德興酒家 (已結業)

上星期六兩個人嚟打邊爐,咁好彩即刻有位,可以食二個半鐘,呢度好多時都爆架,就算想訂位都未必訂到火鍋料:1) new!牛肉芝士丸~ 推介(order1碟,嚟得2粒咋,要order多幾次)2) new!xx豬肉丸~ 原來無涵3) 羊肉~ 今年ok羶4) 奶油水晶包~ 推介5) 魚皮~ 推介,但好多濕咗6) 混醬(另+$9) ~ 腐乳同我平時食果d唔同,唔like7) 沙嗲清湯鍋~ 沙嗲味唔夠濃,仲不停加水8) 柑桔蜜~ ok其餘不過不失二人共消費: $295

10個朋友生日食火鍋本應好開心和好多選擇, 點知去到見倒面積起碼4千尺樓面只得6個伙計, 叫咗30分鐘先至嚟第一楂庶水, 未嚟的要再三番兩次叫多30分鐘先至到, 喝死都唔想打邊爐咁制. 食物落單30分鐘, 得一碟象拔蚌到(因為係另加收費的, 所以特別快), 而其他套餐任叫的食物, 要前後花近1個鐘先出齊, 餓死! 最好笑係坐咗成一個鐘先至有豉油嚟, 額外加椒絲等要全體每位加$20, 都是但啦, 最離譜係一送到嚟係咁問我地唔要就會先攞走. 又冇人收碟, 冇人上菜同上飲品, 全程self-service, 又勞氣, D額外收費的象拔蚌, 鮑魚(叫咗1個鐘先前後出晒3隻!!), 蠔等一既冇鮮味. 其餘任叫的就好細碟, 又好耐都唔出, 有D切到簿到我地以為點解比一碟濕咗水的紙巾我地,原來係xx蚌…..下次請我地都唔會再嚟!

舊年去過一次打邊爐, 覺得幾抵食因任點任食, 而且款式多, 亦幾新鮮. 今次再去, 好失望, 食物尚算新鮮, 但份量勁細, 仲要樣樣都係薄切, 尤其碟鵝腸, 碎濕濕以為係雞絲, 放落水滾兩滾, 迷你到嚇死人. 雖然係任叫啫, 但都唔想等咁耐架嘛!

十一月十七日- 星期六同媽咪兩個人去飲茶，安排我哋坐張六人大圓檯，雖然夠晒大張檯，但坐近門口位，而且呢度d燈光比較暗，侍應招呼亦麻麻。星期六、日及公眾假期全日點心一律七五折，算幾抵食。不過我哋都係點咗四樣點心啫，帶子餃(2件)、棉花雞、芋角及煎蝦米腸，帶子餃最好食，芋角既餡料唔得，棉花雞及煎蝦米腸就不過不失啦！呢度有d點心有兩件、三件或四件選擇，啱晒胃口細又想試多d點心既朋友。埋單九十一蚊，幾抵食啦！

灣仔德興真係我去咗咁多間打邊爐之後覺得最好既一間! 各位得閒要去試吓, 我同我公司既同事試過一次之後, 打邊爐就再無其他地方選擇, 一定擇灣仔既德興!首先, 打邊爐既料有好多選擇, 一d出面地方未必有既野佢\都有. 就算出面有既野, 我都覺得呢d嗰d真係好食d. 個人首推鯪魚滑, 手打黑椒牛丸, 同埋水餃. 我印象中曾經有段時間有得order魚翅群同埋帶子! 帶子真係好爽的呀! 而且佢\仲有d等色既打邊爐小食... 例如水晶奶皇飽, 雖然有d濟, 不過確係值得一試既野. 另外, 佢\哋每一款既湯底都好足料. 個人首推意式雜菜. 其實有d似係其他地方既蕃茄湯底, 不過我食過好幾間既蕃茄湯底... 即使係標明係濃湯既都唔見得有幾濃... 但係德興嗰個蕃茄湯底真係超足料, 一上枱就已經有濃濃既蕃茄味... 自從有左呢款湯底之後, 我哋打襯邊爐都一定有呢款湯底... 其餘既湯底好似豬骨等等都好好味!咁好既野, 閒日去連埋茶同醬都係每人$120. 唔係特別平, 但係真係好正!如果要去打邊爐, 灣仔既德興真係我首選!

香港人特別愛「滾」(吃火鍋)，以我為例，一年四季都「滾」，差不多每兩星期一次。最初去旺角的特平任食，其後試過任食麗都、火鍋城(即澳門豬骨煲)、百里鮮、寧記、喜悅，直到遇到新星，以為她是最好的任食火鍋。但真正的最好是德興。不計服務態度，單計食物和價錢真的十分好！九時後加一後只是$90，湯底最愛是魚湯，因為夠清，不膩，可以提升「食力」，食物種類不算是很多，但火鍋必備的牛肉夠新鮮和厚肉、墨魚滑夠彈牙，這兩味已夠煞。其他食材新鮮，湯底不容易變淡。最高紀錄不停食足2.5小時。

日期：2007年10月11日人物：J.A.M.，男友，Sylvia，Tracy，Vivian原先諗住係CWB果間分店，但係又話要六點四十五分或八點半兩轉時間先至得，所以就黎灣仔哩間．個個都要番工，我覺得七點半食晚飯係好合理，既然有ｄ食店要咁樣限時限刻食飯，咁就要轉喇！我地揀左個“棋門宴”黎食：－１．大紅乳豬全體：好多肥膏．２．醬爆翠雲玉帶：翠玉瓜，木耳跟帶子炒在一起，有ｄ辣味，唔錯．３．紫菜卷伴沙律汁蝦球：前者就麻麻地，後者就幾好食．４．翡翠玉蒲團：哩個好齋，一般．５．竹笙鳳凰燴生翅：好水汪汪．６．海螺片扣玉掌：ｄ鴨掌好似有ｄ味，麻麻地．７．清蒸海老虎斑：蒸得岩岩好，好味．８．芝麻鹽焗雞：雞肉好滑，好香脆．９．甫魚金菰燜伊麵：無材料既伊麵，有點兒遜色．１０．美點：紀子桂花糕，好清甜．１１．鮮果拼盤：西爪＆哈密瓜．在此，多謝幾位好朋友既一餐晚飯，埋單HK$666，包茶介，兩jar飲品（橙汁＆竹蔗矛根水）．

早陣子得到好友芬妮的友情幫助下，工作得以順利完成，在此向她說聲"無言感激"。我之前已和老公來過數次，覺得食物質素不錯，值得向其他友人推薦。當晚完成工作後，我帶了芬妮到這裡打邊爐，她竟然一試就...長話短說，以這樣價廉物美的價錢，不論是食物種類、質素及服務，真是相當不錯，值回票價。我本人覺得肯定好過摩利臣山道嘅有骨氣。說回芬妮，她竟然一試就愛上她的鮮鵝腸，還不時說要再去，說真是沒有介紹錯呢。

其餘2間德興我就未食過,不過上星期5同3個朋友一齊去此地打番個邊爐,我地8點45分入去,唔飲野,唔要醬油就$128,佢D肥牛我真係在其他咁平既任飲任食搵唔到囉....薄片,超好味,我地要左清湯,再叫左2碟蕃茄薯仔黎(OUR)湯...一絕...野食又快到,值得一提係花膠仔,真係好鬼好食...我地食左佢起碼10碟...!有機會要再去

此酒樓的早茶,點心味道不錯,價錢合理,但服務卻奇差,尤其是部長的態度更是惡劣.話說一星期日我和家人到此酒樓飲早茶,趁離特價時段結束尚有半小時入紙點了數個點心,然後沖了茶邊飲邊談天.過了數分鐘,一女部長拿着我們入的點心紙說紙上的點心已全部售罄,說話其間毫無禮貌,我們追問一句:若給正價行嗎?女部長回應:正價的也售罄,正當我們討論着以共甚麼代替,傳菜的拿了我們先前點了而女部長聲稱售罄的點心上桌.我們怕要以正價付款,於是查看了單據,發現點心都以特價計算,於是真相大白:女部長擺了烏龍,又沒有認錯.做飲食除了食物質素重要外,服務同樣重要,否則客人食得唔開心,再好食也不會回頭.

印象中好耐無飲過茶...對一向唔鍾意飲茶o既我黎講,係絕對唔會自己開聲話去飲茶...同樣今次都唔例外... 點心對我黎講唔會有幾好味...但今次個春卷就真係唔錯...一條長長地又幼身o既春卷,食落去脆卜卜真係好正^^...唯一係佢太長,得少少part可以點到喼汁...話晒食過都唔好意思點返落去la..不過都真係幾好食^^

又來一次點心午餐，五個人，吃了十七個食物，共$300，經濟！涼瓜排骨（排骨過多）；芝士蝦春卷（以玻璃杯上，賣相別緻）；鹹薄撐（放涼了還可以）；煎南瓜糯米餅（幾油膩）；其他點心（如：潮州粉果、糯米卷、腸粉、山竹牛肉球、菠菜餃）都可以。但流沙包賣相可佈！豆腐花係熱賣甜頭。必食！阿姐服務OK，部長知客服務態度劣劣劣！

時隔多時也沒有打甂爐，見德興星期六只是$99，幾抵。$99已經全包，沒有其他收費了。打甂爐當然要牛肉，但honey卻受不了牛肉，也只好分鴛鴦鍋打了。湯底選擇少，都是大路的那幾款，揀了清湯及沙嗲。在$99的任食單中，當然不會找得到珊瑚蚌、桂花蚌之類，最貴的要數澳洲鮮帶子，味雖然淡，口感的確非常爽脆。牛肉薄切的色水算不錯，脆肉鯇及鱔片也算新鮮。$99的打甂爐來說，已經合格有餘。不過說到打甂爐，筆者還是喜歡稻香。

老人家的壽宴，因行動不便，故揀了最近的德興。當然價錢也相當得宜。菜式與一般酒席差不多，當然平有平食，貴有貴食。今回上菜速度與程序都有所改善，食物水準都保持了穩定。當中最好的要提炸蝦球，皮香脆，肉質爽口彈牙、其他菜式不過不失。不過伊麵太寡，整大碟就只有幾粒草菇，稍遜；至於紅豆沙也是例差的，間間也是這樣，無話可說。

9/3(四) 11am外遊前相約友人飲早茶指點迷津;同事曾推介此處的早茶價錢大眾化,是朝一於試試.早茶時段人流並不多,酒家環境光鮮企理,感覺整潔.中午12時前離座特,大,中,小點價格為$12,$10,$8,$6,茶芥$5-6位.兩人點了5款點心:蘿蔔糕$6,鮮蝦餃$8,叉燒包$6,碧綠帶子腸$10,煎蔥花蝦米腸$8,珍菌素苗餃$8蘿蔔糕--要了2件頭的,臘味,冬菇粒雖不多,但蘿蔔糕入口軟滑,富濃重蘿蔔香,值得一讚是蘿蔔糕煎至微脆而沒丁點油膩!鮮蝦餃--亦是挑選小的,一籠2隻製作認真的蝦餃,餃皮晶瑩富彈性,蝦身爽口帶鮮味,絕不將貨就價.叉燒包--一籠3個;爆口而不露餡的賣相已非常對辦,雪白的包身入口表層鬆軟,又燒餡肥瘦均勻帶蜜味及微酒香.碧綠帶子腸--兩條剔透薄滑的腸粉包著縱不鮮卻具口感的帶子,以及清爽的鮮蝦,嫩綠的莧菜,味道尚可!煎蔥花蝦米腸--跟蒸腸粉比下去,腸粉質地過硬,毫不煙韌,乃隔夜貨;失敗之作!珍菌素苗餃--一籠3隻;餃餡如蝦仁,馬碲,筍,莧菜,冬菇粒等皆具口感及鮮度,餃皮也不馬虎,屬薄滑型!服務方面則不過不失,2人花費才$59已嚐飽餐一頓,抵吃不抵吃?