彩興來來火鍋 (已結業)

家中樓下開了一間火鍋店好像不錯，今天家中又沒有人煮飯，所以就一個人下來打了個邊爐一直都好喜歡鯇魚湯，因為家中媽媽以前經常煮鯇魚湯，好懷念這個湯的味道啊。。。所以我一見有鯇魚湯底即刻選了這個他們的鯇魚湯的魚好大條！而且湯底非常鮮甜，完全就是家中煲魚湯那種香味，而且魚肉還有鮮味，吃完那條魚都半飽了～因為已經半飽，所以只叫了好想吃的肥牛，看起來肥了一點，但煮熟了吃起來又幾好喎，好ＪＵＩＣＹ多肉汁，而且肉色還十分鮮紅，牛肉香沒令我失望！餐廳有大電視，即使一個人也不悶，一邊吃一邊看＿禧攻略，好舒適～

今次試下呢間將軍澳火鍋店。睇咗好多人嘅review，都比較少人叫冬瓜盅湯底，我哋都猶疑咗一陣，但店長推介，決定試下。冬瓜盅湯底有蟲草，蟹柳，瑤柱，雞腳，蝦米，仲有成隻花蟹，湯底真係好鮮甜，值得飲多幾碗。兩個人胃口有限，叫咗以下幾樣嘢:鮮打蝦滑 (網球 size)。黑蒜黑松露牛丸 (8粒)。頂級安格斯牛頸椎 (例牌， 大約25片)。蔬菜拼盤 (唐生菜，娃娃菜，蕃茄，金菇，土豆片，蘿蔔片)。以上幾款可能好多人都食過，除咗黑松露黑蒜牛丸，味道比較特別，手打牛丸裏面有黑松露醬。安格斯牛頸椎幾有噍口同牛味，最多滾十零秒就ok。 蔬菜拼盤所有都非常新鮮！總括嚟講呢一間火鍋店有啲驚喜，尤其是個冬瓜盅湯底，雖然店有啲狹窄，但食物水準同服務真係唔錯，同尖沙咀嗰啲高檔火鍋店差唔多，值得推介！

今天到將軍澳訪友，天氣帶點涼意，就相約一起打邊爐去。這家店子裝修光潔整理，未到八時，已經人氣鼎盛，十分熱鬧。這家火鍋店的湯底選擇唔少，有成十款！有鴨煲、鯇魚湯、黃金雞湯、辣雞湯、酸菜魚、冬瓜盅、養生湯、胡椒豬肚、蕃茄湯和香茜皮旦湯，由$78-$288不等。而火鍋配料選擇唔少，除了海鮮肥牛外，也有一些自家製手工餃和特色丸。今曰我們選擇了冬瓜盅湯底$288。嘩啦！估唔到這不是一般的冬瓜盅，而是配有花蟹、蝦仁、蟹柳同蟲草花的海鮮冬瓜盅！十分驚喜！這冬瓜盅味道清甜，既有海鮮的鮮味，又有雞、蝦米和瑤柱的鮮甜味，加上冬瓜的味道，湯汁鮮美，實在太好喝了！一口氣連飲了三碗湯而完全沒有感到口渴，應該無落味精。蔬菜拼盤$88這拼盤十分豐富，有齊六款蔬菜，包括唐生菜、蕃茄、粟米、土豆片、娃娃菜、金茹等等。經燙過的菜蔬索哂海鮮冬瓜盅的味道，不用沾醬油，已經夠味了，正！頂級安格斯牛頸脊$208這牛頸脊顔色嫩紅，厚度不會太薄，而雪花紋也頗為均勻。牛肉經輕輕一燙，肉味濃厚，有一點脂香，帶一點肉感，味道唔錯。黑蒜黑松露牛丸$128（8粒）這牛丸一粒一口，口感嫩滑，既有肉汁又有黑蒜同淡雅的黑松露香，好味道！平日手打丸就

好耐冇去將軍澳，今日同阿妹走左出去行街順便搵食，心血來潮想打邊爐。將軍澳打邊爐嘅地方唔多，最後揀左呢間「彩興來來火鍋」。職員推介黃金雞鍋做湯底，有花膠鮮淮山呢d湯料岩哂女士美顏。平時打邊爐都係原個鍋底直接上枱，呢度就「即席表演」比你睇，伙計話佢地用生鐵鍋，平時冇用嘅時候會搽d生油「養」住個鍋，到有客人黎既時候就先喺我地面前用清水沖洗鍋，再即席烹煮湯底。先放蒜頭薑片爆鍋，再落新鮮雞件，炒到雞件表面微微轉色後就放入花膠鮮淮山同埋蟲草花，再加入預先淆製嘅雞湯，用大火加蓋煮滾，伙計會留意住等到雞件全熟之後就會示意我地可以飲湯喇！湯頭又甜又濃，真材實料呢！雞肉嫩滑唔「鞋口」，花膠厚身口感亦唔欺場，不過最愛都係入哂味又夠健康嘅新鮮淮山！餐廳提供嘅醬料九宮格，款式亦多，不過後來發現湯底濃郁，食材唔點醬汁已經好夠味，所以呢個九宮格只屬於錦上添花的一環吧！打邊爐點可以缺少牛肉呢！order左一碟例牌嘅牛頸脊，油脂分佈平均，牛味濃郁之餘口感亦嫩滑，最重要係份量夠多，岩哂我地呢d牛魔王狂擦呢！響鈴熱辣辣兼脆口，好食！醬爆四寶丸都唔錯，黑松露牛肉丸嘅黑松露味好「出」好香，反而柚子墨魚丸嘅柚子味就相對淡左少少，

又到秋風起嘅日子，天氣開始轉涼又到打邊爐嘅好時候。今日同老公走左去將軍澳，openrice左呢間好多「笑評」嘅火鍋店試下。由地鐵站行過去大約10分鐘左右，舖頭唔算好大，簡簡單單嘅裝修，整體感覺整潔舒服。先order左一渣「洛神花茶」，味道濃郁，但又唔會太甜！唔錯呢！係汽水啤酒之外另一個好好嘅選擇！睇左openrice嘅食評，order左好多人推介嘅「黃金雞湯」。打邊爐湯底好緊要呢！呢個湯底非常足料，有雞件、花膠、鮮淮山同埋蟲草花，份量一d都唔少。雞肉結實彈牙有雞味，花膠頗厚、囗感亦唔錯，特別鐘意鮮淮山，食落粉粉地，因為吸哂d雞湯所以好鮮甜！未落配料之前飲左碗湯，好鮮甜，果然真係好有「家的味道」！個湯底真心覺得有誠意！大推！「隔離飯總是香的」，後來見到隔離枱order左個「麻辣雞鍋」賣相好之餘仲香噴噴，心思思又想試下，唯有等下次吧！配料方面，點左醬爆手打丸拼盤，有柚子墨魚丸、芥末芝士蝦丸、花膠冬菇豬肉丸同埋黑松露牛肉丸四款，個人最喜歡芥末芝士蝦丸，流心芝士帶有淡淡芥末味，但又唔會太辣或者太嗆囗，配合彈牙嘅蝦丸，很夾吧！另外花膠冬菇豬肉丸亦非常吸引，花膠同冬菇都切得頗大粒，所以有咬囗之餘亦

自從男朋友搬番黎將軍澳之後 我地都好落力發掘呢頭有咩好野食 今日就黎左朋友介紹既呢間火鍋店Menu餐具原來一早已經整齊咁放左係枱上面 我地睇唔到 竟然仲想問職員拎餐具添黃金雞湯 ($188)一坐低就叫左朋友介紹我地試既黃金雞湯底 真係有成半隻雞咁多店員首先用水幫我地洗鑊 之後就開火 用蒜頭爆香個鑊 再放入鮮雞件.花膠.蟲草花同鮮淮山一齊炒 全程有店員幫手 我地就坐定定等食炒到咁上下 店員就倒埋雞湯落個鑊煲左陣 滾左之後就裝左碗雞湯黎飲 感覺好滋補 花膠鮮甜 雞肉都夠嫩滑 d雞食到七七八八之後就開始打邊爐了即炸響鈴 ($48)響鈴一向都係打邊爐必點既 呢度仲係即叫即炸架添 用筷子夾實 然後放落湯度淥一淥 一口咬落真係好酥脆美國肥牛 ($98)一塊塊機切既肥牛排得好靚上碟 比一般既肥牛厚切同大份蟹籽墨魚滑 ($88)墨魚滑打得好靚 望落晶瑩剔透 但係無想像中咁爽口彈牙蔬菜拼盤 ($88)我地好中意食菜 所以特登叫左個蔬菜拼盤 但係真係無諗過有咁大份 有蕃茄.娃娃菜.唐生菜.金菇.薯仔同粟米 蔬菜好新鮮 簡直就係四人份量 好抵食薏米柚子冰 ($68)唔會太甜 好清涼又開胃消滯 岩晒打邊爐飲

即使住在將軍澳附近 但不是爸爸的朋友介紹也不知道這裡有間高質素的火鍋店 地方的確有點偏遠 從將軍澳站出口走十分鐘才能找到 火鍋湯底很特別用生鐵鑊 在客人入坐後會先用芝麻油起鑊之後用蒜頭同薑炒香配料再倒入湯底 我們點了彩興鮮鯇魚湯(例) $168 想不到一個湯底用上大半條鯇魚 真材實料 湯底非常鮮甜 打邊爐前了幾碗魚湯頂級安格斯牛頸脊(例) $208 即使是例牌2-3人食用 大碟又新鮮脆骨腩 $78 跟爸爸打邊爐必點的 肉質彈牙 好味蟹子墨魚滑 $88 墨魚滑彈牙菜心苗 $38 菜蔬新鮮 正; 青島啤酒 $30

I randomly walked around the area and thought I would find something to eat, looked around on OpenRice and spotted this place. Definitely worth a try! And I would totally go again! Customer service is great! A different type of hot pot experience, price is reasonable, and the soup base is yum!

呢間餐廳嘅嘢食惹味有鑊氣😋我哋比較早到達餐廳，到七點半八點客人陸續咁嚟到。座位都幾闊落。火鍋配料係以單點形式，價錢中等，選擇都幾多。首先遞上配料俾我哋自己拎左先之後就問我地點左咩湯底啦💁🏻‍♀️揀咗黃金雞湯做湯底，可以選半隻雞或者一隻雞，我哋兩個人就揀咗半隻雞$188首先佢會幫我地炒一炒個鑊之後放埋雞件，花膠同蟲草入去炒香左先之後再加上湯雞件都幾滑嫩，份量足夠，而且炒左炒加吸收左湯底嘅精華，有鑊氣得來亦都好香👍🏻另外花膠梗係女士們嘅恩物，爽口得來美味有美顏✌🏻百福凍豆腐$30夠滑，係百福嘅味道哈哈韭菜餃$68皮薄得來，韭菜同豬肉餡料十分多，保持到肉汁，不錯四寶丸$46可以試晒四種丸，分別係蝦丸，牛丸，豬肉丸，同墨魚丸手打丸果然係唔同啲，比起冰鮮彈牙而且鮮味十足😽花雕肥牛$108一個比到我驚喜嘅菜式，第一次食花雕酒釀肥牛，走味融入牛肉裏面，酒香，帶出牛嘅鮮味，特別得來都好好食呢度嘅服務亦都唔錯，定期留意顧客需要，Keep住幫我地加湯👍🏻而且野食都用心製作

去將軍澳探朋友就帶我來食呢到既雞煲 呢到雞煲既食法同其他食法大不同 幾特別呢到係用鑊係客人面前即炒雞煲第一次食覺得幾新奇先爆香蒜頭薑，再加啲油然後放已準備好的雞煲落去再炒下焗下出多啲水就食得啦成個過程記低哂食起來味道唔錯 如好辣者可再加辣 佢呢個辣汁好香好味一個例牌雞煲 雞既份量唔算多 有7-8件左右，兩個人食都算差唔多 因為仲要打邊爐係差不多食完雞之制放入一啲豬皮牛柏葉 吸埋啲辣雞汁好正特別鍾意食佢個牛柏葉 一啲都唔韌 仲好爽口 大件夾好食鍾意食牛既我地叫左個頂級安格斯牛頸脊份量都唔小 件件都好大塊配麻辣湯底食夠哂入味 但又唔會蓋住牛味好食其他都叫了易入味既配料食起來更能食到精華埋單都係600有找 雞煲都值回票價值得一試

難得前幾晚與娘娘打邊爐談天說地👭🏻，梗係要去佢主場將軍澳啦～我哋嚟到“彩興來來火鍋”，同娘娘食飯點都要補一補身，先嚟個黃金雞湯(材料有花膠、蟲草花、半隻雞及鮮淮山)就最好不過😉😉。黃金雞湯是由職員當面炒熟材料，再加入高湯，煲大約5分鐘就可以飲到啖靚雞湯😋😋。雞肉嫩滑，花膠淋身而不硬，蟲草花同鮮淮山都ok，啖湯好清甜，很不錯👏🏻👏🏻。今次不能牛魔王上身，因娘娘不吃牛🐮🙅🏻‍♀️，唯有戒下少牛啦～😜食咗半雞都飽了一半，我哋叫了特色火鍋料，有一打12粒4款口味的手打爆漿丸、二人愛的炸魚皮及黑松露鮮蝦餃子。最驚喜是手打爆漿丸，有四款口味，粒粒新奇，味道仲好過癮。我最喜歡鮮蝦柚子爆漿丸，蝦味已經好足，真材實料，咬到中間流心爆出清甜的柚子蜜味，十分新穎。整體上味道很好，我哋仲一路食一路睇延禧攻略😎😎，打完邊爐仲食埋甜品添😊😊，我哋二人十分滿足。

突然心血來潮想同男朋友打個邊爐🤤但又唔出得太遠，所以就搵係屋企附近既火鍋店，結果俾我地發現左間隱世雞煲火鍋店😛一於決定去試試佢🤨不過尼間野都真係幾偏僻下，需要d時間搵下，去到店員安排左卡位俾我地坐。環境唔錯，地方清潔，店員服務態度好好。有九格調味格俾我地自由調配自己既口味，我覺得佢地既沙嗲值得一試，夠香夠野味👍🏽黃金雞湯（花膠，蟲草花）半隻 $188店員一黎叫我地揀左湯底先，因為佢會即場煮你選擇既湯底，我地就揀左花膠雞湯😝店員既場炒雞煮雞湯，落足料👍🏽又有花膠又有冬蟲草又有雞件，再淆一淆湯底就飲得又食得，睇見都流晒口水🤤.韭菜餃 $68 正👍🏽足夠韭菜餡料，真係食幾粒都覺飽🤣.蟹籽墨魚滑 $88又係真材實料😝好有墨魚味又彈又有咬口，爭d想叫多份🤣不過得兩個人驚眼闊肚窄🙈.美國肥牛 $98今次我地無試極上或者頂級既肥牛，但普通既美國肥牛都不得了，真係好好食，已經超有牛味，又唔會太韌，見佢一想已經知道係靚野，我無揀錯😋.田園時蔬拼盤 $88最後點都要食下d蔬菜，打邊爐都要食得健康下🙈 蔬菜都新鮮，粟米番茄都鮮甜.鯇魚片 $42點都要食我最愛既魚🤤又唔太腥味，少量碎骨，都幾爽口👍🏽尼餐真係

近近地去屋企附近既來來火鍋打邊爐，湯底叫左個黃金雞湯半隻，店員先用薑同蒜頭爆香，兜一兜雞件，再加花膠單蟲草花再加湯，整個過程睇到我流晒口水呀。急不及待飲碗湯，好鮮甜，雞又滑，堅正！叫左頂級安格斯牛頸脊(大)，淥幾秒就食得，牛味幾好，快靚正！唔小心有一片淥左好耐，以為會變左老牛，點知食落竟然唔韌喎。即炸芝心響鈴幾特別，可以即食夠香脆，又可以淥一淥，又有唔同享受。黑松露鮮蝦餃超大粒，入面黑松露都唔少，蝦亦非常大隻，真材實料！另外仲叫左鮮打蝦滑夠彈牙、山根浸淋晒特別好食、亦有流心芝心牛丸、白蘿蔔好甜無渣，總括黎講係好食既，食得好開心！

朋友新居入伙, 大家上去望望之後...主人家竟然冇準備晚飯.唯有係附近搵下野食見到有得打邊爐就入左去今次又係等主人家拍版, 我又係望都冇望過打開個蓋...咁特別O既...嘩, 又雞,又蟲草花又花膠又淮山究竟係咩黎呢..落油獲爆兩爆加埋雞落去炒加埋其他野再加湯...原來哩個係黃金雞湯真係好黃金先飲湯. 好鮮甜係真材實料O既雞湯花膠都好大舊虫草花又夠爽口我地幾人未打邊爐...已經飲哂D 湯好彩有得REFILL....以上都係主人家嗌的, 有菜有肉有墨魚滑最特別係哩個芝士響玲即炸! 勁脆! 勁熱!入面仲有塊芝士浸兩野, 芝士融融地仲正!食下野, 飲下桔仔冰聽下主人家吹噓自己幾有眼光..揀餐廳今餐竟然叫主人家埋單鬼叫入伙飯佢都唔準備

i don;t live in tseung kwan o. if it wasnt for my friend who lives nearby, i dun think i would ever walk to a relatively tranquil side of tseung kwan o and found this interesting shop. their soups are quite remarkable !hotpot in summer is not a problem. we got cold drinks iced calamanis soda, fresh, not too sweet, we ordered 2 jars the hot pot soup is cooked in front you.we ordered fish maw, chicken, fresh kinpinra and fresh Cordyceps flower, some kind of Chinese fungus staff helped us quickly s