巢私厨川菜 (裝修中)

銅鑼灣區的川菜選擇有好多，但通常地方比較狹隘。近來發掘到一家同樣來自內地的川菜菜館，裝潢精緻，空間感足，非常適合晚餐聚會。菜館門口已經列出一系列招牌菜，嗜辣之人不通錯過。除了裝潢用心之外，細節連餐具都有配合巢的主題。【秘製酸菜桂魚 $328】酸菜魚以魚湯為湯底，配上地道的四川酸菜，較平常吃到的酸菜略有不同，湯酸香味鮮。另外可以自選辣度，雖然加辣但湯底依然不油膩，反而非常開胃。相比平常的魚鱸魚，桂花魚肉質更加細嫩，而且無骨。酸菜魚還有土豆粉，土豆粉比一般薯粉更有嚼勁而軟糯，還能吸收湯底的精華，非常入味。【四川擔擔麵 $58】雖然外觀看來平實，但味道甚有驚喜。麻醬香味突出之餘，湯汁非常掛麵，更濃郁惹味。加上酸菜後更有畫龍點睛的效果，順便也可以減輕麻醬的負擔感，更加開胃。【油脆皮雞 $168】炸過的蔥絲的蔥油香非常突出，夾著雞肉一起吃的口感和味道都更豐富。最後菜館還會奉上水果盤，幫助消化和解膩。

呢間喺銅鑼灣既私房菜 專食川菜為主， 味道出色 價錢合理。個環境都幾舒服 有長枱 亦有卡位 . 水煮牛肉 . 牛肉用左滑牛 好軟熟 牛肉入味盡吸辣汁 . 雖然多辣油但唔會肥膩， 撈白飯勁邪惡 炸饅頭整得外表香脆 一咬開入面熱辣辣， 點埋煉奶好鬼正 !另外 佢題麻辣雞翼好出色 麻辣味香 辣椒蒜味都好襯雞翼。 雞翼切成一半 方便人食 好細心 而飯麵方面 推介佢既豉油王炒麵 炒麵炒得好乾身好夠鑊氣 有韭黃 芽菜 增加口感 好味 凍食冷盤 鮮椒伴腰花凍食前菜 佢既腰花切得好靚 腰味都幾濃 鍾意重口味既朋友要食 口感爽口 充滿住胡椒 同鮮辣椒味 但又唔會太辣底層 有爽口芽菜同筍 做底 口感清新 中和番腰花既濃味 唔錯

約了友人食生日飯，由於友人喜歡食酸辣麻辣野，所以向住呢類食物尋找。研究完一大輪後、終於俾我找到呢間向銅鑼灣嘅川菜餐廳。因為環境坐得舒服，食物又係朋友想吃的。所以決定試下佢。為左唔想等位，6點鬆就去左walk in。仲有卡位坐，正！朋友係愛好辣野，但我就只可以食bb辣嘅野......由於係慶祝朋友嘅生日飯，所以就點算了兩樣辣野俾佢品嚐一下。另外加個唔辣嘅湯，同甜品中和一下😆秘製酸菜桂魚酸菜魚係餐廳推薦嘅菜式，當然要試一下。酸酸味味我也喜歡。來到時候，樣子看似不辣。誰不知當我渴下一啖湯後，都幾辣下。麻中帶酸，酸中又帶點甜。魚肉相當的滑！而且沒什麼骨呢！還有麵底。d麵索晒d湯都真係幾正。不過我食了一小碗後就要休息一下。因對我來說都幾辣。但友人就飲得好開心呢。炒土豆絲之前向出面食過。不辣的。但呢度嘅炒土豆絲，都幾辣。其實應該係麻先啱。我想正宗應該就係麻辣的。雖然沒有其他配料跟土豆絲一起炒。但味道確實不錯。麻辣中帶一點酸。不過如果可以再酸多一點，那就更開胃海米冬瓜湯呢個冬瓜湯可以戒除我口腔嘅辣😆勁鮮甜。食不到辣嘅朋友，可以叫呢個湯飲。不錯高力流心香芋呢個甜點有驚喜呢！很好味！ 平時出面多數係豆沙

上星期五Happy Friday, 悶悶地想揾個好姐妹出黎食飯傾下計! ummm....食咩好呢?諗下諗下,呢排個天濕笠笠,又悶熱,都係想食d辣野出下汗! 上openrice見到巢私廚,食川菜都好似幾特別喎,所以想去試吓!上到去,見到d裝修都幾有傳統中國特色,又幾有私房菜feel,位坐得幾舒服,唔錯!天口慶,熱辣辣,先黎兩個冷盤過下口隱先! 我呢就叫左個泡椒鳳爪! 泡椒酸酸辣辣,雞皮又好爽脆喎, 咬落好爽口,幾好味! 不過都幾辣下架,對我呢d食得辣既人黎講就好過隱啦!朋友仔就叫左手撕口水雞,川菜必定要叫口水雞,d辣油勁正,又香又夠辣,d雞皮好爽滑肉又嫩! 唔錯! 麻油味好香,正!食完冷盤,見到有道菜好得意,叫貴妃葡萄!望落就好似紅色葡萄咁,但原來唔係葡萄黎喎! 食落個口甘原來係冬瓜黎喎,再用紅酒醃制,望落又靚,食落都幾清甜,用來解辣就最啱啦!食完冷盤,到食主菜啦! 川菜必點酸菜魚架啦! 今次我叫左個秘制酸菜鲩鱼! 鲩鱼片好薄身,好滑好嫩! 至於個湯底呢,就奶白色,好香魚湯味,加上好多既酸菜,配上花椒同青紅辣椒, 個味酸中帶辣,幾好味!最後黎返個主食 - 乾炒黑椒牛肉土豆粉! 我地都疑惑

近年來川菜館越開越多，今晚和友人就選擇了位於銅鑼灣的巢私厨川菜一試。餐廳裝修古色古香，而且帶點現代感。秘製酸菜鯇魚，湯底鹹甜適中，小辣的辣度剛好，薯粉盡吸湯底精華，煙韌彈牙。油脆皮雞味道鹹香，雞皮香脆，雞肉嫩滑。干鍋有機菜花，菜花新鮮爽脆，鑊氣十足。肉絲炒年糕，年糕的份量很多，肉絲切得夠幼細，年糕和肉絲都吸收了醃菜的鹹鮮味。黃金炸饅頭，饅頭炸得夠香脆， 配合煉奶十分滋味。最後還會送上新鮮果盆，值得一讚。

秘制酸菜鯇魚 $188魚肉夠曬嫩滑鮮甜 略嫌有啲細骨😖食嘅時候要小心啲 酸菜味道啱啱好 唔會太辣😋仲有少少蕃薯粉係底 好彈牙😍哩個真係必食 食開譚仔十小辣嘅人都食到🥰怪味雞翼 $98份量較多 total有8隻 又麻又辣又甜帶啲酸味 好入味🤤仲有蓮藕同薯仔伴碟🥔啲雞翼仲好大隻😂干鍋有機菜花 $88菜花經過油炸所以特別香口🥦味道一流 宮保雞丁 $88唔會太辣 份量較多好入味🐥仲有花生伴碟 好脆🤩食飽仲有水果送 又甜又新鮮 非常貼心 staff仲會幫你斟茶❤️ 

呢日早左收工，同個同事走左去銅鑼灣行街。行到咁上下肚餓，上Openrice搵食就見到呢間巢私廚川菜館都幾多好評，我地又鍾意食川菜,，所以就上左試下啦。上到川菜館，可能時間尚早未有太多人用餐，環境寬敞，座位唔會好迫，幾舒適。檯上既餐具亦以雀仔做主題，筷子托都幾得意。我地叫左個 “秘製酸菜鯇魚” 同埋 “老醋海蜇頭”。本黎驚唔飽想叫埋個四川擔擔麵，但係侍應好好人好細心，見我地得兩個人就提醒我地原本個“秘製酸菜鯇魚”已經有薯粉係裡面，可以食左先唔夠先再叫個麵。 秘製酸菜鯇魚我去到邊間食酸魚菜都好，都有個小習慣，會先畢一碗酸湯試試味道。湯底唔會好咸，酸度適中，叫左小辣，我覺得唔太夠辣，個種辣係要去到後勁先Feel到。至於鯇魚，都好大片，食落每片幾入到酸湯既味，魚味亦幾濃。但鯇魚比較多骨，如果唔想食到咁多骨，菜館亦有桂魚選擇。而薯粉有驚喜，初初以為透明灰灰地個種薯粉，點知係白色既薯粉，望落似烏冬。食落口感煙韌，又唔會過於煙韌，岩岩好。比起透明個款薯粉好食好多。本身我唔太好薯粉，呢款白薯粉的確令我對薯粉有改觀。 老醋海蜇頭呢個涼菜亦有驚喜，海蜇頭好好食入哂味，用既老醋唔會好酸，帶有小小甜既感覺，唔

近期跟朋友係深圳食咗個酸菜魚令我一試難忘，返咗香港成日都心掛掛，我就上openrice搵吓邊度有得食，就被我搵到依間巢私廚果然裝修靚之外，服務同食物都相當好。侍應先安排我入坐，一坐底見到D碗碟全部都印上餐廳名外仲有鳥係度，有時除食物外擺設跟裝修都係令餐飯開心指數提升，第一樣叫嘅當然係我最想食嘅酸菜魚因為今日同行人食唔到辣，唯有叫少少辣初初我都有點怕會令個魚失色，好彩又無仲好野味，魚我哋就揀咗貴花魚因為無骨又夠滑，魚嘅份量又多仲有D薯粉索灑D酸辣湯非常好，令我不停食連湯都飲埋，如果間餐廳無其他野有只有酸菜魚都能夠滿足到我，當然因同行人唔愛辣就叫多個炒土豆，因為土豆做得好唔係咁容易，依個夠鑊氣又唔會肥淋淋仲炒到D土豆爽口，我朋友差唔多成碟食灑需然對於佢嚟講點都係辣，不過佢跟我一樣食得好開心。

來至北京，香港唯一分店；其實它們家吃辣更有名，餐單上一片全紅，各種水煮菜式，可惜同行友人不能吃辣，所以回歸基本菜式秘制酸菜魚 有點微辣 魚片比較多骨 要小心幹鍋有機菜花 連火爐上菜 送飯一流蔥油脆皮雞（半隻） 分量不少 皮脆香酥黃金炸饅頭 雖然簡單但當配上煉奶 口味香甜 一絕肉絲炒年糕 年糕軟糯 有咬口 味道鹹鮮餐後附送水果盤，服務貼心一直都覺得識食之人一定要吃私房菜，因為它們比較注重食物質素，巢則連外表也兼具，佈置也用心。

銅鑼灣食飯的選擇一向都好多，今次見到呢間個名好特別就一於黎食下。入到去見到裝修都落過心機，座位都幾舒服。花雕醉雞 (例牌)雞嘅份量都幾多而且肉質都幾亂畫應該係雞脾，汁方面， 花雕酒嘅份量都幾多所以成碗雞都幾重酒味，不過都唔會太傅調味啱啱好而且啲雞非常之入味。值得一讚嘅係無論係雞及湯汁都雪得夠凍，行街行到熱熱地咁食非常之合適同開胃。XO醬杏鮑菇豬頸肉，XO醬嘅味道鹹鹹地加上少少香辣，食落非常之惹味，豬頸肉份量唔單止幾多，而且每一塊幾大塊非常之易咬夠晒肥。加上有少少菇同埋三色椒，夠曬健康。整體的餸菜非常之夠鑊氣，非常適合送飯。四川擔擔麵一碗已經夠晒兩個人食湯底唔會太辣，但係湯頭非常之稠身，夠晒兩個人嘅份量而且面嘅質感啱啱好有得咬下。我覺得最出色嘅係入面有少少好香嘅花生香辣肉碎同埋少少葱花，令到個味道唔會剩係得個辣字，成碗野會係香。黃金炸饅頭，饅頭表面炸到金黃色，而且非常之香脆。因為炸完非常之高嘅溫度反而可以凸顯出麵粉本身嘅香味，而且饅頭嘅質感非常之鬆軟，食落去亦都唔會油淋淋，絕對係小食入面最好食嘅其中幾款。最後職員服務態度可以講係非常之好，上菜嘅速度亦都唔會太慢，最適合一班人慢慢傾計慢慢品

喜愛吃辣的我，知道銅鑼灣開了間川菜近半年，一直未有機會去試，今天跟朋友到銅鑼灣行街街後，決定到巢私廚品嚐川菜。餐廳設計迎合餐廳名字，以「巢」為主題，四週可見鳥類設計，設計清雅！地方寬敞闊落，光猛乾淨，十分舒服！餐具以鳥為主題，十分可愛！手撕口水雞 $138賣相不錯，來的時候一股麻辣的香味，令我忍不住馬上提去筷子🥢口水雞無骨撕成一絲絲，方便食用！雞絲口感嫩滑，直接放入口，不用怎樣咀嚼，味道頗辣的，十分惹味，那辣香味一直徘徊在口腔內，真讓人回味！貴妃葡萄 $62 看起來真像葡萄啊好大的一粒粒提子，原來是一粒粒冬瓜制成，以假亂真貴妃葡萄其實是冬瓜浸紅酒而成，外表晶凝通透，加上葡萄甜酸醋，味道真像葡萄啊，咬落去更吃到冬瓜的清爽，涼涼的，不但好吃，賣相又好！秘密酸辣鯇魚 $228估不到會有這麼大的一盤，魚片很多，亦十分足料。魚片有少許骨，吃的時候需比較小心！魚片口感滑溜新鮮，味道極好！酸菜的香味滲入魚片，令每片魚片都吃到酸酸辣辣的味道，但不是很辣，很惹味！湯內還配有很多土豆粉，土豆粉口感比較厚實，但咬下去，中間又是軟淋，有點像鳥冬的口感，幾特別，滲入了酸菜的味道，好吃到停不了口！最後還有飯

三月是最幸福的月份, 因為是本人的生日月, 所以總收到很多飯約, 帶我試不同餐廳!今次就是一位舊同事, 當年我們真的是相逢恨晚, 我來了公司不久後他就走了~一男一女很少見面, 但總會藉著對方生日的機會眾眾舊~今次我聲稱想食辣, 所以他千選萬選, 選了一間樓上川菜來陪我慶祝呢! (人生有此朋友真好~)花雕醉雞《$118》※ 推薦指數: 4/5先來一個前菜! 花雕醉雞的花雕酒味很濃, 雞件亦很嫩, 但感覺酒雖濃但就雞不夠入味!整體不錯, 做前菜一流十三香小龍蝦 (小份)《$220》※ 推薦指數: 5/5十三香小龍蝦即是已蒜香汁作基底, 再加上十三種香料煮成, 所以味道的層次更高!其實我第一次食熱盤的小龍蝦, 平常食到的都是自助餐中冷盤的小龍蝦。比起凍食, 熱食少了陣"香水"味, 但蟹糕的香味更濃, 各有各好秘制酸菜鯇魚《$228》※ 推薦指數: 5/5可選鯇魚或桂花, 各有各好處, 鯇魚魚味較濃, 桂花則較少骨, 骨不是大問題, 所以我們選了鯇魚!價錢雖不便宜, 但份量就十足! 除了上面有大量的魚片和酸菜, 下面更加加了爽口彈牙的土豆粉!味道方面, 我們點了小辣, 所以辣度剛好, 不是辛苦

在北京有分店的巢私廚川菜口碑一直不俗。趁天氣還有點寒，快快去刺激一下。雖然是上樓舖位，但經過大廈門前，一定會給這個個閃閃招牌吸引著。各式各樣的調味香草都放在這裏給大家欣賞如果一大班人來還可以有預早留房走進餐廳，佈置著濃濃的中國風 又滲入大自然元素，例如蝴蝶，雀鳥。再看看餐具，傳統得嚟又帶點優雅。價錢大眾化手撕口水雞 $138口水雞用上手撕做法，令食客 值得方便 ,麻油香帶點辣，底部有青瓜平衡返， 如果多些芝麻醬就更好了開胃之選。酸湯龍利魚 $128雖然用上龍利魚，但也很新鮮。最特是經理特別透露我們他們特別用上薯粉直落配酸湯，很煙韌！ 但又不會因為浸得太久而淋哂，下回我一定要追加粉呢！青菜煨麵 $58簡簡單單的麵結帳後，還有生果盤奉送。雖然細細碟，但有四款生果，誠意可加

🦐13香蒜香小龍蝦(大份) $200呢個小龍蝦超特別呀 我係第1⃣次食聽佢哋介紹原來係用咗13種香料去煮嘅🧐辣辣地又好香啲汁拎嚟撈飯最正啦😋 白飯$15 🐸饞嘴牛蛙 $148 呢度啲嘢食係用得好足料👍🏻再加埋超級入味本身唔知咩叫牛蛙原來係田雞嚟嘅食落去好似雞肉🐥咁樣唔會過鹹亦都唔會太辣🐮巢辣牛肚 $98牛肚炆得好腍下面仲有啲薯粉 有驚喜呢間餐廳服務超好  裝修又好靚😇食到一半會行過嚟問吓你夠唔夠辣或者會唔會太辣最尾仲送埋我哋果盤🍏🍐🍉總括嚟講今餐都幾滿意10% Service Charge💰

上司話新年後未同我地部門"開年", 話一定要請我地兩個食餐飯, 上司真好呢~佢知我地兩個小妮子成日都話要食辣野, 所以今次揀左間食川菜既請我地!入到去先知原來係一個世外桃園, 所有擺設都好高級, D位又舒服, 唔會迫, 侍應又有禮貌, 服務同環境方面我都比滿分~~~上司話佢個十三味小龍蝦係必點! 之後我同妹妹一齊揀左個酸菜魚~再叫左個年糕同醉雞一齊食4款入面我困難地揀左best 3, 詳細介紹下比你地聽~1. 十三味小龍蝦 (細) ($220): 上司真係推薦得冇錯啊! 雖然我地叫細碟, 但平均每個人都食左5隻呢~ 小龍蝦雖然係小龍蝦, 但都有好大舊肉, 同蝦頭好多糕, 好正! 加上個汁, 又咸又香又辣, 同因為用左唔同既香料, 成個味一D都唔單調, 真係好正2. 酸菜鯇魚 ($228): 為左慳住上司既荷包, 我地兩個靜雞雞傾好左揀平$100蚊既鯇魚, 唔揀桂花魚啦雖然係鯇魚, 但都唔差, 又多又厚肉, 好好味! 而個湯底都好正, 因為我比較好酸, 成日都覺得D酸菜魚唔夠酸, 但依度既酸菜魚就夠酸好辣, 一邊食一邊覺得好爽!3. 炒年糕 ($98): 年糕VS醉雞, 我最後揀左年糕~