德興酒家 (已結業)

標題冇打錯, 我想說的正是這裡讓你選擇要一籠兩件 or 3/4件!這個做法真的是天才! 食客可以多吃幾款, 酒樓生意又可以更好! 一舉兩得!這裡的燒賣不錯!

自從上個月(11月13日)食過幾好之後，同事就同佢男友再來一次，點知...今次衰左!相隔唔夠一個月，點解差咁遠既?!主要三大缺點︰(一) 點左D食物成日漏單，就算上檯既食物都係黎錯既，(二) 開茶千奇咪要菊花茶，裡面D菊花數得出咁少，(三) 食左兩碟肥牛都好唔掂，有好多根仲好難趙(這個是超死罪)其他既食物及湯底依然有水準，同事話D滑雞真係好滑，炸魚皮依然超正，如果D漏單、執錯野、同D肥牛再改善一下，就會好好啦!依然係果個騎呢女serve我同事，依然騎呢!麻麻地的一餐!

11月13日同同事黎拾拾下，BOOK左7:30PM，唔洗限時，計埋茶介、醬料同加一$130(唔計飲品)湯底方面︰我地要左個芫茜皮蛋湯(幾好，加果D都係湯黎，唔係滾水嫁)醬料方面好齊全，有個盤比你任揀，不過每位要加8元(已包括在130元內，你可要可唔要)食物方面任食中冇竹籤蝦，當然亦冇貴價海鮮，但也算多選擇，我地試左肥牛︰真係好得，中價火鍋黎講一之BAN!脆肉魚片︰麻麻地，唔脆肉炸魚皮︰超正(好鬼脆)手打丸(有牛、蝦丸等)︰好食墨魚滑同鯪魚滑︰好食豬粉腸︰我冇食，但同事話好得鵝腸︰幾好豬頸肉︰呢個普普通通，可以唔食油炸鬼︰真係未試過用黎打邊爐，都可以試下嫁唐生菜︰超好味西洋菜︰都係超好味粟米︰超甜其他食物水準也幾好，起碼望落新鮮企理，作為一餐吹水GATHERING，的確唔錯。服務過得去，只係有個女侍應對同事既態度麻麻，而且加水時粗心大意，撇除呢個騎呢女，唔錯，我同同事已經PLAN緊下次再去過!希望佢地能夠KEEP住個水準!

湯底方面 完全值得一讚 濃~!!!食左2個鍾 完全唔洗落 soap! 直接拿上黎就食放個 擔擔面落去 變左沙爹擔擔面湯底真係的不錯不錯~~當日星期3晚上 都差唔多full 但黎野食既speed一d都冇慢! 完全接受到食物方向 任食黎講 真係好!!d cow 好食!! 絕唔係出面d 20蚊一磅既肉 唯一要提大家 我2個人去打 係雲吞到寫1 佢係出2粒我估應該一人一粒 所以叫野既時間 大家可以寫多d因為佢多數都出得少.... 不過個質 真係唔錯!!不過 飲料方面就貴 13蚊一個可樂 18一樽 酒!!未飲料都要成 120蚊左右!!不過以食物既質數 同 serve 都覺得ok!!!

因為親愛的二妹妹生日, 所以和她一家人一起吃飯他們喜歡一圍圍的, 我自己本身就麻麻依d搶錢的食物不過費時多言了. 菜如圖顯示一圍的壞處就係一定有d” 行” 野或者d翅來搶錢“行” 野的水準沒甚麼特別, 一點印象也留不下係條魚蒸得還算可以, 老了少許甚麼係文武狀元卷? 答案係蠔油鮮竹卷可能我見識少, 真係估唔到一圍酒會有鮮竹卷伊麵炒得油係當然, 因為之前睇過炒干燒伊麵要成三杯油, 驚!壽包好細過, size細無問題, 不過蓮容唔夠香份量不足, 包唔夠軟熟覺得壽包還是加點咸蛋黃會好很多六六六加埋d濕碎野成七百幾蚊…真係唔多抵見到依到的好評, 多數係讚這裡打邊爐好. 我也相信可能打邊爐會好吃一點anyway, happy birthday.

好耐冇見嘅一班朋友，約左打邊爐，就喺我公司隔離街...已經特登喺公司留多一陣（平時絕對唔會做嘅野），之後落左去打左個白鴒轉，發覺灣仔真係除左食肆同裝修舖之外真係咩都冇，最後都係死死氣咁早D去拎位。如我所料，大家都遲到，但係咁樣更有親切感，好似返左當年咁。九個人，兩個鍋，鴛鴦沙爹同鯊魚骨湯。我當然死都痴實個鴛鴦鍋，但另一個鍋已經滾到hur hur聲嘅時候，個鴛鴦鍋都完全冇聲氣，最後發覺個電子爐個位原來meh左-_-。任食，當然唔會同佢客氣，當剔到肥牛嘅時候，有位女中豪傑大叫左一聲「十碟!」。雖然即刻畀人制止左，但唻到發覺都幾細碟，不斷咁encore，到最後都真係可能叫左十碟。 肥牛細碟得唻都幾大片，唔會太薄，幾好。魚皮餃皮薄煙韌，餡就夠靚夠香，食左兩碟。炸魚皮又係另一佳作，好脆而且厚厚地，唔係薄到食薯片咁。喺湯度浸左十秒後，已經索晒沙爹味，加上少少油，簡直係人間極品。蘿蔔清甜，而豆卜、支竹、生根等等索晒湯汁亦都唔會差得去邊。墨魚滑好奇怪咁只有青芥味冇原味，幾爽口但青芥味超奇怪，隱約食到少少wasabi但總覺得怪怪地，一個已經夠了。腐竹卷睇落幾吸引，友人亦大讚好食，但見到有邪惡的西芹後就打

考完試和W商量不如吃頓好的慶祝一下，想想好久沒吃過火鍋了，就來了火鍋一向廣獲好評的德興。一般火鍋場都很吵，這兒大抵是主要做office客的關係，星期天反而少人，相當安靜，而且帶位的侍應特別安排了近電視的桌子給我們，一邊看電視一邊吃，像在家裏一樣舒服。湯底要了清熱的芫茜皮蛋，W照例大啖牛肉，肥牛色澤鮮紅，應該是剛從冰櫃取出切片奉客，沒有擱久了變瘀黑的毛病，牛滑是一個渾圓球形，放竹筒內，滿可愛的，雖然兩者牛味都不算濃郁，但賞心悅目。我照例點了大量蔬菜，爽脆的娃娃菜、一早扔進鍋煮到最後吸飽湯汁變得又甜又軟的蘿蔔、煮得粒粒飽滿的超甜粟米、不加調味已經好好吃的鮮冬菇、有雞肉口感的秀珍菇，清淡的蔬菜和濃郁的湯汁真是絕配，吃多少都不會膩。各種丸類也很出色，其中一款鹹蛋黃豬肉丸，雖然肉質略硬，但相當冶味，像鹹蛋蒸肉餅的火鍋版，很有趣。最期待的水晶奶黃包卻不太好，皮非常厚，餡只有黃豆那麼一點點大小，和以前在有骨氣吃過透明得透出奶黃色的那種一比，差太遠了。宵夜時段竹蔗水免費任飲，清清涼涼，不太甜，十分適口，消去不少熱氣。唯一美中不足是漏單情況嚴重，本來還點了田雞、涼瓜、墨魚滑等等，全部沒來。不過就像W說的

因為我比較喜歡食火煱, 但現在是大熱天時食火煱, 好似就有點荒謬, 不過好以這個飲食文化已經改了, 只要去間冷氣十足, 就沒問題了任食火煱, 晚上9時前 $129 包加一, 芥醬(一般醬料,混醬要加錢), 湯底,(是普通湯底, 特別湯底要加錢), 不包飲料, 限時是2個鐘晚上9時後 $109, 全包, 連飲品也包任飲, 無時間限牛肉好正, 但叫任何丸類, 最好多叫幾碟, 因為每碟只有兩大粒, 所以一次叫多幾碟呀, 但要叫特別的料, 就要加錢呀, 水晶飽好好味大家記得要訂位呀, 因為若晚上9時後的位, 我試過訂了位都要等到10時才入席呀, 所以什麼都好吃, 因為已經腰都曲, 只要純粹要食火煱, 過過癮, 是不錯的, 因為上菜也還快, 不用等, 這樣不用兩粒鐘已經飽死,

24/3/2008 晚嬚嬚84歲大壽~阿爸阿叔幫阿嬚擺左2圍姑姐早一個月訂左$1333全包宴套餐,話抵食又ok禾乳豬全體~肥左少少,不過都好香脆個魚翅湯都好足料,好味炸魚肉豆腐卷真係好脆,有魚味,又有豆腐味壽包個餡唔會好甜,個包唔會太濕~不記得有仲咩菜啦~不過真係大碟而且有水準呢個套餐得星期一至四先有阿姐服務很好~又講得笑~收野又快不過上菜真係趕左d,不過咁ga價錢已經做得十分之好

是日初三赤口，同老婆來這裏吃火窩。$129一位，2.5小時任食，連加一茶芥，價錢算相當便宜。但如果要特別湯底、混醬和較貴價食品，便要另外加錢。結果我們只要最基本的食品，前後點了四輪，共超過20碟菜，印象較深刻的包括：：木瓜雪耳蘋果湯底，很清甜，打完邊爐的雪耳、木瓜和無花果，正合我胃口；羊肉好有羊味，肥牛也不錯；墨魚滑和花枝片都很彈牙；芝士牛丸的芝士軟心幾香，但鹹蛋豬肉丸就麻麻；水晶包的皮夠煙韌，老婆至愛硼沙腩就麻麻，淥完之後很鞋口其他食品也很新鮮，選擇也相當多，整體感覺很好，應該有下次。值得一讚的是員工的服務態度，尤其是早上接電話和晚上在門口接待的小姐(估計是同一人)，我早上致電訂位時問長問短，這位小姐都很耐心地回答。另外在樓面的阿姐也很好服務，斟水、收碟都很爽手。稍有不妥是一位似乎是部長的男士。他對客人還可以，但對樓面的阿姐卻整晚在粗聲粗氣地呼呼喝喝(間中還夾雜著粗口)。

一個字'抵'食, 因為現在百物滕貴, 這樣新鮮的食材, 真是不能有太苛刻要求了, 人家也要吃飯的.早上十點多打電話訂九點後位, 已說預定位已滿, 但可以walk-in. 晚上8時到等位, 近九時半有位(2位). 聴到負責派位的小姐要求樓面的同事盡快出枱, 希望人客不要等太耐, 很細心, 派位飛分3種, 小枱, 中枱, 大枱, 我兩人的枱, 基本上可坐四人, 很寛濶. 服務也ok, 因多人實不能太體貼有禮了晚上九點後, $90全包飲食, 庶水,酸梅湯任飲, 當然你可以加錢要比較特別的湯低, 如番茄湯, 魚翅, 豬肚湯等. 不加錢的也有9種選擇也不錯. 推介魚滑, 牛滑, 肥牛也不錯, 帶子雖然一隻開多邊小小的, 但很新鮮. 可以加錢要貴一點的食材. 但一般的選擇也很多不錯.如果你對醬料有要求, 可加$9/每人, 有一大盤醬料給你任溝, 很壯觀的, 但要的話, 全枱人也要加, 不加錢只有一小辣鼓油.

我向來都好鍾愛打邊爐,特別係任食!貪佢一大班人可以各自各食自己喜歡嘅嘢食嘛~而德興嘅火鍋算係稱得上我食過質素最平均的~~肥牛削得幾薄,一D都唔"UN"!大部分丸類都係手打,都算彈牙!特別D有花膠仔&帶子,前者本人略嫌腥咗D,後者都幾新鮮!!推介:墨魚滑,豆沙&奶皇水晶飽,冬蔭功湯底最重要係弄一個啱自己口味嘅混醬,咁就超正!!!!

12/24日....小弟偕女友2人到此食任食火鍋....任食火鍋食得多...呢間真係好唔錯....環境舒適...地方企理...不過因為做任食就攪到d地方cheap哂......經理服務一般,反而d 呀姐態度非常好...又唔會叫極都冇人應...應左又唔會要你等好耐好耐先做野....食物方面十分新鮮....火鍋主打--雪花肥牛筋肉尚算勻稱...鮮鵝腸十分彈牙爽口.....牛筋眼亦出奇的好味....水晶飽類口感特別,味道不俗....最難得係當日12/24....服務與食物質數皆沒有因人多爆場而下降...值得一讚...p.s 不過果日黎到坐底左...先同我地講要加多$20...遲左d wor....

我星期四果日去左半島德興有位黑黑既部長掛.係到都唔知講咩.一走到去大大聲問我幾位我都唔知係來食野.定係俾佢鬧坐係到,有個好高又4眼既問要d咩野飲最搞野係,佢好似個傻仔都唔知佢做咩講左d唔知講咩既野開茶又唔知做咩,15分鍾先到怕怕了去左一次

12月28號男朋友牛一，條友勁鍾意打邊爐，之前係咁"嬲"我去打我都無睬佢，見係佢生日，就還下佢心願啦！HAHA好...上黎哩到睇下有咩好介紹先...唔...新星??德興?? 最後揀左黎灣仔德興。8點半去到拎左張飛先，跟住返屋企睇左兩個字《建築有情天》就再返落去等。等到9點3度就可以入去食啦。哈...地方幾企理喎！好興奮呀~~~~根據咁多位食家的資料，當然知道要叫混醬啦！係咁倒D生蒜呀蔥呀豉油呀落隻碗仔度，D蔥直情俾我"不"晒咁滯HEEHEE 真係好正呀！我覺得食物選擇的種類唔算太多(可能因為有好多野我都唔食=_=)，不過都幾新鮮。傳說中的肥牛真係好犀利，我未試過打邊爐食咁大塊咁厚的肥牛@o@ 可惜我由於箍緊牙，所以我唔係幾食到D肥牛，D筋比較難咬。。。除左田雞無黎到之外，其他食物都黎齊。我地唔知點解唔係食左好多野就好快飽左。哩度最好係咩呀？就係蔗水任飲呀大佬！好開心呀~~D亞姐的態度唔算好又唔算差，做左成晚佢都唔係黑口黑面算係咁架喇。而樓下企Counter的姐姐就服務幾好，幾有禮貌，即使一邊聽緊樓上的命令，一邊又俾一大堆客問哩問路都無發脾氣，甚至連眉都無皺一下，利害！！連埋加一都係每人