新匯聚餐廳小廚

營業中

休息中

想食炒小菜，於是與 honey 去咗官塘呢間「新匯聚餐廳小廚」，因聽聞佢哋嘅小菜好夠鑊氣喎！😃坐底冇耐，服務員就向我哋介紹佢哋嘅招牌小菜👇🏻🥢香煎新鮮馬鮋 $150 ～ 條魚煎得好甘香，外面脆卜卜，魚肉新鮮夠鬆軟，真係食到停唔到口！🥢蜜糖薯仔牛柳粒 $138 ～ 牛柳粒好香牛肉味，肉質軟冧冧得嚟又有咬口， 薯仔外皮煎得焦香之餘，兼吸收晒啲牛柳味，倍添好味！🥢 有氣鮮檸蜜 / 凍意米水 $20 ~ 小菜配合凍飲 好爽！飯後仲有免費甜品馬豆糕，馬豆夠冧甜、椰汁香味濃，真係貼心啊！

很久沒有試過堂食晚市了，今日收工後，去了食鑊氣小炒。由於去得早，我們選擇了坐卡位，坐得舒服點。餐廳選擇十分之多，什麼種類都有點，由各款小炒，煲仔菜，連糖水都有。先來個菠蘿生炒骨，炸得香脆的排骨，被酸甜醬包住，加了香甜菠蘿、青椒和洋蔥等。豉椒炒花甲同樣是用了青椒和洋蔥，卻是另一種風味，豉椒味香濃。而潮式蠔仔泡飯有粒粒漲卜卜的蠔仔，很飽滿，飯粒分明，蠔香十足。最後要了兩碗糖水，分別是綠豆沙和杏仁露。很久沒有這樣聚在一起閒話家常。

今晚收工2個人食晚飯，因為唔係打手，無影相留低🙄叫左杯凍薏米水，飲左2，3啖，再攪下底下既薏米先見到有幾粒黑色野浮上嚟因為睇唔清楚，所以"了"上嚟放係碟上影相再放大睇🤢🤢🤢有腳架，一定係昆蟲啦！跟住叫個貌似話事呀姐過嚟睇，佢即時話取消，咁我都無野既，取消咪算囉!點知埋單時無取消不特止，仲話支付寶付款要收2％手續費😡😡😡當時我係攞住張單去柜面埋單，收銀話$424丫，即係張電腦單金額（取消時無改單，話明電腦扣左），跟住我話咩唔係取消左樣野咩？收銀呀姐即時答我係咪薏米水呀？咁即係佢一早知啦，扣返20元之後問我用咩俾錢，我話支付寶，收銀呀姐又話支付寶要收2％charge咼😱😱。。。喂，一係你話唔收支付寶我無咁嬲丫！最終我好心平氣和咁用現金埋左單。20元杯薏米水都呃，2％charge都要扣返係食客身上，真心無下次囉，各位小心對單😒😒😒😒

你冇睇錯，我冇寫錯，$230得八隻蝦，貴過去酒樓食，平均差唔多$30一隻，問個傳菜e碟蝦$230，佢一句都冇應過就走左，係真係得咁小定俾廚房落左格，真係咁大過人都未試過。

第一次睇到OpenRice 介紹呢一間食店，相約幾個朋友到呢間食店試菜，睇到網上post啲小菜相片非常吸引，上到菜館坐底，想叫乳鴿及我想食啲時菜，佢竟然都沒有貨，淨係要求我叫佢哋嘅出名嘅芝麻雞，同埋叫佢現成有嘅菜，估唔到咁大間菜館竟然冇得你選擇，跟住就叫咗佢哋幾味煎炸蓮藕及椒鹽鮮魷，味道還算可以，跟住試佢嘅芝麻雞就不知所謂啦，凍冰冰好似炸咗好耐，皮又唔脆又冇味道，或者觀塘區冇其他食店選擇，所以令到這間小店咁多人讚佢，見到佢對其他等候嘅客人態度非常之差，這間食店我都冇下次會再來幫襯。

見到其他枱叫嘅菜都好大碟，個蠔仔餅都唔例外，但係個硊漿冇咪，蠔冇味，蠔仔又小，得個大碟…. 本想叫多個餸，但免得又失望，出完 po 去食譚仔算了。呢度嘅菜比出邊收得貴，如果一班人想行一大段路去工廠大廈打下卡影吓相，都冇咩所謂嘅，本人就唔係咁推薦了。

行官塘工廈, 順帶在附近尋美食。附近餐廳食肆都係主打平民優質路線, 若然非美食, 誰會去工廈尋尋覓覓~在此餐廳門前已聽到入內人聲沸騰, 好不熱鬧喎。哈哈, 員工熱誠招呼, 老細亦走前推介...先點個小食:咖喱魷魚送下啤酒先, 老細話有好介紹:羊腩煲, 一睇價錢, 大煲$350, 小煲$220, 都唔係貴喎, 不過兩個人, 叫咗個羊腩煲就食唔到其他野啦喎，猶豫當中, 老細又話:無呃你哋架, 真係好正架....如是者, 半推半就就落咗單喇。其實我同朋友都係好喜歡食羊的, 只係考慮食量不大, 單調一點。先講個經典咖喱魷魚, 經典二字係我加嘅, 因為味道好傳統, 魷魚好爽滑, 有咖喱香, 少少咖喱辣, 一個字:正👍🏻👍🏻羊腩煲上枱喇, 嘩, 小煲都好大煲下喎, 好彩未叫其他餸咋~汁味濃郁, 羊腩份量勁多, 配料亦有冬菇, 馬蹄, 支竹,仲有 蓮藕喎, 每一樣食材都係我鍾意食嘅, 羊腩肥瘦均勻, 燘得不過火, 保留左D羊味又有咬口, 算佢無介紹錯啦!😍😍😍另加一碟唐萵$35 , 簡直經濟實惠👏🏻👏🏻

新匯聚餐廳小廚是我喜歡的小廚之一，有大排檔的鑊氣，食物性價比高👍🏼上湯浸時蔬（豆苗）豆苗很鮮甜，新鮮翠綠，配上冬菇片，湯底鮮甜，好味。北海道花皮海蜇爽脆，配上甘筍絲和青瓜絲，酸酸甜甜，加上炒香了的芝麻，更添香氣。吹水墨魚咀墨魚咀的份量比我想像中大，外皮酥脆，咬下時墨魚咀軟身帶有咬勁，配上炸蒜和炸辣椒等等， 令這道墨魚咀菜式更有風味🙌🏼豉油王乾炒牛河乾炒牛河很有鑊氣，辣椒上更是靈魂所在！牛肉份量多，河粉沒有炒斷，條條分明，配上芽菜後，提升口感，只是85大元，都幾抵吃。

今日七點入座，五個人俾張四人卡位台，擺兩蝶送基本上無位，而且服務極差，叫左五個小菜，上菜速度快，但味道同熱度太差，賣相同60蚊一蝶基本上一樣，小菜平均100以上，份量偏小，以地理位置工廈區咁偏遠黎講，性價比非常低，建議有心理準備好似係地盤食緊飯先好去

今晚想食的是小菜，所以來到觀塘，就揀了成業街的新匯聚餐廳小廚。坐下後揀了一輪菜式，見到蓮藕羊腩煲好吸引，因現在已步入秋天，天氣涼爽，所以這個羊腩煲就特別吸引， 最終除要了蓮藕羊腩煲外，再加一個 火鍋唐生菜 ，及要了個脆皮大乳鴿。蓮藕羊腩煲(小)$220蓮藕羊腩煲有2款，細款的經已夠2人食，頗大煲的，裏面有蓮藕、主角羊腩大大件、冬菇、馬蹄、蒜、 支竹……等。羊腩切得夠大件，炆得腍度剛剛好，食落真是啖啖肉 ，點上跟配的腐乳， 夠入味又夠腍，真是現在秋天必食進補火鍋菜式。凡惠顧蓮藕羊腩煲免費贈送生力啤酒或生力清啤， 抵飲致極。還要了一 籃生菜脆皮大乳鴿$70大乳鴿真的頗大隻，外皮啡紅啡紅的，乳鴿上枱後，我們食羊腩煲正食得起勁，所以未有時間食，老闆經過見到就跟我們說一句:趁熱食啦，趁熱食是最好食的。乳鴿真是剛剛炸起，入口還帶熱，肉質嫩滑多汁又香的，真的美味！食完後餐廳還送上一個免費甜品，椰汁馬豆糕，非常香椰汁味，馬豆很腍，整個馬豆糕非常軟滑，又帶馬豆的口感，很香甜。

今晚去觀塘睇傢私，行過見到呢間新𠥔聚餐廳小廚，上OpenRice睇完食評好似不錯就决定試試一坐低，老闆老闆娘伙記都好熱情，就開始介紹招牌菜，老豆點咗個鱔魚蒸荷葉飯，飯係糯米飯，一上枱已經好香鱔味，魚既鮮味滲哂落糯米飯度，飯既硬度適中，唔太淋亦唔太硬，食得出係開叫即蒸，基本上唔落醬油都好夠味，值得一提既係條鱔真係好新鮮，冇骨又肉厚。期間，老闆有教我們如何去食同煮得好食，例如不好直接將鼓油倒落荷葉，否則鼓油不均勻，容易過咸...真的獲益良多。另外叫咗一個拼盤，有鮮魷同㰖角骨，㰖角骨啖啖肉，醬汁酸甜開胃。不過可能份量太多，兩人食到有點油膩。於是乎再點個金銀蛋上湯娃娃菜，又清又新鮮，中和一下油膩感。成餐飯都食得好飽足，因碟碟份量都很多，然後將食剩既糯米飯仲打包返工食，老闆教我地點翻蒸先可以好似餐廳咁好食，最後老闆送了份甜椰汁膏，今餐真係又食又拎，學到一堆冷知識。

觀塘工廈出名多美食！但唔係間間都係一致好評。新匯聚小廚絕對唔會令你失望！個人必食推介芝麻雞皮脆肉嫩，雞味濃郁。加上淡淡芝麻香味！避風塘茄子🍆將蝦膠釀入茄子，再配以避風塘。十分惹味而不失蝦嘅鮮味。再加茄子配上茄子控必試！蜜椒薯仔牛柳粒大排檔必食推介！必不會輸比其他大排檔甜甜地加上岩岩好既牛柳粒☺️☺️☺️☺️老闆好好人！成日會同大家吹下水！！當你叫得太多既時候，老闆會叫停你（本身想叫全隻芝麻雞，老闆話我多數食唔哂，好彩有聽老闆話） 飽到呢食完仲送返啲糕點俾大家試試。

諗起夠鑊氣的小菜, 係觀塘區一定係 ,自從食過一次真係難忘, 價錢便宜而且夠鑊氣。不過餐廳好多人光顧所以一定要訂位。新匯聚餐廳小廚位於觀塘成業街, 在觀塘站B出口觀塘廣場方向, 大約5分鐘就到。新匯聚位於一樓, 行樓梯直上便到。餐廳裝潢充滿港式大排檔風味, 地方好大。未到7點都坐滿7成, 眼見好多食客同職員有講有笑, 相信儲落唔少熟客。入餐廳前職員有禮貌請我們量體溫及使用安心出行, 一見我地坐低, 十分熱情介紹有乜野好食, 又推薦套餐。睇下餐牌, 最抵係套餐, 有2人及4人, 我和朋友揀了2人套餐 $170, 套餐包括 : A款餸(椒絲腐乳炒通菜), B款餸(薑蔥魚腩煲), 白飯2碗, 無味精老火湯, 精美是日甜品 (當晚係椰汁馬荳糕), 難得同朋友可以黎到, 我地都要叫其他餸, 為食既我地, 仲叫左 : 蠔餅, 北海道花皮 (水母), 脆皮大乳鴿。未到7點半, 餐廳就坐滿9成了, 雖然食客多, 但食物同樣很快送到。先黎無味精老火湯, 2人餐剛好2碗, 當晚係青紅蘿蔔湯, 果然無味精, 仲想添飲。椒絲腐乳炒通菜上枱時仲係熱辣辣, 夠鑊氣而且腐乳味好出薑蔥魚腩煲無揀錯呢個魚腩煲, 魚肉新

今天黃昏風大涼爽，外出散步，在工廈吃晚餐。飯店走懷舊路線，晚飯時段容許二人坐四人座位，座位寬闊，冷氣足夠，店員服務熱情。晚市特惠2人套餐190元，包括湯、自選兩款小菜、兩碗白飯和甜品粟米羮，金黃的粟米粒清甜爽口，加入蛋花，味道和口感均很匹配。店員推介小菜欖角骨，肉排多肉，肉邊香口，肉質有嚼勁，醬汁甜。椒絲腐乳炒通菜，通菜新鮮翠嫩，腐乳醬汁不會太咸，少量辣椒有助提升味道層次。散叫豉椒炒大蟶子，每隻50元，火候的掌握恰到好處，蟶子肉厚彈牙，醬汁加入了豆豉、乾葱、洋葱和青椒等，很惹味。甜品是馬豆糕，味道清甜可口。總結：座位寬敞，食品新鮮好味，服務熱情。

觀塘人先識嘅隱世高質港式餐廳～～～話說👦🏻大舊有個嘴刁叼嘅👵🏻婆婆 婆婆成日話呢一間喺觀塘工廠區嘅餐廳好好食 搞到我都忍唔住黎試下 坦白講餐廳唔係嗰啲靚裝修嘅餐廳 門面望落好地道 舊舊地 本身行到門口我哋都有啲擔心 點知入到去之後 見到成個場地超大 而且超多人 多到我哋都嚇一嚇 搞到我哋嘅期待心情即刻翻返嚟～～～🥢潮州蠔餅$80：見到檯檯都叫呢一個潮州蠔餅 我哋都跟住叫咗一個 大大份嘅蠔餅非常酥脆 蠔仔份量毫不手軟 有大粒又細粒 非常鮮甜 整體非常高質 佢哋嘅脆 唔係硬刮刮個種脆 而係入口即化嘅脆 感覺輕盈～～～🥢南乳藕片炒鹹肉$80：鹹肉有少少似瘦版嘅叉燒 南乳藕片炒得好脆身 食落去有少少似薯片嘅感覺 而且南乳醬嘅份量唔會太多 啱啱好～～～🐷招牌話梅骨$110：香香甜甜嘅話梅骨 亦都係見到好多人叫 就跟住叫咗個試吓 肉質扎實 甜而不膩 幾下飯 不過如果真係要比較嘅話 我就更加鍾意佢哋嘅潮州蠔餅～～～🐥藥膳雞腳 $60：雞腳非常入味 藥膳香氣濃郁 而且質感好軟腍 一咬就輕易離骨 一碟有八隻 值得encore～～～PS：食完之後餐廳仲免費送上大件清甜馬豆糕 👍🏻～～～新匯聚餐廳小廚 (觀