拿督星馬大飯店 (已結業)

因為係觀塘市中心返工，如果夾到同事意又時間鬆動，大家就會想一齊行去觀塘碼頭食拿督！今次去到叫左個咖喱香茅豬扒飯+凍星加坡白咖啡，再同同事們一齊叫左半隻海南雞。1. 星加坡咖喱豬扒飯：咖喱汁好出色，少少辣，有陣淡淡的香茅味，不像日式咖喱的甜或印度的椰香。但稍鹹了一點，但送飯都可以接受。豬扒都用香茅煎得好香，乾身但有肉汁。配一杯濃香的白咖啡，上面灑滿了咖啡粉，即刻叉返電呀！不過今日啲飯比較軟身，個人不太喜歡。2. 海南雞：肥瘦適中，肉質嫩滑，雞胸肉都唔會柴。除了食海南雞必有的三種醬料，亦配上一小碟乾蔥醬油，我地食之前淋係面，加多一分香味。食完隻雞會見到下面有一些雞雜。另外，又會配上一小碟醃酸蘿蔔、薑，中和油膩感。呢間鋪的黑豉油乾撈麵系列都好出名，大家可以試下。

呢間星馬餐廳喺觀塘碼頭嘅熟食中心入邊，雖然地方隔涉，但網上都睇到唔少有關佢嘅報道，話嘢食好正宗同埋高質素，所以今日就特登嚟試吓！ 胡椒湯生牛肉河粉🐄🍜佢一上碟我就試咗佢啖湯，係極！濃！嘅胡椒味！有少少辣，後勁係一種鹹鹹地嘅鮮味。😮第一啖飲落覺得好驚艷，但食耐咗就會覺得湯底嘅胡椒味有啲過濃同偏鹹，食到個人有啲口渴，同埋會冚左其他食材嘅味道。🥵其他食材方面，肥牛味道正常，牛丸紮實有牛味，蘿蔔都算甜同埋冇渣，但如果可以切細舊啲就更好。沙河粉我覺得佢比一般河粉嘅質地會較實淨，都係掛湯嘅，但因為湯底偏濃，掛湯令人食到好渴…可能揀啲無咁掛湯嘅麵底會好啲。 😬腐竹薏米水🥤 佢有啲似腐竹糖水，飲落有薏米同腐竹咬下，唔會好甜，幾特別！喺出面都比較少見～呢個好飲！🥳。始終呢度係熟食中心，地方就冇咁整齊同坐得舒服，但嘢食真係唔錯，可以一試！🏄‍♂️

放假瞓到自然醒，突然好想食胡椒餅,同老公又落觀塘揾拿督醫肚😂當然避開lunch time先過去食啦！2:15去到係最好😎唔洗等位我地今次點了🍽唐人街炸釀豆卜大大粒炸到金黃色， 炸刭脆卜卜非常香口黑胡椒魚餅今次煎過龍有啲燶😂白灼沙巴蠔仔呢個一定要試，最鐘意點個wasabi😋好正叉燒鮮蝦胡椒湯麵摻摻麵底係油麵配米粉， 叉燒同蝦都足料，唔食得辣既朋友仔就唔好叫呢個🤣 因為胡椒味非常之重又夠辣， 食得辣既我都覺得啱啱好咋😎星加坡美綠凍、熱飲落都香濃夠滑呢度已經食咗好多次， 留意番營業時間，平日上午11時半至下午三點三(星期六、日、红日唔開架)

一直好想試呢間星馬菜，可惜佢只係開平日午市，咁岩今日放假就可以去食啦，餐廳係觀塘碼頭個熟食市場內，有啲遠，地鐵站行去要15分鐘。我地點左香茅豬扒黑豉油乾撈麵、馬來福建海鮮蝦湯麵，小食點左檳城炆鮮豬皮，野飲叫左紅豆冰。我覺得黑豉油乾撈麵最好味，好特別，好少係出面既餐廳食到，面質煮得岩岩好，唔硬唔過林，個蝦湯麵都好鮮味！鮮豬皮好滑，口感好林，至於紅豆冰都好足料！好期待下次放假再嚟食個黑豉油乾撈麵！！就算係碼頭咁遠都想行過黎食！

午飯辛水辛汗行到黎熟食中心，同行飯腳推薦呢間好地道嘅餐廳，坐低咗先知道原來係小有名氣嘅拿督！首先，侍應們個個都頗大聲兼豪氣，風風火火咁落單再上菜，已經好地道茶記風格，再加上裝修擺設，令到餐廳更地道。唔講其他，就講野食，我嗌咗星加坡咖喱豬軟骨黑豉油乾撈麵，一上菜真係嚇親，因為真係好大碟！味道就真係偏咸，不過咖喱味都搶，所以總算係平衡到，結果都係食咗大半碟就已經飽。如果想試地道餐廳，又有信心挑戰大碟撈麵，拿督真係可以一試。

久仰大名嘅拿督星馬大飯店，菜式好特別，好多都出名，例如咖喱飯，胡椒湯粉等，但兩個人得兩個肚，食咗其中兩款試試✨✥ 肉骨茶配白飯及油條 (星期三限定)限定星期三先有‼️ 我哋好好彩咁啱可以試下唔知正唔正宗，但係我哋食過最多料嘅肉骨茶佢唔係一般排骨煮成嘅肉骨茶，而係有豬手，豬潤，豬心，粉腸…🔥附有一小碟黑醬油點湯料食，仲有香脆嘅油炸鬼可以點肉骨茶食。咁多料個肉骨茶較似中式湯水，帶有小小辣味，非常特別✥ 黑豉油乾撈麵 (怡保炆大細腳) 超邪惡嘅撈粗，黑豉油好香濃，不過真係好多油🤣 一定勁肥，大細腳係指豬手同雞腳，鹵水汁非常入味，豬手同雞腳都炆得好淋✥ 凍星加坡白咖啡意外地唔太甜✥ 馬拉鮮桔仔冰桔仔冰味道清新，幾特別

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝐹𝑜𝓊𝓇·• 馳及檳城炆鮮豬皮 $26·• 怡保雞雜黑豉油乾撈粗麵 $49·• 燒香肉頸肉胡椒湯河粉 $51·• 海鮮叻沙 $54·• 半隻海南雞 $100·• 星加坡黑豉油豬油撈白飯 $12·• 腐竹薏米冰x2 $16/1·• 凍星加坡白咖啡 $13·• 星馬拉茶 $15💸 $355❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.位於觀塘近碼頭嘅熟食市場，平日開到下晝3點，星期六日唔開，所以基本上唔放假/喺附近翻工就食唔到～一直都等緊機會食，果然冇令人失望，好好食好地道嘅星馬菜😛。同埋佢真係好抵食又大大份。4個人叫左4個主菜係食唔哂嘅。-♡═━┈┈　　馳及檳城炆鮮豬皮 $26 ✰✰✰✰炆得好入味好濃郁，豬皮軟淋淋入哂味。-♡═━┈┈　　怡保雞雜黑豉油乾撈粗麵 $49 ✰✰✰✰好食好大份，一碟夠兩個人食。雞雜唔會腥唔會臭，點埋個滷水汁食好惹味。撈都整得好乾身，粗麵彈牙。但我覺得可以鹹多少少～-♡═━┈┈　　燒香肉頸肉胡椒湯河粉 $51 ✰✰✰✰食完個胡椒湯個胃會暖半日🤣，好辣好香，冬天食一定好

觀塘碼頭熟食市場內有一間馳名的新加坡檳城小餐館，像懷舊大排檔般非常地道，價錢極之大眾化，黑鼓油系列是最出名的。檳城忟鮮豬皮叉燒黑鼓油撈乾麵，真的充滿豐富骨膠原，那豬皮滑溜溜的，完全有別於一般滷水豬皮，黑鼓油少少甜，撈乾麵香口但非常油膩非常地道，不是每位也能接受😅檳城五香肉卷有蟹肉、蝦肉、豬肉、馬蹄及腐皮，表面炸得脆口，內裡煙煙韌韌的口感豐富。另外加了碟星加坡蜜汁叉燒，但肉質過瘦及乾身，有點失望。山渣冰多料抵飲，大量醃製山楂切了片，少酸解喝是解暑佳品。

一直都想試呢間野，但佢同返工時間撞到應一應，星期六日又唔開，夜晚又唔開，只係開平日既中午，好似仲要３點就收。雖然佢只係開中午，但係人流一直都保持到咁旺。佢有幾樣招牌拿手野，其中一樣就係黑鼓油乾撈麵。呢間野係熟食中心入面，熟食中心歷史都睇得多有咁上下，所以呢，環境就殘舊左少少，污糟左少少。行左幾層樓梯，終於到左。佢分左幾個倉，我就坐左係最入，呢個倉係最乾淨，我個人都接受到。▧ 黑鼓油乾撈麵(怡保炆大細腳) 大細腳姐係雞腳加豬腳。２樣都蚊到好林好入味。食落感受到好多骨膠原。黑鼓油乾撈麵炒得好香，條條都有色水，炒得好均勻。不過油份好多，成個碟都好多油。食落唔會好油膩感，不過見到碟底咁，無論有幾好食，都要適可宜止。

同事話呢一間好食， 咁所以我都嚟試下， 因為間野喺街市嘅關係所以 感覺上比較唔衛生， 但有另一翻風味。我叫咗個豬頸肉胡椒湯底油面加杯 山楂冰， 豬頸肉就冇乜特別， 但個胡椒湯底就非常好味， 估唔到個胡椒湯底可以咁濃味同埋有少少辣， 唔怪得閒嘢咁多人排隊咁多人食啦。杯山楂冰都幾好飲，酸酸甜甜好開胃。最估唔到係竟然街市熟食店啲服務態度竟然咁好， 啲員工都非常nice同好熱情， 臨走時我拎住張餐紙影相， 佢好熱情咁樣同我講話成張拎走都得㗎。下次我會想試下佢個海南雞飯同埋喇沙湯底

吃完今次, 應該可以死心吧!它依然在山旮旯的觀塘熟食中心, 逢一至五只開午市, 但是今次山長水遠來吃午飯, 真的只有受氣, 特別是伙記忘了點單, 然後追了不少次, 最後遲了三十分鐘送餐, 還被其他伙記”串”為何不主動追單, 再加上其他伙記不斷的咆吼, 真的吃得不舒服.點了黑豉油大細腳撈粗麵, 豬扒喇沙還有五香肉卷. 湯底味道沒有咖喱香和椰香, 不夠辣, 只有丁點兒鹹味, 外表看似洗碗水. 豬扒份量只有數塊, 骨的份量不比肉少, 豆卜沒有吸收湯底的香味. 售價要$54, 份量比一般茶餐廳的下午茶還小. 五香肉卷吃不到肉香, 味道和口感似是炸腐皮包着的芋頭糕, 只有單純的粉感和芋香. 大細腳也就是豬腳和雞腳, 炆得夠腍夠入味, 黑豉油也平均地沾在粗麵上, 只是兩隻雞腳和兩小件豬腳, 感覺比之前更吝嗇.餐飲是山楂餅及薑汁奶茶 , 山楂冰有山楂碎的原香, 不會太甜. 薑汁奶茶有薑粒, 奶茶底還算滑, 但兩者撞埋有點兒酸味. 女友初次品嚐, 悟出道理, 它仍然健在, 大概是因為很喜歡這種熟食檔風味, 加上觀塘碼頭未有太多大眾化餐廳, 餐廳價錢偏貴份量偏小維持成本, 就算只開一個午餐時段也可以.

觀塘碼頭熟食中心有一間好出名食星馬菜嘅餐廳, 就係<拿督>! 記得早幾年去食, 次次都要預早去拎位, 唔係有排等, 今次叫外賣, 叫夠4碗就可以送到附近工廈, 好方便!燒豬頸肉喇沙喇沙湯底超級濃郁!!! 真係好好味, 麵條可以自選, 我揀左摻摻, 即油麵加米粉!豬頸肉燒到好香, 同埋好爽, 好有口感! 配料仲有豆卜, 豆角, 芽菜, 同埋半隻烚蛋! 叫外賣仲有分湯, 非常好! 唯一不足嘅係份量唔係好多, 食完唔係好夠喉!星加坡咖哩牛筋腩黑豉油乾撈粗麵撈粗麵就份量十足, 粗麵放滿成個盒, 望落個樣雖然好深色, 以為會好咸, 但絕對唔係! 黑豉油醬汁調味剛剛好, 好惹味! 而且麵條夠乾爽, 所以食落口感非常唔錯! 而牛筋腩都煮到好腍, 好重咖哩味, 好好味

呢間隱世星馬菜位於觀塘碼頭嘅熟食中心，地點有啲遠，喺APM行過去都要10-15分鐘🚶🏻‍♂️同埋餐廳好有性格，平日收3點，星期六日同公眾假期都唔開😎所以大家記得留意時間，唔好摸門釘喇🤗🍗馳名怡保炆大細腳黑豉油乾撈麵 ($49)大細腳即係雞腳同豬腳，兩樣都滷得好入味，骨膠原非常豐富🤩美中不足嘅係豬腳可以再多兩舊🤪撈麵嚟講小編首選一定係粗麵☺️麵條平均咁沾上黑豉油，食落甜甜地又充滿油香🤤而且份量超大碟，兩個人share都夠晒飽🙀🐤新加坡海南雞飯 ($59)雞肉幾滑冇雪味，油飯好香好夠味，食得出係珍珠米，好有咬口😝三種醬汁都做得唔錯，當中個人最鍾意酸辣汁，好開胃😋跟餐嘅湯係紫菜豆腐湯，味道就正正常常啦🥸🥤腐竹薏米冰 ($16)行到去餐廳都身水身汗，就梗係要叫返杯凍飲降吓溫啦🥵飲落好清甜，加上好足料，消暑一流🥰🌟8.5/10

星期三之星， 平時冇得食㗎淨係逢星期三先有， 鍾意肉骨茶嘅朋友仔記得星期三嚟😄有呢個隱世餐牌入面嘅🍖肉骨茶， 係必食之選仲係我食過最好食嘅🍖肉骨茶非常足料 有淡淡嘅藥材香味🐽豬腳仔煲得好淋， 🐽豬潤非常爽滑 ,冬菇索曬啲湯汁非常入味,而且仲有🐽豬肋骨, 龍眼肉,杞子, 黨參,淮山...等等...配油炸鬼，黑醬油 🍚白飯特色黑醬油咖哩牛筋腩粗麵黑醬油咖哩可以選擇唔同嘅餡料 ，最出名嘅大小腳 (🐥 雞腳同🐽豬腳仔)， 雖然係最出名但係突然之間好想食🐮牛筋腩🤣🤣其實每次嚟到都好想試下呢度嘅奶茶，但係永遠都畀桔仔水吸引🤣🤣 因為夏天，敵唔過夏天清涼解渴之選桔仔水嘅魅力

排隊熱店—呢間係觀塘碼頭熟食嘅名店-拿督，基本上成個熟食中心，一眼望落去得佢一間要排隊排到入後樓梯，所以令人不禁好期待😈除咗咖喱之外，呢個炭燒雞扒撈粗就係最招牌！50幾蚊滿滿一大碟，雞扒好好食，一入口有燒雞嘅香味，皮脆內嫩。粗面用咗黑醬油撈，好夠味，不過我嗰碟剛好唔夠熱，扣咗啲分，食得多可能有少少漏，點返側邊個汁啱啱好中和到份油膩感，普遍唔差！另外叫咗星馬腐竹薏米冰，比我嘅感覺就係飲緊濃稠版腐竹糖水，好足料，腐竹夠厚 仲有原粒白果，未食過嘅可以去試吓！感覺都幾地道㗎！