心裡有素 (已結業)

油麻地最近開左間素食自助餐今日終於都去朝聖啦餐廳叫做心裡有素位於廣華街餐廳客似雲來 門口仲有唔少人等緊位 價錢都非常之相宜價日都只係貴10蚊 仲要唔另收加一絕對平民價餐廳食物不含五辛而且食物嘅選擇亦都唔少餐廳係以健康同埋真實材料做主題所用嘅都係山茶油，屬於係不飽和脂肪嘅一種 相對地健康餐廳嘅盡頭係沙律吧 有各式各樣嘅生果沙律菜而當中亦都有同唔同嘅菜類例如娃娃菜西蘭花苦瓜茄子等等除此之外亦都有啲炒粉麵飯同埋番薯粟米嘅 而呢度嘅前菜亦都做得相當之出色我個人最推介嘅就係呢個滷水豆腐佢唔會好鹹而且豆腐好滑！所以好多時一推出就會俾人哋攞晒啦飲品都係二健康為主佢當中有低糖豆漿檸檬薏米同埋五花茶，全部都低糖架！仲提供左唔同嘅茶包比客人去選擇最後餐廳仲出咗一款甜品係蜜瓜乳酪。食落去係好creamy有少少似雪糕嘅口感夏天食呢啲簡直係一流

前幾晚跟咗個素食朋友去咗油麻地一間素食小店開餐，估唔到而家嘅素食係咁多元化同咁好味的，跟從前嘅素食店真的有很大分別呀！😁😁😁呢間素食店係自助餐形式的，入店付款後，可找個位坐下，自行出去取喜歡嘅食物回來！晚市不用一百蚊就可以任飲任食個半鐘，而且食物選擇亦非常之多，店員又會攞出限時美食分比店內嘅食客，包你食到攬住個肚出門口的！我個人推介必食之選有糖心蛋、黑松露蒸水蛋、菠蘿咕嚕合桃、蛋黃茄子、炸菇等！全部都好好食而且唔太油膩！如果加多$20蚊成為會員，更可以品嚐超過30款嘅甜品，真的非常吸引！而且呢度竟然仲有牛油果食的，真心酒店自助餐都唔會見到咁矜貴嘅牛油果，老闆真係捨得！🥰🥰🥰親民嘅老闆仲會注場同客人有傾有講打成一遍，氣氛都好開心的，好似食緊住家飯！😁😁😁

心𥚃有素係油麻地新開嘅素食自助餐，間唔時都會見到有人排隊入座！周末晚上六點經過剛開唔需要等位就去試試晚餐時段都只係$108 任飲任食都算經濟實惠！目測大概有30幾款食物左右雞蛋類、飯麵類除左湯、糖水，亦有提供雞骨草、檸檬薏米水涼拌類/炸物類就最受歡迎！欣賞呢度員工姨姨非常熱心，有新品推出即刻每桌夾一件俾食客品嚐！蜜瓜炸鮮奶，外脆內嫩滑！咕嚕淮山同真正的味道一樣，仲有菠蘿炸金菇 當天至愛，脆卜卜唔油勁惹味！黑松露蒸水蛋，濃郁黑松露香氣亦好有蛋香，絕對不是街邊兩餸飯貨色，還有必食黑松露伊麵！雜菌炸餃亦熱辣辣爆餡飯後水果亦不馬虎，有雪梨、牛油果、芒果、紅肉火龍果等！睇得出呢間素食認真出品，食得開心！


之前喺ig見到有素食自助餐已經有興趣😍
今日約frd就嚟試下
八點嚟到已經全場滿座😱

一坐低就可以自己去夾食物
大部分其實都係家常便飯
全部都好啱胃口😌

蒸黑松露蛋啲蛋好香滑，同黑松露好夾
仲有茶葉蛋😍

魚香茄子
蕃茄炒蛋
仲有炸薯仔粒
哩啲都係覆桌必選💕

炸物方面都好豐富
有鹹蛋黃茄子
老細仲專登逐枱夾比我地食
十分熱情！😆
熱辣辣 炸到香脆
真係鹹香又juicy!🤤
涼拌方面有寬薯粉
枝竹同滷水滑豆腐
麻辣汁又惹味
真係好吸引！🥰

是日精選係咕嚕合桃！
好犀利！整到同咕嚕肉外觀一模一樣但竟然係健康嘅nuts
食到停唔到口😆

沙律區除咗生菜、青瓜哩啲之外，
竟然有牛油果
真係令我地喜出望外
好香啊！真係好少自助餐有得食牛油果！
仲要係香滑嘅！


喺我已經好飽之際
老細拎咗兩碗芋頭西米露比我地
飯後甜品！真係捧住個肚走！🤰🏻🤰🏻



今日同媽媽行街，晚上出去食飯。老一輩嘅人都鍾意食齋，今日就搵咗呢一間素食自助餐。餐廳好受歡迎，入面坐滿晒人，出面又有人排隊。🥢滷水豆腐、酸甜炸淮山豆腐好滑。酸甜炸淮山做到好似酸甜骨咁，外脆內軟。🥣黑松露蒸蛋、涼拌粉皮松露蒸蛋啲松露一啲都孤寒，蒸蛋都好滑。涼拌粉皮有少少辣，幾開胃。仲有啲炸物，炒飯、炒麵等。🥚溏心蛋一出就好快俾人拎晒，又流心、又入味。🥣粥依個粥好養生，有唔同嘅小米，仲有栗子、南瓜。蔬菜炒得好靚，夠晒鑊氣。🍉水果食飽飯，點少得食。水果種類都好多，除咗新鮮之外，仲好甜。

知道在廣華街有一間新開的素食自助餐，一於就約朋友行街前就去嚐嚐吧。「心裡有素」就在好景附近，位置非常適合在旺角逛街的。由於餐廳是新開張，相信這個素食自助餐的價錢是期間限定。在旺角單食一個快餐其實可能都要差不多這個價錢，那不如過來食一頓健康的素食自助餐吧。餐廳有多款不同煮法的素食款式提供，我就特別精選數款菜式給大家參考吧，畢竟餐廳可能每日都不同款式的。♺ 1. 炸物（南瓜、菇)素食自助餐中的最惹味，最適合後生的就絕對是炸物吧。最吸引的莫過於這個「炸魷魚鬚」，外表就如魷魚鬚，但其實內裡就是菇類來的，口感一樣做得爽滑，甚至比真的更好食。♺ 2. 涼盤這個「雞絲粉皮」亦是非常出色，「雞絲」其實都是由菇類做成，餐廳用上川式煮法使得略帶陣陣辣味，非常開胃♺ 3. 熟食餐廳亦有不少熟食供選擇，我就推介蕃茄煮蛋、焗薯仔粒、川式炒椰菜、蒸水蛋等等。所有菜式的味道都是恰到好處，沒有用過多的調味料來烹調，食落就是剛剛好的。另外還有久違的茶葉蛋，太想念這個味道就一於食返兩隻吧。♺ 4. 湯品/ 飲品心裡有素亦有數款湯品和飲品，今日的湯水是由竹蔗茅根、蘿蔔、香菇等素料來烹煮而成，別以為這個是淡而無味，我亦特別飲

Veggie🥬🥦🥒🥑🥭 All you can eat🥢💫..油麻地一間新派素食自助餐🍽，週末做緊晚市特價 $108 (90 mins)，全店素食不含五辛，雖然店舖少少，但食物卻有驚喜❤️！ 設有沙律區、炸物區、涼菜區、熱食區、甜品區，不時有新鮮食物出爐，保證熱辣辣。沙律區必吃新鮮牛油果、紅火龍果任食，超甜芒果，估唔到任食都吃到既鮮甜水果😍！涼菜區既涼皮煙韌彈牙，配上酸辣汁好惹味，仲有涼拌金針菜，第一次吃質感都不錯呢！熱食區較特別有合桃咕嚕肉 (有咬口又保持著外型)、黑松露炸餃子 (餡料滿滿又滿有松露香)、黑松露伊麵 (每條麵條滲出松露味)。最後甜品區亦係必試！ 焦糖燉蛋💛 (用料講究，用上天然雲呢嗱籽，啖啖充斥呍呢嗱香)、燉蛋亦滿有牛乳香🖤，食物確有水準！..×××××ש油麻地廣華街38號地舖..

成日食肉偶爾都想食吓素，呢間心裡有素主打素食，仲不含五辛，啱埋食齋人士👍🏻Buffet選擇超級多元化，有炒麵、伊麵、西炒飯、薏米粥，個人鍾意炒麵，蔬菜配料豐富，鑊氣夠香，香口惹味；炸物嘅種類繁多，炸茄子、炸菇好鹹香，炸粉又唔厚，愈食愈上癮🥰另外勁鍾意佢個紅蘿蔔茄菌湯，超級香甜，湯底清唔油膩，湯渣都超好食，loop咗三碗不得了🤣同埋佢個招牌嘅咕嚕合桃都好好食，咕嚕醬汁嘅酸甜濃濃包裹住成個合桃，咬落有口感，味蕾上又好享受，組合既特別又好食👍🏻除咗以上提及啲之外，佢仲有蒸水蛋，其他蔬菜嘅選擇非常之多元化，而且口味都唔會單一，啱晒唔同人，而且飯後水果都有好多選擇，只揀咗火龍果同西瓜食，清新香甜，解膩一流🤩

素食都唔想咁淡口？喺油麻地呢一間素食自助餐，本身係做雙餸飯起家，食物質素不得了😌 即刻介紹咗啲嘢食先✌🏻✌🏻🍻 （只收錄小量菜式）咕嚕合桃/淮山 - 合桃口感同咕嚕脆皮融為一體 油香配上酸甜醬 真心上癮 新鮮整出嚟 外皮仲係香脆😋糖心蛋 - 老細話係必食🤣 果然時間拿捏得啱啱好 有拉麵店嘅質素👍🏻日式麻醬冷麵 - 個人最愛之一 質感好Rich 仲要解膩 encore左幾碗🤤四川粉皮 - 有出面四川小食店嘅感覺 出面一細碗都要$30 -$40 呢度任拎😳天婦羅菇/金沙乾煸四季豆 - 呢度嘅炸嘢又係冇得彈 而且經常會refill 保持香脆 金沙四季豆一出爐 鹹蛋味超濃郁🤪📌甜品有雙皮奶 焦糖布甸 布甸好高質 蛋味香濃 焦糖脆皮令人一試難忘🥰嘢飲方面 印象中有羅漢果水 檸檬薏米水 仲有玄米茶 都係清熱解毒 價錢來講 都係around 60至100 有咁多嘢食其實真係有好大驚喜～ 總結：超級大推‼️‼️ 對素食有興趣值得嚟試～ 評價一句講晒：如果我住得近油麻地 每個禮拜都會嚟一次♻️♻️🥲

位於油麻地的素食自助餐，感覺有點像港式茶餐廳，繁忙時間要搭枱，座位不多，位置也較迫，出入拿食物時也要格外小心。外面一列都是自助餐區，多款餸菜選擇，任飲任食，廚房也會定時加添新烹煮好的菜式。食物選擇豐富，小菜炒得蠻有鑊氣。有些較為創意新派，有些則是家常便飯的菜式。定價也很合理。沙律：沙律吧有新鮮的蔬菜、水果、牛油果、車厘茄、推介是澳洲牛油果。牛油果肉翠綠軟腍，熟成度剛好。涼拌冷盤：特色冷盤，有麻辣涼皮、麻醬青瓜、麻醬冷麵、北京炸醬麵等，味道都有水準。湯品：素湯水滋潤又益脾胃，是日湯水為姬松茸山珍野菌湯。炸物：炸物有南瓜天婦羅、菠蘿咕嚕合桃肉、鹹蛋淮山、椒鹽茶樹菇等。新鮮即炸起，並在熱燈下的鍋上保溫，油香脆口，尤其出色。小炒主菜：各款炒菜、豆腐、豆類等以不同的烹調手法及醬汁製作而成，還有蛋類，如茶葉蛋、黑松露蒸水蛋、番茄炒蛋。粉麵飯：一共三款澱粉類選擇，有西炒飯、豉油皇炒麵、黑松露乾燒伊麵，後者最有驚喜。以黑松露醬炒伊麵，雖然簡單配料，但是味道相當突出，而且很夾。飲品：飲品有雞骨草、檸檬薏米水，另外亦有熱茶及玄米茶。

都市人越來越關注健康，素食亦成為美食界新寵兒！ 可惜好多素食自助餐味道平平無奇🥺皇天不負有心人，今次比我搵到旺角附近一間素食自助餐！都幾旺場～質素絕對一級棒，晚市自助餐人均$200唔洗，食到高質素食～而且老闆僱用經驗中廚，經常推出自創菜式，款式多過五星級酒店～而且不吝嗇地選靚食材 ，例如黑松露、澳洲黑蜜糖、純100 茶籽油以及玫瑰岩鹽等等，可見老闆好重視食物水準，每日仲親身試食！當日我地到訪都一致覺得老闆好有心做，老闆呢份熱情造就多款美食！ 除咗有自助吧嘅嘢食之外，仲推出「廚師心情」。omakase就食得多！「廚師心情」真係第一次食，老闆話每日由廚師發辦，烹調不同的菜式，熱辣辣煮起，然後再由老闆拎出嚟，分發比每一台，仲會逐檯介紹菜式。味道方面一定係冇得彈！今晚到訪的「廚師心情」菜單有：熱辣辣嘅咕嚕合桃、黃金四季豆、金磚豆腐、甜品有焦糖燉蛋，雙皮奶，桃膠等等～特別推薦！因為啲嘢真係好新鮮，而且好用心配搭及烹調_我自己最鍾意咕嚕合桃同埋黃金四季豆：合桃口感爽脆，配上咕嚕醬想唔到咁夾。至於黃金四季豆，即係鹹蛋黃+四季豆，四季豆沾上鹹蛋黃醬，尤其香口且惹味。甜品都勁出色，焦糖燉蛋真係不得了。至

天氣真係太熱啦🔥最適宜食乜嘢呢🤔今日出去旺角👨🏻👩🏻老豆👨🏻‍🦳介紹好嘢比我食🤭見佢咁極力推介👍🏻即管去試吓😋都幾特別喎😁素食都有自助餐🥢都好多人喎😆雖然座位唔多😆拎野食分咗好多個區域拎嘢食非常方便👍🏻煎炸（茄子🍆矮瓜、南瓜～一啲都唔油膩👍🏻仲脆卜卜、原來佢哋係用100%茶籽油👏）熟食（都好款👍🏻尤其傻佬最鍾意食嘅炒麵，添加兩次,回未到童年時期味道🤭🤭🤭竟然有我最鐘意菠蘿咕嚕肉😆咬感、味道同食開一模一樣👍🏻、最緊要係無骨🤭🤭老公👨🏻不停話隻滷水蛋好食😋好入味😁,連隔籬左右都即刻去試🤣🤣仲食在四隻添😜沙律～全部都係新鮮蔬果👍🏻芒果超甜呀😋仲有花茶飲添😋加上廚師👨🏻‍🍳不停添加新鮮熱辣辣嘅餸出來，服務非常之好👍🏻不停問你地要唔要😋諗住飲埋花茶☕️就走啦😜老闆仲好好👍🏻送上彩蛋甜品🍮焦糖燉蛋、北海道4.3牛乳燉蛋（超滑、但又唔係太甜👍🏻👍🏻👍🏻）老闆心地好好、原來夜晚送露宿者、捐錢做飯盒👍🏻唔怪得知咁多人食（偷聽👂🏻到老友記講）😆😆😆其實鍾意食素朋友仔😋可以三五知己嚟素食聚會都唔錯喎👍🏻其實真心都唔使做宣傳啦🤭同佢個名真係好貼切～心裡有素～老豆👨🏻‍🦳今次介紹唔錯👍🏻👍🏻

第一次來嘗試素食🥙自助餐，來不到素食的款式可以那麼多選擇，而且味道不輸葷菜，又健康又吃得飽，最重要是不用一百元就吃到，性價比高之選。位置：在旺角仕德福酒店後面的小巷內，鼓油街盡頭再轉入廣華街，十分鐘腳程，環境：如一間普通的茶餐廳，室內空間不大，有卡座，也有圓枱，食物就擺放在座位的後方，有沙律🥗、水果🍉、冷盤、炸物、粥粉🍜麵🍚飯、番薯粟米和雜菜，種類頗多，全部有玻璃蓋覆實，所以是微溫。服務：先付款後入座，中午時段是滿座，需要搭枱，而我們吃完飯離開時，已看到一隊街坊正排隊下午茶，真是很受歡迎，建議預約訂位！午市：每人$88，時限為75分鐘，分兩個時段：11:45-13:00和1300-1415。值得一提是食物不含有五辛：蔥、大蒜、小蒜、韭菜、洋蔥🧅，但有雞蛋🥚！推薦款式：前菜：🥢川味東北粉皮無辣不歡的我很喜歡，辣勁足，粉皮比平常的更厚和大塊，更掛汁😋，我吃到「嗦嗦」聲🤭，很滿足。🥢蜜糖🍯蕃茄🍅蕃茄已剝皮，沒有任何配菜，吃蕃茄的香甜都夠了🤭，而且是很快被清碟。🥢炸物：茶樹菇、蕃薯、南瓜、金針菇，當中最喜歡是蕃薯，炸粉是鹹的，而內餡是甜的，這種味道好獨特😋。必吃菜：🥢黑松露蒸水蛋🍳這個有滑蛋的

心裡有素地方雖然唔大，但老闆都想整出多款的素菜，😋 你又食到幾多款？椒鹽茶樹菇天婦羅藍瓜椒鹽杏鮑菇天婦羅蕃薯胡麻醬蕎麥麵(冷麵)澳洲黑蜜糖浸蕃茄鹵水豆腐千島醬蕃茄炒蛋川味椰菜花麵醬矮瓜豉汁苦瓜銀芽炒素翅爆炒花生芽炒豆角椒絲腐乳通菜紫米栗子粥牛蒡什菌湯北京炸醬麵(冷麵)羅漢齋荷塘月色(芹菜、四季豆、木耳、蓮藕片)蜜椒薯仔黑松露乾燒伊麵豉油皇炒麵西炒飯茉莉花香茶葉蛋黑松露三色蒸水蛋咕嚕合桃(炸到鬆脆)沙律區🥗澳洲牛油果老闆整咗一碟好味牛油果🥑(粗鹽、黑椒、胡麻醬)好食就一定食晒🥑👍鷹嘴芒、羽衣甘藍、火箭菜。

今次係我第一次是全素食嘅自助餐，一向無肉不歡嘅我因為今次嘅素食體驗對素食完全改觀，以後都會多啲食齋！餐廳比較近似茶餐廳格局，自助食品偏向家庭式口味，同時都有啲新式素食。呢度嘅用料高級，調味係用貴價的玫瑰岩鹽同埋木糖💕而且定期會更新菜單，廚師係中廚出身，做嘅菜都好有鑊氣而且少油少鹽。前菜有日式胡麻蕎麥麵、川味東北粉皮等，兩款都做得幾惹味幾開胃😊 炸物包括炸茶樹菇、蕃薯、茶樹菇、秋葵同超級香口嘅咸蛋黃炸豆角😍其他主食同蔬菜嘅選擇亦非常之多不能盡錄，當中必定要試嘅有：黑松露蒸水蛋、黑松露乾燒伊麵、千島蕃茄炒蛋、澳洲蜜糖蕃茄、桂花銀芽炒素翅、乾煸四季豆、上素羅漢齋等等…😇甜品係雲尼拿味明冶牛乳布丁!❤️採用左雲尼拿籽而唔係用香精；焦糖布甸🍮入口非常滑溜，呢度嘅甜品真係好比酒店級數!💕沙律吧除左有各式各樣嘅沙律菜供應之外，仲有非常高質嘅水果，今晚就有超甜超多汁嘅芒果同香桃! 原來老闆每朝早都會去油麻地果欄入貨，真係不惜工本。仲有一點非常值得欣賞! 餐廳老闆每一晚都會將食剩嘅餸菜打包成一盒盒送比附近嘅露宿者，風雨不改，真係好有愛心💗 充滿人情味的素食小餐館😊