幸屋

營業中

休息中

機利臣街小店較多 好少會食飯經過~ 唔係同事推介 都唔知呢間拉麵店係小巷到😲 店員態度好好 人情味加分!🌟黑蒜濃厚山藥豚骨拉麵($88)拉麵聞落去黑蒜油味重 但山藥味唔係好覺~ 肉方面可以揀：叉燒/豚角煮/御屋（MIX叉燒+豚角煮🤩 小編揀咗御屋試晒兩款🤣 豚角煮半肥瘦帶點軟腍 口感非常好 仲好多炸蒜粒😋 另外溏心蛋都熟得啱啱好 但個人覺得少啲蒜油可能冇咁油膩🥹🌟熟成味噌廣島蠔赤雞湯拉麵($128)廣島蠔鮮甜足料🦪 入口滑溜味鮮! 湯底味濃得嚟亦都唔會過鹹😚 另外麵條掛湯彈牙 溏心蛋亦夠流心 醬油味香濃微甜🤪🌟炸雞($28)炸雞有4件! 大大舊唔厚炸粉 啖啖肉 可以一戰！雞肉嫩滑 配燒汁同沙律醬🤣 正！🌟蟹籽沙律($48)超！大！份！勁多蟹柳、蟹子、青瓜絲，幾fresh🍃 另外小編勁鍾意食醬 對醬嘅份量表示非常滿意😋🌟自家製餃子($30)餃子有5件🥟 外皮脆脆地幾好食 皮薄餡靚 隻隻餃子都飽滿，餡料有蔬菜同肉碎！

📸幸屋相信係灣仔翻工既朋友都會識佢為食妹本身其實唔太中意食拉麵不過同事拍心口保證好食就試試12:45去到已經有小小人龍不過好快就可以入座🍴蝦汁帆立貝沾麵 $128💛7.5/10上菜比較慢 同事差唔多食完碗沾麵先到🥺魚介醬油湯非常熱辣辣但食落味道比較淡 個人覺得濃味啲會好啲同事就話平時食無咁淡可能餐廳要維持吓水準😮‍💨不過帆立貝真係好大粒再加上櫻花蝦 味道鮮甜👉🏻餐廳有提供配菜(酸辣大豆芽）無限量refill 架酸酸辣辣好開胃一啖豚角煮加一啖豆芽🤩🍴期間限定明太子冷拌麵 $108💛8/10大大舊豚角煮 再加上咸咸辣辣既明太子 唔會太膩 而麵底係冷麵 食落清新解暑🍴餃子👉🏻儲5個印花可以免費換一客💛8/10食落同平時既無咩太特別不過勝在即叫即整 熱辣辣免費送既算係唔錯😆#wwh食勻灣仔#wwh日本菜

-幸屋🍽-灣仔小巷隱世拉麵店🍜入面d姨姨超有禮貌好似真係去左日本咁🤣-蟹籽沙律 $48蟹籽沙律用料唔馬虎有好多蟹籽仲有蟹柳絲配青瓜咁熱既天氣食透心涼又可解膩😌-和風餃子 $38呢款成個餅既和風餃子🥟賣相吸引已經贏左比起就咁放幾粒餃子上碟🤣-蝦汁帆立貝沾麵 $128沾麵個湯係勁濃勁稠食落有魚介又有蝦味個麵超掛湯每啖都飲到勁多湯😋麵可以揀凍或熱建議大家揀熱因為之前係第2度揀凍浸個湯勁快就凍哂😂除左帆立貝仲有舊厚切豚肉脂肪比例均勻唔會話食完好膩😋-醬燒牛肉丼 $93呢個本身以為好普通點知有驚喜😍牛肉勁多而且燒到岩岩好唔好過韌😌重點個飯撈埋蛋汁食一流😋-🌟評分:🏅🏅🏅🏅🏅📍地址: 灣仔機利臣街5-9A號維昌大廈地舖-#foodieluveat#foodisluveat_hk#foodieluveat_銅鑼灣#foodieluveat_日本菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先

灣仔平民價美食🫶🏻非常有驚喜既日式拉麵舖頭😍同朋友食完沾麵 都好鐘意 留底左深刻既印象❗️➽蝦汁帆立貝沾麵 $128一上果時😍個蝦汁係超熱 個汁滾住咁上夠熱對沾麵黎講真係好重要🫶🏻E一點非常值得讚👍🏻蝦汁個蝦味超濃 拉麵🍜非常掛汁帆立貝大大粒 好新鮮😚整體性價比高🫶🏻➽䈬燒鰻魚丼 $9898蚊有成條鰻魚真係好抵😍仲要超好食🫶🏻鰻魚油脂香 彈牙 夠新鮮🥳大大條啖啖肉➽和風餃子 $38超出色😍必點餃子🥟個外形非常吸睛👀餃子外脆內軟 餃子肉汁一咬流出黎 仲好juicy😋➽芝麻手羽 $38雞翼炸得岩岩好 入面幼嫩 外面炸得香脆😋

依間小店隱藏於灣仔嘅巷仔之中。雖然位置唔算顯眼，唔刻意搵都唔會發現到，但都座無虛席，證明質素有返咁上下。👻〰️蝦汁帆立貝沾面 （$128）帆立貝有兩粒，仲有一塊肥瘦相間嘅厚叉燒、荀、黑木耳、溏心蛋同紫菜。蝦汁湯底本身就夠哂濃稠，再加上大量櫻花蝦蝦味更加濃。蝦汁用熱鍋上，溫度夠哂熱辣辣。面條較平時嘅拉麵粗身，大大提升左掛湯能力；面條仲可以選擇熱/凍，凍嘅需時更耐但口感更煙韌。〰️日本黑豚井 （$83）除咗豚肉、椰菜之外仲有溫泉蛋，溫泉蛋撈飯一流，望到都覺得吸引。黑豚肉夠薄身，表面每一吋都搽滿醬汁，香得嚟唔會膩，輕鬆食哂一碗。🤪（配上店家醃製嘅豆芽更加好食！）〰️和風餃子 （$38）靚靚嘅冰花餃子，舖上木魚碎、香蔥、燒汁同沙律醬。總共有成六隻，夠哂金黃酥脆。〰️芝士年糕 （$38）新鮮熱辣咁炸起，外層嘅年糕鬆脆煙韌，入面芝士香氣濃郁仲要流心！！！ 〰️〰️📍 幸屋 (灣仔)灣仔機利臣街5-9A號維昌大廈地舖

事緣星期日都會去灣仔一轉，今次試吓哩間幸屋，本身有位姐姐態度唔錯，但另一位姨姨真係令我好激氣，叫又唔應人，問餐牌既野，又求其答，仲要落錯枱，好彩冇加一服務費，野食唔算差😕最好唔好星期日去

今日去灣仔開會後，跟同事一起lunch 才回公司..行行吓見到有間拉麵屋有廣島蠔拉麵食🤭於是一於去試.. 拉麵屋叫「幸屋」位於灣仔機利臣街5-9A號…蟹籽青瓜沙律，蟹籽份量足青瓜新鮮，夠開胃🤗熟成味噌廣島蠔赤雞湯拉麵….湯底熱辣辣，味道夠濃，又一隻溏心蛋，拉麵軟硬適中，廣島蠔肉質肥美不錯！蒲燒鰻魚飯，有隻半熟蛋可以撈埋一齊飯一齊食，很久沒試過🤣🤣鰻魚肉質肥美可口，份量又足👍🏻和風炸雞，雞肉炸得剛剛好，肉汁多，不錯！

蝦汁凡立貝沾麵，自家制餃子*Time : SEP 2022, Lunch*Price : $158-HKD *Place : 幸屋*Review : 灣仔區的魅力在於，有新潮繁華的大商場，也有很多橫街小巷的小店，今次這一間又是路過的一間小店。- 蝦汁凡立貝沾麵 ：湯味有淡淡的蝦味，味道較清，而且湯是滾熱的，不會有沾麵食到中途湯就冷掉的情況，麵身較軟，缺煙韌感，其他配菜有兩隻大凡立貝，櫻花蝦，糖心蛋等，味道方面就不過不失，可能我比較喜歡濃味的，這裡的顯得比較清淡- 自家製煎餃 ：就是煎餃子，還不錯的，脆軟剛剛好沾麵就一般般啦，店內裝修簡單，很有日本小店的感覺，就是日式食堂，餐單種類豐富，拉麵沾麵小食全都有，有再探索的價值

幸屋灣仔機利臣街5-9A號維昌大廈地舖幸屋架日本拉麵, 令我著迷的部份是那塊軟腍肥美的叉燒哦, 腦中一想起它, 就會產生安多芬, 像愛情一樣令人興奮同迷戀。$80 胡麻王豚骨拉麵，粗麵口感確一流,彈性更好，叉燒要了片同角粒,兩個唔同口感風味，帶點脂肪入口即融化。豚骨湯底唔會太鹹$83日本赤雞飯，溫泉蛋超滑，加上蔥，熱騰騰白飯大食架愛食一碗個胃是唔滿足的, 多點一份小食啦, 同友人SAHRE嘛。蟹籽沙律用青瓜絲好爽口,伴沙律醬同大量蟹柳蟹籽個餃子真到爆，煎到一層薄脆，加上餃子汁香蔥柴魚碎，美味得很。

9月8號平日下午12:30，位置係灣仔黎講，呢段時都唔算太多人，因為我係1個人食既關係，唔需要等位，直入Bar台但係大約1點到就開始多人要等位。1. 環境常見既港式日本風，比較暗，坐位比較窄左少少2. 服務員工有禮貌，因為可能係夏天既關係，佢地會問你要冰水定熱茶。唔係每一間鋪頭都會做到！3. 食物~魚介豚骨沾麵雖然得一舊肉，但肉厚同淋身，其他配料都算多(洋蔥，蔥，有浸過汁既黑木耳，筍，一隻糖心蛋，一塊紫菜)。沾麵湯比較(杰)身，超濃郁，滾住上，不過對我黎講咸左D(平時食得清淡，少鹽)，食完之後好口渴麵底煮得淋左啲，但都掛到湯，所以都算係可以接受範圍之內4. 價錢魚介豚骨沾麵 $98，我有加麵底$18價錢上我覺得正常，合理食完都好飽下總括黎講幸屋都值得一試，我會再返轉再食！！

差不多成年無黎過幸屋食飯，以前一直係我飯堂。沾麵上次一試難忘要再encore，仲要有多款湯底可以揀，唔係只魚介湯底。今次揀左個味噌廣島蠔，味道真係唔錯嘅。 沾麵湯底係香口，亦都夠晒香濃。另外新嘗試一個餃子，佢整到好似大阪王將咁樣嘅，有d燶邊脆底，食落好有口感，令人有掛住日本嘅感覺。至於醬汁都係好濃厚嘅餃子醬同沙律醬，好好食！今日比較遲黎，最後得番我一檯客，有少少擔心阻住大家收工，點知waiter姐姐叫我慢慢坐，未咁快收工嘅，好窩心！

幸屋的拉麵🍜🍛飯類非常出色不過🍡🍢小食串燒同樣精彩！最重要是價錢不貴，吃得盡興疫情下每次來幸屋都會想像自己處於日本的小居酒屋內最近幾次和朋友來，都是為了小食串燒再來杯啤酒🍻一晚上就開心地渡過了煎🥟和軟殼蟹沙律是每次必點很肥美叫外叫了二個串燒套餐每一個餐包一杯飲品和4串串燒所以我們就点了8串不同的款式🍢🍡🍡另外也有啤酒串燒套餐不過同行朋友不喝酒，我就沒点了雖然看照片好像点的不多不過我們二位女生非常夠飽了本來我還想試試牆上的特色燒物🥹🥹🥹埋單才＄3xx

與友放工過來食碗風味拉麵，質素確係唔錯，小店用心經營，地方細細食客不絕，價錢經濟，拉麵小食同樣好味。廣島蠔沾麵 $118廣島蠔三隻，蠔身飽滿好有蠔味。沾麵揀了粗麵口感煙韌彈牙，湯味甚濃沾上麵條美味，石鍋保持熱度熱住食係好味D。黑蒜濃厚山藥豚骨拉麵 $88豚骨湯底濃郁蒜香味濃，山藥味唔係好重。叉燒揀了半肥瘦豚角煮，肉質軟腍，厚身好有咬口。拉麵口感十足，配料豐富有肉醬、溏心蛋、木耳、蔥碎、椰菜等，食完非常滿足。吉列廣島蠔 $42炸蠔四件，外層炸得金黃酥，咬落好juicy，配埋醬汁酸甜美味。芝麻手羽 $38雞翼一客兩件，外皮薄薄炸粉炸得超香脆，芝麻好香口惹味，雞肉保持嫩滑，好有水準未食過咁好食的，值得一食。

Encore過幾次既餐廳❤️，每次想食拉麵/沾麵都會諗起佢🍜😋餐廳裝修日本風🇯🇵濃濃，好有Feel🥰，職員依舊好有禮貌仲好親切，幾次幫襯都好滿意👍👍每張枱都有醃豆芽，口感夠爽脆，味道酸味味幾清新開胃蝦汁帆立貝沾麵 $128沾麵配料好豐富，有2粒好飽滿既帆立貝，1大舊半肥瘦豚肉，豚肉厚身食落非常有口感，非常軟腍好味，肥而不膩，超好食😋，仲有大量櫻花蝦，令整體非常提鮮，糖心蛋亦好Juicy，蔬菜亦令口感更加豐富，麵條較粗身，清爽更條條分明，掛湯力強，彈牙以外，更多左一份煙韌，湯汁上枱時熱辣燙口，濃而不鹹，食得出好鮮味，整體來講都好高分😍蒲燒鰻魚丼 $98一上枱就見到2大塊勁厚身勁肥美既大鰻魚，份量完全可以好奢侈咁大口大口食鰻魚真係勁幸福🥰，鰻魚好軟腍，厚度足夠食落好有口感，滿滿入口即溶既油脂感，超級嫩滑肥美，醬汁味道亦完全滲透入鰻魚，鰻魚成個好鮮甜入味，配埋吸滿魚油同醬汁既飯，一啖肉一啖澱粉，超滿足🤭芝麻手羽 $38雞翼炸得外脆內軟，內裡雞肉亦嫩滑多汁，雞翼有小小辣粉，食落非常惹味吉列廣島蠔 $42炸粉唔會太厚身，食落無咩油膩感，蠔肉都算大粒肥美多汁，外脆內軟，配埋蛋黃醬食更加美味

🚩幸屋我嘅目標係食勻全香港嘅沾麵！灣仔依度有間人氣小店，佢哋嘅拉麵同沾麵都好出色🙌🏻舖位雖然唔大，不過人流都真係好多，要食嘅記得預早少少過嚟啦〰️〰️〰️〰️〰️〰️〰️〰️〰️〰️〰️〰️〰️〰️〰️🌈蝦汁帆立貝沾麵 $128呢度嘅沾麵湯係我食過咁多間裏面最濃稠嘅，點解咁講？因為影緊相嘅時候個湯已經結左一層薄膜喺上面🤤沾麵配料都好豐富，唔好以為剩係得帆立貝，佢仲有叉燒，木耳，櫻花蝦，椰菜，洋蔥，筍同埋蛋！佢哋嘅麵比較偏向似烏冬，掛汁程度都尚算可以😋🌈蒲燒鰻魚丼 $98OM，原條咁上，而且啲鰻魚汁都足夠多，流晒落啲飯度🤤鰻魚面頭有微微煎香過，唔會淋啤啤，濕粒粒，同埋調味都好好😋仲有隻溫泉蛋，比你蛋汁撈飯，超級滿足🥹不過如果可以多少少飯就好啦，而家個比例係餸多個過飯好多🌈和風炸雞 $45依個炸雞同我地平時食嘅唔同，平時食嘅都係好乾身脆口，但依個睇相就見到好似有啲醬油咁嘅野😨不過食落口又有驚喜喎！佢嘅炸雞冇乜粉，所以有醬油都唔會浸到啲粉甩曬🥹反而雞肉都幾嫩滑，啲醬油其實係燒汁黎嘅，所以冇違和感嫁！🌈吉列廣島蠔 $42炸皮好酥脆但又唔會成口油，不過要小心啲食，因為裏面真係超級熱辣辣！蠔亦都唔會有異味同苦味，點埋沙律醬食