嶺南樓

營業中

休息中

經濟實惠嶺南樓住咗喺呢度咁耐，都無喺嶺南樓食過飯。今日阿爸過嚟，所以就帶咗佢去嶺南樓飲茶。本身會以為好少人，但見起碼都有六七枱客，以星期六來講，比我想像中多人，始終今日唔係上學日。點左幾個點心同埋一碟菜，質素都OK。炸嘢就唔夠熱，蒸點心就好熱好新鮮。芝士蝦春卷、鹹水角：嚟到嘅時候暖暖地。我初初以為咁小客，應該係即叫即炸，不過應該都唔係啦，味道都OK嘅。蝦腸粉、蝦餃、粉果、蒸土魷：全部熱辣辣，腸粉都幾滑，其他點心都不錯。流沙奶皇包：真係流沙嘅，不過包皮有啲韌，可能係返蒸。三個人食咁多嘢，都係$200，真係非常抵！性價比好高，得閒會再嚟食。

在屯門長大的我，看著嶺南樓由90年代跨進2019，期間幾度易手， 近年的老闆經營得最好。親戚為寶寶搞百日宴，2圍有間房太好。食團餐本來沒有期望，都是食雞食魚 ，乳豬籠蝦之類。昨日第一餐竟然有蝦多士，炸得相當脆口 ，蝦是彈牙的，多士沒有油膩感覺，食了4件 因為太好吃。 大家還記得食蝦多士最出名是在哪裏嗎?答案是坪洲個間排隊茶餐廳。老實說 比較之下嶺南樓出色很多 就算放涼了仍然高質 。其他雞魚豬都是水準之上 ，唔錯!服務來說，阿姐熱情地招呼 ，影團體親戚相沒有手震，今時今日梗要過食野。

今日經過嶺南 記得有朋友提過 嶺南入面有間酒樓 D野幾好食同幾好坐 一入到去就安排入坐 好快唔洗等可能因為exam period 講下d 野食 叫左四樣分別係： 蝦餃 牛肉球 叉燒腸 同 鳳爪四樣野都好食 平均都水準之上熱度夠 蝦餃 d蝦有鮮味 爽口彈牙 冇霉 個皮唔算太厚 （8/10）叉燒腸 都唔算 個皮有少少厚 不過叉燒食到有蜜汁味 應該唔係用隔夜 （7/10） 鳳爪 個汁好食 又夠稔 （8/10）其中發現佢個下午茶都抵食 可惜我去食午市 下次經過再試下其他點心

逢星期六日都好鐘意出去飲下茶，係屯門咁耐都唔知原來嶺大都有間酒樓，附近啲酒樓都試勻哂，自己都想試下新野，不過質素就只係尚可。叉燒腸粉出面正常有三條，呢到得番兩條之餘，仲要set 佢做頂點 ($29)，偏貴。一上碟仲要係爛既個皮，入面料唔多，雖然都叫滑但同出面質素差唔多，價錢卻貴左一大截。鹹水角夠熱，咬過去燙嘴，入面餡料都幾香口，煙韌效果做得唔錯既。沙爹魷魚唔夠入味，好淡口。呢到啲份量好似特別迷你，得個4-5 舊既魷魚，用蘿蔔塞滿隻碟，完全唔值呢個價錢。椒鹽魷魚反而有驚喜，炸得香脆又唔會好乾，炸粉唔算好厚而且似岩岩炸起，冇淋哂。真係試一次就足夠了，好多點心都mark up 左，但質素同出面差唔多，甚至更差，佢既炸物比較突出之外就冇其他了。

下午和朋友前往飲茶叫了幾款點心，味道不錯。腸粉的肉頹沒有雪藏味，蜜糖雞翼更係甜而不膩，最令人耳目一新的是雞翼皮是脆的，沒有因為糖漿變軟，推薦各位一試。另外他的炸魷魚也很出色，每條魷魚所沾染的漿不會太多，所以吃上來沒有太多粉的感覺，而且份量也很多絕對適合喜歡平靚正的人.但係飲茶、飲茶最緊要係茶好，嶺南樓的茶卻只能說中規中矩，因為香片茶味道有點苦澀不像平飲學到的，儘管去去下茶樓飲茶沒有很高的期望，但是也不能太差吧！

各大專院校中也有不少隠世美食，價錢普遍較為大眾化，起碼是一般大專生所能負擔，尋尋寶也算一種樂趣。嶺南樓是嶺大的中菜廳，是學生及不少街坊都喜歡到這兒飲茶。恰巧是下午茶時段，價錢更實惠，大 中小點同價。點了一份燒鵝瀨。現在有瀨粉供應的地方買少見少，這兒的也不錯，只是湯底有點太清。腸粉算滑，普普通通。桂花糕比較水一點。整體性價比也算不錯，比附近酒樓划算!

平日下午茶係1:45 -4:00 茶位就六蚊個仲要大中小點一律$ 11.8 我地兩點去到，成個場都差唔多座滿人甘應該都好多附近既居民黎食佢地都幾正喎，成日有得黎食哈哈呢道冷氣好足夠！舒服叫左流沙包嘩，熱辣辣，爆醬好好味鮮蝦餃皮薄，蝦又新鮮野菌素粉果，鮮蝦豆苗餃，好足料甘薄既皮都包滿脹卜卜的餡料沙津脆蝦筒旁邊有一堆什果沙律脆蝦筒係超香脆，唔油膩的沙嗲蒸土魷，味道好濃魷魚都好大件，好味呀脆皮炸兩腸另外有醬料比你點黎食都OK啦脆皮燒腩仔好香呀個皮脆到爆超好食楊枝金露勁足料，又唔會太甜，又夠凍！好正！呢間野真係好好味因為朋友是教職員，就免加一，最後幫我地改番，其實結帳只係 $202左右食甘多野都係兩百蚊，超值

話說放假同2老飲茶，飲黎飲去都係屋苑附近幾間，於是上網搵下有冇其他選擇。第一間搵到就係嶺南樓，見d comment都唔錯就決定去試下。由於餐廳位於大學入面，泊車也是用學校的車位，所以好難話方唔方便。環境尚算乾淨企理，11點都已經有人食飯。食物質素幾得，起碼冇雪藏味。個人推介麻醬茄子，以為係冷盤，點知一擺入口係熱，味道相當唔錯！腸粉皮亦都煙韌，不會太滑潺潺，炒飯炒得非常乾身。屯門人不妨試下！

嶺南大學的酒樓，平價點心之選，味道不錯！黃金一口豆腐 ，香脆可口。黃金流沙包，香濃的流沙，非常可口。布拉腸粉，非常幼滑。咸魚鳥粒炒飯，亦即是咸魚雞粒炒飯，咸香味濃，米飯粒粒分明。牛肉球，牛味十足。蝦餃爽口彈牙！

主張以平民價提供優質食物的嶺南樓，是一處食圍頭飯的好地方！首先出面車位多，泊車平，夠方便！酒樓有幾間舒適的貴賓房，好適合和朋友聚會一堂，服務態度又好，服務員非常窩心體貼！每次來嶺南樓食圍頭飯都充滿驚喜！因為每次來都會食到好多不同”花臣”的食物比如今次，碟碟餸個賣相都好特別，幾乎每碟餸都有幻彩燈做裝飾，望到都好開胃！長腳蟹夠大隻，好吃！我竟忘了反轉個殼影一張！這個蝦真的好正！上面個汁較得好靚！好香奶油同蒜蓉味，加入了西式概念，非常特別，非常難忘！賣相好得！味道有得！個炸魚做得好好，外脆內軟！望到已經好好食這個是鹽焗雞未上餐桌前的模樣，服務員推車仔入來給我們看，又讓我們用錘仔打碎層厚鹽，好過癮！這個是準備好的鹽焗雞非常新鮮，入味！這個不得了！燴紫番薯！好甜，顏色好靚！

平時有黎食晚飯，今次第一次試嶺南樓盤菜，好大盤呀！一定要搵壯男幫手拎！攞到返屋企仲暖，加入附隨的湯汁，滾起就食得。海味超正！鮑魚有12隻，好入味，又彈牙；海參好滑，蝦又大隻又新鮮，好爽甜。瑤柱同金蠔都好大件！其他材料都炆得好淋，蘿蔔、冬菇、枝竹都好正。特別係魚蛋，加入咗蝦米，好香口，口感一流。燒味都好好肉呢。食到底都有料，唔似其他一個大隔晾起晒扮大份。$1688價錢合理，慳返媽咪好多功夫，飯都唔洗煮，仲食到個個捧住個肚，食完唔覺口渴。值得推介！

上網搵屯門飲茶介紹既時就搵到呢間位於大學內既酒樓原來星期日都開而且唔係學生/教職員都可以黎飲所以都幾多人架！好彩唔洗等位平日就好抵叫左以上食物蘿蔔膏唔散有搖柱好味楊枝甘露菜餃樣薄餡都幾多腸粉好滑好高質雪山餐包流心包最正係呢個凰爪啲醬汁真係好多又入味價錢唔算好抵不過都不失為一個飲茶好地方！

最鐘意同屋企人去嶺南樓飲下午茶☺️☺️2,3年前轉左手之後都keep住好好味!!下午茶最抵食,大中小點都係$11.8又平,食物又高質👍🏻👍🏻一定要叫雪山叉燒包😍我諗我可以一個人食哂三隻😋仲有叉燒腸都係我必食☺️!!腸粉皮好薄, 唔會話食落去得陣厚皮,好多酒樓的叉腸都係咁🤨🤨2個人4碟點心,連茶錢加一都係80多👍🏻👍🏻👍🏻👍🏻性價比好高😆😆推薦大家去試下,非嶺南學生都食得架!

踏入2018戊戌狗年，大家對新一年有甚麼願望？平安、喜樂、幸福、富貴，都是中國人在農曆新年的祝願。新年傳統習俗多不勝數，而禁忌習俗也必須遵從，例如初三赤口不宜拜年，那就來一場新春開運大飲茶吧！幸運的是嶺南樓開在我家附近，就算即興飲茶也十分方便。嶺南樓早已成為我倆的指定飯堂，除了廚師有一定功架外，點心款式還時有驚喜。正值春期間，嶺南樓推出了賀年點心，只供應至年初七，應節之餘不過是大中小點價錢，點心紙上也添加了數款新點心，每次到嶺南樓飲茶總會有驚喜發現。隨着年紀漸發愈發變得迷信起來，才只不過是小兩口子的午飯，我倆卻堅持要點上「八」款點心，又要確保合二人之力能吃完，結果在剔選點心時爭論不已，「赤口」出門當真易招口角呢！到點心上桌又堅持要到齊才起箸，招引了部長、侍應、食客們的奇異目光，不過看着一桌的賀年點心，過新年就是要如此喜氣的吧！兩款賀年點心，分別是「金銀滿屋」和「包羅萬有」。「金銀滿屋」顧名思義就是煎堆碌碌($15/中點)了，蘸滿芝麻金黃香脆，煙靱的糯米皮裹着甜蜜的蓮子蓉，新鮮熱辣。「包羅萬有」是原隻鮑魚燒賣($28/頂點)，用上乾鮑感覺氣派，蝦肉燒賣肉汁滿盈，頂點是絕不過分。開心小白兔

嶺南樓聽說好味左，所以來試下。有兩層，樓底超高。點心選擇也多。咸菜豬肚都有胡椒味道的，咸菜爽的，豬肚也幾爽身。燒賣好多蟹子，不是好肥，爽口好味！杞子紅棗綿花雞，豆付卜，魚肚吸晒d汁，雞肉好滑，少少杞子好味又香！！炒飯，足料，又乾身，炒得也是粒粒分明的，有些菜粒，粟米粒，肉粒，甘笋粒。蝦米腸粉，有些葱同蝦米，有些蝦仔係面，好滑的，半透明，夠晒滑，好好味！奶皇包，真的好流心，好香，唔係好甜，又好軟，好味呀！薑汁糕好香好軟，好味道，熱辣辣的，薄薄地一層，正呀！！椰汁紅豆糕賣相okay，好白色的，紅豆份量不算好多，味道是椰奶味較重！可以再來呀！！