微辣大排檔 (已結業)

✨微辣大排檔 ✨ 大玩老香港澳門情懷🤩以為呢一間由微辣開辦嘅餐廳只係玩裝修食格調 點知食物質素出乎意料地有水準可以一試(⁎⁍̴̛ᴗ⁍̴̛⁎)餐廳劃分左唔同區域, 包括大排檔風格舊式冰室, 港澳渡輪, 娛樂城, 香港地地鐵主題等, feel到每個細位都絞盡腦汁花盡心思👍🏻🌶️微辣三寶車仔麵🍜三寶係指陳皮魚蛋, 蘿蔔同豬皮 蘿蔔清甜 豬皮爽口 陳皮魚蛋好味 蔥同菜譜嘅份量可以自己調校 湯底我哋揀咗微辣汁 對我地來講辣到啱啱好 麵揀咗幼麵 口感幾豐富٩(˃̶͈̀௰˂̶͈́)و🐷豬扒菠蘿包套餐🥯豬扒煎得啱啱好 唔會太老 菠蘿包就普通 菠蘿皮焗得唔夠香脆(˶‾᷄ ⁻̫ ‾᷅˵)加分位係港式粗薯條 熱辣辣咁送上嚟 唔係一早炸定的～ 整體嚟講食得開心 裝修好有特色 背景音樂好聽 係Rachel嘅青春快門 不過一個鐘內不停loop呢首歌就會有dd悶(˶‾᷄ ⁻̫ ‾᷅˵)建議換多幾首歌 haha ٩(˃̶͈̀௰˂̶͈́)و 仲有好多signature dish未試😆Rating👅好食：7.5/10🏠環境：9/10👍🏻推薦：8/10人均消費：$70📍微辣大排檔沙田沙田正街2-8號新城市廣場第三期2樓A216號舖*･゜ﾟ･*:.｡..｡.:*･'(*

微辣自澳門經營自媒體娛樂發家，澳門過江龍香港分公司於沙田開設餐廳，食物質素成謎。與友人慕名而來，環境細節滿分，食物不俗。待進入餐廳後，著實被裝修驚艷了一番，上至天花板，下至地板，無不充滿心思細節。店鋪內充滿自己品牌特色，包括電視牆正播放微辣大排檔，播放歌曲亦是由自家藝人翻唱的歌曲，微辣粉絲打卡一流。食物上檯，第一道菜是咪走雞，以荷葉包裹住的雞被放置於形似膠街架PlasticGuys icon隻雞嘅瓦煲中，造型搞鬼。待店員淋上米酒點火後，荷葉外完全熄火就可以用店鋪提供的工具分拆雞肉，雞肉酒香撲鼻，軟爛脱骨，而且雞架內有乾坤，雲耳，香菇等菌類吸收了雞和米酒的香氣。份量不小，味道不錯。第二道菜是阿姜至愛（即冰鎮素咕嚕肉），以三色椒菠蘿炒製而成，上碟上伴以冰塊，口感冰涼，素咕嚕肉口感與真肉不相伯仲，值得一讚第三道菜是Yelo咖喱大雜燴，裡面包括豬皮、蘿蔔、陳皮魚蛋。咖哩口味偏辣，陳皮魚蛋與咖哩相輔相成，表演出色！最後一道菜為雪糕雞蛋仔，雞蛋仔被塑型立於木盤之上，這是吸收了水份的軟綿雞蛋仔所不能做到的事，肉眼可見的鬆脆雞蛋仔伴著冰凍的的忌廉、雪糕與草莓醬，為本餐的MVP！

香港大排檔其實真係好岩一班親戚朋友一齊食，呢間微辣大排檔雖然係澳門人開，不過相信佢係好熱愛香港大排檔料理，當中既菜單都有用心設計，仲有個隻招牌雞，真係好推薦，抵食夾大件，配料都好好吃 。

訂了11:30 單得一個男伙計。問天不應問地不聞。又話12:30先有人返工叫我地等等…帶位又係佢帶去裡面，想落單，落唔到又叫我睇信佢得一個人又想叫我哋調去其他地方坐。我地食左一半，不停叫斟茶都無人理我地。成個鐘後先有茶上！ 當然餐廳係有收茶位錢同服務費，無奈都要比。埋單又係無人理，比錢有個女侍應又係態度很差…煲仔飯，田雞唔熟，飯硬到爆雞蛋仔又係好硬…需然環境可以， 但態度差，食物麻麻地真係無下次食到一肚氣

新城市廣場推出咗期間限定蠟筆小新市集，作為超級粉絲嘅我當然唔會錯過😆，行完之後就順便喺度搵餐廳食晚餐，並揀選咗位於三期嘅「微辣大排檔 」。我哋想嚟呢間餐廳好耐，因為喺IG見環境好靚，嚟到發現真係每一個角落都係打卡位📸，裝修花咗好多心機呢。不過麻雀餐枱靚係靚，但就坐得唔係好舒服，因為好易頂腳🀄️。大排檔伙記態度唔錯👍，雖然忙碌，但仍樂意主動介紹菜式。佢推介我哋試吓微辣十大必食，而且仲講到佢哋雲集咗五間著名港澳米芝蓮品牌嘅美食🇭🇰🇲🇴。米酒雞($249)，呢個係招牌菜，大大個「雞」鍋送到面前🐔，憤怒鳥造型嘅煲蓋好可愛啊。開蓋後店員會倒入米酒，然後點火燒燒佢🔥，呢個時候記住要準備相機啊。當火熄咗後，就可以剪雞，將佢肢解。米酒雞帶微微酒香🍶，兼且用咗好多蒜頭同蔥調味。呢隻雞肥美好肉，同埋炆到好入味，雞肉勁易離骨，肉質軟腍唔嚡。雖然佢無富貴版嘅鮑魚花膠冬菇，不過原味都已經幾正。懷舊蟹膏蝦多士($129)，雖然佢話懷舊，但我反而覺得係新派，哈哈。🍞蝦多士一客有四件，全件炸至金黃酥脆；而中間蝦膠層則好彈牙🍤。小食同時仲配有蟹膏蟹籽🦀，即係好似日式甲羅燒嗰種，刮一啖放上多士一齊食，可算係鮮上加鮮。發記大

其實我地唔算係微辣fans，只係睇過佢地幾條片😂咁岩逛沙田逛得攰，見店面咁靚仔就試試佢喇。ummm打食評先發現好多人都話好味🥲唔知係咪叫錯野，我同男朋友都覺得非常普通😶推薦指數：🐷🐷半（5分滿分）（原因：有兩隻豬都係俾裝修的）豬扒豬仔包套餐 𝐇𝐊𝐃 38薯條另加𝐇𝐊𝐃 20大利來出品既豬扒包去過澳門既應該都有食過，微辣作為澳門KOL🇲🇴都將佢搬左黎香港！麵包軟熟，豬扒醃得入味👍🏻！但要另加配既薯條就好普通（唔值20蚊，大家淨係叫豬扒包就好喇🫢）上面撒既似乎係比七味粉更唔辣既辣椒粉😅有同冇都冇分別🧀神奇雞扒煎蛋芝士撈一丁 𝐇𝐊𝐃 68上枱d麵已經「鯨」左，唔係好撈到😂芝士唔香又膩，煎蛋篤開冇流心，失望，一d都唔神奇🙁瓦煲咖啡，香滑奶茶 𝐇𝐊𝐃 9咖啡普通，奶茶香濃，男朋友覺得杯奶茶係成餐最好味😂環境：空間超大，分左幾個打卡主題：麻雀，戲院，過大海。影相會好上鏡，不過黎打次卡就算lu🙈

呢間野好特別,賣的是港式情懷,但又好創新,有FUSHION既感覺。叫左個2人餐,好多野食,仲要張張都岩打卡。台灣大香腸勁長勁大,店員有幫我地剪,味道似平時食開既細細條台灣腸,好味!蝦多士都好正,勁多蝦滑係面頭,仲有CRAB PASTE做SAUCE,蝦同蟹膏蟹子都好夾,有日港FUSHION既感覺。PIGEON上既方式好特別,要自己剪,但有工具,都容易剪既!個雞勁特別,又有好多配料在裡面,有木耳果D,而個雞焗到好林身,好容易咬,個SAUCE都正。食左咁多野,好彩有碟菜BALANCE下。好味道!

摩登食物。懷舊裝修。裝修環境，佈局充滿港澳地道特色，別樹一幟， 主打昔日大排檔懷舊感覺， 光說環境，可以誠意十足。 餐廳滿碟多數是用搪瓷，貫設風格， 最令我驚奇的是，在枱面上的大水煲內竟然是伯爵茶。米酒雞（原味）上菜的時候大大一鍋，非常矚目， 服務員隨即點上酒精，令味道及香氣進一步提昇。 揭開荷葉後， 用較剪及鉗把雞剪開， 雞肉味濃而且軟滑， 骨頭部分也是一剪即斷， 而且雞內藏了雲耳金針，整隻雞充滿心思及廚師的技術。發記大香腸大大條黑椒香腸， 以吊掛的形式上枱， 自己動手剪出想吃的份量， 原本已十分惹味， 加上辣椒醬及黃芥辣的加持下， 衝擊味蕾。懷舊蟹膏蝦多士下層多士非常鬆脆爽口， 上面蝦滑份量及蝦味恰到好處， 互相輝映。 先空口嚐嚐旁邊的蟹膏， 小小一勺，令整個口腔充滿著濃濃咸香鮮味，齒頰留香。 最後當然嘗試，把蝦多士和蟹膏混和一起，令各自味道更為昇華。椒絲腐乳通菜通菜非常嫩， 腐乳味濃而且不油膩， 非常開胃的一個菜。

微辣大排檔 (沙田)黎沙田一定要食大排檔😍😍美味高質😊😊冰鎮素咕嚕肉🍗🍗素咕嚕肉口感一流，好像真肉❤️❤️好好食👍👍酸酸甜甜好開胃😁😁 Yelo咖喱大雜燴🥘🥘魷魚、陳皮魚蛋、豬皮、蘿蔔，全部都炆到好入味，下面仲有個火整熱😋😋咪走雞🍗🍖米酒+雞，雞中用荷葉包住，份量十足，味道仲好惹味🍖🍖雞肉肉質鮮嫩，木耳補血養生， 10分推介❤️❤️豆腐花🍮🥄好香濃豆味🥰🥰又滑溜👍👍正🤩🤩餐廳環境:懷舊打卡大排檔😍😍連食飯枱都用左麻雀枱改裝，好有心思😝😝地址: 沙田沙田正街2-8號新城市廣場第三期2樓A216號舖整體評分：4/5味道：4/5環境：5/5抵食：4/5

終於放假啦，約左朋友一起去沙田新城市既微辣大排檔。一入到去就覺得整個環境非常特別，完全還原到舊式大排檔的場景。最入的是一列車廂，非常特別。冰鎮素咕嚕肉第一眼望落去就見到一層濛濛的白煙，整盤咕嚕肉顯得十分優雅。咕嚕肉外脆內軟，外凍內熱，十分有層次感。Yelo咖喱大雜燴這個菜式非常適合喜歡吃辣的人，入邊基本上包羅萬有，有魚蛋，魷魚，豬皮等等。咪走雞作為這間餐廳的signature dish, 果然非同凡響。一開始已經是用米酒倒在那個雞上，然後再點火。雞非常嫩滑，啖啖肉，吃起來非常滿足。雪糕雞蛋仔一餐滿足的晚餐最緊要的就是要一個好的甜品收尾。雞蛋仔外脆內軟，配上雪糕跟士多啤梨醬簡直是人間味美。

夜晚放工同同事食飯，又落雨又涷，見到有蛇羹就超想食，於是乎入左黎。兩個人叫左最想食既蛇羹同煲仔飯一個小火爐黎到你面前上面系一煲細蛇羹蛇羹，份量系幾細分左一半系上圖，有D檸檬葉絲，食完無咩feel，都系去深水埗食會開心D。主菜煲仔飯，個飯焦岩岩好，好脆，愛焦人會中意，不過臘味做得好唔掂，鹹到爆，作為廣東人食開臘味真系唔得，關於呢點可能系新野，職員有問我們意見，都提左鹹到爆，希望以後會改善。個避風塘雞翼好食，鍾意食炸嘢同嗰陣味嘅，實冇死整體來講份量一般，要多啲人嚟食先至會開心

沙田新城市廣場嘅微辣大排檔開左都一段時間，之前都見到有網站介紹　,覺得佢嘅裝飾好得意,呢日我地就黎到食晚餐😊我地教較早到，店員安排左張麻雀枱設計嘅俾我地，好搞笑呀🤣店內其他設計好有心機，有懷舊感覺，好適合朋友聚會打卡。餐牌選擇都多，我地點左幾樣野食冰鎮素咕嚕肉賣相好靚素肉炸到好香脆，咕嚕醬汁入味，廚房整後立即冰鎮上枱，把握時間即刻食真係好好味。裏面仲係熱辣辣而外邊冰涼，好特別😊咖喱裏面嘅所有配料都好入味，用爐熱住keep住溫度。蘿蔔入口即溶，魷魚都好爽口彈牙陳皮魚蛋本身都好香，配合埋咖喱汁一流豬皮入味之餘保持口感米酒雞嘅煲好得意，係雞嘅圖案。店員先把米酒雞保持住非常熱嘅狀態上枱，再打開個蓋加入米酒，見到煲上面微微起火，聞到一陣陣嘅酒香同埋配料嘅味道。食法可以自己動手剪或手撕。格仔餅外層香脆，裏面keep到柔軟，有蛋香，非常不錯。配上士多啤梨果醬，酸酸甜甜好好味。雪糕同夾餅一齊食冷熱交替感覺唔錯。😊開心嘅一餐，環境佈置和菜式亦很精彩

一直想試好耐啦，見佢個裝修好特別，又有懷舊的味道。我地響麻雀枱上用餐，菜式走懷舊港澳路線，好多好耐都無食過，多到只好由十大必食開始揀起，啲菜名都幾盞鬼㗎。米酒雞（$249）米酒雞配返個可愛雞樣沙鍋，造型巨大又特別，將酒點著火後淋上雞面，用火的熱力加強荷葉同米酒的香，肉質嫩滑，一夾就骨同肉分開。呢到有全隻雞㗎，裡面釀咗蔥頭、金針、雲耳等索哂雞嘅精華，旁邊有蔥頭、蒜粒和薑粒，除咗用嚟增強香味之外，仲可以食埋唔好嘥。下次黎一定要試佢個富貴版，有鮑魚，花膠同花菇。懷舊蟹膏蝦多士（$129）蝦多士總共有4塊，每塊上面都釀滿帶蝦粒的蝦膠，另外蟹蓋充滿咗膏及蟹籽，食嘅時候要放上多士面一齊食，蟹膏帶起哂成個多士的味道十分香濃，食落又唔會好油膩。發記大香腸（$79）見隔離枱有食，個造型又咁特別，所以就嗌黎試吓。香腸外面搽咗蜜汁，外皮𠝹咗花，只要跟着啲坑紋剪就好容易分開，香腸味道比較鹹而帶少少黑椒，附有芥末同辣醬，分量好多3-4人食就啱啱好。椒絲腐乳通菜（$99）咁多肉要叫返個菜平衡返，當然係揀濃味嘢啦，通菜配上腐乳令普通嘅菜變得更吸引，係永遠嘅拍檔。菜的份量多都幾抵食。霍哥頂得住（$32）杯青檸沙冰勁大

二人於週日晚用膳，雖然要等十幾張飛，但好多人應該撳完飛就行開，都相當快入得。總共三樣菜：啫啫肥蠔煲 $159蠔有五隻，其他都係薑蒜，味道鹹到不堪。水蟹粥 $299叫粥佢嚟個湯俾我，米嘅份量少得可憐。蟹就當然係一小隻。窩蛋牛肉煲仔飯 $99落單時店員表明需要等40-45分鐘，ok我等。到上菜嘅時候賣相都唔錯。咦，餐牌寫窩蛋喎，佢嚟隻熟蛋俾我，飯焦多過飯。性價比極度低。味道唔可以話好難食，但非常普通。份量亦相當精緻。加埋茶錢加埋一，登記會員95折。二人用餐埋單每人都要3舊。

今日去沙田終於有機會試到微辣大排檔，食物質素高之餘仲有好多打卡位一入到去咁好彩被安排到坐將麻雀枱，裝飾得好精緻，影食物打卡相做background岩曬🤣阿姜至愛呢款其實係素咕嚕肉，加埋冰呢個配搭又凍又熱咁幾刺激，另外雖然係素但食落都有少少肉嘅質感，配菜有青紅黃椒、新鮮菠蘿等，酸酸甜甜好開胃～米酒雞招牌菜之一米酒雞，一上枱呆左勁大份！之後店員會幫忙倒米酒落去調味，同埋細心咁準備好手套同夾等工具，講解食法🤣我地首先當手撕雞咁食左雞肉先，因為有大量洋蔥同蒜頭係周圍食落好惹味，同埋估唔到肉仲keep到滑身唔韌～食到入面就有好多甘筍絲、雲耳等嘅菜balance一下，所以overall唔會覺得好heavyYelo咖喱大雜燴呢間餐廳啲咖哩係同澳門好出名嘅李家菜咖哩做crossover，估唔到係香港食到份量都一樣係咁多，仲會比埋個爐一路食一路heat住唔洗驚凍曬，叫得大雜燴都真係有好多配料e.g.陳皮魚蛋、魷魚、豬皮同蘿蔔，全部同咖哩都係絕配，咖哩本身多辣油偏辣，而味道就好濃唔會就好似溝水咁北角雪糕格仔餅甜品試左真係用北角格仔餅離整嘅雪糕格仔餅，士多啤梨味，格仔餅有微溫食得出係即叫即整，除左醬仲加左新