嶺南樓

營業中

休息中

話說放假同2老飲茶，飲黎飲去都係屋苑附近幾間，於是上網搵下有冇其他選擇。第一間搵到就係嶺南樓，見d comment都唔錯就決定去試下。由於餐廳位於大學入面，泊車也是用學校的車位，所以好難話方唔方便。環境尚算乾淨企理，11點都已經有人食飯。食物質素幾得，起碼冇雪藏味。個人推介麻醬茄子，以為係冷盤，點知一擺入口係熱，味道相當唔錯！腸粉皮亦都煙韌，不會太滑潺潺，炒飯炒得非常乾身。屯門人不妨試下！

嶺南大學的酒樓，平價點心之選，味道不錯！黃金一口豆腐 ，香脆可口。黃金流沙包，香濃的流沙，非常可口。布拉腸粉，非常幼滑。咸魚鳥粒炒飯，亦即是咸魚雞粒炒飯，咸香味濃，米飯粒粒分明。牛肉球，牛味十足。蝦餃爽口彈牙！

主張以平民價提供優質食物的嶺南樓，是一處食圍頭飯的好地方！首先出面車位多，泊車平，夠方便！酒樓有幾間舒適的貴賓房，好適合和朋友聚會一堂，服務態度又好，服務員非常窩心體貼！每次來嶺南樓食圍頭飯都充滿驚喜！因為每次來都會食到好多不同”花臣”的食物比如今次，碟碟餸個賣相都好特別，幾乎每碟餸都有幻彩燈做裝飾，望到都好開胃！長腳蟹夠大隻，好吃！我竟忘了反轉個殼影一張！這個蝦真的好正！上面個汁較得好靚！好香奶油同蒜蓉味，加入了西式概念，非常特別，非常難忘！賣相好得！味道有得！個炸魚做得好好，外脆內軟！望到已經好好食這個是鹽焗雞未上餐桌前的模樣，服務員推車仔入來給我們看，又讓我們用錘仔打碎層厚鹽，好過癮！這個是準備好的鹽焗雞非常新鮮，入味！這個不得了！燴紫番薯！好甜，顏色好靚！

平時有黎食晚飯，今次第一次試嶺南樓盤菜，好大盤呀！一定要搵壯男幫手拎！攞到返屋企仲暖，加入附隨的湯汁，滾起就食得。海味超正！鮑魚有12隻，好入味，又彈牙；海參好滑，蝦又大隻又新鮮，好爽甜。瑤柱同金蠔都好大件！其他材料都炆得好淋，蘿蔔、冬菇、枝竹都好正。特別係魚蛋，加入咗蝦米，好香口，口感一流。燒味都好好肉呢。食到底都有料，唔似其他一個大隔晾起晒扮大份。$1688價錢合理，慳返媽咪好多功夫，飯都唔洗煮，仲食到個個捧住個肚，食完唔覺口渴。值得推介！

上網搵屯門飲茶介紹既時就搵到呢間位於大學內既酒樓原來星期日都開而且唔係學生/教職員都可以黎飲所以都幾多人架！好彩唔洗等位平日就好抵叫左以上食物蘿蔔膏唔散有搖柱好味楊枝甘露菜餃樣薄餡都幾多腸粉好滑好高質雪山餐包流心包最正係呢個凰爪啲醬汁真係好多又入味價錢唔算好抵不過都不失為一個飲茶好地方！

最鐘意同屋企人去嶺南樓飲下午茶☺️☺️2,3年前轉左手之後都keep住好好味!!下午茶最抵食,大中小點都係$11.8又平,食物又高質👍🏻👍🏻一定要叫雪山叉燒包😍我諗我可以一個人食哂三隻😋仲有叉燒腸都係我必食☺️!!腸粉皮好薄, 唔會話食落去得陣厚皮,好多酒樓的叉腸都係咁🤨🤨2個人4碟點心,連茶錢加一都係80多👍🏻👍🏻👍🏻👍🏻性價比好高😆😆推薦大家去試下,非嶺南學生都食得架!

踏入2018戊戌狗年，大家對新一年有甚麼願望？平安、喜樂、幸福、富貴，都是中國人在農曆新年的祝願。新年傳統習俗多不勝數，而禁忌習俗也必須遵從，例如初三赤口不宜拜年，那就來一場新春開運大飲茶吧！幸運的是嶺南樓開在我家附近，就算即興飲茶也十分方便。嶺南樓早已成為我倆的指定飯堂，除了廚師有一定功架外，點心款式還時有驚喜。正值春期間，嶺南樓推出了賀年點心，只供應至年初七，應節之餘不過是大中小點價錢，點心紙上也添加了數款新點心，每次到嶺南樓飲茶總會有驚喜發現。隨着年紀漸發愈發變得迷信起來，才只不過是小兩口子的午飯，我倆卻堅持要點上「八」款點心，又要確保合二人之力能吃完，結果在剔選點心時爭論不已，「赤口」出門當真易招口角呢！到點心上桌又堅持要到齊才起箸，招引了部長、侍應、食客們的奇異目光，不過看着一桌的賀年點心，過新年就是要如此喜氣的吧！兩款賀年點心，分別是「金銀滿屋」和「包羅萬有」。「金銀滿屋」顧名思義就是煎堆碌碌($15/中點)了，蘸滿芝麻金黃香脆，煙靱的糯米皮裹着甜蜜的蓮子蓉，新鮮熱辣。「包羅萬有」是原隻鮑魚燒賣($28/頂點)，用上乾鮑感覺氣派，蝦肉燒賣肉汁滿盈，頂點是絕不過分。開心小白兔

嶺南樓聽說好味左，所以來試下。有兩層，樓底超高。點心選擇也多。咸菜豬肚都有胡椒味道的，咸菜爽的，豬肚也幾爽身。燒賣好多蟹子，不是好肥，爽口好味！杞子紅棗綿花雞，豆付卜，魚肚吸晒d汁，雞肉好滑，少少杞子好味又香！！炒飯，足料，又乾身，炒得也是粒粒分明的，有些菜粒，粟米粒，肉粒，甘笋粒。蝦米腸粉，有些葱同蝦米，有些蝦仔係面，好滑的，半透明，夠晒滑，好好味！奶皇包，真的好流心，好香，唔係好甜，又好軟，好味呀！薑汁糕好香好軟，好味道，熱辣辣的，薄薄地一層，正呀！！椰汁紅豆糕賣相okay，好白色的，紅豆份量不算好多，味道是椰奶味較重！可以再來呀！！

今日收工有同事提議去嶺南大學入邊間酒樓食飯。同事話大學入面呢間中菜有海鮮，有小菜，份量足夠，而且好味。 咁特別，當然要去試一試啦 ！入到嶺南大學行一陣好快就會見到間中式酒樓。酒樓空間廣闊樓，底比較高，而且幫襯既多數為大學學生&附近居民，主打經濟實惠。 雖然酒樓唔係好多人，但係畀我覺得好舒服，同朋友傾計都好方便。我哋兩個人點咗晚飯小菜孖寶 - 沙巴龍躉, 蒜蓉蒸大蟶子王，加多個椒絲腐乳通菜 。條魚都算唔錯，蟶子亦好好味，椒絲腐乳通菜就好惹味，再整多兩碗白飯真係ichiban!食完飯仲有糖水送，非常貼心 ！

今日幫阿妹上頭之前諗住近近地就揀咗呢間嘢，本來都無乜期望，但係勢估唔到佢個炸子雞充滿驚喜，上枱嘅時候熱辣辣唔在講，直情係辣到觸摸唔到啊，派咗啲膠手套俾你撕開佢嚟食，皮脆肉嫩嘅程度真係連雞胸都唔會鞋架，不過炸子雞又有乜理由點泰式雞醬唧，梗係要點嗰隻特製嘅甜酸豉油啦，肯定係廚房懶鬼，另外啊，把刀好多漬，衛生情況有待改善。

星期五都唔會煮晚飯嶺南樓係我地其中一個飯堂。隻雞做緊特價半隻＄35全隻＄68，但蒸得過熟，而隻雞本身係冰鮮雞，味道認真麻麻，結果只食咗三件一上枱香氣四溢，洋蔥香醬汁惹味，夠晒鑊氣，可惜牛肉唔新鮮，廚藝再好都掩蓋唔到。依度嘅魚香茄子係最出色，肉碎同醬汁沁晒入茄子度，茄子軟得來又有咬口，上菜時熱辣辣，真係超下飯。星期五想食中菜又唔洗等位，以地區酒樓來講呢度係一個好選擇。

之前黎過一次覺得都OK，翻新完，嘢食都唔錯，但現在就覺得開始Hea做。要燒腩仔麵，個燒腩仔完全凍的，像放了很久。芥末稀得像加了水。水壺又洗得唔乾淨啊，有上一手啲茶葉塊淨左係度！好噁心！坐系收銀附近，清潔房門長開！啲洗潔精漂白水臭味飄晒出黎，叫人閂左隔二分鐘又開返。再系咁遲早執笠

1月15日晚 與家人吃晚餐當做節，選了嶺南樓。叫了1699元一圍套餐。大約七時四十五分開席，第一味菜是 扁皮鴨，不愛吃鴨的我也覺得此菜很美味，頗難忘。可是之後出菜慢了點（可能誤會了我們未齊人），等了一段時間才有第二味菜。之後各樣菜式味，印象中有：鮑片生菜石班魚（多肉、很滑，剛剛熟透）花枝象拔蚌味道也真的很不錯。環境，地方寬敞，燈光舒適，衛生侍應態度亦佳。只是地點比較偏遠，不過駕車來也很方便，泊車不貴，只是每小時10元

朋友介紹去嶺南樓飲茶，大概早幾個月開張時佢來食過覺得好食，環境清幽，提議去再食。在嶺南大學宿舍旁的茶樓，人流少，但都吸引好多街坊來食，不過唔會似平時d酒樓咁又逼又嘈，感覺是特別開揚和清幽，我地可以三個人一邊食一邊傾計。因為星期六去，無特價下午茶，星期一至五就有大中小點一律$10.8 的優惠。點個小食，椒鹽魷魚鬚$35，炸得脆，味道不會太咸，我地心急食左d 先記得影相，不過份量是比我食開的屋邨酒樓少一些。蝦米腸，淨腸粉質地好滑好食，灑上炸蝦米，但蝦米炸得太燶，有苦味同無蝦米香味，失色。流沙奶皇包，蒸得過龍，包皮出現水泡了，可能因為人流少去貨慢d 。真係好流沙！一路食一路滴，要食慢d, 味道可以，同其他酒樓比較都不算差。蝦餃，算大粒(比起上次食添好運的迷你size, 我覺得不錯！) 見到蝦肉算足料，算新鮮，爽口。燒賣仲好食過蝦餃，推介！食到唔記得影相，一籠是有四粒的。豬肉爽口彈牙，食到蝦肉，真係肉香十足，新鮮好味 。總結，三人食左五個點心，$5個茶位，埋單$139,食物味道，質素都同一般酒樓差不多，我唔覺得特別好食或特別難食(除左炸蝦米燶燶哋), 朋友覺得比起剛開張時差左，如果閒日得閒去食

嶺南大學裏的嶺南樓，在屯門友眼中不是新事，不過屯門酒樓何其多，嶺南樓亦主力服務學生、職員，對屯門友來說吸引力只屬一般。近日得知嶺南樓重新裝修，食物質素亦有所提升，此一地段的酒樓不多，加上嶺南樓貼近民居，對附近的居民來說吸引力可真不少。從嶺南的北門步進，才不過一、兩分鐘的步程，非常方便。新裝修的嶺南樓格局仍是老樣子，不過換上淡雅的紫色作為主調，更配合大學附屬酒樓的格調，加上特高的樓底，環境跟屋村酒樓相比也顯得與別不同，即使入座時已是三時過多，酒樓仍有七、八成滿座，論環境是先勝一仗。新裝修的嶺南樓，以「抵食」作招徠。平日下午茶時段大中小點一律$10.8，加上茗茶只是$5/位，確是划算得很。不過嶺南地段較為隔涉，這優惠還是只適用於附近居民了吧！星期日並無下午茶時段，除了茶位照舊外，點心一律正價計算，不過價錢仍屬合理水平。筍尖鮮蝦餃(特點/$21.8)未裝修前，依稀記得這家的蝦餃相當不俗。蝦餃算是大顆，用上新鮮中蝦，外皮略為厚身，一吃無妨。嶺南灌湯餃(特點/$21.8)有別於一般灌湯餃，餃身扁塌，內餡是竹笙和菇菌，肉末幾近全無，味道十分清淡。高湯內有瑤柱、竹笙、柱貝，湯身清甜無味精，味道不差，