影片
港鐵旺角站 E2 出口, 步行約6分鐘
繼續閱讀
電話號碼
27150811
營業時間
星期一至六
12:00 - 15:45
18:00 - 23:15
星期日
12:00 - 23:15
公眾假期
12:00 - 23:15
以上資料只供參考, 請與餐廳確認詳情
相關文章
細佬愛試新嘢，今日帶佢去旺角試下拉麵來。拉麵來湯底靚，真材實料，有日本小店風味。細佬揀左熊本黑蒜油䐁骨湯麵。佢試完好欣賞。佢話䐁骨湯香濃，黑蒜油有特色。炸蒜蓉吃落甘甜，自家製叉燒肥瘦得宜有肉味。麵配埋木耳絲，青葱和紫菜更好吃。加配的味付玉子咬落去蛋味足，蛋黃流心美味。香荀脆，有口感。我好滿意我揀的白松露野菌䐁骨湯麵。意大利白松露醬為拉麵畫龍點晴，增加拉麵的風味。紫椰菜絲，炒雜菌和叉燒都美味。小食廣島炸蠔配薯仔沙律好食抵食，一碟4隻即叫即炸，送Asahi beer一流。自家製餃子必試，好食，一碟有5隻，配蘋果soda好正。細佬吃得滿意，爭住請客。😊
繼續閱讀
𝙩𝙝𝙚𝙧𝙚 𝙞𝙨𝙣'𝙩 𝙢𝙖𝙣𝙮 𝙧𝙖𝙢𝙚𝙣 𝙤𝙥𝙩𝙞𝙤𝙣𝙨 𝙞𝙣 𝙢𝙤𝙣𝙜 𝙠𝙤𝙠 𝙣𝙤 𝙬𝙤𝙣𝙙𝙚𝙧 𝙩𝙝𝙚𝙧𝙚'𝙨 𝙖𝙡𝙬𝙖𝙮𝙨 𝙖 𝙡𝙤𝙣𝙜 𝙦𝙪𝙚𝙪𝙚 𝙙𝙪𝙧𝙞𝙣𝙜 𝙙𝙞𝙣𝙣𝙚𝙧 𝙩𝙞𝙢𝙚. 𝙧𝙖𝙢𝙚𝙣 𝙞𝙨 𝙨𝙤𝙨𝙤 𝙗𝙪𝙩 𝙩𝙝𝙚𝙞𝙧 𝙝𝙤𝙢𝙚𝙢𝙖𝙙𝙚 𝙜𝙮𝙤𝙯𝙖 𝙖𝙣𝙙 𝙙𝙚𝙚𝙥 𝙛𝙧𝙞𝙚𝙙 𝙜𝙖𝙧𝙡𝙞𝙘 𝙤𝙘𝙩𝙤𝙥𝙪𝙨 𝙗𝙖𝙡𝙡𝙨 𝙖𝙧𝙚 𝙙𝙚𝙛𝙞𝙣𝙞𝙩𝙚𝙡𝙮 𝙬𝙤𝙧𝙩𝙝 𝙖 𝙩𝙧𝙮!.行懷舊路線既拉麵店，入到去真係好似去左日本咁，雞白湯拉麵連埋骨膠原，可惜揀左特濃湯底都偏淡，白松露豚骨湯麵都一樣偏淡，而且用左幼拉麵加上麵質偏淋，成件事好似食緊即食拉麵咁，好在佢去叉燒夠出色，用左半肥瘦豚肉，燒完之後逼哂啲油脂香出黎，入口軟稔鬆化豬味又濃，日本溏心蛋煮得岩岩好，口感順滑綿密又有醬油香！墨魚嘴即叫即炸，炸粉又唔厚，加埋椒鹽同大量炸蒜勁香口，餃子又係皮薄爆餡，感覺小食比拉麵更有驚喜～.
繼續閱讀
今日拉麵癮起即時出去食拉麵。來左旺角尼間ramen kureha拉麵來試下。今日來到沒有很多客人，裏面裝修都幾特別係舊式既日式風格。我今日叫左激辛火藥玉豚骨湯拉麵，小食要左自家製餃子同脆炸香蒜香墨魚嘴。拉麵黎到有個勁大既辣椒球，混在湯底一起，湯即刻唔同左味，不過只是湯底係唔錯既，拉麵都好爽口，而個自家製餃子都唔錯既餡料都足，煎得都幾香。但係墨魚嘴就唔算好出色，係得包住既粉漿有味，墨魚嘴是什麼味道也沒有，只係普普通通，不過份量都ok既。
繼續閱讀
🍜牛舌牛尾湯🍜推介指數 ❤️❤️❤️❤️❣️拉麵來除咗大坑總店，旺角黑布街2014年頭開業到而家，一直係心水之選。巡完旺角油麻地玩具舖過來，之後再行、食甜品或者搭車都好方便。天氣酷熱原本想食雞汁拌麵，見到未試過嘅牛舌牛尾湯又心思思，幾番掙扎再飲杯檸檬水冷靜下，都係想試下。🍜人間限定4：牛舌牛尾湯拉麵 HKD108✨牛尾湯飲落牛骨同牛脂味濃郁無油膩感，安格斯牛舌軟滑入口即瀜，配料有蔥同荀，拉麵有溏心蛋會更吸引。牛舌有2大片，想追加2片牛舌HKD36。✨拉麵屬幼麵，揀咗硬都係啱啱好。湯底方面建議大家點選濃，再自行配上芝麻份量更香口！🍜金：原味豚骨湯麵 HKD85✨叉燒2片，配料有紫菜、蔥同木耳絲、拉麵同樣係幼麵。豚骨湯底點選濃味，味道濃郁保持一貫水準。店員溫馨提示黑布街營業至6月28日，尖沙咀寶勒巷裝修中，預計7月中左右開始營運，當然要視乎裝修進度啦。總結：-食物 ❤️❤️❤️❤️❤️環境 ❤️❤️❤️❤️❣️服務 ❤️❤️❤️❤️❤️.··🏠 拉麵來 (旺角)📍旺角黑布街23號地下
繼續閱讀
突然想吃拉麵，網上找到拉麵來，立馬試試店舖不大但非常闊落，怖置以懷舊日系，很有日本風味但又夠簡潔。午市提供套餐優惠，有前菜，主食，小食及飲品，選擇不多不少，餐牌一看就明，還很用心設計呢心大心細最後點了熊本黑蒜油豚骨湯底拉麵（走蔥）配餃子。麵質及湯底我選了普通。先呷一口湯，湯底比一般的豚骨湯清爽，味道不會過濃，反而黑蒜油味並不突出，令整個湯底比想像中淡身。麵質不硬不軟，不錯。叉燒半瘦帶肥，很軟身，咬下兩三下咀嚼油脂已在口中慢慢溶掉，很正。小食餃子味道吃出非一般外購餃子，配上調味過的醬汁，更吃出風味，不要錯過。
繼續閱讀