岩盤牛扒ミディアムレア ステーキ (Greenery Plaza ) (已結業)

大埔新開的鐵板牛的専門店，老公至愛食物之一，擔心會有很多人，便打算提早食晚飯，結果也是一樣很多人正在排隊中，等了有差不多一小時才有位，這店是要先付款的，在收銀位置選好牛的部分（肉眼、牛柳、西冷）及自選重量，我自己食量不多300g 牛柳已足夠，老公當然400g才足夠他的胃量，他選西冷，還可加$25作套餐，有飯、沙律、飲品和味噌湯（4選3），牛肉質素不錯，新鮮肉味重，份量足，價錢又划算，只是座位上不是得多。

今次叫左塊400g肉眼扒牛扒好大塊質素都唔差叫套餐有可樂，飯及湯價錢合理但由於牛扒上枱時其實係raw而鐵板size相對牛扒size又太細要"趕"係鐵板變凍前切晒塊牛扒先可以令塊牛扒無咁生如果鐵板size可大d就好了唔洗咁急切晒塊牛扒

知道翠怡花園附近較早前新開左間專食牛扒既餐廳，今晚放工比較得閒，一於過去据下扒先，地點係近隧道口轉出位置，去到附近巳聽到途人對餐廳議論紛紛，門口右手邊位置係落單選購區，會有三種牛扒款式可選: 肉眼、牛柳、西冷，我原本想食牛柳的，可惜巳沽清，唯有食脂肪較豐富，相當適合去煎或者烤的肉眼啦，這裡每cut一塊肉都由300g起計錢，我這塊肉335g重，埋單要$97元，之後可選擇蔥、洋蔥、蒜三款油，要邊一款做配搭，我就選左重口味一點的蒜油，另外可加多$25轉做set,配埋沙律、麵豉湯、白飯、飲品(四選三款)，我係唔慣只食肉唔食飯的人，所以選擇要埋麵豉湯、白飯和可樂，落完單比完錢，店員就會比個呼叫器你，跟住就可以進入店內坐定定等食飯了，入到去巳聞到好香煎牛扒的味道，大概等左十分鐘左右，呼叫器便震動及嚮起，可以到前台拎餐了。見到每張台都有兩瓶大大支物體，原來分別係喜馬拉雅山玫瑰鹽及原粒黑椒，放係台面度任人客隨意添加，之前網上睇過喜馬拉雅粉紅岩鹽富含豐富天然礦物質，而鐵質含量豐富，配埋牛肉一齊食，係女仕補身抗疲勞之選。當牛扒仲係鐵板上B Le Pa La的時候，我先黎飲個麵豉湯，嘩，好鮮味，唔似我平時系

這間位於大埔的小店最近甚為出名，今天六時半左右已經門庭若市，可見其人氣頗高。牛扒店十分專業，有三種部位提供，包括肉眼、牛柳還有西冷，每個部位皆即場由師傅即切，十分新鮮。客人可以親自揀選所需的份量，以克為單位計算，即切即磅，不會欺場。今次我選擇了西冷套餐，套餐除了飲品外，可以在米飯、味噌湯和沙律中三揀二，我選了味噌湯和白飯。至於飲品亦有數種選擇，例如基本的茶類飲品，亦有韓國版的可樂，甚至有日本的酒類產品提供。而主角——牛扒，是用熱騰騰的鐵板上菜，十分香口，西冷的牛味頗濃，肉質鮮嫩，切開可見內部的令人垂涎的粉紅色，不會過熟，是完美的medium rare顏色，配上店家特制的柚子汁，味道清新亦帶出層次。整體來說，不錯！

夏日熱辣辣，今日就同咗另外兩位朋友一齊去咗大埔呢間Medium Rare Steak嘅餐廳食牛。夜晚七點幾去到，已經見到好多人係門口排隊落緊order，等左十分鐘就有得入去食。呢間舖頭嘅特色在於先係門口落order，同店員講想食牛嘅邊個部位，再講幾成熟同要幾多gram。fyi店員話你揀三成熟，上檯嘅時候會變五成。我平時食開都係medium嘅所以今次就揀咗三成熟嘅西冷。因為牛柳好快已經賣哂了～ 好搶手揀完牛之後大家可以依照自己嘅食量選擇跟唔跟餐。加廿五蚊就可以跟餐，包括有味噌湯、白飯、沙律同飲品(either 烏龍茶or可樂)，四選三，非常抵食。而選料方面亦可以揀要蔥油、洋蔥油定係蒜油。 今次呢個西冷三成（300g）配以蒜油，剛上板就已經聞到好香嘅蒜油味，西冷切落亦非常易，冇咩筋位，放入口有即溶嘅感覺，絕對唔’un’。而份量方面300g已經絕對夠飽肚，亦都唔會太漏。食量較大嘅朋友可能會選擇跟餐或者再嗌多少少份量嚟食，價錢相當合理。跟餐有個沙津 酸酸地好開胃！

最近興起左食鐵板牛扒既潮流，大埔終於都開返間，唔使出到市區咁遠。而呢間野喺太和火車站行5-10分鐘左右就到，好方便。一去到望到舖面就係一間平實小店既樣子，位唔算話好多，但都算入得好快。呢度既牛分左3個部位俾我地揀，分別係肉眼、牛柳同西冷。我平日夜晚7點幾去到，但已經無曬牛柳了。而佢地既份量都係由300g起跳，完全唔驚食唔飽。呢度要先排隊落單，再由店員安排座位。去到收銀處時見到店員真係逐舊逐舊喺你面前磅，真材實料架。本身塊扒要加$25先有set，喺4樣配料入面揀3份。（烏龍茶/汽水、飯、麵豉湯、沙律）塊扒連set夾埋百零蚊左右，但佢肉質完全唔韌，食落好有牛味。即使塊扒用鐵板上，時間耐左都唔借韌到食唔到。價錢合理，位置方便，新界既朋友可以黎一試👍🏻

太和越開越多新餐廳， 呢次見到呢間牛排店係網上都有人推介，一到埗，人流都好多。 原來呢到係要比左錢先入座。 牛既部位有3款簡，有內眼、牛柳同埋西冷，但可能我8點30先到，牛柳已經賣曬啦！ 所以我簡左內眼排，因為最少係300g，就叫左300g 。 店員即場切，300g原來都幾大塊，仲會係你面前磅。之後開始問你會簡咩配料，有蔥油、洋蔥油同埋蒜油。我簡左蔥油，另外加左$25 做set。 可以 簡飯/面鼓湯/茶/沙律 ，4選3。落完order店員會比個牌你等拎餐。 10分鐘左右拎得！鐵板上台，仲會炸炸聲！ 用左蔥油好香，牛排面上仲有乾蒜。附上既醬汁原來唔係淋落去，係用黎點架！有少少柚子味，幾清新。 個飯睇落好細，但其實食落都好飽，可能因為塊排都大塊！

早一排係社交媒體見到有一間大埔新牛扒店，已經想試好耐啦，今日終於有機會。六點幾去到，啱啱開舖，已經見到門口排咗好長龍，睇嚟應該幾好食首先先揀牛扒種類，個人鍾意食比較冧身嘅肉，唔想要太多肥肉，所以揀咗牛柳。然後就揀油既種類，店員推介配蒜油，加$25就可以升級做套餐，都幾抵㗎！揀好晒佢就會即場切一份牛柳，喺客人面前磅重，陣間食嘅就係呢一份牛肉啦.點完餐佢就會比一個牌仔你，煎完牛扒就會提醒你去拎，每張枱仲配有鹽同埋黑椒，客人可以隨意選擇，落幾多都得，都幾貼心。可能因為牛柳比較厚肉，需要嘅時間耐哦，但啲嗰陣候係值得㗎。個人覺得牛柳都幾冧身，中間仲係紅色嘅，冇overcook 既問題，入口都幾有牛味，唔錯。另外我仲嗌咗沙律同麵豉湯，麵豉湯都入口幾濃，唔馬虎。總括而言，我都會再去呢一間食牛扒

非常差的經驗，原本滿心期待大埔的牛扒店。一去到先要排隊落單，有三款牛部位選擇。價錢段gram計，職員即切即秤重。落完order先入去坐。到牛扒一上，發現完全大失所望，愈食愈嬲！第一個問題，牛扒用鐵板唔用熱石上。一上個時就已經熟哂。而且個板好細，店內位置亦好逼，連切都有困難。第二，牛扒一啲牛味都冇。切開個牛d色水唔係鮮紅色好似用野「拿」個咁第三。加25蚊一個餐個飯竟然唔係珍珠米最後仲要自己收野！但間野係好逼的Never again !

今日一早去到間舖，未開舖已經見到有十幾人排隊等入去。我就叫左份300g 西冷, 但切到350g 到, 連set 盛惠$200。肉係大份，但肉質同味度真係不敢恭維了。希望有待改進，始終對大埔黎講都算新鮮餐廳。

朋友話帶我食間最近好紅既牛扒店，一黎到超多人....最初都掙扎好唔好繼續等，但難得黎到點都要試左先走！等既時間都OK啦，唔算等得超耐我自己就叫左份肉眼，諗住平平地試下，我覺得配蒜油應該最正，加多$25，配埋個味噌湯+沙律+汽水，都幾抵全部都係自己去到出面排隊落去order，職員同你即點即切，都好新鮮，見到D肉紅卜卜，食落肉質都夠林，幾有牛味沙律都新鮮，尤其個味噌湯都好濃味，其實價錢唔係貴，但都有大大塊扒食，有時過下牛扒癮都幾好，自己一支公都仲好

一句到尾：勁多肥膏！但照樣按gram計錢，我唔介意畀貴少少食貴扒，但收貴扒價錢食廢扒就火都嚟，無下次，我自己一田買塊靚扒煎，或去燒扒屋金鳯食廢扒無咁嬲！Ps間舖咁細轉個身都難，仲要客人自助收盤，即係玩x啲客

好伏唔好去試😓呢間係大埔嘅鐵板扒店超級多人排隊🤨基本上4:30後去嘅話都要排長長嘅人龍🤷🏻‍♀️應該唔係因為好食所以有長長嘅人龍，而係餐廳裏面嘅為極少😐由於當日六點去到排咗一個半鐘，到我嘅時候已經冇晒我想要嘅牛柳😶叫咗分300g肉眼 $87+$25跟餐(短短係開業期間已經有$18漲價到$25🤨）塊肉眼一上切開已經熟晒🤷🏻‍♀️鐵板只會令到塊肉眼熟到焦🙄見到呢個情況我已經即刻將塊肉眼擺喺個碗度令佢唔會焦😶最大嘅問題係塊肉眼好碎🤯明明磅嘅時候都係完整1塊，上碟就好碎🤷🏻‍♀️牛味就唔使講啦-無‼️好似煲湯牛肉咁🤯要食完塊牛扒只可以靠佢啲醬汁好味先可以食得落肚🤷🏻‍♀️我從來冇食過一間咁難食嘅牛🤦🏻‍♀️真係去食大家樂都好過佢👌🏻📍：牛扒 ミディアムレア ステーキ (大埔)大埔翠怡街3號翠怡花園C座地下18A舖

之前食過另一間係尖沙咀，今次食大埔依間，之前都聽到網友伏，朋友話好食，唯有去，點知真係伏⋯⋯⋯首先你出面排隊比錢買野，會令你覺得好快有位食，但餐廳服務員係會掛住做野，唔會收錢，最令我覺得抄到抄足d喇，我見深水埗尖沙咀食既都會用「熱石」，依間用普通既鋸扒鐵板，令到一上桌熱力太強，d扒太薄熟曬，一d都唔好食，太厚入面生，但鐵板好快無曬熱力，點搞呀，d扒又會痴板，唔用熱石有依個問題😔另外，扒真係麻麻地，平就平，我覺得解凍得唔好多，份量係好大，但食物質素麻麻，睇你食野重質定重量喇！

我地兩個人叫了西冷和肉眼：滿意的地方： 1. 位置方便2. 牛扒上檯賣相吸引，呃like絕對無問題。3. 可以自由選擇不同部分，又有蔥油，洋蔥油，蒜油選擇。不滿意的地方：1. 佢寫明價格300克或400克，以重量計算。我話要300克，佢最後切了350克，收我350克錢。職員說好難好準確切到300克，所以多出50克我也需要付錢。2. 西冷扒好厚，切落去比較難切。西冷咬落去好韌。肉眼扒好油，食到後期，滿口是油。佢落得太多油。3. 兩種牛扒都好多肥膏（目測1/3 都係肥膏）由於本人唔食肥膏，等於浪費金錢。 因為佢係每一克去計價錢。 這是非常不滿意地方！4. 味道：無咩味，牛味唔夠濃。自己加鹽加胡椒。5. 無服務可言：自己排隊俾錢，取餐，交還食物盤。感覺去了學校canteen 食。6. 座位少，感覺擠迫。總結：排了20分鐘隊，食了像快餐店的扒，價格不值。煮法是日式，好油。影相出來很Ok, 食落就麻麻地。 又嚡又韌