幸屋

營業中

休息中

蝦汁帆立貝沾麵 $128湯底香濃幾鮮味，味道偏鹹，好彩沾麵比較粗身，食沾麵真係唔好太貪心，放小小麵入蝦湯内已經好夠味，配上櫻花蝦口感都不錯。醬燒牛肉井 $93牛肉煮熟程度適中，肉質幾好，不太淋也不太硬，牛肉燒烤後牛味更重，味道更濃，又有咀嚼感，加上有落甜甜地燒汁，配流心蛋，蛋汁好送飯。和風餃子 $38餃子煎得金黃，餃子皮薄，肉餡又多汁，底部的皮相當脆。和風炸雞 $45 炸雞的外皮咬落不算是很薄那種，不過新鮮炸起，咬落相當香脆可口，幼嫩的雞肉咬落充滿著肉汁，配上蛋黃醬。

🌟今日行開灣仔，想搵番間餐廳食日本小食同拉麵，經過見到黎間都幾多人排隊，所以入左去試下——————🐽 和風餃子，芝麻雞翼和風餃子個底好脆，最特別係落左好似八爪魚丸面頭既甜醬同沙律醬，令到感覺好特別又好食而芝麻雞翼亦炸到好脆，肉質好嫩滑多汁，唔會炸到好老🐽 金武士 豚骨拉麵湯底濃濃豬骨湯味，入口唔會口乾，麵質偏林，配料亦好多，加左好多黑芝麻令到味道更加豐富，叉燒大大塊，肉味突出🐽 魚介豚骨沾麵同樣林林既麵質，特登叫左冷麵底令到麵質更爽彈，落左小小檸檬汁落拉麵底令感覺更開胃，湯底好濃郁，用黎沾麵一流

金武士豚骨拉麵星期六都要返工，無乜時間下想食麵，巧合地原來係鬧市嘅喜帖街隔離遇上佢⋯速食下，只能夠揀拉麵。叫左個金武士豚骨拉麵湯底燶得黎，唔會好膠好張住嘅感覺，唔係好油膩。椰菜係底，食落有甜味。叉燒又軟又冧，肉味濃，麵係南九州拉麵，機麵比較滑身。木耳爽口，（我係愛蔥之人）香蔥解膩。但個甜心蛋淡味左啲，有蛋白嘅少少腥味，雖然蛋身唔係淨白色，但係一啲調味都無。$78一碗拉碗黎講，灣仔鬧市區，算平。好食，環境都算ok!

落單紙可以揀拉麵嘅軟硬同配料，最特別係叉燒都可以揀，店員親切熱心，解釋“御屋”係日式叉燒配角豚煮，枱面有店家自製醃芽菜，乍看以為好辣，試吃發現酸味較重，拌豬骨湯正好解膩黑蒜山藥豚骨拉麵，山藥混合豚骨湯好有特色，湯底帶有輕輕山藥味，質地不算厚重，油脂感低，飲埋湯都唔會覺得滯，豚角煮脂肪入口即溶，豚油香爆發口腔厚切瘦肉有咬口，原隻溏心蛋偏甜好流心魚介豚骨沾麵真係滾住上枱，睇相都感受到熱力，魚介味清香唔腥，配沾麵食好治愈

係依個年頭嘅香港日式麵食小店要突圍而出越黎越難🏯 但灣仔有間小店一直隱身於街道攤檔之中，鋪面唔大但充滿日本風情，吸引唔少食客排隊享用💎 今次係非繁忙時間到訪慢慢享受餐點超滿足～❝蝦汁帆立貝沾麵❞ | $128 | 推介品項麵量非常多估計有250-300g！加上兩大件帆立貝﹑油脂豐腴嘅肥美叉燒一大片﹑溏心蛋完整一隻，紫洋蔥﹑香蔥等配菜，飽肚感十足🍜 沾麵麵質偏軟﹑非常掛汁，沾麵汁濃稠帶鮮味🦐❝自家製餃子❞ | $30 | 推介品項冰花煎餃賣相討好🧊 薄薄一層脆皮口感特別，餃子厚實飽滿，一份有六大隻﹑相當抵食。面層鋪上特製甜醬﹑mayo醬🍯、香蔥等，入口極為惹味。𓂃𓈒 𓂂𓏸 幸屋 𓏸𓂂 𓈒𓂃灣仔機利臣街5-9A號維昌大廈地舖港鐵站出口，步行約分鐘抵達星期一至日11:00 - 16:00／17:30 - 22:00營業公眾假期11:00 - 16:00／18:00 - 22:00營業餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♥︎♡♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎♥︎♥︎♥︎♥︎♥︎♥︎♡適合場景 | 休閒用餐

想知一間食店既食物質素，odd hours 睇下多唔多人食應該都略知一二， 週末去開灣仔，週圍行下搵啲未食過既鋪頭醫肚，找到這間幾有日本風情既幸屋拉面店，都幾滿意，值得推介店鋪唔算大， 有高枱有矮枱，通常一兩個人都係坐高枱， 幾個人就可以坐矮枱拉面，沾面，丼飯，小食任均選擇，今次食左黑蒜濃厚山藥豚骨拉面一來緊係飲啖湯先啦，我揀左正常湯底濃度，唔想太鹹，飲落好順喉，正常又唔會係淡味，成個口腔都係黑蒜既味道兩大塊豚骨， 好厚肉，好嫩，又入味，貴質不貴量，其他配料：蛋，菜都水準正常， 面條都好味道其實食一碗面已經好滿足， 但總想食多樣小食， 叫左個炸雞， 上菜時侍應提醒碟熱，呢下我覺得真係好窩心，窩心在熱碟盛炸雞， 唔係每間店都對細節這麼有要求，值得欣賞炸雞皮脆肉嫩，令成餐飯完美作結

之前聽係金鐘返工嘅朋友推介一間係機利臣街嘅日式拉麵小店，質素幾高之餘，價錢又唔太貴，今日終於食到！大概兩點去到都full house，要等一等位，店內裝修簡單，牆上面貼住主打拉麵款同menú，幾有日本小店味道！舖頭座位唔算太多，有分長枱同面牆吧枱。坐低就會送上煎茶茶包同熱水，再慢慢揀嘢食。和風餃子（$38）小食我哋揀咗煎餃子，個皮煎到脆，表面淋咗自家製餃子汁、沙律醬、木魚絲同蔥，內餡係白菜豬肉，好多汁同惹味！黑蒜濃厚山藥豚骨拉麵（$88）兩大塊叉燒加上特製肉醬、溏心蛋、木耳、蔥、椰菜，上面再淋上黑蒜油同白芝麻，湯底係博多風格嘅豚骨湯，濃稠又好香蒜味，拉麵口感揀咗硬但比想像中軟身。叉燒幾軟腍，值得一讚個溏心蛋，入味又超滑！蝦汁帆立貝沾麵（$128）朋友推薦必點之選，有兩大粒燒帆立貝、豚角煮、櫻花蝦同其他配料，沾麵蝦汁以燒熱石鍋上枱，聞落好鮮好香！麵條可以揀冷或者熱麵，麵條較普通拉麵粗身同煙韌，蘸沾汁會掛湯，蝦汁鮮甜但又唔會過鹹，就算食曬成碗都唔覺膩！最後甜品有紫薯栗餅，鬆脆餅皮入面包住香甜紫薯同栗粒，係唔錯嘅飯後甜品！

先講味道，叫咗個赤武士，個味道好味精，叫咗二級辣，嚟到嘅湯竟然係一浸好假嘅甜味，甚至我連佢係用咩熬出嚟嘅都唔知，分分鐘辛拉麵嘅湯都比佢更加出色。然後講麵。麵完全唔掛湯，口感差。叉燒鞋，完全入唔到口。而且完全冇味。湯又俾得唔夠多。成碗麵完全冇可取之處都算。跟住講服務。我叫咗罐有蘆薈粒嘅飲品。俾支幼飲管我，都算。叫佢俾個杯我，佢俾個茶餐廳嘅茶杯我，呢個都唔緊要，純粹分享下我唔太良好嘅用餐體驗。呢個價位係呢個地區算平，可以都可以接受。但最不能接受嘅係，服務員會間唔中走嚟拎起我嘅罐裝嘢飲睇下飲曬未，呢個相當影響用餐體驗，喺茶餐廳都未試過類似嘅情況。我唔知道啲好評係點嚟，但睇過僅剩嘅10幾個劣評我覺得感同身受。希望救得一個得一個🙏🏾

呢間拉麵店位於灣仔，如果午餐時間，門口一定有人等位，所以專登晏少少兩點先去食，都要等咗一陣先有位。又係食我最愛嘅辣味拉麵，《赤武士辛味拉麵》（$83），湯底濃郁，件豚肉真係誇張厚，拉麵夠爽滑彈牙。辣味算是溫和，不是太辣，如果可以加辣就更好了。阿仔就選了食《魚介豚骨沾麵》（$98），因為選了冷麵製作需時較長。等候約15分鐘之後，終於上檯，沾麵嘅湯汁勁滾熱辣，沾麵麵條較粗身，配有木耳、竹筍、溏心蛋。尤其鍾意佢嘅《和風餃子》（$38）煎得好靚，鋪上木魚片，入口豐富肉汁，好好味。喜歡餃子嘅朋友吾好錯過。《芝麻手羽》（$38），即叫即炸，香脆外皮，雞肉嫩滑有肉汁，香口惹味。

暑假出現喺灣仔嘅次數應該係一年內最高。書展、動漫展、美食展，一浪接一浪。行完展覽，補充體力是常識吧！🤪💪🏻幸屋離會展有啲距離，建議坐電車到機利臣街站落🚃，或者直接會展搭一個站🚇到金鐘步行4-5分鐘。機利臣街擺花檔較多，一般好少經過。唔係熟人推介，都唔知有間拉麵店隱藏係小巷入面。🔍店面雖不大，但勝在樓底高，空間感唔會太壓迫。👍🏻牆身貼滿不同拉麵宣傳海報，有普通矮枱同高枱，環境企理。✨食物種類有拉麵、沾麵、丼飯、小食。另有不同套餐提供，適合不同食量嘅客人，夠多元化。🎏＊－。－。－。－。－。－。－。－。－。－＊🔘 #蝦汁帆立貝沾麵 $128 沾汁以石鍋上，十分滾燙，溫度滿分。蝦汁濃厚順口，鹹度適中，真材實料嘅味道。兩粒帆立貝好大隻，鮮味彈牙。滿滿櫻花蝦鋪滿肥美嘅豚角煮上，令蝦味更突出。青蔥、木耳、椰菜等配料夠多，份量足料。附送一隻溏心蛋，好滋味。麵條溫度（冷/熱）及軟硬度可因個人口味選擇。夏天我推介冷麵條，同熱辣辣沾汁可形成對比。粗身麵條，較烏冬幼少少，又粗過拉麵。口感微微煙韌，正常掛汁程度。🔘 #黑蒜濃厚山藥豚骨拉麵 $88 湯底無想像中烏黑，蒜香撲鼻，味道一樣濃郁。加上山藥唔係常見嘅拉麵

落大雨既天氣都阻止唔到我想食拉麵既欲望，今日收工去左幸屋食麵。幸屋位於灣仔街市附近既排擋後面，未黎過可能要揾揾。入到拉麵舖入面，就發現別有洞天，裏面高樓底，裝修非常之日式拉麵舖feel。幸屋既菜單好似新印製，不過同樣有幾款拉麵，沾麵，丼飯，同埋小食，沙律，同飲料等。你仲可以揀拉麵既粗幼同硬度，湯既濃度，香油多少，辣度，連叉燒，葱同椰菜分量都有得揀。鰹魚出汁冷撈麵 $88鰹魚出汁冷撈麵係新野，即試。先黎個個鰹魚出汁，果然鰹魚味濃，但係又唔會太鹹，好清新。麵條係幼身麵，蛋味好香，又唔會太腍，麵本身我覺得唔洗沾汁都夠好味，因為好多配料，撈埋麵一齊食正。配料有熱叉燒兩舊，燶濃地，質感都唔錯，半肥瘦，唔會太硬。居然有好多肉碎，鹹香有風味。仲有明太子，一隻香滑日本溫泉蛋，脆口黑木耳，少少菜苗，洋蔥，蔥花，木魚碎，扁荀，一塊紫菜，最後灑上白芝麻粒。我最鍾意呢度既拉麵材料非常豐富，食落有多重味道，好有誠意。蝦汁帆立貝沾麵 $128今晚唔叫特濃味噌廣島蠔沾麵，叫左蝦汁帆立貝沾麵。帆立貝兩大隻，真係啖啖肉。居然有半肥瘦叉燒一大舊，仲有好多櫻花蝦仔，櫻花蝦仔加落個湯令個湯蝦味升級。另外有軟稔糖心蛋一隻開二。

今日咁啱喺灣仔的巷仔發現一間唔算好起眼的拉麵店#幸屋，估唔到幾有意外驚喜，同埋樓底好高，幾開心發掘到一間新的高質拉麵店。廣島蠔沾麵 $118廣島蠔好新鮮好重蠔味，肉質肥美實在又完全唔腥，真係唔錯👏🏻👏🏻 沾面的汁熱辣辣上枱，濃郁鮮味，而沾面份量好足，食完真係好飽肚🤰🏻🤰🏻同埋沾面喺有凍的，下次再嚟就試吓，應該會幾爽口，啱晒夏天食👍🏻金武士豚骨拉麵 $78今次揀咗硬身的粗麵，配豚角煮同濃湯底。豚肉好有驚喜，厚切且肥瘦適中，唔會好膩，係為數不多我好鍾意的叉燒，而且湯底好香唔會太鹹。同沾麵一樣，附送原隻溏心蛋、木耳和椰菜等，撈埋一啖食真係好滿足😽😽

今日來到灣仔依間幸屋，佢出名食沾麪。喺屋企已經睇定食咩，一心過黎食廣島蠔字沾麫。我地係星期日2點鐘黎到，門口冇乜人，我地等左一張台就入到。跟住我地入到去點餐，佢先同我地講冇無曬沾麪，又冇曬廣島蠔，我極度失望！點解唔喺門口已經貼有啲麵售罄？！如果一早知係冇，我就唔會坐低飲左佢杯茶。最後叫左個海老蝦味噌拉麵，都ok既，蝦味好濃，拉麵麵質都彈牙好味，但係略嫌湯底有啲咸。侍應服務一般，叫極都唔黎，過多15分鐘我竟然見到坐係遠處嗰個人嚟咗一碗沾麫，我嬲左！😡

今日試下位於機利臣街呢間拉麵店 餐廳鋪面唔算太大 大約7點已經滿座 想食既朋友仔要早到我一向喜歡沾麵 而老公喜歡拉麵呢度2款麵有齊！叫左蝦汁帆立貝沾麵沾麵湯底比拉麵湯底濃稠 所以比較濃郁惹味湯底可以選熱或常溫熱湯底用石鍋盛載 可以保持溫度食到最後湯底仍暖櫻花蝦味噌拉麵好足料 有大量櫻花蝦 增加湯底香氣麵底選擇左幼麵 麵條好掛湯 口感亦彈牙小食最鐘意炸芝士外脆 內裏軟糯 加上芝士 呢個配搭十分驚喜 推薦和風餃子食餃子最鐘意就係餃子脆底😋餃子皮薄多餡 加埋脆底同醬汁 唔錯唔錯

去開灣仔想食日本嘢，見到機利臣街有間居酒屋幾多人推介，下午茶時段入到去仲係好多人食緊，一於試吓蝦汁帆立貝沾麵$128沾麵可以揀冷麵或者熱麵，天氣咁熱叫返個兩面再浸熱湯，試吓呢個味覺上嘅衝擊係咩滋味先個蝦汁超濃郁，冷凍咗嘅麵條更加堅硬，浸湯超正帆立貝好鮮味，仲有叉燒送，成個配搭都好好食日本赤雞丼$83朋友仔就唔想食麵，叫咗個雞扒飯叫日式飯最緊要醬汁夠，照燒汁食到底都仲有，雞扒又夠大塊，正芝麻手羽$38好新鮮同脆口，咬開噴曬煙仲要bi 曬汁吉列廣島蠔$42廣島蠔一點都唔腥，吉列粉薄身又脆口，相當滋味