心裡有素 (已結業)

是日經過廣華醫院附近，見有人排隊，睇下咩黎啦，原來係素食自助餐，假期午餐都係88蚊，咁平試下佢先。分午市、下午茶、晚市，每個時段用餐時間不同，我同朋友黎食午市就有75分鐘。門口先付款，店員再安排入座，店不大，大概有40個位左右。店員示意入座就可以取食物，主要有炸物、涼盤、熱盤同沙律吧。第一轉就梗係咩都攞啲試下，炸菇好香脆，涼瓜入味唔苦，蓮藕爽甜，三色水蛋超嫩滑一定要試。麻醬青瓜冷麵好清新，沙律吧有生菜、粟米、蕃茄、青瓜、蜜瓜同西瓜，醬汁就只有麻醬，感覺熱盤冷盤都唔錯喎。食食下店員會拎啲新出品出黎問食客要唔要，呢個素咕嚕肉幾得意，咬落好香花生同合桃味，唔知用咩做呢？仲有呢碗拌麵，賣相好靚喎，拌的是甜醬不辣的。跟住試下湯先，冬瓜合桃湯，素湯都可以好鮮甜，正。仲有小米粥都唔錯，好綿滑。飲品有凍檸檬意米水、紅棗羅漢果茶，熱飲有玄米茶，三樣都試過唔錯，凍飲微甜，熱茶係濃濃的米味，好得意，同平時飲到嘅玄米茶唔同。仲有紫米飯、炒粉麵、蕃薯、粟米、茶葉蛋等，食物款式都幾多呀，熱盤同炸物源源不絕咁出唔使爭。呢個價錢真係好抵食，唔怪得排隊等位。

見新開餐廳就過嚟試試，之前網上睇冇一張係餐廳內部相，都估計可能真係好細，來到門口有人等位，一望餐廳入面其實只係一間茶餐廳嘅大細，椅貼椅，枱之間嘅距離沒有1.5米，全個餐廳只有40個位。旁邊一排是卡位，真心唔明坐喺卡位入面又點樣出去自助餐定嘢食呢？食物質素有特色的，蜜餞薯仔入味，有麻醬冷麵，麻辣涼皮，醋酸蕃茄，而且有新鮮生果西瓜波蘿。眼見都係長者來吃多，店主之後是否會按照原價收費，我覺得可以斟酌，例如如果長者收平$10，係益街坊可能較好。如果山長水遠慕名而來的就不必了。不過如果小店搞得成，區區都有這類嘅素食店也不錯，只是茶餐廳的格局，可以賣素，場場爆滿座無虛席，也是一個係新派素食嘅營運方式。

平日好少無啦啦去食齋～見呢間好似幾多人排隊就試一試！其實價錢係幾抵食 Lunch $68自助式任食～食物既選擇都多，最深刻係麻辣薯粉、炸豆腐、炸茄子🍆、北京炸醬麵、咕嚕肉、焦糖燉蛋同燉奶…麻辣薯粉🌶係粗既四川薯粉～撈埋d麻辣汁好好味😋辣度岩岩好..食落會想繼續食！飽肚恩物😃炸豆腐、茄子🍆炸粉厚左少少，但豆腐好滑！入口即溶既口感😍茄子比我想像中冇咁油～食多兩舊都唔怕肥！北京炸醬麵🍜夏天食呢個炸醬麵一流！係冷盤～上面加左青瓜絲做配菜！都好開胃🤗咕嚕肉平時入邊一定係豬肉，齋菜關係變左係合桃，所以覺得好特別～好有咬口～相當之夾！焦糖燉蛋同燉奶🥚🥛熱辣辣既焦糖燉蛋同係出面甜品店食到既味道係一樣～好香既蛋味同焦糖味！而燉蛋係凍食黎～相比燉蛋就清淡少少，但奶味都好重～兩款都鍾意食😋整體黎講，食物係合格以上，但店鋪有d細，感覺坐得好逼，人多時候都要搭枱～心裡有素 (油麻地)油麻地廣華街38號地舖

朋友係素食人仕，呢日同佢食飯聚舊～佢帶左我黎呢間新開既素食餐廳呢度係食素食自助餐，分別有午餐、茶餐同晚餐依家仲有新張優惠價，下午茶58蚊一位炸！！！！食物種類唔算好多，但有齊沙律、前菜涼拌、炸物、熱食小菜、主食飯麵同飲品，仲有生果可以做飯後果添涼拌之中既寬粉粉皮就最深得我心，調味唔算好辣，連我呢啲食辣bb班都食到不同既素食主菜之中就以呢款蛋炒桂花豆芽同羅漢齋為我encore既目標炸物方面好出色，香口得黎又唔覺油膩呢款炸豆腐同炸菇菌我地都有refill不過講到最有驚喜既就一定係呢款炒伊麵，有超香既黑松露，而且伊麵炒得夠岩岩好，食落唔會太淋之後仲可以夾下西瓜食，嗰日既西瓜仲好甜添之後有店員同我地介紹，依家做會員就有甜品送～我地每款要左一份，我地都一致認同呢個焦糖燉蛋做得恰到好處，yummy加上呢度既店員都好nice好有禮貌，所以呢餐真係食得好滿足

呢個夏天咁熱🥵，見依排食咗咁多肉🍖，都想食番啲素🥦🥒🥬去平衡下。而家啲素🥦🥒🧅真係同以前好唔同，冇諗過有咁多種類，而且係連諗都冇諗過晚做法同材料都有。今日就由食開素🌰🥦🌽既朋友帶路去左一間位於旺角一間新開業嘅素菜餐廳。素菜嚟講呢間真係算經濟實惠，我同朋友係食晚市，朋友一早book定位，唔使排隊就可以入去食。剛剛入去所有菜式都剛剛煮好非常新鮮。松露炒麵🍜：聽老闆講係用成千蚊嘅松露醬炒成，用咁貴既松露醬炒唔怪之得咁香咁好食，都未食落過咁重本嘅炒麵。炸物🍤：選擇都有好多，有金針菇/南瓜/香蕉🍌/茄子🍆，最特別係佢嘅炸漿，本身炸漿已經調晒味，而且一啲都唔厚身，油溫控制得好好，一d都唔油膩，食左幾rd。北京炸醬麵：老闆話個炸醬🍜係真係由北京直送，而且仲有段故，曾經有個北京人好多年冇返北京家鄉，有一次喺佢度食咗佢地既炸醬麵🍜即時流眼淚，話食到家的味道。我食完雖然冇流眼淚但都感覺到真係非常好食，同我之前去北京食嘅味道一樣。桂花蜜蜜糖蕃茄🍅：老闆話係用澳洲黑蜜做個醬汁，真係非常之揼本，都係我食過有史以來最好食既漬物，甜甜酸酸非常開胃。沙律吧：選擇亦非常之多有車厘茄🍅/8424西瓜🍉/竟然仲有澳洲牛油果

非常之支持素食店 雖然我唔係素食之人身邊有一些素食的朋友持素多年都總會在相約聚會嘅時候 選擇素食餐廳呢間店 內外嘅裝修簡簡單單 食物卻在平凡中帶有驚喜😍用碟子盛載自己喜歡的料理 一邊吃 一邊感覺感恩 內心平和 每一道菜 都很好吃 更不願浪費 這裡 🌟不做素肉 🌟店員親切 🌟吃真味道有幸見到親切的大廚 和老闆在交談上更知道✨用上優質食材 不惜工本 ✨♥︎調味都用上貴價的玫瑰岩鹽♥︎酸甜蕃茄 ~用的是澳洲黑蜜糖 雲尼拿味明冶4.3牛乳pudding~用的是雲尼拿籽 不是用香精 也是用上比3.6牛乳更高質的4.3 牛乳♥︎嚕嚕合桃 ~用上原粒合桃 ♥︎辣椒醬 ~用上余均益 ♥︎北京醬麵 ~是思念的味道 用上的材料都是北京訂甜麵醬 ♥︎炸物 ~用100%菜籽油 完全無油益感 食得更健康♥︎沙律吧 ~ 🥗 用上澳洲牛油果 ,8424 西瓜 🍉 ♥︎黑松露乾燒伊麵 ~ 不可錯過的超香松露味 有太多食物目不暇給 飲品有兩款 自助添飲價錢非常親民 由$58-108不等分7個時段 以下入場時段 並在下一節開始前離座Lunch : 11:45am/ 1pmTea : 2:16pm / 3:16pm / 4:16pmD

油麻地開左間素食自助餐，晚餐都係做緊98蚊位，以旺角油麻地晚餐價錢黎講都好似幾抵，一於又會一會佢😙餐廳比較近似茶餐廳格局，自助食品偏向家庭式口味，同時都有啲新式素食😄沙律區可以自取羅馬生菜、車厘茄、粟米、紅蘿蔔等食材。另一邊就包含前菜、主食同炸物～前菜有麻辣蕎麥麵、涼拌青瓜、粉皮等，調味做得幾惹味喎～🤗炸物包括炸茶樹菇、蕃薯、蜜芋頭，當中炸茶樹菇好香口，有啲似炸魷魚鬚咁吖😛主食有羅漢齋、茶葉蛋、麻婆豆腐、蓮藕炒四季豆、蕃茄炒蛋、醬煮茄子、炒大豆芽×菇等蔬食。間唔早大廚會拎啲新菜式出黎，K好鐘意果個用准山扮咕嚕肉既菜式，好香脆，入面又綿密。外層仲有香甜拉絲既蜜糖包住，甜甜地幾好味。仲有好飽肚既飯麵粥～🤣🤣伊麵係同黑松露一齊炒，味道好香。炒麵味道都唔錯，K添左次🤣整體黎講都幾抵食😝

好有驚喜嘅一間素食餐廳！抵食夾高質！由主菜到甜品再到飲品都有不同的驚喜！我講幾個重點推介，大家去到記得要試 ～黑松露乾燒伊麵聽落唔夾但係食落真係好夾！平時食開嘅伊麵都係用蠔油豉油去炒，基本上都係鹹味為主，香唔香口就取決於配菜。哩個伊麵只用少量菇做配菜，然後用左原粒磨碎嘅黑松露去調味。一入口就已經覺得好香，好夾！完全估唔到咁夾！麵嘅乾濕度適中而且唔會好油。餐廳仲有兩款麵我都有試，味道都好好，不過我都係覺得伊麵最吸引。有番添！千島醬番茄炒蛋本身見到番茄炒蛋冇諗住試，因為覺得自助餐食番茄炒蛋太過平凡😅不過聽到老闆向隔離枱嘅食客推介番茄炒蛋，係用咗千島醬去炒，出面食唔到，我先走去試下。味道系神奇地夾！除左自助區拎嘅食物有驚喜之外，餐廳仲會新鮮出爐一啲食物，由職員火速分配畀所有乘客，叫大家趁熱食！限量而且派完即止。甜酸准山（類似咕嚕肉）以前食過素食嘅咕嚕肉，就算素肉嘅味道同真肉有8成似，但口感都唔會貼近真肉。反而會因為素肉“又次又唔似”，食落硬系怪怪地。今次個餐廳索性唔用素肉，而系用健康又有營養嘅淮山。完全打破咗我對咕嚕肉嘅刻板印象。原來用淮山去煮都可以好好食！鋪頭嘅甜酸汁調得好好！而且有大量嘅

今日同老媽子係旺角油麻地行街，見到有間專門食素菜既就入去試下，去既時段係下午茶☕️建議如果想試曬所有素菜記得要早啲到，如果唔係就會冇得試晒所有嘢，餐廳有機會唔refill🫣佢哋主要提供炸物、涼拌小菜、飯麵、蔬菜等等嘅食物老媽子全部都好鍾意食，小編同老媽子最鍾意食佢地既茶葉蛋，濃茶香 勁入味其次係蒸水蛋，水蛋勁滑，完全唔鞋、味道唔會太鹹仲有麻辣撈涼皮 質感好滑，醋味麻味十足，涼皮大塊軟林寬身👍🏻另外粉麵有河粉、炒麵同伊麵炸物有炸金菇、炸茄子茄子juicy大細適中、炸粉唔多 抵讚飲品可以任飲 凍雞骨草 檸檬薏米 玄米茶等#油麻地美食 #旺角美食 #油麻地好去處 #旺角好去處 #油麻地打卡 #油麻地素食 #油麻地素菜 #旺角素菜 #旺角餐廳 #油麻地餐廳

最近食得肉多都想轉轉口味，今晚轉食素食自助餐，清新一下😘😘我最鍾意天婦羅炸物，酥脆輕盈的麵衣包住四款炸物：金菇、蕃薯，南瓜及茄子，食到停唔到口😅😅仲有麻辣涼皮，粗身涼皮好滑又Q彈，少少麻，好開胃👍醋漬蕃茄，酸甜清涼，必食之選😘😘正宗北京炸醬麵，老闆特別用上北京地道醬料製作炸醬麵，好窩心😍😍沙律吧，有新鮮火箭菜，沙律菜，蕃茄仔，紅菜頭，西瓜🍉，哈密瓜🍈…….等等熟食都好多款，羅漢齋、炆茄子、銀芽炒素翅、蕃茄炒蛋、干炒四季豆、椰菜花、猴頭菇蓮藕片，涼瓜炒素雞，咕嚕核桃，炒飯，黑露炒伊麵，小米粥…..飲品有紅棗羅漢果茶、檸檬薏米水及玄米茶，健康有益😁😁甜品：椰汁杞子龍眼桃膠雪燕糖水，唔太甜，好滋潤👍

天氣熱辣辣，唔想食咁多肉，於是上網搵下素食都好喎，見到呢間新開冇耐的素食自助餐，又近老友公司，等佢收左工便去吃番餐囉🥳。素食自助餐只需要$98,任食90分鐘。小米粥同姬松茸野菌湯都很清甜，沙律吧有新鮮的火箭菜，羽衣甘藍、小蕃茄、紅菜頭、牛油果，粟米…，可自由落芝麻醬調味。幾喜歡呢度的拌涼青瓜、海帶同芥末素麵，爽口又帶點辣，很開胃。炸物共4款，椒鹽金菇、蕃薯🍠、南瓜及茄子，炸醬簿又脆口。熟食很多款，羅漢齋、蒸水蛋、炒菜心、蕃茄炒蛋、炒四季豆、蓮藕片，豆腐香菇味，咕嚕核桃，黑露炒伊麵….很多款式，各樣食一啖都己經很飽肚了🥳。飲品有漢果茶、檸檬薏米水同玄米茶，每款都有飲，消暑又好喝。環境舒服價錢相宜，餸菜款式又多，令我喜歡食素菜啊！

我見店外廣告牌是有列明可以用whatsapp或電話訂咗，於是我打了一個上午但是好幾次電話都是長响沒有人接聽的，之後我再用whatsapp通知他們🤨但可以過了2日都可以沒有人回覆，其實我是代媽媽和她的一班老友記訂位的，他們想食齋我提意試下這間新店，因一行六人全部都是長者，我就是怕她們要企係街等太陽曬🌞落雨淋🌧所以才代一班老人家安排，好了到夜晚的時候我終於打到有職員接聽電話，但職員給我的回覆是不能夠訂位要在門口排隊等，因我表明全部都是長者可否體諒呢🙇‍♀️職員的回應口吻都是好決絕地不能夠，我只是不明白做生意都係望有客人來幫襯，現在我想來幫襯但你又不歡迎😑定係他們歧視耆英👵實在令我很百思不得其解為何一間齋舖可以有這樣的服務🙄

新店優惠素食自助餐素食自助餐不少地方都有，今次見到油麻地有間新開，仲有優惠$98就可以食到就和素食朋友來試試大廚拿了個似咕嚕肉的食物原來是咕嚕淮山勁特別而且十分好味，之後放在炸物區我都忍不住再拿，甜甜的芋頭寃炸得幾香脆，南瓜蕃薯炸得不油身幾好涼菜位有4款小食，我試最喜歡吃菇條，香辣又惹味熱食區一行過仲有南瓜粥同羹，款式都夠食，小菜鑊氣不錯有驚喜，豆腐幾滑，蕃茄炒蛋必食不錯。黑松露伊麵是大廚推介，味道幾香在素食自助餐比較少見到飲品今日薏仁水同羅漢果都不太甜味道幾濃甜品有焦糖燉蛋和燉奶，我和朋友各自要了一個，燉蛋好味又濃濃蛋香，表面仲有焦糖脆脆，燉奶用明治4.3整成，不太甜幾健康這裡有菜沙律款式不少幾新鮮，但因為都比較飽所以下次再黎食過。而且加錢Join 會員仲可以有甜品食

雖然自己唔係信佛，但係一直認同食齋嘅觀念，某程度上減輕到地球溫室排放嘅負荷，又可以食得健康啲，一舉兩得，何樂而不為？😙今次同朋友嚟到位於廣華街嘅心裡有素，呢一間同好多素食自助餐一樣，都提供唔同種類嘅素食選擇，但之所以我選擇介紹俾大家知：因為佢雖然種類唔多，但係款式好有創意，完全滿足到我呢一個素食新人類。😏今次想誠意同大家推介佢嘅咕嚕肉，酸酸甜甜，拗落去竟然真係有真咕嚕肉酥脆嘅口感，識落先知原來裏面係一粒粒嘅合桃。啲人成日話合桃補腦，啱晒我🤪🤪🤪作為後生仔，最鍾意就係食炸嘢，但不論係麥當勞、肯德基呢啲連鎖快餐店，總係會覺得佢哋嘅炸嘢有一種油膩感，但係喺呢度食嘅炒金菇、炸南瓜唔知點解冇呢一種感覺？問一問餐廳嘅老闆，先至知道原來佢哋係用上咗100%菜籽油，呢一種菜籽油係唔會釋出任何雜質，令到食物唔會有油溢嘅味道，真係幾唔錯！🤭🤭仲有仲有餐廳有非常地道嘅北京炸醬麵，嗰下先知原來嘅北京炸醬麵係需要加醋，細細碗，過下口癮就啱啱好！🤫🤫——————為食分界線——————📍 心裡有素 (油麻地)油麻地廣華街38號地舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/

是日食齋～心裏有素今天去了心裏有素食齋！環境okay ~ 午餐時間都多人食齋！店員服務親切～ 仲會拎新整素菜比大家試～ 午餐$68齋菜自助餐都算唔錯！食物種類都算多！仲有天婦羅類炸物！有菜、菇、四季豆、涼皮、腐皮……各式各樣齋菜，應有盡有！來來回回拎咗幾碟食到好飽！仲有飲品：檸檬薏米水同埋雞骨草！有得食有得飲都係$68～ 仲可以無限Refill !! 仲有甜品要加$20，有30個quota ~喜歡吃齋的可以試試！