上呢個openrice search 下其他網友既食評~ 一入黎wa乜料!? 七十幾個好味 29個ok 但有34個唔好味...!? 米芝蓮wor ...好再睇左3頁食評~有d網友讚就有d網友彈得好誇張~ 然後都係本著人一世物一世既心態(本人同d fd 都係貧窮既學生哥) 黎呢間容記一試真偽~!人生路不熟~係深水埗D2 出口兜左一陣先搵到福華街...因為唔記得左背地圖~然後一入間鋪~就有人離遠問幾位~然後就話去果邊果間~原來佢係同一條街有2間鋪~相隔20米左右~可能係應付多人~廚房出菜就係係右邊果間(主店?)~左邊果間就係only坐(都有收銀)~我地係大約7點搭10坐低~基本上已經係openrice諗定食咩~就點左1)招牌脆皮燒肉2)沙拉骨3)鐵板燒釀茄子4)海皇豆腐煲5)羅漢齋卷6)椒鹽鮮魷本來想叫6個12蚊果d煲仔飯~但佢個伙計話冬天先有由於只係o係 openrice呢度見有d網友話有煲仔飯食~同埋第一次去唔太清楚~咁就算~最後我地6個男仔前後叫左8個白飯~另加2枝18蚊既嘉士伯啤酒~上菜速度奇快...呢個值得一讚

今天放工後同老公行開深水埗, 想起這間很久沒有到過的飯店, 不知是否天雨關係, 8點多去到不用等位, 裡面人都算多, 但比起以前這個時間必定有很多人在門外等位的時候差很遠.入到去看了很久餐牌都還未決定點什麼, 因我們都不想叫些煎炸的食物, 後來伙計過來給我們一點意見.1) 脆皮燒肉 - 例牌 ($58) - 不是太大蝶, 但係就好有水準, 皮很脆, 肉中間夾些許肥肉, 肉又不會好實, 又唔咸, 熱熱地, 好Juicy, 平常我是不喜歡吃燒肉的, 一般都是好咸, 肉又實, 又"鞋", 但這裡就唔同, 好好味.2) 燒汁薯仔牛柳粒 - 店員介紹 ($88) - 都幾大碟, D牛柳好淋, 有牛肉味, 薯仔是細細隻連皮食嗰種, 好有薯仔味, 個燒汁用青紅椒洋蔥一起煮好好味 , 唯價錢比較貴少少, 果然好識介紹呀....3) 椒絲腐乳通菜 - 好大碟, 炒得都好夠鑊氣, 通菜都好嫩.4) 菜干蠔豉粥 - 蠔豉夠多, 好夠味, 但菜干就少D, 粥都煲得好好, 現在已經很少地方食到, 所 以每次來到這裡一定要食的.這裡的菜一般都很大碟, 所以人多會比較好, 可以試到多D嘢.

孤陋寡聞的我本以為深水埗好吃的只有維記豬潤麵，原來禾竿蓋珍珠，區內藏有不少美食呢! 而這間深水埗老子號，乃米芝蓮推介餐廳之一，如非友人介紹，我真的慒然不知，失敬失敬!上星期六約8時，我們一行六人到來，等了不久，約10分鐘便有位了。食物質素總括算中上，分量亦頗大，點了6碟菜色，我們5男1女都吃剩，每位只需70餘元，價廉物美!服務方面其實也不賴啦，很有禮貌，尤其是付錢的時候。招牌脆皮燒肉 - 果然名不虛傳,皮脆肉嫩,肥瘦比例適中天下第一雞 - 肉質新鮮嫩滑，皮下脂肪不多,明顯是新鮮走地雞，有雞味且啖啖肉四季豆炒蛋 - 本人這餐最喜愛之菜色，蛋汁嫩滑而香濃，內裡的四季豆令味道和口感更豐富，送飯一流小炒王 - 炒韭菜很香口也會不太老，但對我來說是太辣了齋菜卷 -卷裡的齋菜很足料上湯芥菜膽 - 中規中矩

今次去慶祝同學生日, 一早book左位 準時去到, 已經預備好坐位俾我地! 燒腩仔 - 好鬆化!!!! 平時唔太食燒肉ge我都覺得好好食!魚腸焗蛋 - 恨左食魚腸焗蛋好耐, 因為以前食過好好味, 不過唔係四圍都食到~但係過呢度之後, 我無左對魚腸焗蛋的期待lu......咕嚕肉 - 足料, 唔會話只係好多配菜! 而且炸得岩岩好!沙拉骨 - 好夠味! 不過我嫌佢無乜骨..羅漢齌卷 - 推介!! 如果少d油會更好~墊底d菜好似俾油浸咁 啫啫雞煲 - 味係ok, 但係d蒜頭多過d雞好多, 似啫啫蒜頸煲多d -__-服務方面好滿意! 果度d叔叔都好好人, 有禮貌又好主動推介菜式! 會因為咁樣有機會再黎!!

第一次諗住試吓，兩大一細入去，7點鐘佢哋最多得3枱客，吉枱多的是比張極細枱，OK算，BB要叠高張椅，3,4個樓面加收銀喝狗咁喝,問點解要叠高張椅，喂無嘢呀！二話不說走，祝生意興隆！！！各位食得開心！！！

深水埗福榮,福華街一帶食肆林立,可說是一平民美食天堂,而這區的特色是生意好的食肆會於附近增設同名店舖,有別於其他食肆喜歡垮區發展,聞名的有劉森記,維記咖啡粉麵等,容記也不例外,有兩個獨立鋪位.容記小菜王座落於深水埗已經許多年,偶而也有傳媒報導,它是由馬可斯前銜廚易先生開辦的,一向以小炒菜色了得見稱,食客的評價亦頗高,生意滔滔,自從被米芝蓮推介後,聞名而至的食客就更多,據聞繁忙時間經常需要輪侯,而非大檯毋得訂位.但又可能是世界盃的關係,或是生意被其他新開食肆灘薄了,我們一行四人八時到達,於總店可以隨即入座.雖然見到門外告示九時後入席有七折,卻等不了多一小時.小店餐牌上選擇不太多,但已足夠我們首次光顧思前想後,高興見到它標榜少油少鹽,我們就更加放心地開懷進食.是晚選擇的皆是招牌菜,詳情如下：脆皮燒肉 不愧為容記的鎮店名菜,皮脆肉嫩,肥瘦平均,絕對是頂級的五花腩,好吃得不得了. 而且份量十足,大大碟也許有成斤重,請看圖片,可清晰見層次分明的五層肉,甚至像有六層;首層是香脆外皮,皮下竟然即有瘦肉,不詳中間肥肉是否已經燒溶了,跟著是腍潤的肥膏,第三層是鮮嫩腩肉,再下一層又見肥肉,最後一層是

這天拉了爸爸來試這常常大排長龍的小菜王, 今天1去到就有位, 大概因為多數人都跑去睇世界盃吧。 今天只有2個人就不能試太多款菜, 哎唷~ 這不能套用在貪心的爸爸身上。這兒的侍者多以機械人式說話, 1輪嘴有佢講無你講, 賣啤酒的姐姐如是, 寫單的大叔如是。 還好爸爸口才了得, 1邊敷衍他們1邊點自己想吃的菜= P爸爸1看到”腐乳蒸雞”就說很吸引馬上拍板~ 小妹要吃菜, 爸爸說想試”南乳粗齋煲”, 已經2款菜了, 但爸爸豈會就這樣算數! 於是多叫了1碟”薑蔥炒蟹”~南乳粗齋煲首先出場~ 哇好大煲菜菜 (大心>v<!), 通常這類雜菜煲會很水溜溜, 加上蔬菜會出水很容易把南乳味沖淡。這個粗齋煲的南乳調得較濃味也沒平時的稀, 吃到最尾依然南乳味十足~ 蔬菜種類很多, 而且有粉絲、枝竹、勝瓜、蘿蔔、雲耳, 特別是茄子煮得又軟又入味~~~吃著吃著, 腐乳蒸雞熱呼呼上桌~ 腐乳跟滑雞2者味道出奇的夾喔~~ 腐乳味香, 雞件鮮味又滑~ 不過其實這道菜有點油膩, 要趁熱吃呢要不然放涼了油膩感覺就更明顯了。爸爸搞爛gag時間 – “好雙乳”晚餐XD 南乳和雙乳都是重口味, 下飯就最好不過~

一兩年前的容記真是超好食, 晚上根本坐無虛設, 9:30後七折更是非常抵食每當想起燒腩仔同招牌雞真是流晒口水, 可是今次黎到真係失望一入到去, 原來裝修過, 全店原來無左一半, 更奇怪是剩下一半也竟然坐唔晒, 心已經涼了一截燒腩仔已經賣晒, 煲仔飯都賣晒, 叫了一碟沙拉骨同椒鹽鱔碌沙拉骨沙律醬很快已經溶成水, 肉有渣, 但尚算合格椒鹽鱔碌就完全不行了, 椒鹽味不夠, 而且多骨, 炸粉太多是另一問題, 吃到最後雖然不是很飽但也不想吃了...同朋友異口同聲覺得唔好食, 還好只是叫了兩碟...不知是否金融海嘯惹的禍, 對上一次是金融海嘯前去的, 當時還是很好味, 闊別一年, 沒想到會有這麼大的變化, 不知燒腩仔很快賣晒是不是同一原因?

首先先講食物先啦 ,普遍食物水準都ok ~ 唔太差 ~首推脆皮燒肉 ~ 表皮超脆 ~ 肉質唔錯 ~本人最鐘情肉下面的軟骨 ~但必須事先預定 ~可在定位時一齊定 記得一到座就叫伙記上燒肉 ~ 其實已經燒好等你地啦~如果唔係 ~ 凍晒唔好食 ~另有其他特色小菜 , 都唔錯 ~ 如果有飲開啤酒的話更佳 ~如一 容記一嘴 ~ 蝦餅 ~ 小炒王 等等 環境一般 , 普通茶餐廳feel ~ 椅桌有d迫 ~ 環境漕雜 ~服務態度認真一般 ~ 待應仲好q串 ~ 反而去toilet係後面我發現洗碗態度仲好過d待應 ~9 個人食左 $ 1500 左右 ~

十幾年前真系好好食(食左幾年) 但現在大不如前 服務態度差 發狂加價見咁多年冇食過就約左班老友(14人)去懷舊一下 咁果日我5點45分去到同個火記講想訂定張桌7點要 佢話冇問題 然後我就走左去搵老友原來d老友一半都到了咁就番去啦 咁我一入去個火記就話我都唔識佢) 然後我地坐落想叫酒飲我地問第二個火記有咩酒佢就答 我又一次O嘴 咁我地叫左兩枝(特價$25一枝)藍妹 D味變左喜力咁 顏色深左D 怪怪的 然後轉飲(特價$18有啤酒妹)加士伯就正常{行內人講過D酒有水貨或者系.....} 講番野食真系嘛嘛地(好聽D)14個人食左$2470店舖內大大隻字寫住(平民飯店)真系唔識講佢 好似話到人冇錢出去食飯咁但佢個價錢都唔覺得有幾平民