得龍大飯店 (已搬遷) 新店位置

聽聞德龍己久，但係未有機會試。今次難得係新年同屋企人一齊去試一試。早4日訂位，亦訂了所有特別要預訂的菜式。金錢雞佛跳牆西米puddin鴨腳根? (應該冇錯).其它叫左:豬手鵝腸排骨扣肉粟米魚地方就麻麻, 有D 迫.. 本來叫我地上二樓, 但係原來二樓要係後門上去... 老人家小朋友都幾難上.BOOK 位時講明只可以BOOK 八點手前或八點半後.. 去到唔覺咁多人仲有幾多張檯淨.講野食先..金錢雞好食, 好食過美心..佛跳牆足料, 分到十幾碗西米PUDDIN 一般般, 可以唔叫.鴨腳根個人覺得冇咩特別.. 食過就算..豬手一般, 如果多D 酒香會仲好.鵝腸OK 唔錯..粟米魚塊係分開魚同粟米汁的.. 抵讚! 味都唔錯.排骨個個都話好食, 我覺得都OK 既..扣肉OK 啦...最好食係個魚錶... 超好食, 個個食到LAM 晒脷... 讚..埋單2千幾蚊, 十個餸到都OK..順帶一提我地叫左十個餸佢一次過呢晒, 最後好多野都凍左.仲有伙記質數真係麻麻... 不過... 舊式酒樓加埋咁既價錢... 想點吧!!

聽聞這飯店獲米芝蓮推介的食肆之一, 於是便和朋友們一起試試菜. 坦白講, 個人認為現時什麼名人或雜誌推介的餐廳食肆未必一定好, 因為當中可能包含了商業或推銷成份, 故真正好吃的餐廳食肆未必一定靠這些技倆推銷/成名. 說回這得龍飯店, 門面以及來裡裝修一點也不覺得富麗堂皇, 反之, 有點像舊式飯店般的格局, 枱與枱之間的空間並不多, 侍應的服務也像舊式飯店的. 不知是否由於訂了枱的關係, 我們一行6人到達飯店不用等候便有枱. 我們點了: 梅菜扣肉, 炸鮮奶拼脆鱔, 山楂咕嚕肉, 椒鹽焗魚鮫, 琵琶豆腐及籠仔蒸蝦糯米飯.梅菜扣肉: 做得不錯, 扣肉不算肥, 能做到入口即溶的感覺. 及格.炸鮮奶拼脆鱔: 份量不算太多, 而且味道一般而已. 脆鱔的肉不夠厚身. 炸鮮奶也不算上上之作.山楂咕嚕肉: 不俗. 由於加了一些細細粒的山楂, 故整體不算油膩, 反之, 山楂略帶微微酸的感覺令人更覺開胃. 咕嚕肉沒有太多肥肉, 因此更不覺得肥膩.椒鹽焗魚鮫: 惹味之選! 魚鮫大大件, 以椒鹽炸得卜卜脆, 香口非常! 用來佐酒更是一流!琵琶豆腐: 一般屬水準之作, 但用料充足, 可見廚師是用心製作食品的.籠仔

服務態度十分差!!!!買外賣買到一肚氣…..2 月6日當日大約下午5點到"得龍飯店"買外賣,當時對著在坐左收銀處可能係老板娘說 "唔該一斤叉燒外賣", 當時那位收銀處員沒有任何反應,好像聽不倒咁.那唯有再講一次"唔該一斤叉燒外賣, 當講完後她用十好惡劣的態度說 " 吹吹吹,,,聽到啦,你趕住開飯呀". 真的想像不到這間米芝連推介餐廳對待客人的服務態度差過在街邊的食市,就算幾好食,都唔會再幫襯, 幫襯佢仲要收佢的氣.

已連續在香港過了三個農曆新年, 團年飯當然要中式啦! 不會像過去幾十年在美國不是火鍋就是煎牛扒等Easy Job! 連續三年團年我們都訂了太興盆菜, 大家都很滿意! 今年開年男友弟弟從美國回港難得的是這是他們六兄弟姊妹二十七年第一次齊人過年! 男友家習俗每團年都在飧館,開年則在男友家與母親聚首一堂由伯母親自下廚. 伯母是順德人煮得一手好菜, 只是年已近90, 大家都不想她太勞累. 也想攪攪新意思! 看到推介: 剛獲得米芝蓮2011年人氣熱店得龍大飯店有盆菜推出. 太興盆菜今年團年在朋友家已一再嘗過也沒失水準! 所以提議試試得龍盆菜, 訂了最豪的一品鮑魚海鮮盆菜十二位$1,560大元! 開年當日中午到得龍取盆菜, 想不到我和男友一早就被櫃檯亞姐開年, 我們入內告訴她訂了一品鮑魚海鮮盆菜十二位$1,560元姓梁來取盆菜, 她頭也不回只看著檯上幾頁寫滿姓和電話號碼的紙, 問我們電話幾號? 我和男友一齊告訴她, 想不到她也是頭也不抬毫無禮貌的說: 您地唔好一齊講, 一個人講，我聽唔到!!! 真不明白我們是來領救濟或是來幫襯??? 最唔明就是她沒有在手上的紙核對紀錄, 只是在新的一頁寫上我們的姓

今晚出左黎一家4口團年. 臨時決定食得龍 因為mom&dad都有fd介紹過話好食 其實本身諗住食美味齋因為去開夠就腳出門口果陣打去問有冇位 佢就幫我留左位 所以唔洗等上左1樓廳坐. 飲香片 個伙計開頭都幾COOL 不過一路食又覺得佢幾好招呼我地因為第1次黎 乜都想試.所以叫左6味菜 1個湯 走果陣仲有好正既桂花糕送.山楂咕嚕肉, 古法太爺雞, 蝦醬炒什菜, 梅菜扣肉, 脆奶併釀雞翼, 炸大腸併燒膳.杏汁白肺湯 and 桂花糕 杏汁白肺湯--- 都幾重杏仁味! 白肺感覺好乾淨.夠老火 正野!!山楂咕嚕肉--- 好食! d肉炸到脆脆 好新鮮 細細粒山楂好有心機! bro為左佢叫多左一個白飯古法太爺雞--- 嫩雞肉! mom話d味同口感似係用新鮮雞咸魚蓉炒什菜--- 好正呀 下次黎一定再點! 唔會太咸,d茄子好好食!梅菜扣肉--- d肉夠肥瘦分明 不過d陳皮怪怪地.脆奶併釀雞翼--- 一般啦呢個 其實為左想試個脆奶,幾好食 但釀雞翼普通.炸大腸併燒膳--一般,下次黎唔會叫 試左就算了. 桂花糕--- 正到喊!有紅棗呀!!清甜 一人一個唔夠喉tim.可惜個金錢雞要訂 我都係黎到先知 早知做多

d菜式唔係周圍都有,都幾好食 -0-岩我口味~呵呵~~~久唔久去食下ok既`但嫌佢d野貴左小小同埋<<太細碟-.->>...一片薑塊+一塊雞肝+一塊水晶肉(肥豬肉）+一塊叉燒~疊住哂黎串住燒。好好食但超細件，仲要22蚊一件，發死佢。正,隻膏蟹夠大隻同埋好新鮮!!但略嫌d糯米飯濕左d同埋濕左d去邊度食晚飯...好似都有一個例牌餸要叫=,=ccc就係........最小要一個羊腩煲!!!掂啊~完全唔"SO"架!!! $138 一個,但我覺得細個左小小囉 -口-飯後送既甜品,應該日日都有架.睇人頭,每人一碗糖水+一件糕掛 @.@呵呵~埋單我好為食甘問人..."係咪有甜品架-0-?"阿姐拎埋黎時,拎多件比我地~有6件架~wakakaka~但未影我已經室左件入口lu~~~~另外叫左 : 山渣咕嚕肉,炸大腸拼燒鱔,脆奶拼釀鳳翼 都好味啊~佢d炸野炸得好夠身!!!埋單 $ 1022 , 五人食.叫左8-10支大藍妹左右,另有4支可樂,兩個白飯?! 係甘上下~(服務....差左d~.~)

某天在臉書，收到惡男兄的邀請，飯局竟然是一直想試的得龍大飯店，而且座位有限，當下二話不說，老婆都未問，先報兩個名！由未獲車軚人推介，到現在再度多人留意，我一直都無機會黎試，主要係大部份中餐都係人多先好，一圍就差不多，因為實在難叫齊招牌菜，而且得龍對我一ｄ都唔就腳，所以一直都無機會試。所以今天機會難逢，實在吃得高興。期待已久的飯局由蜜炙燒金錢雞燒桂花腸拼麻香茄子開始。金錢雞為得龍名菜，也是舊式燒臘店才有的菜式，現在香港已經無乜地方有得食。以前戰後ｄ人無錢，要食得肥飽肚，所以才有金錢雞；現在香港人都注重健康，加上工序繁複，已經沒多少地方有金錢雞供應。冰肉用砂糖及玫瑰露醃成，吃下去不覺油膩，當然始終是肥肉，到胃才作反；冰肉、鳳肝、叉燒一口齊吃，才是最正宗，也最能吃得出金錢雞獨特的味道，和油脂豐腴的感覺，吃下去真的齒頰留香。燒桂花腸好像是正常餐牌上沒有的，也是為今次飯局特別重現的懷舊菜，以雞乾、豬肉及桂花酒釀入腸衣製成，味道似潤腸，不太吃得出桂花酒香，又是另一高膽固醇之物。麻香茄子正好中和一下肥膩，第一碟已如此重量級，怪不得惡男兄已事先張揚叫大伙中午盡量食得清淡ｄ。鮑魚肘子燉佛跳牆很足料，侍應

一直在找機會到這飯店，品嚐聞名己久的美食，趁平安夜之日有假，便到來一試。環境沒有想像中的好，但還好不用等位，有位就坐下。由於是中午時間，所以便點了招牌四寶飯，有燒肉、燒鵝、油雞、咸蛋。整體中上，沒有太大的驚喜。同時也點了山楂咕嚕肉，等了十五分鐘，開始不耐煩，查問之後，原來這咕嚕肉一般即點即做，所以顧客要有耐心等候。所以順便點了「懐舊豬潤燒賣」和「流沙奶皇包」，可惜奶皇包售罄，而燒賣卻給了我「豬肚燒賣」，還好味道不是太差。最後是「山楂咕嚕肉」，簡直是期待之極，入口鬆脆，完全感覺到是即叫即做，這是其它食店的咕嚕肉所比不上的。也許就是這個原因，所以這菜是食店招牌之一。值得推薦！試的菜不多，所以後會有期！溫馨提示：本來我也想品嚐一下金錢雞，可惜原來是提前一晚致電預訂。

見openrice有新插入相片功能，決定寫篇食評支持及試用正題：得龍，老店中好出名，近排仲有電視女廚神介紹，終於吸左我同屋企人黎提前做冬最出名之金錢雞、有雞肝，水晶肉(肥肉囉，哈哈)、加叉燒，層次豐富，每人半件，小小地，最令人回味，真心覺得正太爺雞，影得太近，sorry ar~有少少煙燻味，好食，但不能令我忘懷，因我對雞是有要求山楂咕嚕肉，舊式食店才用山楂汁製作咕嚕肉，有selling point，算幾好食籠仔蟹飯，D蟹瘦，冇咩肉，但好香，夠份量，做冬一家四口總算飽飽暖暖燒鱔併炸奶，兩款都香口，燒鱔好厚身，燒出油香，炸奶而家好少食到，又係令人懷念之味道最後送上之杞子桂花糕，勝在清清地，為呢餐寫上甜蜜句號我覺得可以款菜式介紹幾好，滿意新功能，我食得開心，希望大家都睇得開心

曾經有朋友跟我說過，為甚麼好吃的酒樓（如鏞記、陸羽等）總是在港島區，難道九龍區就沒有嗎？答案當然不是沒有，「得龍」正是傳統粵菜的佼佼者，祇是地點不在旺區甚至乎不容易到達，所以可能被人忽略。其實，「得龍」一直是我最想吃的食肆之一，對我來說交通亦十分方便（有小巴直達門口），奈何若不是人多來的話，便不能一次過嚐盡這裡的名物如金錢雞、佛跳牆、太爺雞、山楂咕嚕肉等馳名菜肴。某天得悉惡男兄在此舉辦飯局便立刻報名，不過始終人數眾多難免出錯，由waiting list上連小弟的名字也沒有到最後被確認能夠出席，心情差點能和“香港之寶”在亞運由銀牌變金牌這件事情相比。11月22日（星期一）晚，刻意叫女友準時收工，並預多一些時間坐巴士過來，雖然遇到少許塞車，但幸慶仍然能在七時半前到達，還可以趁人小小時到處拍照，之後食友紛紛到達，待人齊了便開始上菜。蜜炙金錢雞‧燒桂花腸拼麻香茄子：真的想不通老一輩的人何以研發出把下欄物資可以變成美食的心思和智慧！跟足步驟處理過數天的冰肉爽滑非常，絲毫不覺得肥或油膩，用玫瑰露醃製過的鳳肝辟去了內臟的怪味，變得豐腴香潤；又乾又瘦的梅頭叉燒本應沒甚麼可取之處，但配合冰肉和鳳肝一起吃

分行慶功, 按傳統拉大隊去哩度食。因為壞人負責嗰一仟蚊筆直仲未到手, 我地既策略係嗌套餐慳加一同酒水錢。但咀尖既經理同好鬼識食既C+額外加咗兩個餸, 搞到十五個人都食唔晒枱面啲嘢。事前已經聽聞C+, 經理, 阿莎同嘉鑫對哩間讚不絕口, 所以期望都幾高, 亦好彩冇令我失望, 仲屢屢有意外驚喜。驚喜一：鴛鴦色太爺雞 (另加)一入口, 係喇! 係三十年前阿嫲整既味道呀!! 終於俾我再食返, 感動到我當堂想跪低大嗌HALLELUJAH.. 但成碟雞一半淺鼓油色, 一半較深色。深色嗰半煙薰味則略嫌過火.. 驚喜二：招牌燒鵝皇阿莎兩個月前的推介。但上次同DaDa去食深井出名嗰啲, 都不外如是, 所以今次其實冇乜expectation。但原來..又真係OK好食喎... 經理話今次凍咗少少, 再趁熱少少食仲正.. 好.. 下次再Encore~驚喜三：砵酒焗桶蠔 (另加)自己覺得砵酒桶蠔係一樣好易就校得好味既餸, 所以覺得冇乜位可以再加分。但原來.. 蠔身粉薄, 蠔裙邊炸得脆而不膩的砵酒焗桶蠔係可以 好好味x2 架！ 難怪叫咗三大碟都俾我地刷晒啦~驚喜四：古法麒麟龍躉球喺時代聘x樓嗌過同一個餸,

阿媽睇完(和味穌)介紹金錢雞,特然想起幾十年前吃過中環(金陵)的金錢雞,可惜已結業多時,現在以經沒有幾多間很做金錢雞,所以星期一特登打電話去訂,以為下午訂晚上有得取,原來今日訂要格日先有得取,星期一晚的喜悅只好留代星期二晚. 星期二晚取回來的金錢雞,打開先看見這幾件金錢雞好細件,但價錢就一D都唔平,一件要二十二元,我要了六件一共一百三十二元,足足半隻深井燒鵝咁貴,無所為因為阿媽想吃番當年的味道.......... 吃落都幾油利,因為件冰肉都幾肥下,但件雞肝都幾淋,义燒就好瘦,所以唔係人人夠胆試,因為胆固醇實在太高............所以我本人都只是吃了兩件.............

原來KC及惡男的飯局是由數年前在這裡作開始,而每年也會回來設局讓新的食友認識一下古法手工菜,同時舊食友也可回味一番.自從去年第一次來嚐過名物金錢雞後已成了擁躉.與往年一樣十一月的大局也是回到得龍,這夜百多人分成十圍坐在兩邊廳房,場面好不熱鬧.鹵得入味質感爽彈的餐前小吃金錢雞、桂花腸、涼拌麻醬茄子----面層灑了炒香的芝麻及拌上麻醬的茄子調味不錯.這年期間在其它的店吃過多次金錢雞,就是沒有一家可和這裡媲美.古法處理的冰肉吃起來爽口不覺油膩,與珍肝,子薑及叉燒頭所產生的化學作用威力强大!油脂的甘香及蜜味隨著每一口嘴嚼愈發濃郁,最大滿足莫過於此.燒桂花腸也是極花功夫而又賣不了幾個價錢之物,薄薄的腸衣烤得香脆,內裡粉嫩鮮味十足.招牌佛跳牆----湯的碼料豐富,有原隻肘子,花膠,鮑魚及雞,喝起來味濃重膠質!如能將溫度調至接近燙口效果會更佳.腩肉炆鵝砵----一開煲蓋,紫蘇葉的香氣已撲鼻而來.除了鵝件外更有栗子,銀杏及腩肉同炆.帶點脂肪的鵝件炆得軟淋入味,濃厚的汁底味道全滲進了腩肉內!如不是只吃了是晚菜式一半也不到,來碗白飯一定少不了.脆骨鯧魚球----魚身起肉泡油質感結實因本身的味道不重故食味一

一些鄉土菜，不能天天吃，但要吃就要吃最好，怎為之最好？就是用心，當客人是朋友而去做的味道。不少人投訴「得龍」質素時起時跌，可能吧，畢竟人非機器，天天如一的機械式味道，不如啃M記漢堡包？但偶每次同食友來，都不會投訴，秘訣是早一星期訂檯，預留想吃的飯菜，店方覺得你有誠意，廚師自然會更用心作菜，識英雄重英雄才是處世之道。一位記心強，能細說歷來網誌推介名物的食友，想吃最好的金錢雞，偶說妳先找一圍不怕膽固醇的好食之徒，就替妳安排。以為她就此嚇怕，但事隔不久她說腳已齊，有意思！一言既出死馬難追，就設宴一圍，讓他們嘗嘗「得龍」最好的味道。「得龍」強項太多之前已說過，不敘了，預早兩星期給曾生一張「貓紙」，內裡寫了幾味時令新菜提議，偶笑說做得到就做吧，趕不及的話，吃招牌菜亦都豐富。當晚宴席安排在新設的樓上私房菜，經理威哥說自必比登推介後，生意很旺，老闆要租下舊唐樓兩個單位，招呼熟朋友，設獨立洗手間及大電視。在「得龍」工作近廿年的英姐，是盡忠職守的老伙計。作客舒服，但伙計就要為傳菜而跑樓梯，膝頭易勞損，偶暗下替他們心痛，幸好老闆念情，歲末會分發花紅獎勵，大集團員工福利由樓面「大佬」掌管，他們自私，沒這種人

之前去過一次飲茶,見到佢推介自己既懷舊餸,再加上响傳播媒體都聽過佢既朵,所以一直都想嚟試吓.當然,問題係去呢度食就緊係要同一大班人又要對懷舊嘢有興趣先可以試到多啲嘢,所以一直都係得個等字.最近終於儲夠一班人可以去試多啲嘢.湯-其實已經唔記得咗個乜嘢湯,但可以講既係足料同夠火侯就一定,你睇吓啲湯ja就知.咕嚕肉-我自己好鍾意食咕嚕肉,由細食到大都鍾意,德龍做既咕嚕肉可以話係非法之唔錯,點唔錯?甜酸調教得宜,食到最尾(即係食晒其他嘢,再食番佢)佢都仲係脆,出色.太爺雞-如果佢個太爺雞係用煙燻型式去做,咁就只能講不過不失.嚴重缺乏煙燻出嚟既香味,但個豉油低味就做得唔錯.鴨腳包-嘻嘻,手工菜,味道唔錯,但同金錢雞一樣,可能女士們就麻麻地.金錢雞-呢個間值可比美漢堡包王嗰啲變態隻層煙肉芝士再加充滿著反式脂肪沙律醬再加兩塊漢堡用嚟做包嗰啲漢堡包,但我食咗一件.一年一件當係比自己仲生存係呢個世界上既獎賞.個人嚟講覺得佢好食過蓮香樓,因為記憶中,蓮香樓比較乾身.炸大腸-不過不失,我覺得佢唔夠脆,甚至有啲硬.豬手-靚靚仔仔,味道又調教得唔錯喎,但好老實,食到呢度,我都已經好飽,仲要留肚食布丁.炸奶同釀雞