德興酒家 (已結業)

和男友同兩個朋友黎呢度打邊爐，我地點了冬陰公湯底又香有辣。之前來過，呢間分店幾好坐，檯唔逼，又有大電視。幾好。火鍋配料是任點的，有很多款。我地點了很多款，魚皮，田雞，肥牛是即切的，所以出來是一圈圈的。帶子，花膠，墨魚滑，鯪魚滑，水晶叉燒包，水晶奶黃包，竹笙，魚頭雲，芝士腸，肥膳片，午餐肉，出前一丁(真係一丁)，鮮木耳，油墨菜，雲吞，水餃，食到肚飽。呢度幾多人食，所以ｄ料都好新鮮。另外我地都點了$8位的醬料，有生熟蒜，辣椒，紹酒，XO醬等，由侍應用一盤羅來任我地添。幾好，不過一叫要成檯要，都唔係咁化算。

今晚公司晚飯，好似去飲既餸菜。環境普普通通啦，食物都唔錯，我覺得乳豬、脆皮雞是最好吃的，其它都ok。侍應態度都是麻麻地啦。

年年例必提早做冬，今年一行十八人，開了圍半。$1333十二位，$666六位，看似十分抵食。這間德興開業不足一年，裝潢較新，但好迫，檯與檯之間很難行人。是晚只是平日，但到了八時都係FULL HOUSE打甂爐的打甂爐、做冬的做冬，好不熱鬧。01)鴻運乳豬全體啎明點解乳豬全體很多件都只有片脆片，沒有豬肉！就算有也比正常的少。皮係幾脆，啎蘸乳豬醬也可口，沒有豬臭味，但皮下的脂肪依然很難接受。02)翡翠彩虹帶子翡翠為西芹、彩虹即紅椒、綠椒及黃椒，普普通通的，帶子沒有鮮味，未算新鮮，西芹煮得有點過腍，沒有點爽口的感覺。03)龍皇海鮮卷即有海鮮餡的炸卷，蘸沙律醬食感覺還好的，製作簡單。不易出亂子。04)金枝顯富貴菜名誇張得可以，齋睇永遠不明這是甚麼，何苦！其實只是瑤柱絲及西蘭花，西蘭花很差，煮得過熟，過腍，最適合老人食。05)竹笙鳳凰大生翅竹笙很多，鳳凰依推斷應該是花膠魚肚，不過翅在哪？飛走了嗎？成碗人人都找不到它的蹤影。不老實仍大罪也。個羹似茨汁多一點，用粉漿開出來，沒有味道。06)鮑汁遼參扣玉掌海參以遼參最貴，但筆者不懂分別，總之沒有膽固醇，又有養顏作用，筆者一向對鵝掌沒有興趣，另外鮑汁都似茨汁

跟另一位老資歷的同事，帶三個新晉同事吃聯誼午餐。說實在，酒樓絕不是談話的好地方，但絕對係吹水的好地方，因為氣氛夠輕鬆！畫點心紙，點了十款點心，部份有兩種size 供應，如春卷可選兩條（細點）或三條（中點）。蒸包子亦是相同情況。試了「流沙包」（超級黃油，好正！）、「叉燒包」、「蒸鯪魚球」、「蒸牛肉球」、「炸春卷」、「咸薄罉」、「煎腸粉」（煎得唔夠透）、「炸兩」（油條唔脆）。我們每人點了一碗「豆腐花」，份量不少，好滑。埋單$390，經濟抵食，但味精略多。================================題外話：年尾係轉工好時機，又要我們這批老pat pat 關心同事的時候。個市好左，人材變得價高者得，比唔起「天價」高薪留人材，咪唯有用其他野搭夠，做多D 聯誼，關心D 同事。

上週三五個朋友話出o黎吹水又唔知去邊好,所以提意去食火煱. 最後去o左灣仔德興, 因冇限時, 不管吃多久也可, 而且价錢合理, 很清楚列明所有收费.湯底點了皮疍芫茜(8元位), 點o左啲丸類, 雞,牛,羊肉, 我冇食肥牛很久, 不過試過佢哋啲肥牛都OK; 蝦丸同墨魚滑OK直得試吓; 還有水晶义燒包都好味; 任食的食品都算多, 也有特价飲品, 當晚6個人食咗$730.00; 服務都算可以, 環境OK.....

同男友都幾喜歡火鍋的。因為食品款式選擇多，又可以慢慢食。呢度湯底除了有普通的皮蛋芫茜，麻辣，沙茶湯底，亦有冬陰公湯底，咁我地試了冬陰公湯底。這湯底有蝦，有草菰，香茅，材料豐富。有香有辣。火鍋料是任點的，我沒有數，但至少有五十款。其他任點任食比較小有的火鍋料包括：帶子：雖然係細粒的，但是幾新鮮及片得好薄花膠：未試過花膠打邊爐，唔錯，淋淋地，豐富的膠質墨魚滑/鯪魚滑/牛肉滑：用竹筒上，我們自己落，唔錯。水晶叉燒包/水晶奶黃包：呢D水証點心係有骨氣發明的，係有骨氣食都幾貴的。呢度的都唔錯，由其係奶黃包，好好味。另外我地點了，肥牛(係即切的)，田雞，魚皮，竹笙，魚頭雲，芝士腸，肥膳片，午餐肉，出前一丁(真係一丁)，鮮木耳，油墨菜，韭菜花，番茄等等等等。呢度任點任食，$78, 另茶芥之類，加埋一，約$110一位，其實幾抵。同埋呢度座位都幾好，唔會逼住晒。

上星期五,約咗2個朋友打邊爐,七點就去攞位,食下傾下就十一點幾,4個幾鐘,唔係好多地方可以坐咁耐,呢度啲枱又唔會好迫,服務都好好,食物就同出面差唔多,鍋底-沙嗲好淡,但最特別有花膠仔...價錢方面,每項都要收費,飲品另計基本收費: 人頭$88 + 茶$5 + 芥醬$8 + 鍋底$8 + 10% ($120) <混醬又另加$8>** 六人以下無得訂位**三人共消費: $390

今日阿M同六位同事飲茶，秘書話哩度好招呼，ｄ野食又okey．我食咗燒賣，咸水角，炸腸，沙翁，义燒，金荀絲，羅漢齋卷，生菜．送一客南瓜糕，無南瓜既味道，似椰汁糕多ｄ．聽聞哩度打邊爐HK$109加一，送一jar蔗汁，其他飲品另計，多款海鮮類俾我地烚下烚下，不防去試下．有個waitress叫做Sandy，搵佢book位（５位以上）．

同事高就，來這兒吃頓Fairwell Lunch。點了許多大路點心，亦有煲仔飯、小食、八個人埋單約$460。經濟實惠。燒腊：點了皮超脆肉超嫩的「燒腩仔」，「叉燒粒伴薯絲」都好好味！小食：「素鵝」都唔錯。大路點心：點了炸春卷、蒸帶子餃、蝦餃、燒賣、蒸鳳爪、蒸排骨、牛肚、土魷、鮮竹卷…等等，企理好味。菜蔬：唐生菜、娃娃菜。切得太大棵，食起來都幾狼狽。煲仔飯：鳳爪排骨飯、臘腸滑雞飯。兩款都係假煲仔飯，當然唔係原個瓦撑煲飯！甜點：豆腐花幾細碗，但質地都OK。茶係龍井茶，OK 喎。經濟實惠，但環境好迫。

6 August 2006 (Sun) - 晚飯我第一次食火鍋都食得咁貴．．．但係好飽囉！湯底今次懶特別地叫咗鯊魚豆腐湯底，真係冇乜特別，好淡，只係有幾塊鯊魚骨！食物都係一般既火鍋店囉，但係最後我哋叫咗個流沙包，真係好正好正！！我諗黎呢度飲茶應該OK！不過都係嗰句，好貴！如果唔係有八折，仲貴！至於服務，因為朋友們識呢度既部長，所以非常好！