探魚烤魚

營業中

休息中

1. **午市一人餐** - 香辣味烤魚壹人食 HK$ 98 -芥味海茸 HK$ 22 （跟餐加）香辣味烤魚壹人食，味道非常濃郁，魚肉鮮嫩，配上香辣醬，食完真係回味無窮。另外，芥味海茸好有驚喜，有啲似食壽司芥末八爪魚嘅感覺，但又比較彈口，好值得一試！2. **午市一人餐**- 醬香味烤魚壹人食 HK$ 98- 爆漿鴛鴦燃杷 HK$ 28 （跟餐加）如果唔食辣，醬香味烤魚絕對係另一個好選擇，味道同樣出色，醬汁入味，魚肉非常滑嫩叫咗個跟餐小食爆漿鴛鴦燃杷，好煙韌，外脆內軟！3. **海陸空天團** - 魷魚鬚、牛肉、雞軟骨各5串 HK$ 68海陸空天團亦唔錯，五串魷魚鬚、牛肉同雞軟骨，各種肉類嘅風味都唔差，特別係雞軟骨，口感彈牙，絕對值得一試。4. **黃金組合** HK$ 56因為要食烤魚個汁，所以都叫咗一個蔬菜組合，健康搭配5. **鮮腐竹** HK$ 30好新鮮好嫩！6. **野飲** - 探魚德式小麥啤酒（330ml） HK$ 29 - 低糖紫米豆漿（熱） HK$ 19食辣烤魚飲返個啤酒，在加健康豆漿😆**跟餐係有無限任添嘅冰粉，實現冰粉自由口感清爽，非常適合消暑，食完熱辣辣嘅烤魚

之前試隔壁Fusion 法國菜，行過已被探魚傳出濃濃的香麻味吸引，今晚唔知食咩好，決定試試。7點左右到㩒飛仔，等咗大概40分鐘至有位入座；以我觀察，可能索性8點過後至嚟食，會快啲有位。第一次光顧，試下招牌嘢先，我和老公點了鮮青椒爽麻味烤魚（鮰魚），加蔬菜雜錦及豆皮，小食天團，當然唔少得自助冰粉。鮰魚肉厚少骨，啖啖肉，難怪幾款魚中最貴。烤魚麻味控制得非常適中，香麻而不太辣，對於喜歡麻味的我，真係食得好爽。小吃天團既炸物火候非常好，外脆多汁，絕無乾柴柴。自助冰粉的麥米爆珠及桂花蜜非常有驚喜，以致我同老公各自食咗3碗

而家探魚真係唔需要返大陸食啦，今日特登過咗嚟呢度試吓香港嘅探魚同國內嘅一唔一樣。坐低咗之後叫咗個鮮青椒爽麻味烤魚，唔使等太耐已經有得食，一上台超級香，已經流晒口水，成條魚上面鋪滿青椒同麻籽，超正，魚既肉質好好，好嫩好滑，另有萵筍同埋豆花配菜，如果唔夠食嘅，仲可以另外再叫打邊爐配料，不過我哋叫咗一個海陸空串燒，有雞軟骨，魷魚鬚，牛肉串，燒得好好味，真係拍得住係國內既味道一樣。最係有冰粉食，仲要係無限添加架，自己中意食咩就要咩，全部自己揀。

天氣清涼，食鍋特別暖笠笠，午市有一人餐，4款烤魚口味選擇，有辣和不辣，一人一鍋都幾滿足醬香味烤魚一人餐配飯、冰粉各一，原條魚柳不用去骨，啖啖肉，醬香微辣，又香又麻。金銀蒜香味烤魚一人餐一樣配上飯、冰粉一份，蒜味十足，魚肉香滑，完全唔辣。絕絕子爆汁炸雞香脆內嫩，好多肉汁，孜然甜辣土豆仔 香脆可口海陸空天團（12串） 肉爽魷魚又香又辣，好送飯。爆漿鴛鴦糍粑 最鍾意黑色流心黑糖味冰粉自由配搭，解辣解膩，大滿足呀～

但一直都好鍾意食烤魚 呢間烤魚，我食完之後就返唔到轉頭 真係好好食 不過喺香港食價錢就貴啲😂- - - - - - - - - - - - - - - - - - - - - - - - ❤️青椒麻辣烤魚我哋揀咗最經典嗰款 個烤魚真係好好食 又麻又辣 個魚都好滑好入味 我最鍾意嘅係佢哋嘅豆腐花 冇諗過可以咁好食 不過一定要煮耐啲先夠入味 一啖落去勁滿足🤤🤤❤️小吃天團❤️海陸空天團呢兩款拼盤都唔係太推薦 份量比我想像中少 而且味道都一般 特別係個串燒 個肉真係超級細粒 一啖就冇🥲🥲

心思思想食烤魚，依家唔使返大陸都食到啦～ 餐廳主打多款口味嘅烤魚，有辣有唔辣，大人小朋友都啱食，另外亦有特色小食同飲品供應，加多$9仲可以無限享用自助區嘅冰粉，值得到訪✌️烤魚用大爐熱住，食得慢都唔怕，魚肉嫩滑，啖啖肉好滋味。湯就要咗金銀蒜香同醬香味，個人更喜歡前者，香濃入味，而且比想像中冇咁油，食完都唔覺得口乾，後者鹹香，適合配飯。鍋有好多配料，另可自由加配，蔬菜豆腐吸滿湯汁，唔使額外點醬都已經夠味。小食反而有驚喜，小酥肉超級脆身，皮厚咗少少但以味道取勝、土豆仔同花菜都唔錯，夠晒惹味。記得留肚食冰粉，桃膠、爆珠、珍珠、山楂片、提子乾等，因應個人喜好自由搭配，冰粉得原味，加埋生椰、紅糖、桂花蜜，冇可能唔好食。出邊仲有菊花茶，呢餐真係大滿足！

我落左order要兩碗飯，小菜上左之後，我話唔該上埋飯，個服務員即刻態度好差咁講落左order未？我話落左，但係佢冇上飯俾我，我又叫多左一次，食到一半，個服務員見到我啲食梗飯，即刻質問邊個俾飯你？你自己出去拎？我話，我叫你同事上嘅，佢下一句繼續態度好差咁講要落左order先，我話我落左，你自己去睇我當時真係服左，咩都冇確認過，先質問個客，想問下呢啲係咩道理？

几乎每个月来吃两次，但是今天实在是无法忍受叫号服务的混乱。门口的叫号服务员似乎并不明白什么是先来后到，什么是公平。在有四人座位空出的情况下，这位短发女服务员一直在叫B号（3-4人），而不让更早拿号的A号（1-2人）顾客入座。导致拿A号的顾客全部在门外等待，而拿了B号的顾客却可以很快等到座位。更滑稽的是，我亲眼见到一对情侣，比我来得晚，只有两个人却拿了B号排队，并且在上述服务员的混乱叫号之下成功地提早入座。在我指出之后，叫号服务员心虚不已地岔开话题说“我们没有叫A号只因为店内双人座位还没有收拾好。”她的借口也着实可笑，因为店外排队的其他双人行顾客也都看到了，那时候店内已经空出2-3个双人座位，这个叫号服务员却仍在叫B号。希望店内经理或其他管理人员重视此事，否则我会怀疑你们是否只希望3-4人顾客来吃？

最近到訪一間於沙田來自內地人氣火熱品牌的烤魚餐廳，名為「探魚烤魚」，餐廳除了提供多款香辣烤魚之外，還有不辣的醬香烤魚及滋味炸物，更有免費任添消暑自助冰粉！我們一行二人品嚐了以下菜式：醬香味烤魚（凌波魚） $298這道醬香味烤魚以凌波魚為主料，魚身烤至微焦，外皮酥脆，內裡卻保持著多汁的口感。醬汁的調配恰到好處，咸度適中，讓人一口接一口，欲罷不能。易燃易爆小吃天團 $68這是一組包含香炸淮山、金針姑，酥肉及香嫩炸雞肉，每一款炸物都經過黃金酥炸，色香味俱全。口感外酥內嫩的。絕絕子爆汁炸雞（四塊） $58這道炸雞外層炸至金黃酥脆，內裡卻是多汁的肉質，每一口都充滿了醇厚的雞肉風味。

落堂去「探魚烤魚」食翻餐烤魚先🔋.香辣味烤魚(鮰魚)🐟鮰魚魚肉大條鮮嫩😉肉質比較實淨🤤幾乎無細骨👍🏻魚肉表面灑滿芝麻、西芹、脆條🥖蔥花、辣椒🌶️洋蔥🧅湯汁香麻辣，好惹味😛.黃金組合🥗有金菇🍄‍🟫海帶、土豆片、娃娃菜🥬份量偏少🥺.爆漿鴛鴦糍耙🥢黑色係紅糖糍粑🖤黃色係奶油吉士☁️香脆軟糯😋.孜然甜辣土豆🥔土豆外脆內綿😆孜然味唔重😌.冰粉(2位)🥣有燕麥爆珠🌾寒天晶球、桃膠、醪糟🍶白珍珠、山楂片🍒提子乾🍇黑糖麻薯、花生🥜紅糖汁、生椰🥥桂花蜜🌼自由配搭☺️食幾多碗都得🤪.低糖黑豆漿🥛.Zero可口可樂🥤

今次去咗一間新開嘅餐廳探魚，真係好期待！我試咗佢哋嘅醬香烤魚，佢哋用嘅係寧波魚，魚肉鮮嫩，味道非常之好。烤魚上面淋咗一層香濃嘅醬汁，味道夠重，唔會搶咗魚本身嘅鮮味，真係一絕！我仲加咗一個寬頻落去打邊爐，啲汁真係好好食，完全可以索曬啲汁，配埋啲蔬菜同埋豆腐，簡直係人間美味。除咗烤魚，佢哋嘅炸物小天團都好值得一試！入面有炸金菇同埋炸小酥肉，炸金菇外脆內軟，咬落去有種香脆嘅口感，真係好過癮。而炸小酥肉就更加唔使講，肉質鮮嫩，外面嘅炸衣又香又脆，食落去完全唔油膩，真係一口接一口，根本停唔到手。另外，我仲試咗佢哋嘅羊肉串，細細串嘅羊肉串超好食，肉質嫩滑，味道入味，配上少少辣椒粉，真係好正！每一串都係用心製作，食完之後仲想再叫多幾串。最後，佢哋仲有一個冰粉，九蚊可以任食，真係好抵！冰粉清涼可口，特別係夏天食，簡直係消暑神器。可以加唔同嘅配料，無論係紅豆、綠豆定係水果，隨你自己喜好，食完之後心情都好好。總括來講，今次嘅探魚之旅真係好滿意，無論係烤魚、炸物定係羊肉串，都係一流嘅選擇。下次一定會再返嚟，試下其他嘅菜式

📍#探魚烤魚 (沙田)沙田沙田正街18號新城市廣場一期6樓626號舖♡人均消費: $497 @ 2▪️▪️▪️▪️▪️▪️▪️▪️▪️▪️▪️▪️▪️▪️今日到訪沙田探魚，平日夜晚七點左右人流都好多～ 門口都有唔少食客等位，我地大概8:30入座就無咁多人喇！✨#鮮青椒爽麻味烤魚💰$298烤魚揀咗凌波魚，比較多肉小骨，青椒澎湃，而且越煮越辣，烤魚好入味，鮮味十足✨#海陸空天團(15串)💰$68串燒共有15吋，例如：魷魚、雞軟骨等等，雖然每次嘅份量比較少，但勝在有唔同嘅款式可以嘗試。✨#易燃易爆小吃天團💰$68呢款炸物有炸金菇、炸雞、炸紫菜，上枱熱辣辣✨#冰粉💰$9必食冰粉，冰粉可以自由配搭紅糖/桂花蜜/椰汁，仲有多款配料，例如：白珍珠、桃膠，我自己最鍾意嘅配搭就係桂花蜜同桃膠配冰粉，正！▪️▪️▪️▪️▪️▪️▪️▪️▪️▪️▪️▪️▪️▪️

今晚去沙田烤魚，選了這間在内地好多分店的探魚。之前在深圳吃過一次，好想知同香港吃有無分別，總結是沒太大分別😂👍🏻🌟超豪華鮮青椒蛙哈哈烤魚（$318）超級大條魚，魚肉份量很多。田雞份量也不少，肉質彈牙。仲有蜆肉都好肥美😋🌟冰粉($9一位）自助bar自取，自選要什麼樣的配料，冰粉怎樣配都好吃👍🏻🌟易燃易爆小吃天團（$68）包括有金菇、小蘇肉、炸雞及山药片，比較喜歡炸雞肉嫰。🌟爆漿鴛鴦糍粑（$58）表皮好脆，看起來像煎堆，但裏面有餡，甜甜的，幾好食😋🌟沙棘原汁（$38）酸酸美味，比較開胃。我比較早吃飯，沒想到這個鐘數（5:00），餐廳裏也有幾多人的👍🏻👍🏻

係沙田行街經過探魚比佢嘅香氣吸引左入去😂。叫左個重慶豆花烤魚（$328），凌波魚啖啖肉，無咩幼骨，可以放心食。豆花有好多舊，愈煮愈滑，仲有薄荷葉嘅香味。同係重慶食到嘅味道好相似。墊係底嘅有黃芽白同洋蔥。仲有唔同餸可以加落去，我加左海帶。😆小食就叫左爆漿糍耙（$58）同小酥肉（$58）。多數見嘅都係紅糖糍粑，呢到嘅係雙色同有饀嘅。黃色嘅餡係帶點奶油吉士嘅味道；黑色嘅外層係芝麻味，入面係流心紅糖。小酥肉外脆內酥，粉漿唔會太厚，食落香口。〰️低糖黑豆漿（$19）〰️低糖五穀米漿（$19）〰️〰️📍探魚烤魚 (沙田)沙田沙田正街18號新城市廣場一期6樓626號舖

探魚個名真係講得冇錯，食完就會成日想再探下呢間探魚。環境好好，服務亦非常唔錯，入到黎都會叫下口號，沉浸感十足。另外我地叫左個醬香味烤魚，＄298，我揀既係凌波魚，魚肉好多，而且唔多骨，可以放心大啖食。醬香味亦係好出色，香口得黎唔會over，岩哂香港人口味。海陸空天團（15串）＄68味道冇得揀，而且好夠辣，雖然佢冇標示係辣既，但一黎到食落口發現咁辣，就覺得好有驚喜好出色，推薦大家都一定要試。易燃易爆小吃天團 ＄68咁大碟都係68，我最中意佢既炸金菇，好食。