小草十八怪

營業中

休息中

佢哋呢度嘅石鍋米線好多人嗌，真係原個石鍋熱辣辣上枱，好有特色㗎！我哋今次都嗌咗兩個自選餸菜嘅石鍋米線，第一個就揀咗香辣金湯（中辣），配料就要咗紅燒牛肚🐮、鹹燒腩片🐷、五香辣豬軟骨🐽、支竹，另外仲套餐入面加配咗九制陳皮炸雞🐔（細），呢個炸雞超好食，外皮香脆，裏面嘅雞肉好入味，大家記住要嗌！而第二個自選餸菜嘅石鍋米線，我就揀咗極品蟹皇湯，配唐生菜🥬 、蟹柳🦀 、海蝦🦐 、帆立貝🐚，個人覺得呢一個蟹皇湯，同其他海鮮配料都幾襯，大人細路都啱食！而且佢哋嘅海鮮配料都好新鮮，唔會霉，幾十蚊一碗仲有咁多海鮮，抵食呀！除咗米線之外，我哋仲嗌咗兩款小食，包括 一口開心果風乾熟成牛肉 🐮$56 同埋 牛肉串 $62，我自己就比較鍾意牛肉串多啲，佢哋嘅牛肉串配埋燒烤調味料🧂，零舍惹味！飲品方面，佢哋有唔同款式嘅飲品都有特大桶裝，望落都舍有霸氣！我哋當日就揀咗特大桶裝凍檸樂🍋🥤

之前喺旺角舊舖已經食過佢哋嘅石鍋米線，今次你試吓佢哋嘅新產品。榴槤我就唔食啦，所以冇試到就是佢哋嘅黃鱔米線同埋風乾熟食牛肉滇味黃鱔米線:碗黃鱔米線非常有特色,細細品嚐見到滇南地區特有嘅風味。黃鱔肉質鮮嫩，濃郁入味嘅滇味湯汁,實在叫人垂涎三尺。米線係用雲南直送手工米線，但也又唔容易斷。一口開心果風乾熟成牛肉:口感香脆,一切入口即化。牛肉經過悉心熟成風乾，帶有濃郁而不膩口嘅氣味。開心果點綴其上，夾住藍莓、酸瓜、蜜瓜一齊食，令人忍不住一口接一口。九製陳皮炸雞:外皮酥脆,內裡肉質鮮嫩。採用傳統九製陳皮做沾醬，為這碗炸雞增添了別具特色嘅風味。醬汁調配得宜帶點酸甜，令人回味無窮。作為聚會時嘅一道精選小食,絕對是不可錯過嘅選擇。脆炸腐皮豬肉卷:油炸過後嘅腐皮外層酥脆可口,內裡嘅豬肉肥瘦適中,非常入味。這種脆炸豬肉卷絕對是一絕。特大手打檸檬茶:呢杯特大手打檸檬茶絕對係一絕，非常適合炎熱夏日飲，一定要用外賣杯，可以食完拎出去慢慢繼續飲。

早有聞說以石鍋米線起家的「小草十八怪」，餐廳現已搬到油麻地彌敦道，舖面面積寬敞，裝潢走新派冰室風，更以大量綠色植物佈置，感覺衛生舒適又富大自然感覺-餐廳招牌除米線外，有提供荷葉飯、石鍋飯、雞煲、烤魚及多款小食和串燒等；老闆更不斷鑽研新菜式，最近推出榴槤豆乳米線、黃鱔米線及開心果風乾熟成牛肉，甚具創意-🔹榴槤豆乳香辣酸木瓜醬沾米線 $68榴槤豆乳跟米線分開呈上米線配上嫩滑雞肉、酸辣平衡而開胃的木瓜醬及脆豆等；米線選用雲南直送的手工米線，不易斷且有彈性，沾上濃郁清甜的榴槤豆乳，毫無違和感，作為榴槤控沒有失望-🔹滇味黃鱔米線 $72黃鱔口感鬆軟帶獨特鱔香，油而不膩；配搭爽脆芽菜及韭菜，口感層次豐富，湯底微辣帶鹹鮮-🔹爽滑涼拌豬肝 $46加入芫茜、青瓜絲及花生等，清新開胃；豬肝爽脆嫩滑，啖啖豬肝香不帶豬腥味-🔹蝦膠釀豆卜 $38炸至金黃色的蝦膠豆卜外脆內嫩，蝦肉鮮味，蘸上甜辣醬更滋味-🔹火腿湯浸時菜 $34選配翡翠苗，火腿湯清甜不膩，翡翠苗新鮮爽甜-🔹鴨屎香檸檬茶 $36份量十足，檸香出色，點選少甜甜度剛好

呢間十八怪比之前旺角個間好坐好多, 而且都好方便, 地方比個間大好多同無咁迫,冷氣都夠, 就算坐窗口位都唔會熱.今次就揀左個自選米線, 有雞肉牛肚同豬肚, 點了杯特大水果茶.米線方面, 就覺得比較林左一DD 不過都係可接受情度範圍內既.牛肚同豬肚都算係爽口, 有口感. 而雞肉就算係正正常常, 不過不失味道.有杯特大飲品, 味道就係正常水果茶不過都真係有唔同水果係入邊,茶底就普通味道.對於一個成日口渴既人特大飲品係有一個吸引力既.總結黎講, 食物同環境都OK, 間唔中都會黎食下lunch 或dinner 而且呢度唔止有米線, 仲有石鍋飯等其他選擇, 有時都會食下其他試下~

一出油麻地鐵站過左馬路，行過見到有間餐廳，出面門口有個餐牌仲有下午茶餐，天氣熱又肚餓我就是但入左去食！坐低左職員會比個Qr code自助落單，水都是自助的，餐具就放櫃桶，冷氣都夠，但就一路食一路有蚊滋仔飛黎飛去！下午茶餐（A+B配搭）AT4肉骨湯雞肉翡翠苗米線$32肉骨湯湯底失望，好淡的，冇乜味😅BB4炸薯角$12夠熱嘅，係剛炸起！凍檸茶$3正常！天氣熱飲杯凍飲好爽！

食物味道幾好，但係啲串燒使到摺牙罅都唔夠啲串燒仲要勁貴勁細。員工態度有勁唔好，同我哋講你哋食石鍋梗係熱啦，重點係佢哋冷氣風都冇，幫我哋掉位之後掉咗去一個更加熱嘅位置。飲品唔凍，啲冰勁快溶罐裝飲品直接係唔凍。員工一直無視我哋嘅問題，態度又唔好真係唔建議大家食。至少唔好嚟油麻地依間分店食。👎🏻👎🏻👎🏻

今天晚上同朋友們半年內第3次光顧這裡 水準有升冇降。以人均約$100 真係冇乜地方可以找到賣相可以又能夠吃個飽肚 最重要係味道絕對中上级 服務員又友善 真係行過走過都唔好錯過

自己本身平時就已經係一個榴槤控、今次竟然比我發現到有一間有榴槤湯底嘅米線一定要去食！今次仲叫埋我個朋友去食添！呢間舖頭最特別嘅，除咗係榴槤米線之外、仲有黃鱔米線、同埋佢嘅開心果熟成牛肉！呢三度都係餐廳嘅招牌！我就專門食晒呢三度招牌菜！首先講榴槤米線！呢個榴槤湯底暖暖哋、食落去酸酸甜甜好開胃、甜度又唔會覆蓋咗榴槤本身嗰種鮮香味道！再配合埋佢哋手打手工制嘅雲南米線、除咗米線好彈牙之外、原來加埋一齊係咁夾咁好食完全！估你唔到喎真係！再加上呢個黃鱔嘅米線，我覺得黃鱔真係要讚一讚！肉質肥美，完全冇骨、就算有骨佢都係好明顯食唔到嘅唔會話喺肉裏面有好多細骨！怕食魚有骨嘅你絕對都可以食吓！最後一定係呢個開心果味，熟食牛肉、有黑橄欖，有蜜瓜或者菠蘿、再夾住個熟食牛肉！味道好有層次，開心果味都出！但係個層次感暫時喺香港係未食過好特別！飲品方面我就叫咗一杯鴨屎香檸檬茶！估唔到呢杯嘅份量係一杯大杯好Garden嘅份量真係超級抵飲！

今次我又去咗小草十八怪嗰度食飯。我特別鍾意去呢間度食米線，因為佢哋嘅米線係雲南直送嘅手工米線唔容易斷好有彈性所以食落更加好食而湯底都唔錯佢哋佢哋最近仲推出咗個黃鱔米線添另外佢哋仲推出咗一個開心果風乾熟成牛肉，一個超級適合做一個前菜，底下會有哈密瓜，中間會有一個好好食嘅牛肉，上邊就會有個小黃瓜同埋藍莓。另外佢哋飲品都好正，居然可以一桶一桶咁樣叫，我就叫咗一桶水果茶而且平時嗌廢水都驚佢太甜，但係呢個完全唔會甜，而且我叫咗少甜嘅時候，令人感覺係接近無糖，非常之健康，所以就算叫正常甜，都唔會驚甜。

踏入咗榴槤當造既季節，唔少餐廳都推出咗榴槤產品應市😍唔少都係每年會見既熟面孔，唔夠新意。不過今日經過呢間米線鋪竟然推出榴槤沾米線，真係忍唔住即刻入去幫襯🤣呢間餐廳紮根旺角多年😗最近新搬到彌敦道大鋪非常顯眼，而且食物種類好豐富，除咗有招牌既米線同埋荷葉飯，仲有石鍋飯、烤魚同埋串燒等等📜🍜榴槤豆乳香辣酸木瓜醬沾米線 ｜ $68上到檯已經聞到勁香榴槤味，米線夠大碗仲有炸醬雞肉幾豐富，榴槤豆乳沾醬極順滑，米線好掛汁有彈性，夾起唔易斷，原來係雲南手工製再直送過黎，食落大癲極正😋🍖一口開心果風乾熟成牛肉 ｜ $56除咗趕上榴槤熱潮，開心果熱潮都比佢地玩埋，熟成牛肉上面鋪滿開心果碎，每串仲有酸瓜蕃茄提味，肉質唔老有咬口🤭如果用果醬可能仲出味🍤蝦膠釀豆卜 ｜ $38經典小食由旺角店帶到過黎，外層酥脆，內裏彈牙，大大有6粒勁抵食🍢二人海陸拼盤 ｜ $63呢度仲有串燒，唔使等到宵夜都可以大啖啖一串中隊，最惹味係魷魚，爽口小麻小辣幾過癮🧉鴨屎香檸檬茶 ｜ $36接近桶裝size，兩個人share飲啱啱好，夏天消暑一流

小草十八怪石鍋米線是油麻地人氣米線，該店除了石鍋米線必嚐之外，其炸物小食更是不可不吃，小草十八怪石鍋米線是香港少有的石鍋米線店，而且米線湯底、配料比一般米線店多，食客可按個人喜好隨意配搭，因此不少客人也成了這裡的老主顧。誰能想出原來炸雞配九制陳皮一點違和感都沒有，仔細看了一下每桌客人也幾乎都有點九制陳皮炸雞。九制陳皮炸雞均是現點現炸，火候恰恰好，表層香脆卡滋卡滋的，富含九制陳皮甘味，平衡味蕾，雞肉幼嫩多汁不乾柴，順口美味。小草十八怪石鍋米線的炸物競爭極為激烈，脆炸腐皮豬肉卷脆炸得體，極致脆不可擋的外衣，眼睛為之一亮。腐皮包著豬肉卷下鍋炸丁點不膩滯，豬肉肥瘦比例完美，每嚼一口都為脆炸腐皮豬肉卷的出色驚喜一次，慶幸有點到。自選石鍋米線湯底方面我選了肉骨茶，配料則選炸醬、萵筍、紅燒牛肚、響鈴、可樂雞中翼、鯛魚片、花膠仔、五香辣豬軟骨及帆立貝，我最愛重味的肉骨茶湯，那種被藥材洗滌的甘香太爽了，清爽的萵筍令湯底錦上添花，萵筍誇張的甜。然後加入鬆脆的響鈴於湯中更是加分，響鈴像塊吸飽水份的海綿，咬下響鈴，口腔湯汁滿溢。五香辣豬軟骨醬色漂亮，流了我一缸口水，五香與辣味完美滲進豬軟骨，瘦肉的部份幾乎都是

收工搵食系列，今次嚟列油麻地呢間非常之就腳嘅特色港式茶餐廳，見列menu非常多選擇就二話不說選擇左呢間了❤️冬菇雞荷葉飯好喜歡佢嘅飯粒粒分明，水份剛好👍🏻而且雞肉都好嫩好入味❤️黃鱔米線見佢新出呢款咁特別嘅米線當然都要試吓啦，連唔鐘意食黃鱔嘅hubby都讚不絕口就知有幾好食🫢❤️涼拌魚皮夏天當然要叫個涼拌開下胃啦，呢個魚皮真係不得了，食列停唔到口，又爽又入味🤤❤️串燒拼盤呢個串燒拼盤正👍🏻有齊曬幾樣想食嘅串燒，好香嘅調味料，而且辣度仲可以自由選擇❤️青檸梳打/檸樂完全冇諗過杯青檸梳打係咁大杯😂超抵飲

今次呢間餐廳由樓上舖搬到地舖，位置更就腳，油麻地站一出就到，超方便！小店主打石鍋米線同荷葉蒸飯🌿，基本上每台都一定會叫石鍋米線，熱辣辣上枱，配料又豐富，湯底選擇都好多！除咗米線，仲有烤魚串燒🍢可以加，宵夜嚟食都唔錯！------------------------------🥘◖沙嗲生牛石碢石鍋米線◗ $78沙嗲味香濃，有肥牛、封門牛肉、牛丸、牛柏葉、牛肚、金菇，啱晒鍾意食牛嘅人！牛肉索晒啲沙嗲湯，少少辣辣地，特別香！🍲◖十八怪招牌金湯過橋石鍋米線◗ $82過橋米線超豐富，有封門牛柳、花膠、海蝦、溫泉蛋、蟹柳、鯛魚片、翡翠苗、腐皮、芫茜、芽菜、韭菜，乜都有啲咁🤣！金湯有少少鹹蛋嘅香味，味道微辣，米線更爽口惹味！🐖◖爽滑涼拌豬肝◗ $46有好多片大大塊豬肝，爽脆彈牙，拌上秘製辣汁，可以加落石鍋米線回一回溫，微辣惹味！🥩◖一口開心果風乾熟成牛肉◗ $56新出嘅特色小食，厚切熟成牛肉拍上開心果碎，牛肉軟腍，尺寸一口啱啱好！整體幾特別，但食落略嫌牛肉味同開心果味道唔夠出～🍗◖九制陳皮炸雞◗ +$12米線加配嘅小食，份量都唔少！搽咗蜜糖拎去炸，食落甜甜地夠脆口，好食！🍋◖特大桶裝凍檸茶

油麻地的這家平民小店性價比太高了😍 糧尾恩物啊😍 好味之餘價錢又平，不超過$300就能品嘗到好豐富的美食😆首先點了原條燒茄子，帶有微微的焦香，淋上蒜泥蔥油後入口滑嫩可口👍🏻 涼拌青瓜雲耳也是一道清爽開胃的好菜，青瓜爽脆，淋上特製醬汁後好滋味🤤再來是燒雞翼串，表面的邪惡燒烤粉加上酥脆與鮮嫩完美平衡👍🏻 酸辣藤椒鳳爪也是一絕，酸酸爽爽，令人忍不住一口接一口～還有章魚鬚彈牙爽脆，好惹味🔥男朋友點了韓式肥牛石鍋飯，熱氣騰騰香噴噴鍋底焦香四溢～而我點了自選石鍋米線，有六款配料，極品蟹皇湯配炸醬、萵筍，蟹柳，生菜，金菇，豬肚等，這麼豐富都只是$72👍🏻👏🏻下次再來油麻地一定會再次光顧～

睇完9bothew已經好想過嚟食今日終於有時間，都好近地鐵站出口，坐落好舒服。咁一定要見識吓佢啲古怪嘢啦，雖然有啲淆底，但係都叫咗佢嗰個榴槤沾麵。Turn out係俾佢個名嚇親，佢個沾麵湯同榴槤意外地夾，佢有好香既榴槤味，唔會食到揦埋口面。尤其是佢地個米線，好彈牙唔易斷。（不過非榴槤愛好者自求多福，因為我地坐係到係有香噴噴嘅榴槤味）。其次仲叫咗佢個黃鱔米線，本人好鍾意食鱔，所以一眼就俾佢吸引到。佢呢個湯底嘅味道夠濃，再加埋佢有啲炆到好腍嘅豬皮，膠質滿滿，但同時真係有啲膩。佢兩碗米線嘅共通點，就係佢米線好彈牙，坊間好少米線舖做到咁樣，menu就話喺呢個雲南嘅手工米線，第一次食都非常之出色。今日有啲餓，所以叫咗兩個小食，一個藤椒魚皮，同埋檸檬炸豬扒。藤椒魚皮麻度十足，魚皮夠爽口，遺憾嘅係佢室溫，本人覺得做冷伴會好食啲。而檸檬炸豬扒，好大塊粉唔厚，塊豬扒好嫩滑，同埋個檸檬汁搞得啱啱好，酸酸甜甜嘅，呢兩個小食都好啱呢啲熱熱地嘅天氣食。總結，非常值得一試，9bothew終於冇推搞啲伏野。小草十八怪，真係好古怪，但好食既