微辣大排檔 (已結業)

有睇開微辣，一直都想黎支持下，今日終於得閒黎試下啦。呢度嘅環境真係好特別，自己本身好少去真嘅大排檔，有時驚會唔會地方冇咁乾淨，但呢間微辣大排檔就絕對係非常整潔。餐廳入面好多野都好有特式，例如個飯枱做成麻雀枱咁樣，同埋d杯寫住飲勝。好特別呀！食物方面，我地揀左何伯爆屎渠、紅燒沙田友乳鴿2隻、好色豪Dee同埋雪糕雞蛋仔。食物嘅名稱好特別好搞笑，如果就咁聽何伯爆屎渠，絕對唔會知係咩黎。何伯爆屎渠其實係炸豬大腸，跟著將條大腸吊起，將佢剪開，就有d醬汁流出黎。非常震撼。味道方面都唔錯喎！幾香脆，而且完全冇怪味！紅燒沙田友乳鴿，d皮係脆卜卜，好好味呀！而且係熱辣辣嘅，入面d肉質仲係幾juicy!好色豪Dee就係炸蠔餅，外脆內軟，入面有超多蠔架😍雪糕雞蛋仔，份量十足，雞蛋仔好脆，配埋雪糕，好滿足呀☺️

搞鬼又有gimmick 既大排檔，裝修靚有心思，環境舒服夠哂大，而且乾淨。入座後，已經見到餐具好懷舊既feel，枱面設計都好新穎。晚市7點半左右，已經幾乎滿座。睇菜名可能估唔到係咩餸菜，可以睇餐牌既相片，或者睇下附近d食客食咩～咪走雞，係用荷菜包住原隻雞焗熟，送上枱時侍應會倒入酒煮一煮。而且好得意，個煲蓋設計成雞公造型。等d火滅熄後，就可以用工具拆開雞隻，方便食。雞肉非常嫩滑，d肉同骨一夾就已經分開。就算雞胸位置，都唔會鞋口。而且酒味濃烈，配雞食一口接一口。鍾意食辣既，可以配埋辣味調味料，不過唔算好辣。切開中間，仲會見到雞內有大量雲耳、菇，旁邊原粒洋蔥、蒜頭作解膩，全鍋蔬菜吸盡雞精華，好惹味。Yelo咖哩大雜燴，一個小砂鍋裝滿大量蘿蔔、陳皮魚蛋、魷魚等，放係火爐上不斷加熱，冬天食暖笠笠。重點係，咖哩超級濃郁，加入碎薯仔煮製，邊煮邊聞到咖哩香味。一食超級辣，辣上癮，愈食愈好味。尤其豬皮吸盡哂咖哩汁，蘿蔔冇渣又入味，必點。冰鎮素咕嚕肉，唔講唔會知，係用素肉製作而成，口感同真肉無疑，勁。而且有冰塊鎮住，咕嚕肉冇變軟。加入大量三色椒、新鮮菠蘿炒香，酸甜酸甜好岩配飯食，開胃。雪糕格仔餅，估唔到餐

我不嬲都有睇開youtube，微辣更加係好早已經追開，但係一直都冇咩機會過嚟試下， 咁啱黎開沙田，一於過嚟試一試佢。一入到嚟睇個名，呢排真係食大排檔嘢，但係睇下啲菜名，又非常之得意，呢度嘅餐單，係用咗微辣嘅演員重新命名，例如係yelo咖哩炒蟹，或者係何伯爆屎渠😂😂😂講返嘢食嗰邊先，我覺得食物嘅水準係有驚喜，本來以為呢啲嘅網紅店，通常淨係得個樣，實際食落去又唔差，甚至乎可以話幾抵食。我哋叫咗四樣嘢，第一樣係咪走雞。雞係用荷葉呢包住焗，所以雞有淡淡嘅荷葉味，另外雖然係類似豉油雞，但係又唔會太鹹，雞入面仲包咗唔同嘅配料👍👍👍 我哋試咗呢度嘅蝦多士，呢度嘅蝦多士係用蟹膏喺上面，除咗蟹膏仲有少少蟹子添，所以鮮味好濃，塊多士就唔會太油，都算唔錯再者，叫咗發記大香腸，唔知發哥係咪都鍾意食呢樣呢🤣 一上枱真係好大碌，餐廳係原條上，所以真係幾震撼下，味道都唔差，係類似台灣腸嘅味道。最後我哋叫咗個通菜清一清腸胃， 雖然係腐乳炒嘅，但係都唔會太鹹，而且份量都幾多👍

新嘅一年要食餐好, 一於試吓微辣大排檔, 裝修走懷舊風, 勁多打卡位啱晒影相, 而且嘢食都有驚喜😝✨懷舊蟹膏蝦多士真係好耐冇食過蝦多士! 呢個多士超足料, 配搭鮮甜蟹膏令到味道更豐富, 一人兩塊先夠喉😎✨發記大香腸成個架上Presentation 好搞笑🤣 剪開啱啱好會跌落碟芥茉同辣醬! 條腸唔單止大, 外層仲烤到脆脆地, 點少少醬已經好好食🤤✨椒絲腐乳通菜即使出街食飯都想食個菜, 呢個通菜睇得出夠嫩夠新鮮, 入口完全冇渣🤩 加上腐乳味超級濃郁, 送飯一流✨咪走雞上碟好似Angry Bird🤣 店員會即場加入米酒再點火㗎呢! 打開荷葉見到有成隻雞, 肉質好淋, 用筷子已經夾得開, 浸一浸充滿酒香嘅醬汁食簡直一流😍 配料方面有雲耳同大量蒜頭, 非常入味! 係我嘅必食推介😋

微辣YT片唔多唔少一定睇過微辣創辦人開嘅大排檔你又試過未🫣入店大排檔雖然冇街邊嘅原始味道但裝修設計同食物都不失懷舊風味😋「老細要咩！」「黎個……」🦑金沙椒鹽魷魚一塊塊金黃香口新鮮魷魚🤤💛煙韌易咬唔痴牙 食落口感似避風塘加埋炸蒜、炸花生同蔥更香口p.s 本人係完全唔食花生、堅果類但個炸花生味唔太重 我肯食🤣🐂YELO咖喱牛筋腩煲見到咁~大舊牛筋腩都流哂口水💦咖喱汁食落少少辣 但啲肉唔辣肉唔多但都ok大舊 又夠腍忍唔住叫咗個「靚仔」撈汁食😎如果配蘿蔔唔係薯仔就perfect🤌🏻🍚臘味滑雞火山石煲仔飯落單時講明要等40分鐘上枱時夥計開蓋淋豉油 再焗30秒聞到好香臘味味好吸引🤤但食落就比鼓油味搶風頭個人覺得三道餸入面 煲仔飯比較遜色食到一半左右 餐廳已經坐滿哂店外仲有唔少人等緊 亦有好多booking樓面夥計唔多 所以出菜會比較慢貫徹大排檔嘅服務態度食物選擇多冇乜味精 但份量唔算大價錢方面亦唔算平 埋單人均 HKD150整體都唔錯 有興趣可以試下😜(以上食評 只屬個人意見)

衛生情況：作為一間係商場入面嘅食肆，佢嘅衛生情況比熟食街市、大排檔、打冷舖都要差。飯碗內外都有食物殘渣，就算用茶沖洗，都仍然洗唔甩佢黐住果啲飯粒。服務態度：本來對佢嘅服務態度無乜期待，但仍然俾佢嚇我一跳。服務態度差不特止，更加係毫不專業和無禮貌。上菜時佢行到埋黎，我地主動執緊枱中間個位俾佢放，佢就將個熱辣辣嘅煲推開晒我啲碗碟餐具，放係枱角就走。你忙你唔夠人手係你嘅事，我係黎俾錢食飯，唔係黎做樓面幫你執枱協助你上菜。食物質素：叫左幾樣所謂嘅招牌菜，真係無一樣得。餐牌寫嘅名店菜式，出到黎賣相都有五六成似，但食落就真係連基本水平都做唔到。其中一道招牌菜咪走雞，蔥段係生嘅，荷葉包住隻雞煮但雞肉仍然係柴。最典型嘅例子就係個大澳蝦乾肉餅煲仔飯。蝦乾無鹹鮮味，啲飯亦完全無蝦乾或者肉餅嘅味。而個飯焦係明顯見到係生米整成而且同個煲係分開，一推即刻成塊移得郁。即係話個煲仔飯係先焗個飯焦出黎，之後飯和肉餅係再組裝落去。真係叫個白飯再加個蒸肉餅咁。總體而言，衛生環境、食物質素和餐飲體驗都很惡劣。唔會再去。

-微辣大排檔-@沙田.一直都想試的餐廳，餐廳到處都係打咭影相點。.好色豪Dee (蜂巢潮式蠔餅) ($129)勁大碟，蠔餅炸得好香酥，佢唔似一般好厚身蛋餅式的蠔餅咁，係炸得比較輕身的，所以唔會太滯。.紅燒沙田友乳鴿 ($69/隻)估唔到哩度的乳鴿咁出色，仲以為係土同其他餐廳crossover添。乳鴿原隻上的，外皮香脆，而且肉質軟嫩香濃鴿味，咬落啖啖肉汁。.何伯爆屎渠 (酥炸豬大腸) ($109)原條上的炸豬大腸，剪開個下豬腸裡面的酸甜汁滿滿流出，很特別的一個present。豬腸好乾淨，炸得勁香脆，沾埋開胃的酸甜汁，好味又Juicy。.北角雪糕雞蛋仔 ($59)雞蛋仔同雪糕真係好夾。雞蛋仔大大片，做到半空心，不過稍嫌外層唔夠香脆。加埋忌廉同雪糕，為晚飯畫上完滿句號。.另外值得一讚係大部份店員都好有活力，而且好有禮貌。

只是食個下午茶，4點半，一去到大把枱，D職員行行企企，未有忙的情況。落座在4人枱(不是卡位)，入QR code點餐。點完隔離有個婆婆入來，叫侍應幫手點餐，個侍應哥哥好唔願意咁落單後仲要話:「下次自己掃QRcode點餐，我地未必得閒㗎!」感覺趕客。之後，仲話要婆婆同人搭枱。再之後，到我又要同人搭枱，大佬!疫情期間你咁多枱，洗唔洗呀？!侍應哥哥話:「我們晚市full左!」嘩!5點咋!唔通我食到你開晚市呀大佬!半小時都走喇!D嘢食無甚特別，不吃也罷!總結:侍應態度惡劣，管理不善，吃物一般，坐位不適，好奇可以維持多久!以後不再幫襯!(嬲嬲嬲)

一開始見到攞住「微辣」嘅名，無咩期望🫢以為都喺靠個名氣，點知食落有驚喜😆🌟試咗幾款菜式，我最鍾意喺懷舊蟹膏蝦多士🦐🥹🥹🥹只能講一定一定一定要食！估唔到甲羅燒同蝦多士喺可以咁夾，蝦多士炸得好靚，脆而不膩，食完喺想即時encore多個！🌟仲有另一道我都好鍾意嘅就喺🐔咪走雞☺️雞肉好嫩，又好香，入面有好多洋蔥，好入味，我個朋友鍾意食洋蔥🧅喺可以清盤🤣！另外兩款菜式大香腸同椒絲腐乳通菜都唔錯😆但未喺好出色，第一次黎嘅話我都喺推薦你叫🌟必食菜式。

晏晝行到肚餓，諗住食個tea, 門口個牌有蛇羹食, $99諗住試吓, 冇諗到出嚟咁細手掌咁大, 不過如果好食，細都唔緊要。不過未食嘅時候睇個樣已經水汪汪，只見到幾條好幼既蛇肉， 個質感似水多過平時啲羹，其實簡直可以用水黎形容，而個味道亦都唔係平時啲蛇羹嘅味，有少少酸酸地嘅味🥲然後買返仲得意，原來嗰杯凍嘅茶要收每位$10，而家加埋1賣單$130幾蚊，好似冇食過嘢，如果要我形容真係好似食垃圾咁，碗仔翅都好過佢,一啲都唔值，果然影片分享網站開 嘅食肆應該要預咗有咁嘅下場，下次都係要搵返間正常嘅黎食

沙田这家大排档，居然可以一次吃到香港澳门五间米其林餐厅‼️包括《李家菜》《皇冠小馆》《嚐囍煲仔小菜》、《大利来记猪扒包》以及《北角鸡蛋仔》【米酒鸡】这只鸡🐔，真的‼️巨巨巨嫩滑，当之无愧的鲜嫩多汁，轻轻松松就脱骨，是我现在回看图片，都还会流口水的程度‼️【何伯爆××】相信我，这道菜的全名你绝对不会想知道🤦🏻‍♀️，我就卖个关子，你亲自去吃一下就知道名字啦😃，一整根大肠端上来，要自己剪开，剪开的瞬间会有很多酱汁流下来，趣味十足。猪大肠一点也不腥不油腻，酸甜且脆脆的，每个人都赞不绝口。【嚐囍煲仔饭】种草这家米其林煲仔饭很久了，一直没机会吃，这次意外的吃到真的很惊喜！【猪扒包】好几年没去澳门了，这次竟然在这里吃到了大利来记猪扒包😭这真的是回忆杀呀😭早知道我肯定会早点来的！

之前望過微辣大排檔個餐牌都偏貴一點，不過原來有個午市套餐幾抵食，$99蚊有湯、小食、主菜、油菜同飲品。叫兩個餐已經放到成枱都係。味道上個人覺得中規中矩，不過不得不讚裝修擺設，感覺到每一處都有設計過，十分打卡able。當日例湯- 西洋菜豬骨味道較咸但未至於味精湯，豬骨一粒粒咁好散，忍唔住自己畢出黎。小食- 咖哩蘿蔔魚蛋咖哩汁香濃，蘿蔔魚蛋都入哂味!小食- 炸韮菜餃炸得幾脆，肉比韮菜多因此韮菜味唔太夠，一般。主菜- 蝦醬炸排骨估唔到炸排骨蝦醬味都咁出，份量有返咁上下。主菜- 西蘭花炒魚柳呢個份量望落就少咗啲，整體正常。魚柳較鬆散，無乜口感。油菜有菜心、通菜同生菜可以揀，醬汁就可以配搭蠔油、腐乳或腩汁。飲品- 檸蜜 (正常但唔知點解比包糖我)飲品- 瓦煲咖啡 無叫少甜少奶情況下，偏甜，甜度同咖啡糖相約。

睇咗微辣咁耐，好驚喜佢哋會過嚟香港開餐廳～之前去一田經過見到佢裝修，開張到依家今次終於有機會過嚟朝聖啦，入邊嘅裝修真係好有心思，每樣嘢都係打卡位，就連餐具水杯食飯張枱都咁特別！Menu上面嘅嘢食種類都算幾多下，而且啲名都好盞鬼，有時真係睇唔明要問吓店員先知究竟係咩嚟😛富貴米酒雞嘅造型真係超級特別好型！打卡一流！原本以為成隻上啲雞焗咁耐應該會好靭啦，點知由驚喜地發現好㝝好嫩滑！其實唔用鉸剪同夾就咁用筷子都可以夾得開啲肉～而且店員仲特別推介食埋入邊嘅材料，金針雲耳同埋洋蔥入晒味好好食！懷舊蟹膏蝦多士係強烈推薦必試！真係超級好食呀蟹膏鮮味濃郁 ，配上好鬆脆嘅蝦多士超級絕配～雖然係自己要用匙羹仔拔嚟食，但蟹膏嘅份量唔係Hea你，每一舊蝦多士都可以品嚐到啖啖肉嘅蟹膏～！發記大香腸嘅造型非常吸精特別，原條吊住掛起上枱，定仲會好貼心俾埋把鉸剪你，等你影完相打卡之後可以，成條拎落嚟剪開一細舊咁點醬料嚟食～去茶餐廳冰鎮奶茶就成日飲，冰鎮素咕嚕肉第一次食！咕嚕肉食落嘅感覺好新奇外凍內暖，但個皮都係脆嘅～因為調味同做法都非常之正宗同相似，如果唔係特別留意去食個素咕嚕肉，其實食落去真係完全唔覺味道同真嘅肉差無

本身已經係車仔麵愛好者見到微辣大排檔喺沙田開張一段時間一直冇機會試🥲今日懶得抽時間去睇吓有咩食原來佢哋有獨家嘅車仔麵食🤩即刻叫返碗車仔麵食叫咗陳皮魚蛋咖喱豬皮同埋生菜再加辣汁😚湯底叫咗清湯加辣汁食落幾惹味😋而且面底叫咗米粉🤩米粉偏嫩😎🤙🏻

今次揀選了自選式車仔麵（*自選三餸起*），包括特式長蟹柳、五香牛肚、秘製牛孖筋及河粉、配清湯、微辣辣汁，好L鐘意加蔥、辣菜脯和凍檸茶。原來選擇了好L鐘意加蔥，蔥的份量真的很多，佔了碗麵一半面積，如果不太喜歡蔥的朋友，記得不要選此項。車仔麵的精粹在於其醬汁及腩汁，味濃又惹味才是最好食。秘製牛孖筋軟腍腍，五香牛肚有咬口，而且秘製醬汁是我喜歡的味道。雖然選擇了微辣，但真的好鬼辣。再加上辣菜脯，辣的程度已經超越了我的極限。吃了一半左右，已經吃不下去，實在太辣了。