慢煮工業 (已結業)

👀太子做運動前穩野食食，呢間成日經過都無食過就入去食下，入面都寬敞，幾舒適👅咁就叫左個二人嘅尊享烤肉盛宴，入面有：1⃣️ 煙三文魚配鮮果醋醬沙律🥗煙燻三文魚好似朵花咁🌹，味道都唔錯，好健康，中和返等陣嘅澱粉同肉😆2⃣️ 安 斯西冷牛扒＆ 美式蜜糖芥末豬仔骨個牛扒係慢煮牛扒，平時都係七成熟，唔會叫你揀幾多成熟嘅，而個豬仔骨🐷酸酸甜甜，大大份，食完都好飽下3⃣️ 芝士通心粉芝士簡直超級邪惡，鍾意食芝士嘅可以try try、超級濃郁芝士味，每一粒通粉都係芝士，好食😋➕飲品方面特飲唔洗加錢😆我就叫左個草莓特飲，幾特別😁💰$368

慢煮工業今日約左朋友慶祝生日，決定揀返之前大家都好評既「慢煮工業」，一來之前大家都食過話好味；二來地點十分就腳！入到去餐廳，可能係閒日既關係，所以比較多位比我地揀，我地就選擇左比較靜靜的角落比我地談心。脆辣一字雞翼(10隻) 份量比我想像中多，香辣好過癮，忍唔住食完一口再一口！因為佢係一字雞翼關係，所以女士可以放心，食既時喉都可以好有儀態！芝士煙肉薯條 一開好以為係普通小食，點知一上菜既時係份量多到嚇死我地，而且價錢重非常親民，啖啖芝士拉絲，十分邪惡！而且有好多煙肉，絕對係小食之中既首選！美式芥末豬仔脾 唔食芥末既朋友唔需要擔心，因為芥末係另上的，而且個豬仔脾本身已經好入味，大大舊！！明太子大蝦忌廉意粉 個意粉勁CREAMY 而見蝦肉大大隻，我同朋友都清晒所有意粉，個汁同意粉個味道勁夾。慢煮脆皮德國咸豬手 豬手皮脆卜卜，而見D肉十分厚身，火喉控制得好好，依家都仍然回味緊！

本身最期待佢個威靈頓牛柳…..結果….10個差黎講…佢有11個🫠完全唔知自己食緊乜….唔好話牛味…肉味都冇………肉既顏色同肉質都好怪…….如果一定要形容…應該係…衰過湯渣🤯 豬鞍諗住穩陣啦….上枱唔熟….再整….第二次上都係唔熟🫠…..最後cancel左… 之後改左個辣肉腸pizza……唔算差既……但成餐飯最好味係個青口……其次大啡菇都正正常常… 2個人埋單7百幾…….但一d都唔值🤡 絕！對！無下次

經朋友推介去呢間高質嘅西餐廳，佢有兩間分店，兩間都喺太子，今次就去有較多位置嘅分店，餐廳環境舒適，啱晒一大班朋友聚餐🥂❣️蟹肉芒果沙律 $78沙律新鮮好味，蟹肉份量適中，芒果清甜，配合一齊食好清新，可以encore👍🏻❣️安格斯西冷牛扒8oz $98牛扒較韌，唔似七成熟，牛味都唔太重🥸❣️黑松露野菌天使麵 $78黑松露味濃，天使麵煮得岩岩好🙌❣️脆辣一字雞翼10隻 $68普通cp雞翼味，定價較進取🫠❣️芝士煙肉薯條 $68呢個新鮮整起，做到拉絲嘅效果👍🏻❣️慢煮紅酒梨配雪糕 $48紅酒味濃，雪梨已經煮到入口即融，呢個價錢其他餐廳冇可能食到🫣❣️綠茶紅豆窩夫配雪糕 $48味道中規中矩，但佢嘅擺盤拎嚟打卡一流🤣❣️蜜桃水果茶 $38有熱有凍，但凍好味啲🤘🏻，有少少水果係底🍊❣️荔枝接骨木花特飲 $38荔枝味重，較有特色🍹🏦是次消費總額 $698.5（人均消費 $175） 🍴須加一服務費👅好味度：8.5（10分滿分）呢間絕對可以再encore，食物水準高，首推小食同甜品，而且價錢唔貴，岩晒一大確朋友一齊食下野傾下計🥂

見餐廳人氣頗高，決定預約一試，點知大失所望，名過其實。當晚分別點左一份威靈頓牛柳，安格斯肉眼扒，一份輕食拼盤及兩支手工啤酒。首先，威靈頓牛柳超級難食！！上枱切開質地十分硬又乾身，肉質似冰鮮太耐，已經呈深黑色，一啲肉汁同鮮味都冇，而且中間仲係凍嘅，唔講以為係微波爐叮一叮就出餐，根本入唔到口！其次，肉眼扒常算可以入口，上枱香味充足，但肉質同樣偏硬好難切開。二百幾嘅價錢對其期望應該係更好嘅質量。全晚最佳算係輕食拼盤，炸物全部都新鮮，可以食得出係即炸，真係靠薯條食飽肚。兩個人食最後買單600幾近七百，性價比十分低，超級唔推薦，都唔會再黎食。

芝士煙肉薯條 $68出色芝士薯條🍟🤤平時食芝士薯條好驚d芝士唔夠溶或者覆蓋唔到全部薯條🧀但呢度既薯條完全冇呢個問題 反而係食到唔記得佢個茄汁🤪因為全部都好夠味🤤蒜香芝士排包 $28 Half 超邪惡芝士排包🍞雖然佢個皮硬左ddddd 但佢蒜蓉同芝士味分佈得好好 完全唔會kum到大家 重點係佢個拉絲🧀🤤🤤🤤真係不得了🤡如果你平時好鍾意食蒜蓉包 一定要試呢個🤪極黑安格斯牛魔王肉眼12oz $188充滿牛肉香既肉眼扒😈🍖一上枱已經香到令我哋流晒口水🤤 慢煮令佢鎖住肉汁 放入口濃厚嘅牛肉味出晒黎 熟度適中 但記得要趁熱食呀💨🤪凍左就冇咁好食架啦

突然想吃西餐，在金凤大餐厅和慢煮工业做了衡量之后，选择了这家，跟女朋友兴致勃勃来到这个店，进门安排上了二楼，环境跟西餐厅大径相同。点餐时有套餐，但没选择，因为都想吃牛扒比较多。点了一份西冷牛扒+惠灵顿牛柳+小吃拼盘。下单之后西冷牛扒很快就端上来了，然后后知后觉想起没要求几成熟。切开后判断为7成熟，口感稍微有点韧，粘了海盐口感会好一点。接着是惠灵顿牛柳，比较难切开，肉大体比较生。酥皮方面比较失望，里面是牛柳➕蘑菇碎的搭配，口感中规中矩，不算特别好吃。好评的是小吃拼盘，原本在10个鸡翅跟小吃拼盘纠结，上来之后才发现1个鸡翅是拆开成2个，鸡米花不太好吃，最好吃的可能就是薯条了。应该不会再来了，可能期待值比较高，有所失望，不如楼下煲仔饭

經朋友推介去試食入到去已經覺得環境好舒服，氣氛好好，而且用QR code點餐，可以慢慢諗食咩都唔驚三個人去食，叫咗個二人套餐加個Pizza~份量非常夠👍🏼無論牛扒定係豬肋骨都好好食👍🏼牛扒熟度啱啱好，豬稍為有少少辣不過好香前菜沙律夠新鮮芝士通粉意外有驚喜，鍾意食芝士嘅人一定要試～啖啖都好濃芝士香而且配料都好好食👍🏼最後額外係加嘅Pizza🍕雖然我本身唔係太鍾意食橄欖，但係個Pizza食落又好match～而且同通粉一樣，食落芝士夠濃👍🏼有機會一定會再去

上次食過 覺得味道款式多又唔錯尋晚因為女朋友想据扒 臨時拉夫搵返呢間因為上網睇menu都算多扒嘅款式揀 又可以係openrice book到位 就即刻book咗先😛女朋友揀咗安格斯牛肉眼想講認真係超好食😋牛味好重 即使係八成熟都唔會柴 好軟熟👌🏽我膽粗粗揀咗威靈頓牛柳就真係有啲失望啦個牛柳好un 又冇牛味女朋友話有啲苦味可能因為個底塊酥皮好燶😥蒜香芝士排包就一般啦無太大特別嘅不過扒係好食嘅有機會會想試埋佢其他慢煮系列😋

本來一早都聽到呢間餐廳，見到網上食評都係好，不過總係冇時間去親自光顧。難得今日放假收早，可以為之後就去食。入到去雖然兔仔細細，但係佢有兩層而且啲位都好闊所以就坐得好舒服。未講嘢食其實佢個環境太子來講都算好，係一個適合傾偈吹水嘅地方。而家再講啲嘢食首先佢係用QR code落單啦咁就比較方便，一打開個Menu其實好多嘢都想試而我就最後咪揀咗一牛一豬再配一啲小食加再試嗰啲手工啤酒首先，係Menu本來話賣晒嘅威靈頓牛柳：價錢就二百幾蚊，可以接受，上枱嘅時候款式到靚靚囝囝咁就切開佢見到入邊嗰啲牛柳嗰啲色都好亂咁就不過略嫌佢就唔算太熱所以切開之後再食落口呢只係感受到微溫不過味道上就好食嘅。之後做到佢個芥辣蜜糖豬鞍：上碟比預計份量大啲，味道同埋擺碟就不過不失。要讚下佢個小食拼盤同埋個芝士排包，一個就炸得好好味，另外一個就焗得好出色。配合埋佢嗰隻手工啤酒，簡直吹水喺度坐就一流。早嗰陣時仲見佢有live Band喺門口，可能到到疫情緩和或者星期六日嘅時間就會有埋live Band，的確係一個唔錯嘅食飯吹水地方。

🍽 慢煮工業📍地址: 太子白楊街15-19號萬安大樓地下及1樓💰只供參考💰人均$100-200😋芝士蒜蓉包 大件夾抵食 仲要足料好惹味 一上碟就比佢個份量嚇親 好大個 同埋切好咗 我地就叫左全份 因為以為好少 😹 你可以叫半份 半份就係兩片 一食不得了 外脆內軟 芝士仲要拉絲 仲要勁多芝士😍正爆 豬仔脾 4件 啖啖肉 除左燒汁 佢仲落左黃芥辣 令到個味道更加豐富 卡邦尼意粉🍝一般貨色因為食左個芝士蒜蓉包實在太飽了 叫既野食食唔曬整體環境都幾靚 同埋夠靜 幾好feel🤧綠豆waffle 好似食緊新年炸物/牛利酥既感覺 個人唔太喜歡呢種texture 可能係落得太多油 炸耐左既感覺好味指數: 4/5性價比: 4/5環境: 4/5

同朋友行行下街有啲攰，見到有慢煮工業，外面望入面環境都幾靚，就入去試吓下午茶時段環境清幽，以黑色為主，令人覺得好舒適，好啱朋友坐低high tea傾計黑松露薯條薯條炸得金黃酥脆，屬於粗款薯條，份量又足仲一啲都唔油，配合埋黑松露醬香氣十足，不知不覺好快食晒成兜！迷你朱古力布朗尼配雪糕見到擺盤灑上糖粉同彩色糖碎已經覺得好靚，朱古力布朗尼甜得黎又唔膩，濃濃嘅朱古力味，口感紥實，啱晒鐘意食朱古力嘅人荔枝接骨木花特飲荔枝味好重，少少接骨木花嘅香氣，好fresh好清新蜜桃水果茶成杯野都好足水果，好多蜜桃粒粒，菠夢同藍莓，飲落好重蜜桃茶味好清新，食完甜品飲返啖即刻解返膩，又可以再食過脆辣一字雞翼雞翼炸得好脆又香口，灑上少少孜然辣粉，又唔會好辣好刺激到味蕾，份量亦好足，配合埋附上嘅黃芥末醬，可以改變吓味道無咁易覺得膩，再飲返啖荔枝特飲即刻refresh返

.📍慢煮工業📍#饅頭去太子 #饅頭食西餐------------------------------1️⃣ 香草牛油燒虎蝦 ($78/3隻)牛油香氣唔太濃郁，虎蝦肉彈牙但唔算多汁加冇乜味，感覺有啲普通。◾評分：6.7/10------------------------------2️⃣ 二人慢煮套餐 ($368)🔹墨西哥辣粟米溫泉蛋沙律沙律菜同車厘茄新鮮爽脆🥬，唔會過澀；Mayonnaise 同黑醋嘅比例啱啱好，酸酸哋好開胃，帶點橄欖油香；溫泉蛋半熟流心狀🥚，撈埋沙律之後為整體口感增添一分滑溜，蛋漿呢沙律醬嘅味道意外地夾😆。美中不足嘅係粟米幾乎冇咩辣味，但整體依然係碟喺平均水準之上嘅沙律。◾評分：7.8/10🔹安格斯西冷牛排牛排就真係唔得掂，切嗰陣時就知道牛排過熟，雖然有肉汁流出，但店家比咗個極多筋部嘅部位我哋，咬落去係極韌同嚡口😓，真係嚼到牙骹痛都未能成功咬開塊扒，唔乎合慢煮牛嘅鮮嫰，而且牛肉質地本身唔太靚，冇咩牛肉味。雖然話佢哋呢個set價錢唔貴，但畀質素咁差嘅嘢食客人，確實令小編失望😞。◾評分：4.5/10🔹烤豬仔髀 2支呢個相對牛排就好啲，未至於要我嘅口腔肌肉放棄掙扎，但肉質依然偏乾

幫朋友慶生，揀咗呢間大家都未食過嘅嚟試。當日仲要千叮萬屬大家唔好去錯第二間，因為太子有兩間同中文名餐廳，只係英文名唔同。餐廳入口喺一樓(地下)，餐飲區就喺二樓。我地嘅座位就喺上完樓梯後左手面嘅一間房，大概有十張八張4-6人枱，當晚包括我地只坐了5枱。雖然係鬆動，但張硬板櫈我就覺得唔好坐。食物選擇都算多。我地3個人叫咗拼盤、芒果大蝦沙律、16安士西冷牛扒(七成熟)、卡邦尼意粉。拼盤有炸蝦，炸芝士條，炸雞翼，炸雞粒同薯條。係夠熱，但好似無咩味道，都係要點茄汁食。沙律嘅芒果係切粒，不過整體狀態更似芒果汁/醬，我起初以為係用嚟撈沙律，但見佢又有油醋汁喎，奇怪。沙律正常發揮，只係我唔太鍾意酸。西冷扒有~1.5-2厘米厚，可能因為咁難控制火喉，所以佢裹面係有一邊係五成熟，不過另一邊幾乎全熟。我地切開一條條share食，但因為我地幾個都唔食太生嘅，所以最終係犧牲咗最生嗰條西冷肉。卡邦尼意粉好creamy，撈埋流心蛋一齊食好正，不過好快就頂住個胃。亦解釋倒點解佢唔係咁大碟。經Openrice訂位，標明係特別日子：生日。以為餐廳會有人聯絡我睇下有咩可以安排，但原來我諗多咗😄。。。咁問嚟做咩呢🤔

第一次去試呢間,佢地有二人套餐都好底食 有煙三文魚沙律，忌廉通粉，牛扒同埋豬肋骨，兩杯嘢飲 368$+10% 都好底。本身被安排坐一個好迫嘅位置，連身上物品都冇位放。幸好職員自動攞一張凳俾我哋，值得加分！！ 總體都好好