日作食堂

營業中

休息中

環境舒服，燈光柔和，乾淨企理，適合同朋友聚會見面，食物味道好味，去過2次都係食牛小扒套餐，另外炸豬扒set都好味，好大件，夠哂飽肚，地點都方便，係地鐵站附近，會再encore既餐廳

呢間餐廳主打懷舊日式風，而且座位都好舒適亦都好適合打卡！溫泉玉子伴燒M5和牛前胸肉丼（椰菜絲•靈芝菇 •洋蔥絲）這道丼飯以溫泉玉子和M5等級的和牛前胸肉為主要食材。溫泉玉子軟嫩。M5和牛前胸肉則具有極高的肉質品質，肉質鮮嫩多汁，帶有濃郁的牛肉香味!丼飯還加入了椰菜絲、靈芝菇和洋蔥絲等配菜。椰菜絲提供了清爽的口感，靈芝菇則帶來了香氣和口感上的層次感，而洋蔥絲則增添了微辣的風味。這些配菜與溫泉玉子和和牛前胸肉相互融合，口感豐富!鰻魚山藥燒配醬油心蛋帆立貝湯烏冬*蘭王蛋選用*是另一道美味的料理。這道料理結合了鰻魚、山藥燒油啲似大阪燒和烏冬麵等食材。鰻魚以燒烤的方式處理，使其肉質鮮嫩多汁，並散發出獨特的香氣。在湯烏冬方面，配以帆立貝湯作為湯底，帆立貝帶來了海鮮的鮮味和豐富的風味層次。而醬油心蛋則為湯烏冬增添了豐富的口感和濃郁的醬油風味。蘭王蛋的選用則使得整道料理更加精緻！最正係濃郁的蛋香。

今日經過呢個餐廳，就比佢個裝修吸引左! 一入到去都覺得好靚，有種以前日本的懷舊風，而且仲有班房既設計，位置都坐得好舒適。原來呢到主要都係食定食~鰻魚山藥燒配醬油溏心蛋帆立貝湯烏冬出到黎個外觀同平時見到既大版燒係一樣咁! 不過呢款口味就第一次食，鰻魚唔會腥，中間食落比較多菜，山藥，感覺比較健康，呢個配搭都幾好 ! 湯烏冬個湯底好清甜，烏冬好彈牙。前菜方面，係有牛蒡絲同埋枝豆。連面豉湯都好有誠意，一黎唔會過咸，而且仲有蜆肉架。和風厚切吉列豚肉眼扒定食見親定食都會覺得好豐富，吉列豚肉眼扒表皮好脆酥，再配埋酸酸甜甜既炸豬扒醬，食落好開胃又解膩。咬落啖啖肉，好豐富。野飲叫左柚子汽水，係支裝個款，好好飲。焦糖雞蛋布甸同埋朱古力蛋糕好岩打卡，擺埋一齊好靚呀。而且味道仲好唔錯，布甸真係好重蛋香味，而且整到好滑嘟嘟。

觀塘文青日系cafe 🌿估唔到工廠大廈地下會有間咁靚嘅日系cafe🌱裝修以木系為主 仲加左唔少綠色植物擺設🪴係我近期去過最鍾意嘅日系cafe 😍另外仲有D餐檯用左課室枱櫈 🪑中間放左鞍馬 好似個校園咁 好多打卡位📸每款定食都配左薯仔沙律、麵豉湯、漬物同日式玉露茶 🍵或者加錢升級其他特飲🍱 溫泉玉子伴燒M5和牛前胸肉丼定食個飯幾大碗 上面有椰菜絲、洋蔥絲、靈芝菇M5和牛有7-8塊 好足料😆油脂感重 好軟腍😋再撈埋溫泉蛋一齊食 正😍🍱 咖哩安格斯牛肉旋風蛋飯定食賣相幾吸引 味道正常發揮😙如果個旋風蛋滑啲會更好😛-✨ 溫泉玉子伴燒M5和牛前胸肉丼定食 ($238)✨ 咖哩安格斯牛肉旋風蛋飯定食 ($168)+10% service charge-📍 日作 𝐻𝑖𝑏𝑖 觀塘鴻圖道鴻運工廠大廈地下

今日咁岩去觀塘區～就同fd去試間bookmark左好耐既日作食堂🎏🇯🇵 觀塘工廈一向出名美食多, 呢間餐廳裝潢好有日系｜昭和｜復古🎏風既餐廳, 影相打卡一流～ 見到個個都叫個豬扒定食～我都叫和風厚切吉列豚肉眼扒定食試下😍定食本身都包左味噌蜆湯、前菜海蜇、薯仔🥔粒沙律 口感豐富 另外我再加左神戶橙汁🍊🥤定食🐖豬扒大大塊炸得啱啱好，入口外層係酥脆唔係硬脆，肉質都唔會太肥但keep到有肉汁，豬肉夠厚身真係啖啖肉，配埋酸酸甜甜嘅醬汁又清新啲🌿旁邊附上椰菜，食落去新鮮爽脆，既中和了豬扒膩感，更助消消熱氣～Fd叫左西京燒比目魚定食比目魚的肉質細緻、多汁，西京漬後，甜甜鹹鹹的味道加上比目魚排本身一片一片入口即化的口感，超級美味，伴飯或下酒一流🍺🤤另外仲叫左d串燒🍢✨鹽燒雞胸軟骨 平時我去居酒屋都必叫！呢度串燒香脆又有嚼勁, 調味鹹度適中🤤仲有 岩鹽燒雞腿肉✨🍢雞腿肉嫩滑味道平衡得好好 清新不膩 當然仲叫左燒粟米🌽爽甜好食最後唔少得甜品🍮😍女仔係有第二個胃！叫左焦糖雞蛋布丁🍮｜蘋果肉桂卷蛋 🍰 好精緻 忍唔住全部食晒👅 到依家到仲心心念念個布甸🥹🥹

又一間靚靚日式定食Cafe門面好文青日系，入面非常有空間感，以懷舊校園風為題，簡約又令人回味設有定食套餐、串燒、甜品套餐跟配麵豉湯、兩款漬物同日本熱茶🤩麵豉湯好足料，除咗常見嘅豆腐、海帶、蘿蔔之外，仲有兩粒蜆肉，味道啱啱好一款漬物係醃蘿蔔竹筍絲，酸酸甜甜幾開胃另一款係金菇茄子，茄子煮到淋淋爛爛🍆 兩款都好食❣️▶️ 西京燒比目魚定食 ($168)一大條西京燒比目魚切半，幾厚肉比目魚肉質鮮嫩，入口即化而唔鬆散，最正係完全無骨👍🏻帶有少少魚油香味西京燒白味噌調味唔錯，另外可以自行加檸檬汁、蘿蔔蓉同姜白飯飯質本身一般🍚唔係飽滿嘅珍珠米口感，面頭加上少許飯素調味自己另外加咗一隻溫泉蛋 (+$15)，溫泉蛋超級流心，望住蛋黃汁流入白飯好治癒🤤如果可以加少少豉油會更好▶️ 鰻魚山藥燒配醬油糖心蛋帆立貝湯烏冬 ($148)鰻魚山藥燒樣貌似大阪燒，只係唔係用麵粉而係用山藥 (即係淮山)質感唔錯，冇咁實身，底漿混入椰菜，咬落爽脆本身大阪燒味道較淡，食唔出山藥味足有少少蛋味，好靠鰻魚汁鰻魚肉質黏黏地，意外地同大阪燒夾面頭放上紫菜碎、木魚碎、適量沙律醬，更似典型大阪燒風味👅旁邊有碗迷你湯烏冬，烏冬粗身煙靭，配有一

本身以為我夠早食飯 入黎應該冇咩人， 點知餐廳多人到就快坐滿講開又講，雖然係間餐廳，但係佢d 裝修真係日式得黎好搞鬼體育堂黑板😂😂😂 回到當年～面壁自修位😂係青春呀我同朋友一人叫左一set dinner麵豉湯唔會好鹹，入面仲有豆腐粒同蜆！無沙的，好味我個鰻魚好好食。下面個大板燒調味好好，唔會太重口味👍🏼 椰菜仲保留到脆脆嘅口感，但面糊又唔會唔熟個個糖心蛋更加係必食。其實佢個薯仔沙律都味道都好清新，隔離嘅應該係牛蒡條，醃製過，好開胃。朋友嘅溫泉蛋牛肉丼份量真係勁多，啲牛肉堆到滿晒。而且我已經見佢密密食，但係都仲係仲有好多牛肉，誇張😂本身都有得跟嘢飲，我哋揀咗日本熱茶同埋凍茶。本身落單嗰陣都驚會唔會唔夠食，點知食完之後好飽

日作食堂位於觀塘，這是一家讓人難以忘懷的日式日本料理餐廳。從裝修到菜式，每個細節都展現出日本的風情。走進日作食堂，我立刻被它簡約而雅致的裝修所吸引。牆上掛著傳統的日本風景畫，搭配著木製的桌椅和柔和的燈光，整個空間彷彿帶領我走進遠方的東京小店。我選擇了他們招牌的海鮮野菜天婦羅丼套餐。這道套餐包括了大蝦、北海道帶子和日本南瓜等海鮮椰菜天婦羅。天婦羅的外酥內軟，每一口都散發出海鮮的鮮美。椰菜的清爽口感和南瓜的甜味完美融合，讓這道菜更加豐富多層次。另一道菜是溫泉玉子伴燒M5和牛胸肉丼套餐。這道丼飯的特色在於溫泉玉子和M5和牛胸肉。溫泉玉子的蛋白質豐富，綿密的口感令人愛不釋手。而M5和牛胸肉則帶來濃鬱的肉香，與椰菜絲、洋蔥絲和靈芝菇的搭配相得益彰，讓這道丼飯充滿了豐富的口感和風味。兩款套餐都搭配日本珍珠米和麵豉湯，這使得整餐更加地道和完整。日本珍珠米的粒粒分明，口感Q彈，帶來了微妙的甜味和香氣，與菜式完美搭配。而麵豉湯則是一道清爽開胃的湯品，麵豉的香味與湯的鮮美相互交融，讓人回味無窮。兩款套餐都搭配日本珍珠米和麵豉湯，這使得整餐更加地道和完整。日本珍珠米的粒粒分明，口感Q彈，帶來了微妙的甜味和

行向觀塘海濱呢段路發現一間好有日式風格嘅餐廳叫做日作🎐門面設計十足日本小店食堂忍唔住要試一試😋店內充滿突顯日本校園氣氛嘅佈置有學校木櫈 有量高嘅尺仲有個跳馬！！🤣(唔記得咗影)即刻感覺好青春🥹🥹前菜有海蜇同枝豆少少意見係枝豆可以加返些少鹽吊一吊味不過唔加就適合返唔同人口味😉就咁睇好似係普通味噌湯但原來都幾足料咖😝仲有蜆，仲要2隻🤣幾surprise！！秘製醬油厚燒牛舌丼 $148秘製醬同個飯好夾！而且牛舌嘅份量都好夠一個飯已有成10片厚切😝咬口算鬆軟唔會韌！唔錯👍🏻溫泉玉子伴燒M5和牛前胸肉丼 $236牛胸肉大塊稍有油香燒到少少紅咬口啱啱好呀😋配料好多醬汁又夠每啖都有汁配搭好豐富☺️嚟得日式食堂緊係飲杯日式凍茶match返☺️甘甘甜甜都幾好飲🍵

10月初日本福岡自駕遊旅行回港，一直忙著煩惱著重要事項。直至今晚，事情總算暫時告一段落……今晚心情放開了，可以吃個豐富及滿意的晚餐……推介……在食堂裡坐著聊天著……感覺置身於日本飯店一樣，感覺很舒服又自在。回頭指數達85％……😜😎😋😋枱與座位保持了一點距離，店內寬敞，沒有壓迫感，有日本的裝飾、枱椅……掛牆裝飾好似置身在日本學校中……置身在日本一樣。#日式西京燒比目魚定食 ：跟朋友們聚餐時，總有人問紅色一絲絲是什麼? 今次日本福岡旅遊讓我找到答案：原來是紅辣椒曬乾後切幼絲又名「唐辛子」……有調味暖胃作用。目比魚香煎厚魚肉，吃著……伴上日本珍珠米，很滿意…………真真正正的日作飯堂……日式晚餐……愛上日式飲食文化#溫泉玉子伴燒M5和牛前胸肉丼（椰菜絲·靈芝菇·洋蔥絲）：廚師要記一功， M5和牛煎的香滑又腍，每塊都沾上醬汁，我們異口同聲說，超好味道😋🤣😋……推介……吃完令人回味無窮！#溫泉玉子伴燒M5和牛前胸肉丼（椰菜絲·靈芝菇·洋蔥絲）：日本 set稱上是『體貼又窩心』…在日本飲食文化@@……用上日本珍珠米，麵豉湯，兩款漬物（今晚有，香草蕃茄青瓜大蝦仁及牛蒡絲）兩款我都很喜歡，被和牛吸引咁著

觀塘工廠區仍然有很多舊式工廠大廈，雖然樓上很多單位已經轉型成為餐廳、凍肉店、傢俬舖或者其他零售商店，但仍然遺留原本用作工廠大廈飯堂的大型地舖或一樓單位。時至今日，這些舖位已經全部轉型為茶餐廳或者私房菜。由於工廠大廈的大廈公契等等條件所限，這些餐廳仍然標明《只准許工廠大廈員工用膳》。究竟是否真的有限制？今日行過開源道，無意見到一間新開張的餐廳【日作食堂】。門面裝修風格突出，有別於同街上的其他茶餐廳；差點以為去了日本。如果單看照片，真的同日本寧靜民居的小餐館沒有大分別。室內裝修以簡約悠閑及校園課室為主題，部份椅凳甚至乎直接採用中小學課室的木椅。除了枱凳模仿放中學課室環境，老闆甚至在餐廳正中央放了一早「跳 over 木箱」！相信老闆是懷舊日本迷，年紀有返咁上下。室內一角放置很多款式模仿上世紀六七十年代的實木木櫃，加上半懷舊課室環境，原本已經很有氣氛。再加上木櫃內及櫃頂擺放了很多日本昭和時代的物件，甚至有一些1970～80年代的日本雜誌 ⋯⋯ 封面明星及主題正是當年大紅的松田聖子、松本零士動畫《銀河鐵道999》。只有一頁餐牌，全部都係定食。款式相對簡單，似一間日本城市內民居附近的街坊食堂。每套

平時經過開觀塘都會見到呢間日式餐廳 今日放工後終於可以試試佢喇😜入到去餐廳 覺得好似一秒去左中學咁樣🏫啲枱枱椅椅好可愛 😍根本是中學寫照咁 而另一邊就好有日本懷舊嘅味道 到到都是打卡位 😝 好特別我地分別叫左2款定食 定食都包左麵豉湯 +2款漬物（是日漬物係 薯仔雞蛋+ 牛蒡）+茶 第一道定食是 海鮮野菜天婦羅丼 😝 天婦羅🍤炸得好脆身 同埋款式也不少 包括左南瓜 🎃 帶子 蝦🦐 跟茄子 🍆個炸粉不算好厚 且蝦幾厚肉 而帶子也很大粒！沾埋醬汁真是一流 而且飯上面仲有啲飯素 更加開胃 🤤引人入勝😝至於第二道定食則是 溫泉玉子伴燒M5和牛前胸肉井(當中仲包埋 椰菜絲 +靈芝菇 +洋蔥絲）M5和牛份量都幾多 果然係M5和牛 牛味特別重😝仲帶有啲啲甜味呢 撈埋溫泉玉子既蛋漿一齊食 真係高級享受喔😗啲茶仲可以任添 環境又可以打於影靚相 食物又不錯同埋飽肚 又發現觀塘好去處😜

約左朋友girl talk 想搵間舒服啲地方食餐晚飯無意中就發掘左呢間食日式定食嘅餐廳💕晚飯時間都唔少人但環境都幾舒服滿滿嘅和式感覺～我叫左個西京燒比目魚定食定食包含麵豉湯、枝豆、酸梅同埋一杯飲品比目魚有三塊完全冇骨魚肉都好滑好夠味！💕送飯一流🥹本身諗：得三舊魚會唔會唔夠送飯但點知又岩岩好！雖然我都知日本菜都偏少蔬菜但如果有一少碟沙律菜/菠菜之類就更perfect!朋友叫嘅係日作極上丼入面有帶子、赤蝦、蟹籽、拖羅、油甘魚、吞拿魚蓉🤩望落勁吸引同埋好新鮮如果唔係晏奏食左魚生飯我都會叫🥹🥹同埋冇諗過咁足料！💓二百蚊～我覺得又幾抵食喎！不過配菜都一樣都係枝豆酸梅麵豉湯～我諗定食就固定配呢啲小菜～不過佢呢度都唔只得定食但我覺得佢嘅定食好高質～有家嘅感覺同埋鋪頭勁和風，真係會有個錯覺去左日本嘅家庭式小店💓下次要再去食過☺️

觀塘咖啡店都唔少，有好多唔同嘅小店，都幾有特色，而且裝修都比較特別。今次嚟到呢一間喺以日本懷舊同埋中學校園風做主題。我哋叫咗兩個定食咗晚餐。西京燒比目魚定食 HKD 168 + 熱咖啡 (加HKD 8) - 食落幾嫩，係juicy 既，有一啲麻油味，未到話鮮既味道，不過配上檸檬汁都ok我反而好欣賞個配菜，日本南瓜好甜，煮到好軟熟，好好味！麵豉湯入邊有蜆肉，好有誠意！漬物味道都好岩我口味！咖啡味道，正常發揮。海鮮野菜天婦羅丼 (大蝦、日本南瓜、茄子、北海道帶子) HKD 168 + 熱日式玉露茶 - 天婦羅炸得唔錯幾香脆，帶子同蝦都大大隻，另外茄子同南瓜食落都新鮮美味。亦都配上日本南瓜、麵豉湯、漬物嘅配菜。整體來講服務都幾好，而且環境特別適合打卡，坐得舒服，都幾啱幾個朋友一齊享受吓美食，傾吓偈！

🧁食物質素：😍😍😍😍📸打卡指數：😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍😍地址: 觀塘鴻圖道63-65號鴻運工業大廈地下A號舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹呢間係我午餐既飯堂🤣平日既lunch time 都係full house反而晚餐時段少啲人佢哋係出名食日式定食🍱裝修係木系懷舊昭和學校風🏫佢哋嘅Menu係會不定期轉其實我已經試過佢哋好多唔同嘅set熟食大部分都好高質🤪暫時試咗六七款都冇乜伏除咗魚生飯/抹茶卷蛋/玉子燒之外大家自己留意唔好嗌錯😝👆🏼可以參考下我今次叫咗啲咩經過觀塘唔知食乜好嘅你哋可以有個選擇🫰🏻🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹和風厚切吉列北海道豚肉眼扒定食 $158 Rating:8/10。係啖啖肉嘅厚切豬扒🐖。食落有淡淡既油香好滿足自家製味噌慢煮和牛面頰定食 $168 Rating: 7/10。和牛面頰炆得好腍。份量都幾多。食落好惹味好送飯明太子蔥花玉子燒 $68 Rating: 6/10。覺得冇乜特別😮‍💨。如果可以滑少少會好啲。食落太厚實。明太子醬唔夠多🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹