幸屋

營業中

休息中

朋友話帶我食一間人氣拉麵同沾麵店，原來灣仔有間隱世拉麵店係巷仔度😍裝修係日式風格，舖位唔算好大，但人流都幾滿下🤔首先有樣嘢好深刻嘅佢地服務態度好好，由招待到埋單，佢地都係好友善，又會問你飲熱水定凍水，食嘢個陣都會幫你refill水，覺得佢地真係好貼心☺️〈金武士拉麵〉🐷🍜豬骨湯底，麵底可以選擇軟硬度、湯底濃度同叉燒選擇等等…. 可以跟返個人口味作選擇👍🏻拉麵湯底夠熱，一開始好擔心湯底會好重味好咸，食落原來啱啱好！叉燒好腍肥瘦適中👏🏻〈醬燒牛肉丼〉🐮🥓🍚一上到台，已經聞到燒牛肉嘅油香味，牛肉好Juicy，照燒醬汁甜甜地好好味👍🏻拋埋流心蛋啲蛋汁落啲飯度，真係食唔停口成碗飯比我食曬🤪〈蟹籽沙律〉🥗青瓜絲上加蟹柳絲同蟹籽，沙律醬好足夠，撈埋一齊食雖然好邪惡但清新又解膩，份量都幾多添。〈炸蕃薯〉🍠炸粉薄薄一層好脆，蕃薯非常甜唔會好油，好味！

又搵到好野食，今次食日本野，係灣仔一條小街，一啲都唔難搵嘩嘩嘩，有廣島蠔，my favourite，大滿足環境唔錯，服務仲好好，店員好貼心，會主動奉上熱茶或凍水和風餃子¤賣相好靚，6隻餃子，反轉上加埋脆脆香口燶邊，面有沙律醬木魚裝飾，夾埋味道正南瓜天婦羅¤炸粉唔厚，每件都大大舊，南瓜味濃，一啲都唔油膩蒲燒鰻魚丼¤嘩，勁大碗，兩大塊肥美而沾滿甜燒汁既鰻魚，再加溫泉蛋拌飯，好食廣島蠔沾麵¤湯底唔會太濃，流心糖心蛋整得好靚，麵既軟硬岩岩好，沾湯食一流，至愛既廣島蠔雖然得3隻唔算大，但幾鮮味

很多一人享受的拉麵店！在小巷的後街中！小型拉麵店！一人套餐十分抵食！試左幸武士拉麵！湯底濃二人我了白飯！試鷄亦超美味所以加了炸鷄一份！串烧選鷄肉免冶和豬肉串再加了燒東菇和烧鷄皮！餐有什菜沙律！我加了义燒，木耳和竹笋！要了一枝小熱清酒！每個菜都出色二人共吃了$480非常抵食！

之前有同事介紹過呢間隱世拉麵店，收工就同朋友去試下。佢都真係好隱蔽，搵左一陣先搵到。😂其實入去之前都對佢好有信心，因為鋪位咁隱蔽，都係滿座既，隔離鋪直情一枱客都無。🥲要有番咁上下質素先做到隱世人氣店👍🏻坐得都算舒服，唔會太迫，價錢平，食物質素高，性價比好高。👍🏻赤武士 辛味拉麵 ($83)麵條類別：粗麵；湯底濃度：濃；辣度：1；香油濃度：濃；叉燒選擇：御屋。整體真係好正好好食，湯底好香濃，D味好入拉麵，麵條質地好爽。👍🏻辛辣味好過癮，好正！😋叉燒好腍好正，有質素。蒲燒鰻魚丼 ($98)鰻魚燒得好香，個醬好甜好夾，鰻魚骨唔多，食得舒服。😍鯉魚份量大，有3條咁多！個飯底都好香好有口感。整體真係好高分！👍🏻👍🏻和風餃子($38)38蚊有成7件餃子，好抵食。佢有小小脆皮，個皮都好有質感，個餡都好夾。🤩另外，配左小小沙律醬，成個味道再提升。芝麻手羽 ($38)手羽2隻都好有大件，個外皮炸到好脆，好香芝麻味。😋最正係炸完都鎖得住肉汁！肉質本身都好滑，好好食！😁

📍#老屎忽係灣仔#oldszefood #老屎忽 #老屎忽食飯 #老屎忽搵食 #老屎忽都要OT #灣仔🍜熟成味噌廣島蠔赤雞湯拉麵 ($128)見係期間限定 就叫黎試下🥰 好足料既一碗拉麵 雞有3大塊 廣島蠔有4隻 糖心蛋 紫菜配料有葱木耳等等 本身好中意食濃湯拉麵既我揀左特濃 唔會好鹹 而且d麵好爽口 索哂個湯底👍🏻🐮醬燒牛肉丼 ($93)數大塊燒牛 燒得好香口 唔會好un 加埋溫泉蛋撈飯一流😎🥟和風餃子 ($38)中意食餃子既人必叫小食 平時食開餃子都要店汁架嗎 本身正準備問店員攞汁 佢叫我地試吓先 一食之後好有驚喜 餃子入面好多汁唔會好乾 而且掂埋鋪起面既沙律醬好正 極推😋幸屋 (灣仔)📍灣仔機利臣街5-9A號維昌大廈地舖

買咗機票，就黎可以去日本，今日在橫街窄巷食拉麵慶祝一下🥰🥰小確幸拉麵屋，心情靚靚，食完覺得好幸福！蝦汁帆立貝沾麵🐚有兩隻大大隻煮熟帆立貝拉麵偏向厚實，口感煙韌，沾上濃湯，味道一流，個蝦汁味道有層次！有日本食的感覺！鰻魚飯原條厚厚嘅鰻魚！真材實料，仲長過個碗！大量鰻魚汁加埋流心玉子！好食😋和風炸雞🍗大大嚿炸雞，熱辣辣！炸蝦天婦羅🍤外脆內軟，鮮甜的沖擊！絕對係食完令人有幸福感的人氣日本沾麵小店🥰

灣仔小巷隱世拉麵店🍜入面d姨姨超有禮貌好似真係去左日本咁🤣-蟹籽沙律 $48蟹籽沙律用料唔馬虎有好多蟹籽仲有蟹柳絲配青瓜咁熱既天氣食透心涼又可解膩😌-和風餃子 $38呢款成個餅既和風餃子🥟賣相吸引已經贏左比起就咁放幾粒餃子上碟🤣-蝦汁帆立貝沾麵 $128沾麵個湯係勁濃勁稠食落有魚介又有蝦味個麵超掛湯每啖都飲到勁多湯😋麵可以揀凍或熱建議大家揀熱因為之前係第2度揀凍浸個湯勁快就凍哂😂除左帆立貝仲有舊厚切豚肉脂肪比例均勻唔會話食完好膩😋-醬燒牛肉丼 $93呢個本身以為好普通點知有驚喜😍牛肉勁多而且燒到岩岩好唔好過韌😌重點個飯撈埋蛋汁食一流😋

估唔到灣仔小巷之中有間隱蔽嘅小店，如果唔係有人排隊都會miss左😮熟成味噌廣島蠔赤雞湯拉麵湯底有淡淡蠔味加雞湯味，唔似雞白湯咁突出但整體口感有層次，平衡而且有鮮味，食到最後飲埋湯都唔會膩😌 蠔有4隻，雖然唔大隻但有蠔鮮味👌🏻 拉麵屬於中等粗度，掛湯力還好，不過特別鍾意碗麵入面有椰菜吸埋湯一齊食好清新👍🏻醬燒牛肉丼有驚喜！本身覺得主打拉麵不抱期望，點知牛肉好香有炭燒過嘅味，仲有少少燶邊🤤牛肉似牛小排，有油脂味但分怖平均，連埋蔥同溫泉蛋撈飯極速食晒！🤗芝麻手羽熱氣代表🫢即叫即炸夠晒香脆，上枱熱到食唔到😂雞翼好入味，肉質唔會好乾但表皮有少少硬，記得放涼少少先食啊😆

幸屋 櫻花蝦味增拉麵($88)拉麵湯底夠熱，湯底櫻花蝦味夠濃又唔會太咸，就咁望都見到好多蝦仔🦐 餐廳叉燒都有三款揀，包括叉燒、御屋同豚角煮，我哋揀咗叉燒，肥瘦比例啱啱好🥓加埋流心蛋🍳拉麵嘅麵質同味道都唔錯，而且可以揀濃味香油真係perfect🍜醬燒牛肉丼($93)醬燒牛肉有四大塊牛肉，煮得好軟腍同入味，配埋流心蛋食好perfect😋 唯一就係本身俾嘅汁唔算好多，但撈埋牛肉食味道唔會好單寡，如果預設多啲汁就perfect💯🍚和風餃子($38)餃子皮薄滑嫩🥟一份有六粒，上層有美滋醬同香蔥，放落口甜甜地一啲都唔heavy，整體黎講大滿足❣️蕃薯天婦羅($35)職員話係訂日本蕃薯自家拎去炸，所以同出面訂返黎嘅口感同味道都唔太一樣😛蕃薯偏實心，但食落都幾清甜，炸咗之後會有埋少少香脆嘅口感，又唔會有油膩嘅感覺，唔錯👍🏻

灣仔真係好多好野食，淨係日本餐廳都好多間，今日Happy Friday約埋同事黎到呢間小巷既拉麵店幸屋，佢地既拉麵同飯都好高質，惠顧滿$80仲有一個印花，儲齊5個印花會送小食，15個印花會送一碗拉麵，好吸引蝦武士: 櫻花蝦味噌拉麵 ($88)之前多數都係叫佢地既丼飯，今日試下佢地既拉麵，揀左個櫻花蝦味噌拉麵，估唔到都幾有驚喜，蝦味香濃，雖然用既係味噌湯底但唔會過鹹，麵既軟硬度可以自選，叉燒更可以揀叉燒片或者豚角煮 (Why not both? 當然有個Mix Option)，加埋隻溏心蛋真係好好食日式赤雞丼 ($83; 加$15可享用罐裝汽水及沙律/小食)丼飯有四款: 雞肉、牛肉、豚肉同鰻魚，四款都好好食，今次encore呢個赤雞丼，雞肉嫩滑多汁，將溫泉蛋蛋黃篤穿佢撈飯一流，餐廳用既係日本米特別綿滑，午市時段加$15仲有汽水同小食，今日既小食係湯餃子，湯餃煎餃同樣出色和風餃子 ($38)呢個和風餃子製作需時，賣相真係好吸引，做到冰花餃子既效果，上面加左沙律醬同木魚碎，皮薄餡靚既餃子忍唔住食多幾隻

今日去開灣仔動物展，完咗就去附近一間平民高質拉麵店扮去日本。依間小店好有日本東瀛風格，木造嘅趟門、紅色嘅燈籠等等嘅裝潢，就好似日本小巷裏面嘅隱世家店。店員好親切態度好好，主動問我哋要熱茶定凍水，又喺我哋落左order 之後，係雪櫃拎咗啲醃芽菜俾我地食先上左前菜：和風餃子，唔止賣相好，一食驚為天人，餃子上面脆脆地好有口感，加上沙律醬、查魚竿、蔥碎等等嘅配料，超好食推介大家必食！金武士豚骨拉麵有兩款唔同嘅叉燒，其中一塊超厚切豚魚煮，半肥瘦口感軟腍相當正湯底有啲黑蒜油吊味，濃得黎唔會好厚重，剛剛好～朋友叫左有特色嘅熟成味噌廣島蠔赤雞湯拉麵，主角廣島蠔結實肥美又飽滿依碗超足料，CP度好高，因為仲有幾片雞叉燒！湯底係好少嘅雞湯，係偏淡唔油膩嘅一款拉麵🍜

喺灣仔機利臣街嘅小檔竟然有一間長期都好多人等位嘅拉麵店🎏🎏今日見唔係好多人，等咗幾張枱就到我哋啦，一入到去氣氛好好，店面雖小，店員都好有活力去招呼客人🥳🥳蝦汁帆立貝沾麵（ $128 ）🍜🍜超級豐富嘅一碗沾麵令人賞心悅目💥包括左有有糖心蛋、厚切五花、帆立貝、紫菜、滿滿嘅櫻花蝦🫰🏻沾麵湯與其用湯不如用汁去形容，超級超級濃郁，掛麵到不得了👅👅而且鮮味十足，好似啲蝦係你咀入邊跳動咁，另外亦都好鍾意佢呢款拉麵嘅口感，係比較粗身彈牙😙😙醬燒牛肉丼（$93 ）🥩🍚除咗拉麵沾麵之外，都有飯食㗎，啱晒我呢個飯桶，牛肉形成咗一個小山丘，燒到七成左右✨熱辣辣包住一啖飯放入口，油脂慢慢爆開，勁邪惡但好幸福🤩🤩日本米世一💯💯芝麻手羽（ $38 ）炸得幾好，皮好脆但係依然保留到肉汁😙😙大家掛住日本嘅話不妨去感受一下，佢哋都有好多熟客仔嚟飲酒食串燒幾好feel💮

朋友轉左新公司，喺灣仔呢邊返工喺呢邊尋覓好嘅嘢食佢介紹我黎呢一間拉麵店格局真係有啲似返咗日本咁分別會有卡位同埋吧枱位置今次我就坐吧枱，尚算坐得舒服😌蟹子沙律$48食返啲蔬菜先，佢嘅蟹子都幾足料芝麻手語$38雞全翼脆卜卜，上面有很多芝麻一定要趁熱食！先至食到佢嘅鮮炸香氣重點不油膩蒲燒鰻魚丼$98鰻魚嘅份量絕對唔少，有兩大塊飯粒選用日本米軟糬香口又有口感同區黎講性價比高蝦汁帆立貝沾麵 $128咁多樣最推沾麵材料有非常厚切嘅豚肉、木耳， 葱， 荀，帆立貝，檸檬🍋，糖心蛋，脆卜卜嘅乾紫菜⋯⋯沾麵湯底可以選擇熱或者凍食味濃食到鮮味加上彈牙拉麵🍜掛湯一流🤭🤭😝總括嚟講唔錯，價錢係呢一區黎講尚算抵食。

灣仔隱世的家庭式拉麵小店💕位於一條巷仔內，有間抵吃的拉麵店。小店除了拉麵外，更有丼飯和小食，價錢相當親民！而且拉麵和丼飯也有幾款的選擇，總有一款是心頭好！《黑蒜濃厚山藥豚骨拉麵》$88招牌拉麵，可自選麵條類別、軟硬度、濃底濃度、香油濃度、叉燒選擇、青蔥和椰菜。此外，更可追加配料。黑蒜濃厚山藥湯底香味撲鼻，山藥溶化於湯中，配合大塊的瘦叉，真是健康的選擇！《日本黑豚丼》$83份量足料，黑豚肉燒得很香，微焦的感覺，肥瘦均勻，醬汁亦很惹味，更有顆流心的溫泉蛋，攪勻後更開胃好吃！《和風餃子》$38賣相美！煎得很有日本風！圓形的餃子焦，完整無缺地送上，高手！而且餃子的肉質也不錯！多汁！《芝士年糕》另外更點了一份芝士年糕，一份兩粒。總結：家庭式的拉麵小店。

黑蒜濃厚山藥豚骨拉麵叉燒兩塊 流心雞蛋 紫菜 筍每一樣都有咬口 有口感麵條同樣地好有口感黑蒜湯底有油感 蒜味 先飲一啖湯 有一股暖流從口吃下 想再濃烈啲 五味粉 辣椒油等等任君選擇一應俱全日本黑豚丼豚肉 瘦肉與肥肉鮮明 燒起上嚟還有少少濃邊將面頭的雞蛋搞爛 蛋漿伴隨白飯 好食 雞蛋白飯醬汁伴隨豚肉咁樣食 有香甜豚肉味道 和風餃子賣相特別 面頭有一層脆漿層 脆脆的餃子咬落仍然有肉汁 豬肉味好 芝士年糕可以當甜品吃 咬落去溶溶的 流出好有芝士嘅味道 女仔一定好鍾意環境地道啱晒街坊幫襯店員的服務殷勤