新匯聚餐廳小廚

營業中

休息中

今晚又冇飯開， 好想食大排檔可惜屋企樓下冇， 靈機一觸去咗觀塘『新匯聚餐廳小廚』， 多款鑊氣小炒， 打冷小食，總有一款啱～假日六點鐘左右， 已有不少顧客入座， 建議最好還是先book位～老闆親自招待客人， 有傾有講， 客人也自得其樂。餐廳冇茶芥， 但也有一壺滾水可以沖洗杯筷子。唔飲茶都有其他選擇。這杯鎮店特飲，鮮檸蜜梳打$20～ 清新嘅檸檬和花蜜香甜， 沒有糖漿糖水人造甜味， 配上有汽梳打，超爽呀！二人套餐相當抵食。蛋花粟米湯， 不會好鹹， 味道唔錯的～椒絲腐乳通菜，夠鑊氣！ 那個腐乳醬汁濃郁惹味， 配襯爽嫩的通菜冇得頂！話梅骨店家招牌名菜。 話梅骨外皮炸得酥脆， 但入口不覺得油膩， 咬開有肉汁， 有嚼勁， 最喜歡連接在骨頭的筋位，用了話梅打成芡汁，厚薄適中， 微微酸更帶出排骨嘅鮮味～ 果然冇介紹錯～招牌清湯牛筋腩$120老闆話湯底加入北芪，黨參一同熬煮， 非一般清湯腩嘅湯底。 果然入囗濃郁清香，但唔會有好重的藥材味！ 連牛腩嘅羶味和油份也撇除， 加上唐芹，香菇， 湯底濃而不膩👍😋牛筋腩炆到又腍又滑 ，好入味 ， 好吃到不得了！！晚餐餸嘅甜品： 椰汁糕， 椰汁味香濃， 質地比較爽 ，

My family and I went to a Chinese restaurant called "新匯聚餐廳小廚" located in Flat 1, 1/F, Sing Win Factory Building, 15-17 Shing Yip Street, Kwun Tong(觀塘成業街15-17號成運工業大廈1樓1室)"Stir fried prawns with egg and red onion"滑蛋炒蝦仁配紅洋蔥HKD$128..The prawns are jumbo sizes.Springy, bouncy and generous portion!!..The scrambled egg is smooth and creamy. Not over seasoned nor too oily!!Very nice!..Value for money yet delish.Highly recommended!"Stir fried grouper with celery"翡翠炒班球HKD$178The celery is crunchy, fresh a

週末去觀塘區做運動，之前先去新匯聚餐廳小廚吃飯。地點還算方便，只需走一層樓梯即可到達，免卻等候升降機之麻煩。食物選擇種類相當多，總能揀到心頭好。今天的選擇是芝士焗黑椒蜜薯牛仔粒。 可以選配焗飯或焗意大利粉，我選擇了後者。稍等一會，食物隨即預備好。味道整體不錯，擺盤也精美。芝士份量不會太多，不會太過油膩。薯仔名副其實是蜜薯，很甜而且很稔。牛仔粒幾大粒，很有咬口，不是偷工減料的用料。配合黑椒味道，更加香。意大利粉口感適中，偏向較有嚼勁的。餐飲是凍檸茶，少甜少冰，名副其實少甜得來，但又剛好把檸檬的苦澀蓋住，還真的不錯。

觀塘放工時間周圍都多人，記得幾年前食過新匯聚都唔錯，所以今晚決左食呢間。炸乳鴿 $70老闆親自醃制，夠哂入味，平時出面食都係配醬油，呢度配酸汁，夠開胃。芝麻雞 半隻 $140每件雞件上都鋪滿了芝麻，每一啖都有芝麻香，食落非常香口，味道有點似新年食既笑口棗，雖然係炸過，但雞肉肉質亦唔會鞋。家鄉煎藕餅 $110明明係寫煎藕餅，但上碟竟然係炸😂共8個藕餅整整齊齊鋪上碟上，但呢個真係有驚喜，外皮唔會太厚，食落有蓮藕既爽口，中間既肉質有汁又嫩，配埋炸蒜一齊起夠哂香，好好味😋桃膠蓮子手磨杏仁露 $35呢個係必食之選，份量充足，杏仁露非常濃郁，重點係唔太甜，而且桃膠蓮子份量都好多，明明夠哂飽，但食完仲想食多碗😄。

以前有一段時間在觀塘返工, 中午都會約同事去新匯聚食下, 轉工之後都會間中返去食下我最愛的係蜜糖薯仔牛柳粒, 基本上係個個人去食都必點菜!牛柳粒唔好睇佢黑黑的, 一點也不韌, 內裡有牛油, 所以食起來感覺有肉汁! 薯仔就像是炸過的薯角一樣, 所有表面都炸得很均勻, 外脆加上蜜糖, 會令人食上癮!!因為怕食薯仔太多會口乾, 所以點了個小的蠔仔泡飯, 雖然係小份, 但其實可以分到3,4個飯碗的份量了! 蠔仔很肥美!!泡飯同似有肉碎, 加上很多蠔仔, 湯很鮮甜!!! 蠔仔唔覺腥, 而且很乾淨沒有沙。胡椒粉絲大蝦煲估唔到會有咁多粉絲呢~ 大蝦有3大隻, 很鮮甜!!  粉絲煲上加上不少芝麻, 增加香味同口感~食完仲可以叫糖水, 因為佢地有間糖水鋪係隔離!! 我另外點了個白果腐竹糖水, 甜甜地潤下喉, 老闆仲好好人咁送馬豆糕比我地食!馬豆糕勁滑又有馬豆香, 超好食!!新匯聚的款式都幾多又夠鑊氣, 仲有我最愛的蜜糖薯仔牛柳粒, 所以食過番尋味~~

今晚唔洗OT，所以同同事去觀塘工廈搵食，想食啲鑊氣夠既小炒，今次去返幾年前朋友帶我食過既新匯聚餐廳小廚食飯，傾下計。多年後重遊舊地，鑊氣依然，店員又親切，好有大排檔風味。時間尚早唔係太餓，所以我地叫左幾款招牌乳鴿、香煎馬友、招牌話梅骨，同叫左店員同老細都極力推薦既鮮檸蜜梳打水。杯鮮檸蜜梳不得不提，我地仲主動問用左咩蜂蜜，原來蜂蜜來自台灣，清新鮮甜，健康解渴。乳鴿都好肥美，外脆內暖，大家爭住食。招牌話梅骨味道酸酸甜甜，排骨好鬆軟好腍，夠開胃。香煎馬友，魚皮脆香，魚肉鮮美。餐廳仲送左馬豆糕比我地做甜品，真係完美總結。同之前食一樣咁高質。

今日轉場唔食西餐🍴轉食海陸空🥢睇Openrice好多人介紹主打Fusion 👉食粵菜、潮菜餐牌太多嘢食🤪老闆人好好主動推介😚乳鴿～👍🏻記住唔好點准鹽🙅‍♀️會嘥咗隻乳鴿嘅原味味道👍🏻香煎馬鮋～配wasabi max沙律醬一流、好特別嘅配搭🥴好好味😋濃湯雜菜煲🥬～湯底用豬骨😁冇味精👍🏻👍🏻👍🏻再黎甜品🍮～自家製作👏👏芝麻糊、紫米露、糖不甩、椰汁糕（糖不甩讚不絕口）

今次來多了很多客人，疫情緩和後餐廳都變得熱鬧了，店面繁忙了，但店員都會關顧到每一枱。有人氣，食飯都比較開心。.酸梅子薑蒸鵝 | $150想點滷水鵝肉，不過老闆及店員極力推薦此味，家人也忍不住要點來試試。用了酸梅及子薑，整道菜酸酸的，鵝肉也沾上了酸梅味，喜歡食酸的不能錯過。酥炸德國鹹豬手 | $170以前跟朋友來吃過，記得它的醬料幾惹味。今次推介家人一起吃，豬手切件上，方便食用豬皮炸得好脆，豬手不太鹹，點些芥末醬佐酒更添味道。椰汁紅豆糕飯後店員送上免費的椰汁紅豆糕兩件，夠冰凍，椰汁味重，飯後吃件小甜品剛好。

新匯聚黎過好幾次，呢度好岩同朋友一邊飲酒一飲傾計，傾耐d都唔怕。朋友未到，就先叫左家鄉煎釀尖椒同北海道花皮作為開胃菜，食住先。平時我唔食煎釀三寶既，不過呢道家鄉煎釀尖椒煎得香脆，唔會太油膩，隱約有尖椒既香味，再加少少醬油好夾，我都忍唔住食少少。本身唔知北海道花皮係咩，店員推介就試一試，佢類似平時食海蜇咁，不過表面多層皮，咬落更加爽脆，再加酸酸地既醬汁，做開胃菜一流。每次都會叫呢道蜜糖薯仔牛柳粒。之前食會覺得薯仔最好食，有脆脆既邊，有蜜糖裹住，入面亦好入味，大家都搶住食。今次覺得牛柳粒都好好食，每粒都香脆入味，軟林好𡁻，份量亦多，牛柳粒同薯仔一齊食好滿足。芝麻雞都係呢度一定要食既菜式。滿滿既芝麻覆蓋住隻雞，外表香脆香口，啖啖芝麻香，入面既雞多汁、嫩滑，內外都很出色。香煎鯧魚並唔係經常有，係由老闆推介既。佢推介既時候話鯧魚要蒸最好食，可以食到魚既鮮甜，但佢見我地有飲酒，就推薦我地揀香煎，送酒一流。香煎鯧魚煎到好香脆可口，沾少少醬就已經好好食，甚至唔食沾醬，食到佢好多汁，都已經好好味。趁熱食最好味。食到呢度本身都食得差唔多，朋友意猶未盡就叫多個椒鹽九肚魚，飽飽地所以食左好少，但味道都唔錯。呢

疫情持續左都一段日子，已經好耐冇幾個人聚埋一齊食飯.趁限聚令由2人放鬆到4人，即刻約一約去食下飯聚下飯局。相約朋友去到一間位於隱閉工廠區内的上樓大排擋，唔係附近工作或熟人帶路真係未必知道，一坐下不久，職员就落力推銷招牌菜，他們的招牌菜真的有很多款，最終選了幾款。炸德國咸豬手 上檯時仍熱辣辣，食落去一點也不油膩，咬落仲脆卜卜，非常有口感，豬手的肉咸咸香香配埋的沙律醬味道簡直非常match,脆皮乳鴿乳鸽皮脆肉嫩，肉質鮮味惹味。芝麻雞 - 呢個係招牌菜！雞皮佈滿芝麻，密不見針，食落既口感你外脆内軟，先講外皮，芝麻令我咬落去的口感似食煎堆，但又會feel到些雞油，而且仲有埋再埋軟滑滑既雞肉，口感非常特別。蒜蓉粉絲蒸帶子，味道一流，仲有叫埋小炒王、椒鹽九肚魚，呢D餸菜都唔差.總括一句，味道ok,

收工和朋友來到觀塘新匯聚餐廳小廚食晚飯，這裡主打嘅係潮式打冷和大排檔式粵菜，呢兩款菜系在香港亦不乏x場客，而我和同行友人就係其中兩位。坐低後老闆熱情推介左一款隱藏菜式梅子蒸鵝，咁難得遇到當然要試下。唔好以為鵝一定要食燒嘅，呢到嘅蒸鵝配上自製梅子嘅果醬，食嘅上黎一啲都唔會輸，仲有種清新開胃感，食強幾舊都唔會怕膩。第二樣食蠔仔煎餅，呢到嘅蠔餅非常大份，夠晒四個人食，炸得很夠晒香口，蠔仔肉亦好香甜，非常不錯。最後仲有一份欖角骨拼椒鹽鮮魷，椒鹽鮮魷絕對係大排檔必食嘅菜式，咸香脆嘅口感，是一碟非常適合下酒嘅小食，而欖角骨用上蜜油去製作，食落香甜，肉質亦好soft，適合小朋友食用。

限聚令下，由全面禁止晩市堂食，直到最近，再由兩人放寬至四人一枱，終於可以約多一、兩個朋友聚聚餐，點多幾款餸了。今餐選址觀塘廠區，皆因這裏越來越多美食進註，餐廳裝修美侖美奐，中西美食，選擇眾多， 惟以鑊氣小炒為賣點，價錢、質素、份量合理的食肆，相信新匯聚會是少數中之選。由地鐵站出口沿開源道行至成業街，見到有老板招牌頭像的標誌便可直入上一樓，置於橫樑的菜館招牌下方，左邊門便是餐廳入口。入座後，店員會主動推介他們的撚手菜式，今日來了那些生猛海鮮等，若果還未有結論，可研究下餐牌再作決定。蜂蜜梳打水 $20鎮店特飲，當然要叫一杯啦，淺淺金黃的顏色，味道清清地又有甜甜蜜蜜的蜂蜜味，加入冰凍的有氣梳打水，簡直凉透心。煎蠔仔餅 $80外層金香酥脆，蠔仔粒粒飽滿，份量又多， 每一啖都是豐富的蠔仔鮮味，可按個人喜好配漁露或胡椒粉，我較愛胡椒的乾爽及香辣，令蠔味更特出酥炸德國咸豬手 $170上檯時仍熱辣辣，乾爽酥脆，一點也不油膩，外皮稍厚實淨，咬落卻脆卜卜鬆化無比，彷如食厚身薯片一樣，非常有質感，香口美味；豬手肉咸咸香香， 配啤酒應該好正 !  奉上的沙律醬帶少少Wasabi 味，用來點豬手，味道也不錯。獅

今日同朋友去到官塘一間上樓的中菜館，坐下不久，老闆就熱誠推介今日的菜式，他們的招牌菜都有很多款，最終選了幾款，都沒有失望。啫啫芥蘭，用馬拉盞加入少許肉粒，少少辣，芥蘭軟硬適中，而且用鐵鍋上，熱辣辣，非常好。秘製蜂蜜欖角骨，清甜蜂蜜味加少少欖角碎，不太咸，味道很好，而賣相都很精緻，細細件，容易入口。另外廚師特別推介，梅子蒸鵝，鵝肉嫩，而且新鮮，配梅子汁，非常合拍好味，最特別是鵝下面有柚子皮，柚子皮吸了梅子汁精華，好好味。

想不到在觀塘這工業區，有這一間有大排檔風味，環境又舒服的中式餐廳，於是今天收工就來試試了。我們點了個二人套餐，有兩個靚仔、無味精老火湯和是日甜品🤩👍🏼再加一客酥炸大腸配蓮藕餅😁話梅骨話梅骨類似生炒骨，沒有生炒骨那種過酸的感覺，反而有甜甜的香味，而且這道菜還配有三色椒😋，色彩繽紛，令人食慾大增。濃湯粉絲雜菜煲晚餐一定要來個菜，我選了這雜菜煲，有冬菇、粉絲、蝦米、草菇、油麥菜、小白菜、菜心、西蘭花🥦，非常豐富，各式各樣的菜，任君選擇。而且湯底是雞湯底🤩👍🏼酥炸大腸配蓮藕餅蓮藕餅是蓮藕夾住豬肉碎乍起，新鮮酥脆，面頭配上炸蒜粒和辣椒碎，更加惹味🔥豬大腸也是新鮮炸起😌我也吃了不少😋最後還送上椰汁馬豆糕，鮮甜好味，畫上完美的句號。

觀塘唔係只有apm,今晚朋友有我去容易搵到小炒王😆😆一樓。方便易搵餐牌多選擇。打冷。小菜款款有店員好好。一坐低就介紹我飲呢杯檸檬薏米水。小甜加檸檬🍋清香味。薏米夠淋。爽。正👍🏻👍🏻22蚊抵小鹵水拚盤。有整墨魚🦑。紅腸。豆腐。花水。鵝片。豬耳。豬腸。真係唔講得笑。百3蚊就有咁多款。大大碟。墨魚🦑係推介。爽。滑。甜。正。鵝肉唔鞋。小朋友都岩食。豬腸夠爽。花生🥜夠淋。豆腐又滑。整體好好金銀蛋莧菜，完全無失手。配料多。剁椒魚頭。唔係間間有得食。就算有都未必及呢間味道正。辣味適中。魚頭唔腥。新鮮。真心推介嘩。呢個係芝士焗大元貝。外脆。芝士味濃。但元貝被芝士味搶了風頭。但芝士麵底覺真不錯。下次會試蒜蒸元貝更突出。最後送上馬豆糕。不太甜。豆好味。一流