捌哥‧馬拉籽

營業中

休息中

如果系香港想搵正宗既馬來西亞菜 推薦大家去試下呢一間「捌哥‧馬拉籽 特色馬拉茶啡廳」🇲🇾✨ 大圍同深水埗都有分店 食物夠地道正宗 價錢夠貼地😆愛他愛他 (3串) $42馬來西亞傳統既小食🍢 用香蕉葉包住已經有香料混合既魚肉蓉 經過烤製後 風味十足😙玻璃魷魚蕹菜 $58蕹菜姐系我地叫開既通菜😂 玻璃魷魚爽口彈牙 而蕹菜口感清爽 加上餐廳獨製既醬料 香辣又惹味🤤魚仔醬啦啦 $54用上咸咸香香既魚仔醬 成功吊起左蜆既鮮味 咸鮮滋味在心頭 食到停吾到口🤪大骨肉骨茶 $106大骨肉質嫩滑有咬口🍗 而肉骨茶 帶有鮮濃既肉香 再配上獨特既香料味 飲飲下再滲出左濃郁但又吾苦澀既藥材味🍲 呢到最正系飲吾夠仲有得Refill啊🫣娘惹喇沙 $84喇沙湯底有濃郁既咖哩🍛同椰子既香味🥥 同時帶有淡淡既甜味 麵底當然揀左摻摻 油麵同米粉索哂啲湯底 好正😋 而配料上都好豐富 有虎蝦 魚片 豆卜 同蔬菜等🥢桔仔話梅水 $30酸酸甜甜 口味清新酸爽又解膩🍊冬瓜龍眼茶 $30淡甜既冬瓜味 加上龍眼既果香 清新可口🥤

今晚同朋友去咗「捌哥 馬拉籽」食下肉骨茶同喇沙。細滲肉骨茶砂煲一打開，藥材香氣撲鼻而來。豬手、豬肚、雞腳、五花腩，金菇菜同埋豆卜，煮得淋而不爛，湯底濃郁，唔錯。老鼠粉豬腩肉肥瘦均勻，有魚片，肉碎添咗好多層次，粉條煙韌，好味。娘惹喇沙蝦肉鮮甜，豆卜吸滿湯汁，配上洋蔥同青瓜絲，口感豐富，湯底有椰汁香味再加少少辣，好惹味。我揀咗油麵加米粉，辣味適中，好醒胃。鮮牛油咖央多士外脆內軟，牛油同咖央醬完美融合，甜而不膩。咖喱雞撈麵咖喱辣得刺激，油麵吸滿咖喱汁，爽。茶啡滲唔會太甜，幾好飲。

餐廳內怖置以貓咪做壁畫，相當可愛！餐廳分上下兩層，我們當晚就被安排在樓上用餐, 還享用了期間限定的加強版龍蝦尾海鮮濃湯蝦麵, 湯底是用特濃蝦湯, 每日只限量供應20碗, 真的如他們的宣傳海報一樣，超級豪華呢! 手掌咁大嘅龍蝦尾、帶子, 加上魚片, 青口及雞蛋, 將本身已經濃郁既蝦湯底, 加埋以上海鮮, 鮮茄熬製成濃湯, 就更香更濃更鮮甜啦！我們再配埋凍的怡保白咖啡就襯成了套餐。而人氣芽菜雞配黃薑飯或白飯, 加HK$5.00可配其他特式飯類, 例如: 豬油撈飯, 藍花飯及椰漿飯, 好有特色呀！加HK$15.00 重可轉雞髀添。另外，魚仔醬啦啦 , 是蜆加少少辣的魚仔舖面，而沙嗲串燒，我們揀了雞、牛、豬各一串，沙嗲很香花生醬味，很惹味！玻璃魷魚蕹菜，魷魚很軟淋，蕹菜很新鮮。下次一定要去試埋佢哋嘅必食招牌原煲砂鍋肉骨茶，單是肉骨茶款式都有10多年款，肉骨茶湯膽及其他調味料都是由馬來西亞直接送到香港，所以味道正宗。而肉骨茶配料內有五花腩、排骨、豬肚、雞腳、豆卜及油炸鬼等。

🇲🇾街坊至愛豪華肉骨茶🇲🇾-呢間主打馬拉風嘅肉骨茶 成日都好多街坊排隊堂食同外賣 咁啱呢日入開大圍探朋友 所以㨂咗佢嚟醫肚先😙 坐位不多 但大家都好快食完 所以唔洗點排😎-🍲細滲肉骨茶 $106 話明出名肉骨茶 當然要叫一碗啦 我地㨂咗呢個細滲 姐係combo每樣餸都有啲 有齊豬手 三層肉 金針菇同豆卜等 選擇困難都唔驚🤣 肉骨茶湯底都幾濃郁 帶有中藥回甘嘅甜味 夠呀晒補呀😛-🐥芽菜雞配黃薑飯 $92 雞肉都ok嫩滑 有少少椒鹽調味 加上個芽菜底份量十足 撈飯一流😚 另外佢嘅黃薑飯都出色 每粒顏色同調味好均衡🍚-
🐮我知你啦薄餅配仁噹牛肉 $68 薄餅煎得外層好脆 入面好鬆軟 但又唔會太油膩😚 仁噹牛肉嘅咖哩汁後勁都幾勁 好惹味😜 仲有大大嚿薯仔 不過再煮耐啲入味啲就更加好-🇲🇾愛他愛他 $42呢個個名咁得意所以我地叫咗嚟試下 其實係馬拉地道小食 用葉包住魚肉同香料整成嘅肉餅 食落香料味十足 都幾易上癮😋-🍞鮮牛油咖央多士 $38 最後叫咗個咖央多 佢地烤到多士全脆 再落足牛油同咖央醬 啖啖都係香濃嘅口味 唔怪得基乎每枱都有叫😎-
📍捌哥‧馬拉籽 (大圍)大圍積存街14號兆苑地舖

【大圍•捌哥‧馬拉籽】@ππππππππππππππππππππππππππππππ超正馬拉餐廳就在大圍細渗娘惹喇沙米粉馬拉沙嗲串烧（半打）牛，猪，雞馬来西亞茶（冷）冬瓜龍眼茶（冷）蘿蔔糕 娘惹喇沙娘惹喇沙是一道濃郁的馬來西亞特色湯麵，結合了華人和馬來的烹飪風格。它的湯底通常由椰漿、咖喱粉和香料煮成，味道香濃且帶有微微的辣味。米粉在湯中吸收了豐富的味道，搭配蝦、雞肉或豆腐等配料，讓這道菜既有層次感又充滿口感。每一口都是對味蕾的享受，尤其適合喜歡辛辣和濃郁風味的人。米粉都是一道不可或缺的主食。特別是在馬來西亞的熱帶氣候下，米粉的清爽口感非常受歡迎。 馬拉沙嗲串烧（半打）馬拉沙嗲串烧的魅力在於它的多樣性和風味。這裡的串燒包括牛肉、豬肉和雞肉，通常會用香料和花生醬醃製，然後在炭火上燒烤。每一串都外焦內嫩，散發出誘人的香氣。搭配酸甜的花生醬和黃瓜片，讓整道菜更加清新可口。馬来西亞茶（冷）馬來西亞茶通常是用紅茶和煉乳製成，冷飲版本特別適合炎熱的氣候。這杯茶口感順滑，甜而不膩，並帶有淡淡的茶香。它的清涼感可以消暑解渴，是搭配辛辣食物的完美飲品。冬瓜龍眼茶（冷）冬瓜龍眼茶是一款傳統的馬來西亞飲品，以

食馬拉菜 點少得肉骨茶😎呢間餐廳有幾款肉骨茶揀 我地貪心 揀左大滲貪佢咩都有 （豬手 一字骨 豆卜金菇🤩） 肉骨茶好濃 飲完個人好熱😂😂 正👍🏻我地再嗌左個辣死你嗎配仁噹牛肉🌶️🌶️個汁配椰漿飯一流 椰漿飯甜味中和辣味😆黃豆狂食椰漿飯😂😂 而芽菜雞係嗌俾唔食辣既黃豆 佢食雞之餘仲鍾意配菜—芽菜 超嫩無渣 😋 另外 咖咉多士又係必食🥰 黃豆自己可以食哂一份🫠佢話個多士好脆 同有塊勁邪惡嘅牛油配上咖咉醬👏🏻 拉茶同柑橘話梅飲品都係馬拉特飲😎識飲一定嗌✌🏻

今天好友約我大圍《捌哥·馬拉籽》吃晚餐，餐廳乾淨企理。我們點左大骨肉骨茶$106，肉骨茶藥材味濃郁，大骨原來是豬𦟌幼骨，豬𦟌肉嫩滑美味配豆腐泡和金菇很美味可口。辣死你嗎配仁噹牛肉飯$82，綠色班蘭椰漿飯椰香味濃，牛肉粒炆夠腍夠入味，參巴醬少少辣，配炸魚仔、炸花生、雞蛋、薯仔，美味好食👍辣死他啦配参巴魷魚飯$76，玻璃魷魚爽口醬汁勁辣，配蝦片、薯仔、生紫洋蔥、鹹蛋半隻，藍色碟豆花飯好食。馬拉沙嗲串燒$64 :牛、雞各三串。雞肉很滑嫩，牛肉鬆軟，沙嗲醬很香有花生粒好味😍飲品：美祿恐龍$30，朱古力味濃好飲

一家三口2050入門口戴帽男溫馨提示21:15 last order , 坐咗上樓上手機點餐諗諗吓都係長話短說算啦，講重點！1.落完單到上咗菜，水都冇杯，樓上連埋我有四台客，冇一倖免2.全場員工踢一腳郁一下完全冇主動過。3.飲肉骨茶同上炒飯又唔比匙羹4.上菜男上菜嘅感覺係求其有位就攝擺完嗱嗱聲就要走（正常應該係就算佢唔幫我哋輕輕移開啲餸都要等我哋移開先再放落嚟啦）佢每次落完嘢或者我要求佢加水我哋都有唔該前唔該後佢都完全係零反應木口木面。5唯一主動嘅係係21:10同我哋講last-order有冇嘢加？6戴帽男上嚟逐台埋單嗰陣 頭一兩枱都有講聲唔好意思，麻煩埋一埋張單先，但係去到我嗰度就乜都唔講。。。。。。。。可能我樣衰😂穿窿啊7到埋單睇返張單我就解開晒全晚疑團，最尾應該係我錯對唔住🥺原來佢哋冇收加一服務費🙂所以冇Service係好正常。所以我只能夠challenge佢哋嘅禮貌😂😂😂8走嗰陣行落地面，佢哋啱啱拖完地一個小心地滑嘅牌都冇，我行頭差啲跣死 ，跟住個阿姐先沖出嚟同我講小心地滑。多謝晒喎😌9總括嚟講佢哋成間鋪比我感覺都係趕收工1分鐘都唔可以蝕底，2樓得嗰四台客戴帽男21:27就上嚟

泰式菜就吃的多了，馬拉菜真是不多見，今天在大圍居然被我發現了一間地道的捌哥‧馬拉籽餐廳，墻上裝飾好引人注目，整幅墻是一隻好cute 的貓🐱龍蝦尾海鮮濃湯蝦麵這是加強版特濃蝦燙底，每日限量20碗，好在今天中午來的早吃得到！一塊碩大的龍蝦尾浮於濃郁的湯底之上，有鮮嫩的青口，帶子，雞蛋，乾蝦和通菜好誘人。湯汁濃郁,飽含鮮甜味,麵條Q彈！砂煲老鼠粉冒著陣陣熱氣的砂煲,裡面有鹹香的蝦米，肉碎，江魚仔，滑嫩的半熟蛋與辛辣滑順的老鼠粉，撈勻之後味道好香。酸辣亞參魚魚肉入口，不同於泰式的酸辣味，是馬來西亞的亞參酸辣味,魚肉經過炸製之後比較香脆，好開胃！這間店肉骨茶有好多選擇，大滲，細滲，一字骨，豬腳彎，真是任君選擇！

間唔中就會想食下馬來西亞嘢，經過大圍見到有間「捌哥．馬拉籽」，有好多唔同種類嘅馬來西亞主食，就決定試試佢，唔覺意叫左勁多野食～肉骨茶食得馬來西亞嘢，緊係要試試佢嘅肉骨茶啦！肉骨茶有相當多款選擇，只要叫一款就可以任飲佢地嘅肉骨茶，喺上菜前可以飲一碗先，而呢間嘅藥材味適中，相對比較溫和，而蒜同辣椒會另上，個人認為加左好飲D。肉骨茶今次揀左豬手，一份有5-6件，炆得好夠火喉，夠晒腍！咖央多士個醬好正，多士都烘得好脆又唔會過燶！另外仲有鮮牛油咖央多士可以揀。薄餅配娘惹咖哩雞個咖喱好掂，食得出有馬來香料，雞都有好多件，抵食！魚仔醬啦啦啦啦即係蜆肉，有好多隻，個魚仔汁都好惹味，鹹香惹味！龍蝦尾海鮮濃湯蝦麵非常足料嘅一個麵，有原隻龍蝦尾、帶子、魚片同青口，加上蝦麵湯底，食得出好鮮味！熱檸檬薏米水甜度適中，加埋粒粒薏米好有咬口。美祿恐龍濃郁嘅朱古力味，邪惡之選！整體嚟講都係一間非常有驚喜嘅馬來小店，非常推介去食～

第一次幫襯，亦肯定係最後一次幫襯🤬🤬上咗樓上坐低，其實衛生情況感覺麻麻，張枱仲係污糟，因為有小朋友同行所以我一般會自行清潔枱面。落單叫咗2份食物+咖吔吐司+1杯凍白咖啡+1杯凍桔仔話梅水，唔夠3分鐘即溶白咖啡上枱，毫無誠意可言，味道差劣！到小朋友飲杯凍桔仔話梅水，飲完2啖拎起杯入面隻匙羹，好彩我望吓，嘩😨隻匙羹生鏽㗎😱我即刻叫樓上唯一嘅黑面哥哥員工，同佢講完佢一句聲冇出就拎走杯野落樓下，唔夠1分鐘就拎返杯嘢上嚟，杯野我可以好肯定只係換咗隻匙羹，因為杯野係完全冇冰，water level係同頭先一樣，仲有連粒話梅都係同一粒！！我即刻拎埋杯嘢衝落樓下，同另一位員工理論，我話杯飲品浸完一隻生鏽嘅匙羹換過另一隻匙羹就當冇事，究竟你哋有冇良心？佢雖然換咗另一杯俾我，但我唔敢再俾小朋友飲，我對餐廳嘅衛生非常有保留，連食緊嘅炒麵都冇胃口再食。仲有，每個員工嘅態度都好有問題，尤其樓上那位黑面哥哥，一句道歉說話都冇，好似我增加佢工作量，上落樓梯時用極大腳步聲表示抗議。員工們，請你們好好保留生鏽匙羹🥄人在做天在看，你們良心何在？你哋記得每日將隻生鏽匙羹浸住水再慢慢細味品嘗呀！

✦ 鮮牛油咖央多士 咖央與鮮牛油份量各佔一半，口感幼滑，多士鬆脆✦ 玻璃魷魚蕹菜 最喜歡玻璃魷魚嘅馬拉辣醬，好惹味，為蕹菜增添風味✦ 豬手仔肉骨茶 非常濃郁肉骨菜，呈深啡色，每件豬手吸收了肉骨茶精華，帶鮮濃的肉香，繼而慢慢滲出濃郁而不苦澀的藥材味道✦ 檳城福建蝦麵 蝦味十足嘅湯底，有豐厚海鮮風味加多種香料香，味道層次多元化，配菜亦好豐富，有腩肉、魚片、雞蛋、蕹菜等等✦ 馬拉籽芽菜雞 新鮮浸製嘅白切雞，雞肉入口嫩滑，啖啖肉，配搭爽口芽菜，好出色✦ 桔仔話梅水好潤喉嘅桔仔話梅水✦ 檸檬薏米水非常清甜又解渴

捌哥‧馬拉籽進駐大圍啦！主打馬來西亞菜👍🏻用料講究店內食材醬料例如：喇沙湯底、肉骨茶湯膽、拉茶的茶葉、咖央醬、豉油、胡椒粉等醬料都是馬來西亞空進口✈️係到可以食到原汁原味馬來西亞菜！🥢肉骨茶 一字骨湯底濃郁！一字骨炆到好入味！🥢咖央多士～烘到香脆多士配上咖哋醬椰香味出🥢馬拉沙嗲串燒 叫左牛、豬、雞各一串沙嗲醬濃郁！串燒係即叫即烤嘅夠晒熱辣🥢辣死你嗎配參巴魷魚材料豐富！參巴魷魚食落帶點微辣！香口可惹味配埋椰漿飯、青瓜、花生、乾魚仔、薯仔、雞蛋口感豐富！🥢檳城福建蝦麵可以自選麵底我叫左滲滲：油麵加米粉蝦湯味道香濃配上虎蝦、雞蛋、芽菜、腩肉同魚片！令人一絲難忘好味道！飲品叫左☕️怡保白咖啡 🍸桔仔話梅水 #香港美食 #香港生活＃香港#探店 #香港探店 #週末探店 #香港旅遊 #車仔面 #香港地道美食 #hkfoodie #大圍 #大圍美食 #大圍站 #大圍好去處 #沙田#沙田美食 #沙田友#沙田好去處 #沙田美食 #美食📍大圍積存街14號兆苑地舖

大圍一向都最多嘢食，今次小編就見到有一間馬拉餐廳相當吸引，所以就入咗去試吓，今次就叫咗唔少嘢share餐廳主打肉骨茶，有好多款肉骨茶可以選擇，小編就揀咗豬手肉骨茶，再配搭蒜粒同辣椒，一口飲落去嘅肉骨茶超濃味，豬手啖啖肉，味道都真係唔錯😝另外，仲叫咗鮮牛油咖央多士，砂煲老鼠粉，咖喱雞配薄餅，馬拉傳統美食辣死你媽 牛油咖央多士：多士經過韓國之後，再搽上咖央醬+牛油片，相當邪惡，係舊時候嘅味道，充滿童年回憶🤭砂煲老鼠粉：份量都超多，裏面有銀針粉、蒜、蝦米、肉碎、江魚仔、豬油渣、半熟蛋，撈勻來食，好好味咖喱雞配薄餅：鍾意食辣咖喱嘅朋友真係唔好錯過，咖喱超香濃，而且都有一定嘅辣度，再配上薄餅，簡直係完美配合，裏面仲有雞件同埋薯仔 ，同價curry 撈埋一齊食，正👍🏻辣死你媽 配仁噹牛肉：當中有包椰漿飯、參巴醬、青瓜、花生、乾魚仔、薯仔、雞蛋，不過就加咗錢轉蝶豆花飯，感覺就好特別，而且人多牛肉呢都炆得好腍好入味，將啲飯+花生同乾魚仔一齊食，再加少少參巴醬，好似返咗去馬來西亞咁，好傳統飲品方面：茶啡滲+拉茶兩款呢都係馬來西亞傳統飲品，好適合配多士食，前者飲到咖啡嘅淡淡香味+濃厚拉茶，小編極力推介😜

看見餐廳的食評好評如潮，星期五晚上便前來吃晚飯。晚上7時許到達，樓下四張枱只得一枱有客，隱約覺得中伏。 餐廳面積很細，坐得並不太自在舒適，點了四樣食物：鮮牛油咖央多士、芽菜雞配黃薑飯、細滲和熱奶茶。咖央多士味道不錯，細滲是他的招牌菜肉骨茶，湯內有一隻未煑好的硬雞腳，一小塊豬手 ，一塊一字骨，一塊腩肉，幾塊豬肚，最多的是豆卜和金菇。豬手和腩肉味道OK，但湯底就令我大失所望， 我從來未吃過這難吃的肉骨茶，没有藥材味，只得鹹味和酸味，喝了幾啖已喝不下去。芽菜雞稍為正常，但那碗黃薑飯又乾又硬，一般餐廳的海南雞飯都比這間好吃。總的來說，食物的味道與價錢不成正比， 不值得推薦。