徐記廚房(點心) (已搬遷) 新店位置

由於好耐都冇去過飲茶，今日就決定人少少都嚟太子食點心，今日嚟到呢間區內出名嘅徐記廚房，雖然店舖細細，裝修唔算好精緻，但呢度嘅點心絕對唔會令你感到失望❗️❗️兩個人都忍唔住叫咗咁多嘢，食完勁飽❗️❗️燒賣啖啖肉，豬肉肉汁多，一流👍🏻腐皮卷炸得好香脆，入面有爆曬餡，必食！呢個就唔係度度地方都有得食啦，咖喱魷魚咖喱味香濃，由於大大塊又厚肉，正❗️❗️鮮蝦腸，雖然等得比較耐，但都值得，鮮蝦大大粒又重蝦味，腸粉又唔會太厚皮棉花雞又係另一樣唔係到到都有得食嘅嘢，雞好滑，魚肚好綿，正❗️❗️香煎蘿蔔糕揸到好香脆，入面蘿蔔料足，好食蝦餃皮薄喊靚，正整體來講質素好高，有機會一定要嚟食

點心尚可，收費略貴，但收銀兼老闆娘做生意非常不老實！食嘅時候見到有人畀完錢後想攞單，老闆娘扮唔識開單耍走人。已經覺得有古怪。到我哋埋單，要求攞單，發覺多咗雜項？！問老闆娘佢話㩒多咗喎！ 即刻畀返七蚊我哋，又想收番我張單不過我堅持攞返！但返屋企再check單發現原來茶位多收咗兩個(只有2人用餐)！ 奉勸大家嚟呢度食嘅一定要check單！或者可免則免！ 旺角大把地方食點心！ 奉勸老闆娘一句做生意要老實 ！！ 唔好見生客就呃人！ 做收銀扮唔識用收銀機呢一招太過差劣了！ 呃個幾蚊傷咗聲譽又何必呢！！真心嬲！

開心撐黃飲個快樂茶🍵🍵同朋友total食咗8個點心左右咁我唔一一介紹介紹特別同最好食個3個比大家啦特別又好食嘅係蛋散🥠 $26蛋散走脆口蛋味都夠唔油上面淋咗少少蜂蜜即使放耐咗都好食同依家脆卜卜但依個餐單上冇要另外同佢落單個人口味第一 鮮蝦菜苗餃🍤🥬 $25皮薄又少少煙韌唔會一夾就散內餡飽滿而且蝦都有2-3粒但內餡有少少偏油扣咗少少分最後到甜品芒果糯米卷🥭 $29皮軟而且奶味都夠但有少少厚芒果又唔會比得太少整體就不過不失咁佢茶錢每位$5唔收加一繁忙時間限時40分鐘上菜都算快

見太子附近嘅點心鋪大部份都已經試過哂 今日就嚟埋這間試埋佢 🐒下晝五點半左右嚟到, 唔駛等位就入得 等食期間見佢不停都有新客入嚟同叫外賣 🚲相信質素應該都有返咁上下 🔻鮮蝦春卷 非常足料, 鮮蝦塞滿整條春卷 可惜 完·全·無·翻·熱, 上枱時係凍嘅 春卷皮有少少滲油, 不過都 keep 到大部份位置脆身 餡料調味唔錯, 唯獨有少少糊狀, 令食落嘅感覺唔好, 成日懷疑佢未熟... 整體味道同口感都合格 🔻蟹籽燒賣皇 新鮮蒸起, 但上枱時唔算好熱, 應該攤咗陣先拎出嚟 燒賣鮮味多汁, 食到有大粒蝦仁同瘦肉粒 肥豬肉打到好細, 融合咗餡料入面, 所以唔會見到有大粒肥肉 🐷 整體質素屬中上, 好食 兩個點心埋單 $60 💰如果只追求食物質素, 唔睇其他, 佢係可以嘅 點心好食, 而且選揀多, 蒸點, 炸點, 甜品, 湯品都有供應 但留意並唔係全部點心都寫哂係點心紙上面 咁嘅安排對第一次食嘅客人嚟講有少少混亂 另外, 鋪頭嘅食物衞生真係麻麻 可以見到燒賣籠裏黏住上手留低嘅包 而且服務比較求其, 上枱點心完全唔熱絕對係一大敗筆

有一晚我將上圖放在面書，說踢完波，自己一個人食晚餐。竟然有網友看圖竟能說出餐廳名字，太子徐記廚房。有無攪錯呀，咁都估到？餐廳位置看似偏僻，可是距離港鐵太子站 A 出口，只是步行約2分鐘，在旺角警署斜對面。當市民仍然受限聚令之苦，其實我都想跟隊友踢完波一齊食飯，雖然他們謹守六人一枱，但是我有自知之明，避席了。在一個人飲茶，有點難度，難度在於叫一籠蝦餃有四粒，點食呀。當我不小心點了小籠包後，初時有點擔心，不在上海店，在酒樓點小籠包，不曾有好結果。但是，這裡的小籠包有驚喜啊，皮薄，夾起來皮不穿，有熱湯，一口一個小籠包，有上海店的水準呢。$28三粒，我給合格以上的分數。健康布拉腸，不敢說健康與否，白腸粉就是。即叫即蒸，腸粉很軟，幾滑，只需要加少少豉油，已經好食。我也是給中上的評價，$22，好多條白腸粉。最後，我點了北菇滑雞飯，這個只是一般，所以不只是讚的。店員都是外籍南亞裔女士，這個 cross over 有點特別，她們的服務態度幾好。一個人食，點餐有限，下次再來，我會試叉燒腸、粥和其他點心。總評味道：中上；環境：太子站旁的小店，大概有40個位；服務：即叫即蒸，上菜速度幾快；衛生：OK抵食：都

同事想飲茶，咁岩去開會既目的地幾近，所以就揀咗徐記喇☺️·3個人食咗9個點心，真係飽到一個點😂😂仲要只係2百幾蚊燒賣大大粒，好味😋雪山叉燒包比同事分完好攪笑，好似雪米糍😆本身4個人，老闆好細心，見到我哋最後係3個人，有扣返我哋茶錢👍🏼

呢度員工好有效率，野食黎齊5分鐘已經不停想收你野，大概每2分鐘左右會關心你1次，去到最後當你仲夾緊野、飲緊茶時會有隻手瘋狂係中間穿插👍🏻 實在係相當賓至如歸既感覺

忍唔住要寫篇食評……應該係我心目中最最最差食店top 3已經幫襯過徐記好幾次，講左啲點心先，煎炸類幾出色，最中意個炸雲吞，雲吞皮超脆，啲餡都不錯有原隻蝦，咖哩土魷都幾抵食，有好多塊。而個金錢肚同尖椒就可以唔洗試了，金錢肚食落有陣怪味，尖椒勁油，而其他點心就正常發揮。 但如果你係想開開心心飲餐茶既，就真係去過第二間啦。今次真係食到一肚氣，以後無論點都唔會再幫襯填完第一輪點心紙，唔洗5分鐘就全部野一次過黎晒，因為見都多客，所以我地都密密食廢事阻住佢地做生意。差不多食完第一輪 (講緊只係15分鐘左右)，就落第二輪點心啦。問題黎啦，到底老闆娘expect啲客要食幾快架呢? 第一輪差不多食完就開始催我地，好啦我當你唔知我地有叫第二輪，所以開頭都無咩野。第二輪照舊都係好快上晒，我地繼續密密食，密既程度係計都唔多點傾，但係老闆娘都可以5分鐘埋黎一次，唔係收野走就問你食完未。一次無野，兩次無野，大佬食左半粒鐘你催4，5次，同枱家人都忍唔住黑晒面。到最後有個排骨飯未食完，佢前後埋左黎兩次想收走，個度講緊3分鐘都無，同步已經開始執走啲碗筷同抺枱，點有胃口食呀? 最離譜係聽到老闆娘同啲員工指桑罵槐覺得我地霸

今晚諗著食點心，見徐記好多，又有位唔駛排就入去食。鯪魚肉釀茄子油到喊，壓一壓立即有一匙油溜出黎。食落去除左油，都係油👎XO醬炒蘿蔔糕 XO醬炒蘿蔔糕就比較辣，似辣椒油炒多d，通常差嘅xo醬先會多辣椒油，因為無其他料。叉燒腸值得推介係個腸粉 即叫即煮 腸粉都蒸得好滑👍🏻鮮菇綿花雞個雞有啲雪藏味，而且係偏油小籠包小籠包都做得到皮薄，但湯汁未夠甜味。重點係食左一陣之後勁多食客，餐廳係無點隔位，我同隔離枱係無任何野隔著甘貼住黎食。食完都好唔安心，真心差評加blacklist。

因為係睇左YouTube個專訪，所以專登黎支持下徐媽媽既！🙈🙈🙈當日就排隊排左15分鐘左右先入到去，入面係坐滿咁濟🤣係勁多人，同埋勁迫囉🙈當日我同個fd 食食下，出面就落雨落到狗屎咁😭所以都專登坐低食耐D，食多幾碟，食慢D咁！講番食物，014 翠綠叉燒腸，食落滑嘟嘟既，食到佢米漿既香，叉燒有味但吾足夠！店員落鼓油吾會輕手！👍🏻 但當時食落好似涼左少少，可能已經攞左出黎一陣，不過都好食既！045 鮮蝦腐皮卷，個蝦食落新鮮既，個腐皮炸得超脆，食落咔咔聲脆到不得了！點喼汁食一流！但佢入面夾左我吾鐘意食既芹菜！😭😭😭 雖然話就話芹菜可以帶出佢個蝦既鮮味，但我依然討厭食芹菜！😭002 山竹牛肉球（推薦❤️❤️），你見到張圖，個牛肉球有偏向少少粉紅色，吾係未熟，而係代表佢個牛肉球非常新鮮！👍🏻點埋喼汁食，感覺到牛肉非常嫩滑鮮美，山竹咬落非常有口感，係好食過一般既酒樓！🙈044 鮮蝦菜苗餃（推薦❤️❤️），個菜苗新鮮（試過食酒樓個菜苗餃，食到個菜係有陣霉味😵），蝦食落食到蝦味、彈牙，個皮嫩而吾癡牙！023 徐記蝦餃皇 （必試❤️❤️❤️）個蝦餃皮薄餡靚，食落嫩滑多汁，每嚿蝦餃都會食到有4嚿蝦肉！🤤但個皮可能薄得濟

有冇人好鍾意飲茶食點心？成日都話呢d中式餐廳好少黃店，其實都唔是必然架！今次就介紹位於太子既黃色點心舖 - 徐記廚房～老實講，佢d擺盤麻麻地，我有嘗試過擺靚d點心，但郁佢佢會爛😢所以影既相麻麻，大家體諒下～蟹子燒賣皇 $29好傳統既茶樓燒賣，蝦蝦🦐好大粒徐記蝦餃皇 $30佢既水晶皮做得有點太軟，想嘗試擺靚佢時，個皮一拉即爛，少扣分；但個內涵味道幾好，蝦味都濃黃金流沙包 $20上枱見到得2個包有少少唔開心（平時出面食多數3個），但望番價錢佢係平左既都接受到～個包夠熱，食到少少流沙，但唔會係流出黎個種治癒奶黃；奶黃做得都幾香醬皇蒸鳳爪 $22呢個絕對無伏，個醬汁好香，數量比平時好似多D翠綠叉燒腸 $29揀叉燒腸係因為小編唔食牛，又見已經叫左幾個蝦既點心，完全留意唔到「翠綠」2隻字😂上到黎係有驚訝左，入面竟然有翠玉瓜，我覺得呢個配搭好新奇！食落唔好處係加左菜，個內膽有點點濕，少少影響左個口感；但好處係真係幾fresh粟米南瓜豬肉粥 $23小編本身勁鍾意食粟米粥😳一拎到點心單第一個畫呢個，因為茶樓好少有粟米粥！味道都ok，美中不足係南瓜味較淡，同埋粟米較少，但我都收貨架啦徐記甘露 $24呢個係

行完花墟經過去試吓，一時冇為意以為係舊舖(一點心)，點知真係中大伏！一行兩人食咗4樣嘢: 糯米雞、咖喱魷、腐皮卷同叉燒腸。糯米雞: 入面咩餡料都冇，剩係得平時珍珠雞都唔用嘅肉碎，衰過唐記點心10倍！咖喱魷魚: 色香味不全，合埋雙眼食你唔會覺得係食緊咖喱！淡！腐皮卷: 冇餡不特止，仲好似係翻炸咗10幾次一樣，好大浸油益味，每食一啖就好似飲一啖油咁！叉燒腸: 算係四樣嘢最正常，但係都係冇餡料，三條腸粉黐到實一實！總括嚟講: 好難食！黃店唔係大晒嫁！

第二次去徐媽媽廚房，下晝差唔多3點先去到醫肚唔叫徐記係因為徐媽媽係靈魂人物，3點完左午市得返幾個客，都係年紀比較大既姨姨，徐媽媽同佢地好啱傾佢唔係無留意到我，只係佢太細心咁，知道我好肚餓、又趕住食飯，問我係咪趕返工就算🥰 雖然佢真係好nice, 又對到咀型，但當時我真係幾趕下🙃 而且個人覺得食梗飯講政苦野會消化不良今次嗌左雪山叉燒包、小籠包，同漁香茄子，前兩樣好食但無特別，咁小籠包好難同上海專門店比既😛最想推介係佢個漁香茄子，即使一個人食哂成碟，之後幾日都一直卦住佢😋 我鐘意舊茄子切得厚、鐘意佢啲醬汁後加（茄子唔會太咸）、鐘意佢啱啱出爐濃烈的漁香、鐘意佢係蒸完再炸一炸（唔熱氣又健康啲）💕

星期日想一家人飲茶，但限聚令下唯有叫外賣。但這間店又俾漏野，又俾漏醬汁，出品極差。腸粉醬汁係兩溝（喼汁mix豉油汁），腸粉好又好黏、糯米雞實啲啲好硬、牛肚有陣壓味。大熱天時都吾想行多轉去攞，但佢會懷疑你想呃佢攞多龍。

在香港如果想吃點心，很多人都會想到是去酒樓 ... 但其實還有一些專吃點心的餐廳喔～最近就來到位於太子的 徐記廚房這店的座位不算太多，不過星期六那天大約12點去到等5分鐘左右便可以安排入座囉點心紙就一張，但一些經典的點心都有。另外茶芥每位是$5茶看起來頗深色，喝起來倒是不濃～就只是喝不出是什麼茶 ...首先點了 - 雪山叉燒飽 ($24) 墨西哥包上的甜酥層有著淡淡的香甜味道內餡的叉燒頗多，但不夠熱這點就遜色囉 還點了飲茶必吃的 蟹子燒賣皇 ($29) - 一籠有四粒～當中有鮮蝦，口感爽口彈牙之後還點了 - 鮮蝦菜苗餃 ($26) & 黑椒金錢肚 ($30)前者的菜苗不是很嫩口，後者的黑椒味也不算很重～但惹味的且夠稔身甜品點了 - 養顏紅棗糕 ($26) 這不是單純的紅棗糕，因為吃一口就嚐到很重的薑汁味道。口感軟糯又嚼勁十足