彩興來來火鍋 (已結業)

行完 pop corn 路經帝景灣， 比佢d落地玻璃吸引著就行左入了睇下豪宅。行過見到有間火鍋店，老闆話佢哋用生鐵鑊打邊爐嘅，我哋見咁特別就入咗嚟試試喇！果然！冇令我哋失望🤩我哋揀咗湯底黃金雞湯$188入面有花膠、蟲草花同半隻雞； 簡左湯底後，侍應提我地個湯滾咗之後可以飲碗先，再慢慢揀火鍋嘅配料。嘩！ 生鐵鑊打邊爐其實真係第一次。侍應一開始就攞啲水嚟幫我哋洗咗個鑊，隨即就喺我哋面前製作個湯底。先用薑蒜爆香個鑊，之後再落花膠同雞，仲有最重要嘅蟲草花。炒香曬啲配料就加水冚蓋，煮成個湯底。呢個湯淨係睇配料都覺得好足料好補啊！然後老闆就攞咗個九宮格過嚟，入邊放左唔同嘅醬料畀你簡。 入面有佢哋自家製嘅酸辣醬、沙茶醬、仲有火鍋必備嘅炸蒜、生蒜、芫茜、蔥。 另外好貼心咁樣準備咗一支麻油淨係睇以上種種已經覺得呢一間火鍋店十分之貼心。我哋就叫咗個醬爆手打丸$128，包括柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸；每樣都好有自己嘅特色 柚子墨魚丸；濃郁既柚子蜜係入面，特別清香。如果你冇食過甜嘅丸，提議你應該要食黎下啦！芥末芝心鮮蝦丸；真係十分有刺鼻既芥末，芝士充滿成個口，但仍然都保持著蝦既

大熱天時，真係好少人會打邊爐，但我就係鍾意，哈！是日超得閒，一早同朋友黎打邊爐，好彩早，暫時有位呢到有卡位架，就係我地坐住既所以影唔到😂😂😂環境好舒服，最重要夠乾淨打邊爐最重要個湯底，我最鍾意揀有花膠既湯底，可以食完皮膚靚靚，呢個黃金雞湯仲有埋蟲草花夠健康黃金雞湯(半隻)HKD188個湯底好得，好夠味，鮮甜十足，雞好嫩加埋彈牙花膠，好粉既淮山同煙韌蟲草花，太好味了試完湯底，要點返枝薏米柚子冰HKD28其實冰係指冰凍咁解，侍應拎上黎先知唔係沙冰個d,味道酸甜清新，解膩必點除左打邊爐配料外，仲點左個小食，牛油果芥茉牛柳粒HKD68味道酸酸甜甜好開胃，牛柳粒口感又煙煙韌韌好食而且份量好多，多到食唔曬至於打邊爐既火鍋配料我地都無點好多，因為個湯底太足料，胃容量唔大既我地唔想浪費野，所以無點太多，但呢個即炸響鈴HKD48唔點唔得即炸脆卜卜，好厚身大大件，加入湯底浸3秒好好食，就咁食都得，好正而呢碟鯇魚腩HKD45好新鮮一碟好多件，好鮮味，好滑口，加入雞湯就更鮮甜好吃！無想過呢間火鍋店既野食幾多選擇又特別，最重要好食，如果唔係朋友住呢邊有好介紹都發現唔到，下一次要多人黎可以點多幾款!

今日陪朋友去將軍澳諮詢牙醫箍牙資料後， 他說起同一商場隔幾間舖位有一間幾有特色的火鍋，問我有沒有興趣試一試，為食又好奇的我當然舉手贊成。坐着看點菜紙，已經被四周的食物香味圍繞着，我們點了黃金雞湯底。這火鍋店特色是，食客人點餐後，便會即席在他們面前的生鐵鍋上炒熱有湯底關配料。店員將雞件花膠、蟲草花、鮮淮山放在生鐵鍋上爆香，再炒一炒，跟着加上雞湯滾一會兒，不久雞湯味香溢四出，聞着也是享受。隨即飲飲雞湯，口腔便感覺到好濃郁的雞湯味啊!醬料樽放在九宮格的木盆內， 整齊美觀， 辣椒醬和 XO醬味道也不錯。魚皮炸的很脆，份量也很足， 火鍋怎可少了它羊肉片味道沒有騷味，份量也恰當，愛吃羊的我滿足極，這兩樣亦是我朋友喜歡的食物。我自己就喜歡這極上肥牛，有牛肉味但不油膩，亦因為店員說這肥牛脂肪較少，讓我感覺健康一些，嘻嘻!我們不約而同認為，黃金雞湯料十足，有鮮嫩的雞件、花膠、鮮淮山片和蟲草花。一邊喝雞湯吃雞肉，一邊吃湯料，十分滿足。煮滾後的花膠和鮮淮山片又腍又入味，再配上雞湯，味道很好吃，如果再有多些，我也可以吃得完。雖然點了不是很多食物，但也足夠。其實這火鍋店還有很多其他的選擇，真是悉隨專便，湯底也有

今日準備去朋友屋企睇世界盃，佢剛新搬到帝景灣，開波前佢帶我去商場，去一家叫彩興來來食火鍋，原來他最近都在火鍋店邊食邊睇波，同老板侍應們講下波經，火鍋店地方不算大，整體雅潔，每張檯都一個嵌入式爐，上面放有生鐵鑊，待下單後，侍應就會即席烹調，製作美食。我們點了招牌家香鴨煲，首先燒紅隻鑊，再將料頭爆香。倒下已炆好的鴨件，爆炒一下，等熱左就可以食得，個醬汁好濃郁，鴨件好入味又有口感，濃油赤醬好有家鄉風味！食完鴨就加湯打邊爐。浄睇颜色已知西班牙黑毛豬好新鮮，油脂分佈均勻，肉味香甜，入口鮮嫩。白鱔片是我食火鍋不可缺的，鱔片好新鮮，切得厚薄適中，十分爽口彈牙！脆鯇片起雙飛，切得不會太薄，好爽口。其實無論任何火鍋配料，廚師刀工很重要，太薄冇口感，太厚難灼熟，這彩興廚師控制刀工厚薄適中，能保持食材的口感和鮮味，值得一讚！鯪魚豆卜份量都不少，粒粒豆卜都釀滿鯪魚肉，豆卜吸收了鮮味的鴨湯汁，又有鯪魚肉的鮮甜味，十分惹味！睇波，食火鍋，啤酒不是能少！

天氣潮潮濕濕好想打個邊爐沖喜吓。又好懶出区，打算係將軍澳覓食。 上網找到一間比較隱蔽的地方， 地鐵站出唔算好遠。 從將軍澳港鐵B1出口， 過馬路往海邊直行去豪宅區， 行兩三分鐘左右， 留意左手邊有條小巷行入去帝景灣商場便到了。 門口打側望有一望無際的遠海景。 環境靜靜地唔錯。九宮格醬料($15位)除咗基本蒜蔥辣椒外還有一些川式的辣醬，辣椒。黃金雞湯花膠蟲草花半隻$188火鍋店主打即叫即煮的湯底。 店員 就即場爆炒湯底， 香氣撲鼻。 我們選了"黃金雞湯花膠蟲草花半隻$188"。 未爆炒前可以睇到湯料的原貌， 絕無花假偷工減料。 有幾塊又厚又大的花膠和半隻雞件。 店員先用薑片蒜片在生鐵鑊上爆香， 再倒入已淆製好的雞湯。雞湯好清甜， 飲完一碗接一碗， 因為有花膠原故飲完個湯嘴唇都有些黏黏地， 好滋潤。 羊肉片$75偏肥了一點， 不過很有羊味， 份量不少， 啱曬嗜羊的朋友。油麥菜$35清脆嫩綠，細心地切成一小段方便進食。 打邊爐唔少得既可樂， 非常夠凍!黃金餃$68我們特意不詢問店員黃金餃餡料是什麼， 好讓給我們有個驚喜。黃金餃送來的時候， 首先驚喜是size很大， 隻隻漲卜卜超多餡料

這次來是跟舊同事聚聚，他們家住將軍澳帝景灣，並說道下面商場開了一家新的火鍋店「彩興來來火鍋」，他說之前去過一次，格局就跟普通酒樓有點類似，不過更有質素一點，而且坐得舒適，所以我們就決定來這裡聚舊。．火鍋店距離地鐵站都有一段距離，走路過去大概十多分鐘...先係將軍澳地鐵站b出口直去，沿住小徑一直走便會到達帝景灣，火鍋店就在就在商場內，但商場人流唔算多，因為都算是新的高級商場及住宅，想必沒有太多人知道呢間火鍋店的存在吧！去到門外經已看到朋友了，門口不太大，入面非常光猛新淨...店員安排我地坐在卡位後，我地就望下餐牌有什麼選擇...店員都會主動介紹有咩新鮮有咩特色鍋底...非常貼心仲話咁岩今日星期一做緊個$1火鍋湯底，聽到$1，我地都非常興奮同留心...完來有蕃茄濃湯同胡椒豬肚湯底選擇，我倆異口同聲「蕃茄濃湯啦唔該！」廣東人家家戶戶都有一隻生鐵鑊，但生鐵鑊用黎打邊爐都係第一次，感覺好新鮮...因為成個過程跟外面既都好唔同，老闆親身幫我地炒一炒鍋既配料之後再加湯...難度生鐵鑊再加炒鍋料然後打邊爐會更加入味？「蕃茄濃湯」有蕃茄、薯仔、骨、西芹！醬料像九宮格般一樣，用一個白地藍花的青花瓷器放滿醬

今晚去將軍澳探訪朋友新居，之後一齊係附近搵食。有唔少新樓盤，開左唔少新食肆。搵搵下。比依間彩興嘅招牌家鄉鴨煲兼火鍋吸引左。平時就食得雞煲多，鴨就真係少有，而且仲好特別地係用個黑鑊黎打邊爐。落完order，大大碟炆好嘅鴨肉就上枱。之後會有店員幫你落鑊炒熱佢，睇睇啲鴨嘅色澤，就知道好入味，食落果然無失望，肉質唔會鞋，味道好好！除左鴨肉外，啲配菜例如蘿蔔，芹菜都好入味，比我掃哂✌🏻之後就會再加上湯去打邊爐，有左啲鴨汁味，夠哂香，豉油都唔使點。揀左幾款手工做嘅配料，全部都有質素。依個響鈴有咩特別？！特別在係即炸芝士響鈴，第一次試有芝士嘅。出其地夾。索左啲湯好好味。依個係手打醬爆四色丸。每粒食落都有驚喜，咬落去都有不同醬爆嘅餡，手工做口感都唔同啲。依個自家制韮菜餃。係朋友最愛。總共有八粒。每粒都大大粒，好多餡，食到好新鮮嘅韮菜。好味道。手切脆鮸片。切得厚薄平均。非常新鮮大大塊，用料有質素。菜都要介紹？！因為見到啲菜真係有逐棵洗過先比客人食用，值得一讚。柚子茶就正常水準，唔會淡而無味。成餐都好滿足，食得出用心做食物，亦用心揀新鮮嘅食材。雖然餐廳嘅位置唔顯眼，但都值得一黎，呀經理仲介紹話黎緊做$1湯

將軍澳特色食店唔多，今天同朋友黎到將南附近打邊爐。網上睇到喱間店的特色是用生鐵鑊打邊爐，所以一直都想黎試，今日就有喱個機會黎試。坐到冇幾耐，就調醬油，醬油樽都好精緻。我地揀左黃金雞湯做湯底，除了雞之外，配料有花膠、蟲草花及鮮淮山，都真係幾足料。店員先用生鐵鑊爆香材料，再加入清湯煮滾，之後就可以打邊爐。我們先嚐雞湯，由於好足料嘅關係，不加任何調味，湯底已經好好飲啊！配料中嘅花膠好厚身，鮮淮山吸收左湯嘅精華，非常好吃！我同朋友二個人吃得唔多，所以只係點左安格斯牛頸脊、韭菜餃、鮮打蝦滑、即炸響玲。安格斯牛頸脊份量好足，牛味適中，肉質好唔錯，真係十分推薦大家去食！！！自家製即炸響玲好鬆脆，入口即溶咁，值得一試。飲品方面，我地點左桔仔冰同薏米柚子冰，兩杯嘅味道都非常唔錯，特別推薦桔仔冰，味道酸酸甜甜，開胃又解膩，非常適合打邊爐嘅時候飲。人均消費大概$350。

同兄弟聚會，佢介紹將軍澳呢間幾有特色既火鍋店。餐牌無論湯底或食材都有唔少選擇～九宮格嘅醬料,辣椒醬同埋沙茶醬係餐廳自家製嘅。仲有蔥、酸、芫荽等等好多選擇!包保滿足你哋嘅味覺。招牌家鄉鴨煲＄198淨係揀湯底都有選擇困難症，鴨煲係餐廳秘方，味道香濃！師傅會先把湯底放進到炒，然後先食湯底，再打邊爐。湯底仲落左八角花椒芫茜等食材。鴨肉幼嫩，煮極都唔會老。湯底打邊爐一流。西班牙黑毛豬$108西班牙黑毛豬真心推介俾大家，豬肉dd 厚，但烚完口感好有嚼勁！豬肉味鮮甜！扇貝$58x1係店主推介！洗得夠乾淨～大隻肥美！味道鮮甜～即炸芝士響鈴＄58響鈴係即叫即炸，所以要等耐少少架！響鈴好有豆味，仲有芝士嘅鹹香， 加埋湯底嘅精華，邪惡得來又拒絕唔到！😂得果兩丁友，每人食三件真係不得了！稻庭烏冬$28稻庭烏冬軟韌，吸收哂湯底既精華！唔小心煮耐左都一樣好食！薏米柚子冰＄68甜度岩岩好，係消滯解渴之選！薏米又可以去一去濕、清一清熱！岩哂！雖然叫做冰～其實又不算係好冰既！夠透心涼就得～今餐飯局的確非常滿足，餐廳食物好有特色，下次會再嚟幫襯！

將軍澳近排開咗唔少食肆，行入一啲新開嘅商場，總會發現有唔少嘅新店， 今次行入帝景灣商場，試下呢間彩興來來火鍋，不過商場入口頗為偏僻，比較難搵。 星期六嘅晚上，一入去就有位坐， 唔使等位。 餐牌上有唔少嘅選擇， 聽老闆娘講 ，如果平日星期一至四嚟，仲可以用一蚊嘅優惠價， 試下佢哋嘅胡椒豬肚湯，養生湯底，同埋蕃茄濃湯呢三款鍋底，可惜今日係星期六，未能享受優惠。先上嚟嘅有九宮格醬料，包括 ：辣醬 、麻油、 蔥、炸蒜等等。我就叫咗呢個黃金雞鍋試下，有專人即叫即整，喺客人面前逐樣將唔同嘅材料炒好，煮起個湯底。煮完真係金黃色， 睇落都幾濃。湯入面包括蟲草花、花膠、鮮雞等等。 另外仲叫咗四寶丸，88蚊有四款嘅丸，例如牛肉丸、豬肉丸、墨魚丸、蝦丸。小食就叫咗牛油果芥末牛柳粒， 都幾多牛油果，不過牛柳粒就比較碎，同埋比較多醬。 呢個就係牛舌，食落都幾爽口。另外仲叫咗鴕鳥肉，肉質幾淋。 而珊瑚蚌都幾爽口，烚一陣就食得。至於廣島蠔都幾多粒，不過就有少少腥，不過不失。

好朋友新婚新居入伙，趁佢老公出trip ,今晚上黎佢屋企玩😆夜晚佢帶我去附近商場食晚飯。佢話依間餐廳係佢同老公既飯堂。有小菜亦有打邊爐。朋友知我鍾意食香口野，推介試個招牌鴨煲。另外我地再擇左幾款食物打邊爐。-點左單後，職員就拎左「九宮格」醬料俾我地準備打邊爐。 餐具都幾靚喔-招牌家鄉鴨煲 （例）職員會先在鐵鑊爆香蒜頭同香蔥, 再將整碟炆好的鴨肉+莞茜加入鑊中一起炒。邊炒邊香氣樸鼻，令人涶涎🤩炒了數轉，再焗一會兒就可以了。鴨肉非常入味, 肉質鬆化、醬汁杰身帶甜。還有爽口蘿蔔粒, 果然有水準。-一邊食鴨煲，職員亦為我們準備其他打邊爐食材。招牌三拼餃 ：黃金餃、韮菜餃、黑松露鮮蝦餃三款餃都各有特式韭菜味香濃， 豬肉和蝦仁彈牙有嚼勁-手打貢丸貢丸結實、咬起來口感較Q彈加左蝦及香菇，味道提昇-白鱔片 色澤新鮮、食落鮮甜，冇腥味-鴕鳥肉 還是第一次吃鴕鳥肉。很少火鍋店有呢朋友說鴕鳥肉係很健康既紅肉。低脂、低膽固醇、低熱量👍🏻肉質似牛肉，口感鮮嫩，沒有腥味、纖維細長、不黏牙亦沒有油膩感。-叫了兩款蔬菜中和一下飽和感覺油麥菜 & 秋葵兩款都很嫩綠新鮮，而且份量都頗多。-桔仔冰 夏日打邊爐，來一杯酸甜

將軍澳開左好多新食肆，再唔係美食沙漠啦，依家有埋呢間高質火鍋店，各位街坊有福啦！餐廳位於帝景灣商場1樓，將軍澳站行過去約5-10分鐘，尚算方便。我地勁早6點幾去到，所以得幾枱食客，我地可以坐到卡位。火鍋店裝潢簡潔明亮，座位寬敞，仲有舒適卡位，無左傳統火鍋店既焗促感，值得一讚。另外抵讚位係餐廳嘅服務，由招呼客人坐低至介紹餐牌都非常細心貼心。餐廳主打即叫即製嘅火鍋湯底，order左之後由店員即場於安置在枱上的鐵鍋炒熟材料再炮製湯底，滿足食客嗅覺、視覺、聽覺同味覺嘅享受。店家推介招牌家鄉鴨煲、黃金雞湯同辣雞湯。而我地揀左黃金雞湯。店家話佢地每日會親自挑選食材，尢其海鮮，確保食材新鮮健康，而每日‘特別推介’都可能有所不同。客人如有要求特別食材，可以預早1日通知店家，店員盡力為客人搵到最好嘅！另外，除左金鍋同串燒嘅食法之外，店家可以按客人要求將食材以小菜形式加工，收費詳情就要問返店家啦。飲品方面，我地叫左薏米柚子冰$28同洛神花茶$28，飲品以燈泡型的容器盛載，別具心思，柚子冰酸酸地帶微微澀味，好淸新，加上薏米增加口感，而且感覺好養生健康，另外洛神花茶酸酸甜甜好開胃，唔太甜，唔錯👍🏻黃金雞湯$1

今晚去探朋友，她剛剛搬進將軍澳近海的新樓盤。 臨海有很多新盤都分不清是哪座。 原來有個高尚住宅小型商場叫帝景灣。 朋友帶路從將軍澳地鐵站b出口直去。 然後炒左邊小徑入去商場。 沿途有兩個廣告牌 引領而去。 入到商場別有洞天。 屋苑是低密度住宅， 餐廳那邊雖不是臨海而建， 但仍感受到陣陣海風吹來， 涼快無比。 火鍋店就在就在商場內。 六點鐘過少少已經有三四枱客打緊邊爐， 真羨慕其實好多有錢人係唔使返工唔會ot， 鍾意幾早食都得又唔多人。店內裝修光猛，每檯中央有個嵌入式的生鐵鑊， 度身訂做賣點所在。 各種特色鍋底海鮮靚牛任君選擇。 我們選了"招牌家香鴨煲例牌($198)"。 店員即席 爆香各樣材料大蔥蒜乾蔥， 然後再放上已預早炆好的鴨件蘿蔔一拼爆炒， 製作過程一目了然。 個鴨件燜得入味，醬汁濃郁超惹味。 白蘿蔔作配菜， 索了鴨汁最惹味。 食完炆鴨加湯開始打邊爐。 美國肥牛($98)。 打邊爐絕不可缺少的牛肉。 雖不是手切，仍然很有肉味，小小肥相間最理想。油麥菜嫩綠清甜， 稍灼一下已足夠。 另外點選了豬紅($30)。 成pack豆腐咁大份，再切開方形。 又滑又美味。 美國桶蠔size也