方叔叔重慶老火鍋 (太子集團中心)

營業中

休息中

前陣子天氣冷冰冰，但我仍暖笠笠🧡因為火鍋🍲控的我又去打邊爐， 尖沙咀方叔叔的羊肉鍋 x 鮮拼九宮格返嚟喇！！而且尖沙嘴餐廳可欣賞到海景，裝潢設計又舒適！今年新出鮮拼九宮格，拼盤仲包含四款新品包括：滷金錢肚、滷豬手、牛肉絲、豆乾絲 使我回味！加上美國🇺🇸Prime牛小排、紐西蘭精品羊肉卷、
鰻魚(白鱔） 肉類選擇真多！還有多款菜類新鮮好味！最後品嚐埋特色甜點： 紅糖糍粑 ，大滿足🧡地點：尖沙咀北京道12A號太子集團中心19樓

香港終於都好凍，咁我既無限邊爐又繼續啦，今次黎呢間重慶邊爐夠曬正宗，一上到餐廳已經聞到全店都係正宗既麻辣鍋香味，節日開始大家都出黎食飯，今次我地等位都等左一段時間，唔想等既記得要book定位呀湯底呢度係每位客人計既，無論要唔要鴛鴦湯都係每位（$38），佢地有個冬日特色既羊肉鍋，我地就試埋，每位加（$20），麻辣湯就有果種好香既重慶辣油整既，羊肉湯就有少量羊腩，同埋唔會太羶既羊味呢度有樣好處，可以叫半份食物，而且半份都唔算少，抵食之餘又方便2位黎食，可以試多幾款食物現炸豆皮（$38半份）呢個豆皮就好似響鈴咁，但係相對比響鈴要浸耐少少，索曬d湯味脆卜卜咁鮮拼九宮格（$228）呢個係冬季限定既野黎，岩曬2個人叫，份量係2人既，食物總共有豬肉貢菜滑，豬手，鵝腸，金錢肚，鮮蝦滑釀竹笙，珊瑚蚌，麻辣牛肉絲，香菜牛肉滑，黑松露墨魚滑，夠曬豐富美國Prime牛小排（$138半份）牛小排脂肪比例幾好，牛肉簿簿一片放落麻辣湯食夠曬好味潮汕手打牛筋丸（$48一份）我本身好鐘意食潮汕牛丸，所以呢個叫夠一份，佢都冇令我失望，好有肉汁紐西蘭精品羊肉卷（$58半份）羊肉卷加落羊肉湯度特別好食，羊味幾出白蘿蔔（$18

方叔叔麻辣火鍋，獨特既味道同精緻既環境係出名既，尖沙咀店，一開𨋢門已經麻香撲鼻，全場爆滿咁濟😳裝修精緻，座位舒服，服務親切，有個滋潤糖水俾你暖胃先😃出左冬日進補餐單當然要試試🫶🏻鴛鴦麻辣鍋，普通辣，辣味已經好足，香料超多，麻得爽😆另一半+$20就有季節限定既羊肉湯，好味又補身👍🏻有唔少羊係入面，餐牌入面另一個季節限定：鮮拼九宮格🍱細細碟有9樣唔同既鮮貨，人少打邊爐啱晒😗 珊瑚蚌，幾嫩滑，口感配麻辣湯又幾唔錯🤭牛黃喉爽身，兩款丸都好味，滷水豬手幾特別，最正係竹笙蝦卷，口感同味道都一流！🩵再食方叔叔推薦菜，嫩牛肉，食過麻辣鍋就知，嫩牛肉真係絶配😻超嫩滑，牛味夠👍🏻長城小白豬午餐肉，必食之一，有火腿係中間，好快腍好好味，鮮龍躉片肉質好彈好鮮，幾有魚味，相當唔錯，三樣配埋葱蒜同特製麻油，麻油解辣，愈食愈滋味🤤加埋生啤就係完美😮‍💨超正既麻辣火鍋，未完，最後加個紅糖糍粑，極高質😵‍💫，口感一流，唔太甜但又清又香，好正😮‍💨舒服、服務又好，仲要唔貴😗無得輸既方叔叔🫶🏻

隔咗一排無見方叔叔 個心總是癢癢的🥹天氣涼涼地 係時候要進補一番🥰季節限定有特色湯底羊肉鍋和鮮拼九宮格🌟選了鴛鴦鍋🥣羊肉湯X 山珍菌湯羊肉啖啖肉 滋補暖身 冬季必食😝菇菌湯底清甜養生🫶🏻鮮拼九宮格✨黑松露墨魚滑✨鮮黃喉✨豬肉貢菜滑✨鹵金錢肚✨珊瑚蚌✨鹵豬手✨香菜牛肉滑✨麻辣牛肉絲✨鮮竹笙手打蝦滑一次過試到九款食物 啱晒心多多的為食妹👧🏻最驚喜莫過於係▪️鮮竹笙手打蝦滑▫️鮮黃喉 竹笙內包裹著彈牙蝦滑 口感有層次 鮮黃喉爽脆 一試愛上❣️鍾意方叔叔點選食物可選半份/一份👏👏兩個人都可以品嘗到多款食物下面五寶食物 次次必點🙌鰻魚（白鱔）（一份）串鮮蝦一份鮮腐竹（一份）淮山條（一份）甜玉米（半份）食物質素高 環境舒服 絕對可以回頭再回頭的火鍋店😎

現在店舖正在推廣慶祝7周年，有無制限添飲優惠，生啤及四大天王飲品都有，實在太抵了～火鍋湯底選了鴛鴦鍋底，一邊是番茄湯底，味道酸酸的很開胃，而另一邊鍋是羊肉鍋湯底，有好幾件的羊腩，肉質非常鬆軟，沒有羊騷味，超級好吃～鮮拼九宮格拼盤也是同樣推介，有9種超熱門食材，鮮鵝腸、牛柏葉、豬手、手打墨魚滑、手打豬肉貢菜滑、手打番菜牛肉滑、 珊瑚蚌、麻辣牛肉 及 蝦膠釀竹笙，食材都很新鮮，最適合心多多，又想每樣也吃一點的朋友～而鮮龍躉片也是必點菜式，非常新鮮，魚肉肥美彈牙，魚皮更是厚厚的，充滿骨膠原～爆漿糍粑也是超讚的，外層炸得脆卜卜，中層是軟棉棉的糯米團，而最中心的是會爆漿的紅糖，頂上再灑上黃豆粉，美味度超標～

重慶老火鍋真係一個好正嘅選擇，特別係喺寒冷嘅天氣裡。佢嘅特色就係辣嘅湯底同鮮美嘅食材。我最鍾意嘅幾款就係羊肉鍋同嫩牛肉，真係令人回味無窮。首先講下羊肉鍋，佢嘅湯底好香，佢嘅羊肉咬落去，個肉鮮嫩多汁，配埋湯底嘅香味，真係開胃。我特別鍾意同啲蔬菜一齊煮，例如油麥菜，佢嘅口感脆爽，同湯底嘅辣味形成鮮明嘅對比。再嚟講下嫩牛肉，佢係火鍋中另一個必點嘅選項。嫩牛肉切得好薄，入鍋之後好快就變色，咬落去，牛肉鮮嫩多汁，口感好滑嫩。同埋，佢嘅鮮味同湯底嘅香辣味道相互襯托，真係好開胃。另外，我都鍾意同牛板腱一齊煮，佢嘅肉質飽滿，有啲嚼勁，同湯底嘅味道好契合。總括嚟講，重慶老火鍋嘅羊肉鍋同嫩牛肉真係好好食。湯底香濃，令人胃口大開。而且佢嘅食材新鮮，質素好高。如果你鍾意辣同熱騰騰嘅火鍋，真係值得一試！

最近天氣開始轉涼，再次嚟到方叔叔食佢哋招牌嘅重慶火鍋，最近冬天佢哋推出咗新菜式，羊肉鍋同埋鮮拼九宮格，當然要即刻去試試。鴛鴦湯 羊肉湯拼麻辣湯底招牌經典麻辣湯底水準依舊，麻香味十足，雖然幾辣，但係辣得非常過癮。另外新出嘅羊肉湯底，相當清甜，湯底褲有幾件羊肉，非常暖胃。鮮拼九宮格呢個新出嘅鮮拼九宮格最啱兩個人嚟食，每人份量少少可以試到好多唔同嘅嘢食，例如有金錢肚，牛肉丸，蝦滑，墨魚滑等等，每一款都新鮮美味。鰻魚半份新鮮又肥美，脂香感十足，唔會有好多細骨。美國prime牛小排半份牛小排嘅油脂分布相當平均，食落相當鮮嫩。美國牛板腱半份牛板腱嘅油脂相對較少，肉味較濃。水仙烏龍檸檬茶相對較清新，可以解到麻辣鍋嘅辣。洛神花鮮橙特飲洛神花特飲嘅酸味非常開胃，令人食慾大增。

同幾個朋友響尖沙咀夜晚想食火鍋，但係可能時間比較夜可以選擇嘅地方唔多，結果就經過見到呢間方叔叔去試一試。地方環境都幾好。坐低就已經送上每人一碗糖水，味道都幾好。因為有人唔食辣，所以叫咗個鴛鴦鍋底，麻辣鍋底嘅味道好濃郁，真係食到重慶火鍋嘅感覺。今次比較特別，因為朋友唔食牛，所以叫咗羊肉俾佢食，仲有墨魚滑，牛柏葉，鴨血，竹笙，包漿豆腐，黃喉，鵝腸等等。普遍來講所有嘅食物水準都好好，感覺新鮮。最後叫咗個紅糖爆漿粑，呢個都覺得真心好味嘅，朋友直程鍾意食都叫多一碟，整體嚟講水準係高嘅，會再返嚟食過。

最愛「方叔叔重慶老火鍋」的麻辣鍋，味道非常正宗而且辣而不噪，兩個人打邊爐食材仲可以半份點，所以每次都可以食到唔好多唔同款，成日都會心思思想去食，最近入咗冬佢哋推出咗時令新菜式，「羊肉湯」和「鮮拼九宮格」，當然即刻要去朝聖👍🏻🍲▪️鴛鴦羊肉湯拼麻辣鍋🌶️重慶麻辣湯底一貫水準，老重慶味道夠麻夠辣，越食越過癮，每次必點🐏羊羊肉湯非常有驚喜，未打邊爐之前可以先飲一啖湯，鮮香暖胃，而且羊肉鮮味夠腍，湯頭配任何材料，一樣嘅美味🍱▪️鮮拼九宮格真係最啱二人前，每款份量少少，一次過試到舊款精選食材，包括有鮮黃喉、豬肉貢菜滑、鹵金錢肚、珊瑚蚌鹵豬手、香菜牛肉滑、麻辣牛肉絲鮮竹笙手打蝦滑、黑松露墨魚滑，每款新鮮有驚喜😋另外重點左以下基本上每次都係必食推介👍🏻▪️美國Prime牛小排（半份）▪️淮山條(半份）▪️大刀筍片（半份）▪️油條(半份）▪️油麥菜（半份）▪️鮮龍躉片（半份）▪️十秒牛舌（半份）▪️蟹柳（半份）▪️手打四寶丸（半份）▪️黑豚腩肉(半份）▪️大刀豬腰片(半份）▪️日本七寶札幌生啤

再次到訪方叔叔重慶火鍋店🤤 佢哋嘅麻辣湯底真的很正宗😘 令人吃得過癮 食得辣嘅朋友更可挑戰佢哋嘅九宮格重慶麻辣鍋🌶 我們點選了鴛鴦湯底: 花膠雞湯和重慶麻辣鍋🤤 兩款湯底都很出色和充料😍 花膠很養生滋補 每啖都充滿鮮味😚食材方面 選擇也很多🥰 而且擺盤很精美 打卡一流👍🏻 肉類方面 黑豚肉肉質很鮮美🐽 安格斯牛板翼很重牛味 色澤粉嫩 油脂在口中慢慢散發😋 還有羊肉卷 吃起來細嫩無比🐏 很推介它們的海鮮和小郡肝串串🍢 美國桶蠔好似手掌咁大隻✋淥熟後也不會縮太細 口感很實在 鮮味十足😘 而北寄貝爽口彈牙 味道甘甜肥厚🙈 小郡肝串串 採用串串香的方法✨ 麻辣鮮香的 很惹味😬 鮮鵝腸入口爽脆 值得一試*´▽`*打邊爐當然唔少得啤酒🍻 現在進行7週年添飲優惠‼️ 四大天王特飲和Sapporo 生啤 都可享有無限添飲優惠🍹真係好抵啊 洛神花鮮橙特飲很清新解膩🍊仲要超大杯 喜歡食辣嘅朋友 一定要嚟試吓👐🏻

趁住仲有7周年優惠同朋友再去多次！今次同朋友點咗水仙烏龍檸檬茶，濃濃嘅茶味令人特別醒神鍾意飲啤酒嘅朋友就啱哂！**********鴛鴦麻辣鍋🍲重慶辣🌶️+養生花膠雞鍋🐔（+$20/位）今次都係揀番呢2個湯底，花膠雞真係好滋補，啱晒宜家涼涼地嘅天氣**********肉類🥩安格斯牛板翼（$98/半份）相比牛板腱，牛板翼較肥，肉質較腍-美國牛板腱（$98/半份）牛板腱較瘦，牛味重啲**********大力豬腰片🐷（$49/半份）將豬腰切到薄薄一片，淥10秒就食得！超級彈牙**********鴨血🪿（$48/半份）有麻辣湯底梗係要叫鴨血啦🌶️！鴨血本身冇咩味，等佢慢慢吸麻辣湯，又滑又辣，好惹味**********胡瓜絲（$38）將胡瓜刨到一絲絲，放係雞湯度淥，非常清甜👍🏻**********手打四寶丸（半份/$58）分別有蟹籽蝦丸🦐、墨魚丸🦑、牛肉丸🐮同豬肉丸🐷幾款都係手打丸，特別彈牙**********千絲柏葉（半份/$38）爽口好索汁

經過地鐵站見方叔叔7週年有優惠又好耐冇去打邊爐所以即晚就去😆星期五7點冇Booking直接walk in都有位✨餐前會有碗糖水浪下胃仲要發現湯底仲要係0蚊超掋💗即刻叫多兩個菜😘——————湯底夠香又夠濃肉類菜類都好新鮮🥬🥩重點係小蘇肉又啱啱炸起好香好脆仲要有小小花椒味😆內臟亦都清理得好乾淨冇咩異味怕食內臟嘅我都有試下😈飲品方面依家仲有優惠買一杯就再以無限添飲😇怕辣嘅人終於可以無限飲野，唔使就住就住🥹

天氣涼涼地自不然會諗起打邊爐，平時多數都係食港式、四川或者台式火鍋，重慶火鍋都係第一次，估唔到佢嘅食材夠晒特別、別有一番風味🤩一坐低職員就比一碗紅棗雪耳糖水客人潤一潤喉，味道又唔錯喎❤️ 唔算食得太辣嘅我唔夠膽挑戰麻辣九宮格，所以叫咗鴛鴦火鍋，普通麻辣 $76 +養生花膠雞鍋（加20/位），麻辣湯底麻味適中，辣味都頗勁，花膠雞湯真材實料，雞件嫩滑，花膠都幾大塊，仲有杞子，蟲草花，味道鮮甜，記得飲咗湯先好打邊爐呀😋醬料（$20/位），比起台式火鍋簡單好多，重點係香油，加蒜蓉少少醬油同蔥粒，可以減低辣度同埋提升食材香味👍🏻嫩牛肉(半份）$48必食推介，味道濃郁，好腍，滑捋捋 ，口感一流😍美國Prime牛小排(半份）$138雪花分佈平均，肉質鮮嫩👍🏻藤椒牛舌(一份) $108第一次食咁薄身嘅牛舌都覺得咁好味，口感特別爽彈，超愛😍安格斯牛板翼（半份）$98肉質嫩滑，有嚼勁👍🏻美國桶蠔（半份）$98必食推介，Size 巨大，淥完之後依然脹卜卜好飽滿，非常鮮甜，一啲都唔腥，啖啖肉好正😋珊瑚蚌（半份）$68好新鮮，口感爽脆又彈牙👍🏻小郡肝串串（一份）$48重口味之選，其實佢係醃咗嘅雞腎，肉質彈牙有口感

又黎方叔叔打邊爐啦！適逢佢地七週年，出左好多優惠同埋唔少新既菜品，我以我地都試左好多新野！首先講講麻辣鍋底。當個麻辣鍋上爐時，即刻聞到一陣辣椒香味。湯底香辣濃郁，辣味夠味夠勁，真係叫人上癮，完全令人忍唔到手。至於花膠雞湯底，就更加突出！湯底清潤鮮甜，有雞湯嘅鮮味，加上花膠嘅彈牙口感，好正。同麻辣湯底唔同，佢比人一種好唔同嘅享受，好滋味而且滋潤。食材方面，我地今次試左限定既小水母同鱔片。小水母係原隻咁上，個大細都相差幾大，小水母姐係小海蜇，口感清脆爽口，放落湯到會好似花咁綻放，而且會吸哂啲辣油，食得好過癮。而白鱔片超級新鮮，放入鍋中輕輕咁焯一下已經好快熟。撈起黎發現，口感爽彈，味道鮮甜唔腥。最正既係7週年做緊個優惠，只要叫四大天王或者生啤，都係限添飲！佢地既四大天王本身已經超級大杯，仲可以無限添飲真係超正，連生啤都可以添飲，啱晒一班酒鬼朋友！

最近天氣開始轉涼，又係時候去食下麻辣火鍋，之前食過一次方叔叔既九宮格覺得都唔錯，今次再去試下佢其他野。午市二人火鍋套餐 $398雙拼鴛鴦鍋湯底係兩款分別係養生花膠雞湯底同麻辣湯底，雞湯既味道濃郁但唔油膩，而麻辣湯底十分香口，唔算十分之辣，好適合香港人既口味。美國牛板腱牛板腱相對有d厚度，咬落比較有口感，肉質彈牙，肉味十足，兩邊湯底都十分適合。鮮鴨血鴨血既口感細嫩，富有彈性，味道唔會有腥味。手打蝦滑蝦滑十分足料，咬落仲有一粒粒既蝦粒，爽口彈牙。珊瑚蚌珊瑚蚌既質感爽脆彈牙，嚼勁十足，味道鮮甜。稻田毛肚毛肚即係我地食開既牛柏葉，想保留口感既話就唔好煮太耐十秒就可以，十分有口感。萵筍條萵筍十分吸味，吸哂湯底既精華，放落麻辣湯就岩哂。武隆苕粉苕粉煮好後晶瑩剔透，煙韌性強，口感十分特別。紅糖爆漿糍粑用紅糖做夾心，外層口感酥脆軟糯，味道非常濃郁。鵝腸 $68鵝腸口感Q彈，帶有咬口，加埋麻辣味真係非常過癮。沙白 $88沙白洗得好乾淨，唔會有泥味同沙，食落鮮甜爆汁。七寶札幌生啤 $38而家店內只要買一杯四大天王特飲或七寶札幌生啤就可以無限添飲，非常抵飲，啤酒配麻辣真係相當之夾。