心裡有素 (已結業)

平日不論在家或外出吃飯，總會有幾道菜是肉食，所以每個月都會吃上最少1，2次全素食餐平衡一下今次吃這素食餐廳更成為會員，因為可額外領甜品啊餐廳分幾個不同時段入座的，每個時段均有客人已在外面等侯，當然預先訂座就不怕沒有位置了這邊是自助的領取食物，飲品的。最愛炸物，非常香口，菇類，蕃薯，南瓜，薯仔等等，均是我喜愛的。老闆更說每天用新油去炸，不會用隔夜的啊，每次店員捧出來，很快便會沽清呢每節任食時段，店員均會每枱派發一款菠蘿咕嚕淮山，非常非常好吃的，工夫絕不馬夫啊各款各樣的素菜不停供應，1小時用餐時間結束前5分鐘，店員也會提醒顧客，每次也捧著肚子離開的，哈

網紅打卡店啲人排隊我就明一間食素嘅都有人排隊？！原來呢間素食自助餐有分時段企定定排隊入座我週末去到午餐時段一位$88可以任食一個鐘多啲坐低就拿拿臨出去夾嘢食最吸引嘅梗係門口啲炸物有茶樹菇、番薯、南瓜 其後仲有脆炸秋葵 食落卜卜脆 旁邊有冷盤一款食曬就出另一款冷麵、麻辣涼皮、麻醬青瓜等等熱熏都係一啲大路嘅齋菜羅漢齋、炒青菜、豆芽、炒豆角等等不過食到中段有服務員拎住一大盆由合桃造成的“糖醋排骨”逐張枱咁派做得似模似樣 食落亦好有口感重試咗個素湯水 木瓜雪耳合桃湯味道就似木瓜雪耳糖水 但唔係甜嘅飲落感覺清潤主食有炒粉麵飯另一邊係沙律corner 是日飲品有雞骨草和檸檬薏米水不過環境就比較窄一啲出去拎嘢食嘅時候會多人 要小心

💕心裡有素旺角新開嘅素食自助餐，價錢親民，午飯時間嚟到有人龍，好受歡迎👍🏽.餐廳提供沙律吧、熱食、炸物、飲品及主食等，廚師會keep住供應新鮮製作嘅餸菜，限定時間內都可以放心慢慢食🤭.🌈咕嚕肉必食❗️以合桃取代豬肉炮製而成嘅咕嚕肉，由店員逐一送上俾每位客人，厚身嘅合桃香脆可口，一咬之下真係誤以為食緊新鮮炸起嘅咕嚕肉，呢度菜絕對有驚喜❤️.🌈熱菜款式源源不絕供應，其中一道蜜餞薯仔，外層甜甜哋，質感爽口，頗有特色.另外有辣炒椰菜花、炆茄子、千島醬蕃茄炒蛋、南乳羅漢齋、涼瓜、蒸水蛋等，蔬菜種類真心多.🌈炸物款式有紫薯天婦羅、椒鹽茶樹菇同南瓜天婦羅，脆漿調得薄而香脆，灑上香料粉都幾惹味😋.🌈沙律吧有齊常見嘅沙律配菜🥗粟米、沙律菜、青瓜、車厘茄等，仲有紅菜頭添，可以配麻醬式者沙律醬.🌈飲品自家製檸檬薏米水、雞骨草，想飲茶嘅亦有玄米茶🍵

喺ig見有人介紹呢間素食自助餐覺得幾特別而且價錢好抵我星期五晚上去咗都係$108一位如果星期日至星期四/午餐/下午茶時間仲平!!! 一百蚊都唔使誇張到🫣🫣🫣最誇張係食物用料好靚!!!好似完全唔洗計成本咁開頭以為啲#乾燒伊麵 係普通嘢,點知一食落去發覺原來係用#黑松露 炒而且落料好足!!!!老闆一個月淨係買黑松露都唔知買左幾多萬蚊蕃茄係用#澳洲蜜糖 整#蕃茄炒蛋 同平時食個啲好唔同,好好味!!!老闆話平時啲人係用茄汁炒,但佢係用千島醬吊味!!唔怪之得咁好食啦!!!老闆話佢地有秘技😆我最鍾意係佢個#麻醬冷麵加埋啲青瓜好fresh好好味覺得同平時食到嘅有啲唔同有啲特別,所以呢個我夾咗好多次😛#粉皮 又係勁好食😋晚上仲有啲特色菜係中午冇嘅,令我最深刻係有個鹹蛋黃味嘅淮山,真係好好食!!之後佢拎咗#正宗北京炸醬麵 出嚟,賣相一百分💯第一轉一拎出嚟即刻俾人搶購一空😂老闆見到即刻對住廚房大叫再整多轉出嚟😂😂😂老闆話有個北京人食到呢個北京炸醬麵即刻喊咗出嚟,因為好食到同佢家鄉食到嘅味一模一樣!!最驚喜係啲炸物勁好味!!!雖然冇肉,但係炸番薯 炸南瓜 炸茄子 炸菇都勁正!!啲調味都幾惹味吓老闆話因為佢哋

For only a whooping $98, get a taste of some scrumptious vegetarian cuisine that is sure to be out of your expectations. Whether you’re a meat lover, a vegan or a vegetarian, the food is guaranteed to appeal to your taste buds. From crunchy fried foods, scrumptious Japanese noodles to juicy plant-based meat, you’ll forget about the urge to eat meat ever again! As a gym-goer who craves for meat, this meal is the perfect nutritious and healthy replacement for meat. 😋🤤

食物飲品選擇少，中湯難飲兼帶苦，茶餐廳格局，坐位逼夾，地點隔涉，食過咁多間素食自助餐最差係E間，可能因為新開，好多安排都睇得出老闆唔太識做生意，食物質素其實還好，但基於以上原因真係以後都唔會再幫襯 The food is not good, lack of choices, small restaurant with uncomfortable seats, poor location, horrible place, won’t come again

老媽子成日話想食齋вυғғeт中島怕左佢嘅碎碎唸🤣帶佢行完街就的佢去當俾個小驚喜佢啦—————————————————————睇中呢間除左因為附近行完街之外仲因為老闆好有愛心❤️除左捐錢整飯盒 夜晚會送飯露宿者初一十五仲會各派250個飯盒同米而且之前經過望到入面款式都幾多呢晚去食爆多人翻檯率都好高老闆坐鎮舖頭介紹菜式都無停過😂而且佢自己都會試過啲菜式先推出其中有啲款式其他齋舖少見檸檬薏米水 桂花翅 咕嚕合桃 黑松露三色蛋仲有用澳洲黑蜜糖漬嘅凍蕃茄每次有新菜式推出店員都會逐檯推介同俾你試食保證每個客人都有機會食到新菜式唯一缺點就係地方淺窄可能坐得唔係太舒服勝在老闆熱情貼心搭夠所以都真係好多人嚟食而且俾多$20就可以成為vιp每次去食都可以免費換取焦糖燉蛋👍🏻—————————————————————♥︎ 90分鐘晚市素食放題 $108

估唔到素食都可以咁好味道，簡直係色香味俱全，超好味的咕嚕合桃😋士多啤梨汁炸淮山、酥炸金菇、黃金豆角、麻辣粉皮、秘製汁冷麵、紅菜頭沙拉👍，仲有松露炒蛋，松露伊麵，法式焦糖燉蛋……試試吓都唔記得試咗幾多款😄比埋$20做會員仲有特色甜品送，真係好味又抵食除了食物出色，員工和老板都好友善，值得推介的素食餐廳

近日在油麻地廣華街38號地舖，新開咗一間素食自助餐「心裡有素」，成為了街坊最愛的高質性價比高素食自助餐，餐廳只有40個座位，每個時段都坐滿客人，非常熱鬧。首先，入門口時即時付款，之後就有職員安排座位， 安頓之後就可以出去攞嘢食，有沙律吧，飲品， 炒粉麵飯，各款蔬菜類食品， 炸物及冷盤前菜。雖然地方不算大，但感覺像同朋友開素食party ，食物採用新鮮油，純100 茶籽油，十分健康，而且亦不含五辛，全素十足。黑松露蒸三色水蛋，茶葉蛋及溏心蛋，質素都算ok。間中會有職員送上新款菜式， 例如係咕嚕肉， 炸新鮮淮山， 豆腐釀苦瓜及椒鹽豆腐等。我個人比較喜歡炸物， 好似炸茶樹菇， 炸南瓜及炸番薯，都好好食。聽說老闆有心， 每日行一善 ，因老闆會安排夜晚送露宿者捐錢做飯盒，初一/十五派飯及送米，各派250個飯盒， 果然迎合餐廳名字心裡有素。

呢日同老公行到好肚餓，經過見到呢間新開張的素食餐廳，寫住buffet$98一位，好抵呀又肚餓就衝左入去食🤣.一坐低就去掃凍盤！夾左碟沙律🤣麻辣粉皮加金針菇同凍豆腐味道相當不錯夾了好多🤣呢個天氣可以任食凍盤太正啦！.之後食熱盤，炒飯炒麵幾好食，我仲自制三餸飯😆滿滿的炒飯加茄子加蕃茄蛋仲有好多菜，已經食到好飽，蒸蛋和茶葉蛋已經食唔落🫣 食到一半侍應拎住咕嚕肉問我地試唔試話好正，其實係核桃！幾得意第一次食，有創意👍🏻.飲品係檸檬薏米和羅漢果水任飲，好健康又解渴岩哂夏天飲🥰.呢個價一個半鐘任食幾抵，食物質素不錯，同老板好有心做，一邊食見到老闆不停同員工講緊點做好d，難怪新開張平日夜晚生意都唔錯🥳

餐廳：心裡有素 (油麻地)地址：油麻地廣華街38號地舖油麻地近廣華醫院有間啱啱6月先新開嘅素食餐廳——心裡有素 @veggiemind.group 🥦，佢哋主打素食自助餐，食物不含有五辛：蔥、大蒜、小蒜、韭菜、洋蔥🧅，而且食物喺每段自助餐時段都會源源不絕添加，包你食到捧住個肚返屋企😎星期六嘅中午時間嚟食，做緊新張優惠$88可以食75分鐘，分兩個時段11:45-13:00同埋1301-1415，就算假期嘅晚市嚟食都唔算貴，食90分鐘都喺$108，仲唔收加一；價錢嚟講真喺算幾抵食👍心裡有素以健康同真材實料做主打，所用嘅油喺野山茶油，呢種油不飽和脂肪酸含量高達91%，相對一般油健康；佢哋仲用百年老字號余均益嘅辣椒醬去炒飯麵，果然唔惹少🌶每一輪自助餐都有40幾款選擇，沙律🥗、水果🍉、前菜、小菜、主食🍛、飲品🍵、湯品🍲、炸物🍤、甜品🍮，應有盡有，而某啲食物喺含有蛋奶成份，例如加咗蛋黃同皮蛋嘅嫩滑蒸蛋，同埋蛋白炒西蘭花🥦，唔食蛋奶嘅人要注意喇⚠️值得推介嘅有辣椒炒茭白筍，當中仲有茶樹菇、花生芽、西芹等蔬菜，炒香後有微微辣香相當惹味🌶，有啲似食緊炒回鍋肉嗰陣辣香😝另外仲有個香味好濃嘅黑松露伊麵，原來佢

近年越嚟越多人選擇食素，所以素食餐廳亦越開越多，最近就同朋友幫襯左呢間新開嘅「心裡有素」。餐廳位於廣華街，主打素食自助餐，全店素食不含五辛，而且定價相當親民，星期日至四，午餐時段只係 $78 就有交易，性價比極高！呢度嘅自助餐提供約數十款素食，而且種類都幾多，除左粥粉麵飯、番薯粟米等主糧之外，仲有涼菜、沙律、炸物、熱食同飲品等。涼菜區有麻醬青瓜冷麵、麻辣涼皮、甜酸淮山、桂花蜜蜜糖蕃茄等，可以自製一碟雜錦涼拌，入口清涼爽口，開胃又養生。沙律吧有粟米粒、沙律菜、西瓜、車厘茄、哈密瓜和牛油果等，選擇非常之多。沙律菜好新鮮，牛油果軟滑 Creamy，配上酸酸甜甜的沙律醬，味道好清新。炸物有椒鹽金針菇、椒鹽茶樹菇、番薯天婦羅、南瓜天婦羅，幾款水準都唔錯，脆漿上得夠薄，不油不膩，非常香口。熱食區有蜜糖豆炒藕片、椰菜花、炆茄子、豆腐、涼瓜、蕃茄炒蛋、羅漢齋、蒸水蛋等，所有嘅菜式都新鮮即製，熱辣辣，少鹽少油，夠晒健康。另外呢款以合桃取代豬肉炮製而成嘅咕嚕肉，亦非常美味，香脆可口又唔油膩。至於湯水方面，呢款姬松茸山珍野菌湯亦絕對值俾個 Like，雖然係素清湯，但食得出菇菌散發出嚟嘅香味，很不錯！飲品方面

本人係一位素食者，素食自助餐吃過無數間，好多食物都係大路貨，唔係沙律，pizza，壽司，炸物，一d熱盆再加飯麵搞埋一堆，重量不重質在open rice知道油麻地新開咗呢間素食，無太大期望只見就腳就去试吓，去到見舖面唔大又要搭檯，心裹打定咗輸数，反正來咗就姑且一试吧!點知一試難忘，菜式唔算多，但款款都好好味而且有特色，凍盆有東北大拉皮，凍蕃茄唔係加麻醬，而係加入黑蜜糖，又有麻辣木耳菇絲，麻醬手拍青瓜，隔離嘅炸物更加不得了，又香又酥，有茶樹菇，金菇，南瓜，蕃薯天婦羅，秘訣在炸嘅油係用山茶花油，怪不得令我食到唔停口再看熱盤，竟然有好難吃到和買到嘅花生芽，而其他看似普通嘅菜式例如番茄炒蛋，原來內裹加咗千島醬汁，三色蒸蛋滑到不能形容，加埋黑松露，味道好到拎十分，干燒伊麵都有黑松露，红燒豆腐又好滑淨，至於咕嚕類，有時係合桃，又有時係山药或菠蘿，看你的彩數啦! 北京炸醬麵一定要食番兩個，個醬係北京專程訂㗎至於生果，選擇不多，只有西瓜菠蘿或火龍果，老细喺係油麻地果欄訂㗎，西瓜係8424，起晒沙又甜過糖水，菠蘿係新鮮砌，都好鬼甜，甜品推介焦糖燉蛋，老细親身整嘅，其他選擇有雪燕燉奶，桂圓桃膠或者百合桃膠，

$68午市任食/人🤩 （星期日至四）最近興食素～～中午去呢間素菜餐廳，座無虛席，同時不乏好多年青人。 呢度除咗抵食之外，食物都係用心自家製，服務仲好熱情親切❤️‍🔥眼見都有成超過三十幾道菜，有冷盤、沙律、熱盤、炸物等，而且不斷更換新菜式🤤有幾款我覺得必試💕咕嚕肉合桃～用合桃代表肉，外層炸得香脆，加試酸甜醬汁，味道香口北京炸醬麵～ 唔係度度食到，連北京人食完都有家鄉嘅感覺💗花生芽炒茶樹菇～都係第一次食花生芽，外形得意之外，莖部亦爽脆滑甜千島醬番茄蛋～加入千島醬煮番茄蛋，味道更濃郁，拌飯一流椒鹽茶樹菇、椒鹽豆腐～炸皮勁薄，外脆入軟，唔油膩😋， 另外亦用咗麥皮代替蒜，加添口感當然唔少得甜品～有滋潤嘅雪耳桃膠杞子，香甜嘅焦糖布丁🍮、滑溜嘅燉奶🥛，食落唔太甜，好健康😌

沉澱自己的心，靜觀事物變遷………..-旺角新開一間素食餐廳, 餐廳老闆對食物要求講究, 採用玫瑰岩鹽、山茶油、牛油果、羽衣甘藍、等高質素又健康的食材, 配上愛創新及擁有三十年中菜經驗的大廚。所以這裡與其他素食餐廳與別不同。當然一定要帶吃素的家人一起來品嚐。-餐廳坐位不是太多, 坐起來與鄰座會親密一點。食物款式需要偏中式, 但也有幾款是日式、西式沙律等.. 飲品方面有玄米茶、菊花茶等…還有陳皮烏梅茶茶包、玫瑰普洱茶茶包, -合桃咕嚕肉~嘩, 這個一定要必食。第一口咬下去, 真是好像肥豬肉的感覺, 但絕不肥膩。鬆脆又濃郁的合桃味。-千島醬番茄炒蛋~是意想不到千島醬及番茄炒蛋的味道是這樣和諧。-金菇天婦羅、蕃薯天婦羅~酥脆又香口, 後者是外酥內軟綿綿的感覺;-黑松露乾燒伊麵~好濃郁的黑松露味道, 黑松露的精華全盡在伊麵內。-涼拌番茄~天氣熱, 吃一道酸微微的清新番茄, 令胃口大增；-魚香茄子~用乾豆腐代替肉碎, 微辣好惹味, 撈白飯一流-還有多款菜式~豆豉炒苦瓜、蒸蕃薯、涼拌粉皮、南乳炒雜茶、麻醬冷麵、炒飯、炒河粉等………種類也算多, 但我的胃容納太少, 不知怎選擇好, 唯有每款試少少另加H