摩登堂 (荃灣廣場) (已結業)

荃灣廣場開左間泰國菜，見到甜品又吸引，仲要有榴槤，即入去食，估唔到安排左二人枱，如果未叫食物，就幾夠位，但當叫左冬陰公同咖哩，都有爐仔熱住，再上埋其實菜式，跟本就唔夠位放食物，要食得好辛苦，又食得急， 享受唔到美食。幸好，服務都幾好，食物好味，價錢偏貴，但某幾樣抵食的。雞肉串燒 🐔🍗好厚肉好惹味，嫩彈雞肉燒得好香口豬肉串燒 🐖🍖較薄身，肉質偏乾硬冬陰功湯 （2位用）🌶🦐🦑🐚🥣份量幾多，每人3碗，好酸辣清爽，味道好正。海鮮有2隻大蝦，爽口彈牙夠新鮮，仲有青口、魷魚、蜆、菇、泰國茄子……用料豐富紅咖哩牛腩 🐂🌶好濃咖哩香，味道幾咸，好重牛味。牛腩嫩腍味道濃，牛筋軟綿有咬口，個咖哩好岩配飯，我地配多士唔夠喉蒜蓉多士 🧄🥖好香蒜味，唔夠脆口，份量偏少，又貴菠蘿大蝦蟹肉炒飯 🦀🦐🍍🍚好大碟，蟹肉凍的，應該由罐頭拎出黎，大蝦有4至5隻，係爽口但唔係新鮮口感，不過個飯炒得乾身又香，配新鮮燒菠蘿，味道幾正榴槤沙冰 🍧超級大杯，遠遠已有榴槤香，個面仲加榴槤蓉，好正榴槤糯米飯雪糕 🍨個雪糕都係榴槤味，奶香濃郁，糯米飯香甜軟糯，配榴槤蓉真係食唔停

之前食過一次，覺得真係幾好食，今次再去! 估唔到人流多左咁多! 星期5晚好旺場，等左段時間先入到去。炭燒蜂蜜醬烤豬頸肉呢款上次食過，已經一心決定好今次要encore!! 因為真係好好食，肉質好鬆軟，而且蜂蜜醬甜甜地，個邊帶有少少焦脆，就算唔點醬都好食!手打月亮炸蝦餅炸得香脆，啖啖滿足! 仲有2款醬比你簡，有辣醬同埋泰式甜酸醬。烤金波羅虎蝦蟹肉炒飯份量好多! 雖然面頭個串菠羅，炒飯入面都有粒粒菠羅架! 而且仲有肉鬆，蝦粒等等調味。元祖泰奶必叫!! 好地道，又夠大杯! 而且去冰個option，係真係幫你去曬冰，唔似有D餐廳D冰仍然多。鮮奶油蜂蜜丹麥厚吐司呢款多士係丹麥皮，所以食落係好酥脆，加埋cream同honey，簡單得黎已經好好食! 甜度岩岩好!

今日去咗荃灣食人氣爆登嘅泰國菜，絕對值對你排隊去食！打頭陣就係跟爐上嘅咖哩軟殼蟹，跟爐即點火，咖哩keep住熱辣辣！呢道菜絕對是我今天的最愛！蟹殼外脆內嫩，搭配濃郁嘅咖哩醬汁，口感豐富多層次，軟殼蟹索晒咖哩汁，一啖咬落去啲咖哩湧出嚟，令人回味無窮。配菜好特別咁用咗蘿蔔、茄子、菇，每款都煮得好淋，同樣哋索晒汁！另一道菜就係泰式炒蜆，味道非常地道，用咗正宗泰式材料去炒，好惹味。蜆肉鮮嫩多汁，搭配泰式辣椒醬同埋，帶來一股辣嘅泰式風味。一碟起碼有50隻蜆，好抵食，餸飯一流！小食嗌咗炸蝦餅，外皮酥脆，內裡好彈牙，好有蝦味。另外仲配搭咗炸蝦片，炸得好有蝦味，同埋好脆，食到唔停口。最後燒豬頸肉係必食！豬肉燒得剛剛好，外焦內嫩。配上炭烤味，好有泰國特色。一份好多塊，唔洗點醬都已經好有味。飲品就嗌咗水蜜桃柚子水果茶同荔枝美式咖啡。茶香配上柚子嘅清甜味，唔會好甜，係一種清新感覺，再加上一舊水蜜桃，有咬口之餘仲可以配埋果茶一齊飲。另一杯係荔枝美式咖啡，味道非常獨特，意外地夾。齋啡味配上微微荔枝香甜味令人感覺飲一種天然微甜嘅果糖iced coffee.咖啡嘅苦味同荔枝嘅甜味相互融合，帶來一種獨特的口感。

荃灣廣場有一間泰式料理，環境整潔，食物質素也不錯。手打月亮炸蝦餅（4件）蝦餅外酥內嫩，脆香的外皮包裹著鮮嫩多汁的蝦肉，蝦肉口感彈牙不霉。烤金菠蘿虎蝦蟹肉炒飯經過烤焗的鮮菠蘿帶來了一絲獨特的香氣，飯粒炒得分明，每一口都能品味到飯粒的彈性和海鮮的鮮味。冬陰功紅蝦湯湯加入了鮮美的紅蝦，湯汁酸辣中帶有一絲微妙的香料風味配有各種的海鮮和菌類，喝下去能夠感受到湯的鮮美和調味料的層次感。焦糖嘉年華丹麥厚吐司外層酥脆，帶有甜甜的蜜糖味道，內裡鬆軟。面頭的焦糖醬和lotus 餅乾更令香甜的焦糖風味突出，配有冰涼的雲呢拿雪糕，食而不膩。鮮芒生椰楊枝金露楊枝甘露口感濃郁滑順，芒果的甜美和椰子的香濃完美結合，味道鮮甜吸引。元祖泰奶茶濃郁的茶香和奶味，口感順滑綿密。

😍😍😍😍竟然比我搵到間高質泰國餐廳！今次黎到荃灣覓食😝 摩登堂～ 餐廳好大間 好多卡位 坐得好舒服又可以打卡！ 平日晚上8點幾乎全滿！！！ 大家最好book定位🥰睇到menu已經好心心眼 勁多款泰式飲品同甜品😍😍 鮮芒生椰楊枝甘露 🫶🏻 啖啖芒果肉同柚子唔是夢呀！ 仲要生椰好香濃 入口勁順滑 仲有啲細冰粒 增加口感！又似飲緊野 又似食緊甜品🙌🏻勁消暑～ 推介👍🏻 炭烤蜂蜜豬頸肉🫶🏻 極極極極極極推薦！！！係我食過最好食既豬頸肉🥹 豬頸肉烤到呈淡粉紅色狀態 入口超鬆軟 小小達到入口即溶既效果！ 脂肪同肉既比例都滿分🎊 每食一啖就被驚艷一下！ 配搭埋泰式辣醬 就再開胃啲 酸酸甜甜 個人覺得唔沾醬都好好食🥹💕 手打月亮炸蝦餅🫶🏻 超厚身既蝦餅OMG!!!! 手打關係 肉質超彈牙！ 蝦味都十足 0雪藏感！ 炸皮都好薄 完全唔會覺得油膩係會想接二連三咁食哂佢😂🫣宮廷酸辣無骨鳳爪🫶🏻 個人譚仔食開2小 就覺得佢唔算辣 ^_^好開胃 鳯爪都好爽口彈牙 無骨係最爽 岩哂懶人😂😂🙌🏻 個汁酸酸辣辣 做前菜一流～ 曼谷醉貓炒金邊粉🫶🏻 賣相極吸引 🤩 原隻大蝦on top 新鮮惹味！ 金邊粉仲要完全唔會

荃灣廣場新開咗間泰國菜，行過門口都覺得好吸引~男朋友上次同朋友食過幾好食，帶我再去食過！先黎嘅係斑蘭香葉包雞，雞塊唔會太乾身，調味剛好。原來出面塊荷葉唔食得🫢見佢脆卜卜咁以為連埋食😅豬頸肉都好香口，烤出嚟嘅顏色好靚，唔配醬料會食到少許甜甜地嘅蜂蜜味，配埋甜辣醬，味道上又提升左一個層次。馬拉盞炒通菜唔辣，大大碟又夠曬入味，差叫想叫碗白飯！🤤烤金菠蘿虎蝦蟹肉炒飯十分足料，有大大舊菠蘿做伴碟，菠蘿香甜多汁😋虎蝦都大大隻，仲有唔少蟹肉。略嫌個炒飯比較淡味，食落唔算好吸引，但勝在夠大碟🤓另外，我地叫左兩杯野飲🥂，分別係斑蘭生椰乳沙冰，同烤杏仁生椰。前者個cream 偏甜，有好濃嘅斑蘭味，後者椰奶味較重，加左少許杏仁片，味道唔錯。最後我地仲叫咗兩杯雪糕🍧，係黑糖珍珠雪糕同榴槤糯米飯雪糕，都係預想之中嘅味道；個雪糕底係北海道牛奶雪糕，奶味偏淡，唔算好有驚喜。 整體而言，野食味道都係水準以上，價錢唔算貴，又可以食齊小食、主菜同甜品飽住走，係值得推薦嘅一間泰菜餐廳！

前排去完泰國返嚟鍾意咗食泰國嘢見到呢間餐廳無論正餐甜品都幾吸引就同老公嚟試吓環境乾淨舒適黃咖喱軟殼蟹上枱嘅時候仲有個火喺底可以一路熱住啲咖喱軟殼蟹有兩大隻份量都幾多我哋加咗蒜蓉包、點咖喱一流另外叫左一個炒金邊粉份量味道加埋青檸酸酸地好開胃～飲品第2杯有半價～好抵飲我都係鍾情於泰奶茶撈埋滑滑嘅cream～佢哋嘅甜品都超級吸引泰式奶茶雪山刨冰雪船上枱嘅時候有乾冰冒煙嘅效果即刻手機食先拍咗片先茶味濃郁～ 煉奶自己加既可以自己控制甜度下面有芋圓西米珍珠同埋仙草2個人食完非常飽😂另外有一個榴槤嘅餐牌入面都係有幾款榴槤嘅甜品喜愛榴連既人會好滿足我地就點左榴槤糯米飯雪糕～本身想食埋佢嘅丹麥厚吐司🍞但已經食唔落了～

新開咗一排，見無之前咁多人就攞飛試吓。但5個人都要等半小時左右，但俾張4人卡位，坐到好迫，唔係佢話有排等。朋友覺得食得唔自在！另等位無顯示牌睇，希望稍作改善…🙏食泰國嘢必叫的泰式鳳爪，但失望了，只覺得似越式鳳爪，完全無傳統泰國配料嘅香味！泰式豬頸肉，份量夠多，好香肉質&厚度適中，滿意👍泰式炸蝦餅，肉質夠彈牙，配有兩款醬汁，但略嫌細舊，5個人唔夠分😬，好彩有兩塊蝦片😂原隻菠蘿炒飯，味道整體滿意，份量一般，配有微燒菠蘿塊，都幾好食😋叫咗個大蝦黃咖喱，見價錢$198，諗住有足夠份量每人食少少，另單叫咗一份4塊油酥薄餅。送黎到嚇親🤬，少到兩人份量一樣，好似得4隻蝦，咖喱汁都唔算多，味道一般，勁失望！👎特飲芒果沙冰，推介大家試👍特飲青檸梳打，味道ok甜品今次揀咗雪糕，味道一般，無想像中咁好味！整體覺得一般，價錢偏貴，但唔係特別好食！

本身上網睇到人哋推介呢間嘢，見佢啲刨冰同埋嘢食都幾靚又新開張咁，咁啱有朋友生日，所以就諗住一班人去食個飯。但如標題所見，食完真係一肚氣。首先，有人生日就梗係要有surprise㗎啦，我同朋友特登扮去廁所就係同啲staff/ 前枱交低有咁嘅request，點知轉個頭返埋位佢就過嚟大大聲講：「一陣間嗰個甜品係咪要寫Happy birthday？」大佬呀，你confirm多次我唔怪你，但問題係我哋一張枱五個人齊晒你仲大大聲喺度問，借問聲壽星可以去咗邊😅 仲有，我都係幾廿秒之前同你講啫，你明知係呢啲驚喜性質嘅嘢就細細聲搵返啱先同你講嘅我哋啦🫡 即使係唔認得，你細細聲求其問一個人其實都只係有五份一嘅機會係會問中壽星😂 如果你有咁做嘅，又咁啱真係中咗嗰五份一嘅機率，咁我都唔會咁嬲🙂 但你連咁嘅intention都冇喎🙏 所以？冇呀 咪就係落完單第一樣餸都未上嘅時候已經踢爆咗呢個驚喜囉🥹 除咗多謝我都唔知講咩好🙏 仲要係 踢爆完之後係冇道歉 ⚠️⚠️所以強烈建議大家如果有啲咩特別節慶/ surprise想比男女朋友或者另一半 ‼️絕對唔建議揀呢度‼️‼️第二，叫咗嗰個「虹吸式冬陰功海鮮湯鍋」，老實講啲料係多嘅

有食泰國菜都知，呢間野味道好唔正宗，咖哩太咸，冬陰功湯唔知咩味。佢又唔係平到令人唔好抱任何期望，可能甜品好正既，不過我唔知，因為食到無哂心情叫甜。所以，食泰國菜都可以唔哂黎。

呢間位於荃灣嘅人氣泰式料理店，佢哋嘅菜式非常豐富多樣，味道地道🇹🇭另外佢哋嘅甜品都係一大賣點，見到餐廳門口擺放唔同嘅甜品同埋雪糕，已經相當吸引。餐廳有十大必叫嘅食物，我哋都揀咗幾款，試吓。手工無骨海南雞例牌🐔，雞皮夠滑，而且雞冇乜肥膏，雞肉軟嫩多汁，啱晒我😋烤金菠蘿虎蝦蟹肉炒飯，金菠蘿甜香，炒飯炒得幾香。另外，馬拉盞炒通菜係一道經典的泰式菜式，辣度適中，通菜炒得爽脆咸香又惹味。小食揀咗金磚蒜蓉包同手打月亮炸蝦餅。金磚蒜蓉包蒜蓉味道香濃，多士香脆。而手打月亮炸蝦餅炸得金黃酥脆，蝦餅幾彈牙。至於飲品，呢度嘅茶飲使用嘅係泰國嘅zero degree品牌，我就試咗元祖泰奶茶🥤，濃郁香甜。呢度嘅食物份量大份，已經冇空間再叫甜品🙈下次再試吓～

週五晚上大概排了一個鐘，結果嘗試了幾個菜式全部不好吃！！真的失望！.金邊粉，份量倒是十足但是味道普普通通，完全沒有任何口感。.菠蘿xx炒飯，上桌的時都有點凍了。.吐司，徒有其表，成本十蚊.唯一不錯的是一杯飲料！

今晚同屋企人黎到荃灣廣場食飯3樓8月新開左一間新派泰菜之前經過幾次都好多人等位今晚好彩地見到只係等幾張行幾個圈就有位最吸引我是門口可以望住廚房整甜品佢地既厚多士同雪山刨冰船都相當吸睛由於是新開店無論餐桌沙發以至餐具都係新同埋用傳菜機械人上桌是幾新鮮有趣的//炭燒牛肉串燒X4 ($18/串)//十大必食之一由於串燒規定至少要叫三串我地就叫左4串好香既炭燒香氣牛肉味濃郁 入口鮮嫩多汁沙嗲醬先係重點好特別的除左香濃惹味仲有一陣麻味刺激味覺//炭燒蜂蜜醬烤豬頸肉 $98//外皮燒到好香脆半肥瘦的豬頸肉食落肉質軟身入口即化而且用左蜂蜜來炭烤味道甜甜地之餘仲有好濃的炭燒香味再配上泰式辣醬就是完美//手打月亮炸蝦餅4件 $58//外層炸粉不會太厚 咬落口感酥脆蝦肉爽口彈牙食得出係手打既蝦餅而且幾足料不錯//曼谷醉貓炒金邊粉 $128//金邊粉份量多炒得夠乾身有鑊氣入面仲有數隻大大隻新鮮爽口既大蝦配上豆干、蛋絲、炸蒜、韭菜等配料夠惹味係必點既主食!//泰國奶茶雪山刨冰船 $98//充滿泰國特色沙冰是滿滿的泰國奶茶味道茶膽味道夠晒香濃另外附上雪糕同練奶完美地中和了茶膽的甘苦好正 即刻個feel好似去左泰

每次經過荃灣廣場總係好多人排隊既餐廳，今日早左收工見冇乜人排隊就即刻入去食。餐廳門口擺放左甜品，雪糕，雪花冰，見到都想食！我地兩個人，叫左冬陰功紅蝦湯、烤金菠蘿虎蝦蟹肉炒飯，炭燒牛肉串燒，泰國奶茶雪山刨冰船。份量超多，炒飯應該可以3-4 人分享，勁多肉鬆同蟹肉，加上有一條大燒菠蘿，勁甜勁juicy, 見到餐牌一條燒菠蘿$28，所以叫炒飯係抵好多呀！炒飯唔辣既，如果中意食辣仲有另外一個叫辣味炒飯，下次想試下。炒飯炒到粒粒分明，份量又大，抵食！冬陰功紅蝦湯有兩大隻新鮮紅蝦，再加堆超甜既蜆同青口一齊煮，鮮味去晒啲湯到，湯頭偏酸辣。飲品方面，叫左杯香水檸檬茶同泰式奶茶。兩杯都勁大杯，而且出邊泰奶都冇得揀少冰，而依到係可以，抵讚啦！香水檸檬聞落已經超香，好fresh又解辣，泰國菜必點飲品！最後上埋個甜品泰國奶茶雪山刨冰船，兩個人食都覺得好大份，$98超大兜，入面仲有珍珠，個底有涼份，另外有一小杯練奶任倒，雪花冰唔會好水好稀嗰隻，而係超濃嘅泰國奶茶味！超正！下次再嚟想試埋佢個丹麥麵包雪糕添！

餐廳以木色為主調顏色，配合綠色植物為裝飾，感覺自然舒適。卡座靠近玻璃窗邊，吸納大量自然光，食午飯時很舒服。午市餐牌選擇多，仲可以加小食和甜品，相當豐富。手工無骨海南雞飯配冬瓜雞湯海南雞肥美，肉質嫰滑，連雞皮都特別滑。黃油飯飯粒分明，入口時好夠油香味。冬瓜湯香甜，唔似味精湯。宮崎和牛雜錦船湯河雜錦真係有好多料，豆卜，豬皮，腩肉樣樣齊，宮崎和牛更是牛味濃郁，入口軟稔，不得了。濃湯湯底，唔錯。另外加左幾個小食。香茅雞翼，椰香沙爹雞肉串，網米蝦春卷，上湯青菜，味道唔錯，特別喜歡蝦春卷，夠鬆脆。鮮芒生椰楊枝甘露椰汁香濃，配料多，層次多。鮮菠蘿百香果綠研茶果香茶香平均，甜度啱啱好，好喝。另外餐廳嘅甜品都好吸引，雖然已經飽左8成，但都忍唔住點了2個甜品。黑糖珍珠牛奶雪糕牛奶味唔算特別濃，但黑糖珍珠煙煙韌韌，味道唔錯。流金歲月丹麥厚吐司有齊朱古力雪糕，朱古力醬，棉花糖，仲有金沙，絕對係邪惡嘅甜品。厚吐司即叫即整，雖然要等下，但吐司外脆內軟，軟熟嘅內層唔會太飽膩，非常出色，等下都係值得嘅。由主食到甜品，都睇得又食得，下次要再黎試埋佢嘅刨冰先得啦。